手作功夫茶 (長沙灣道) (已結業)

手搖飲品店開到一地都係。尤其是解除口罩令後，大家可以繼續痛快地掃街時至炎夏，一杯冰凍的手搖飲品更是日常生活中必不可少的一部分。手作功夫店提供了各種各樣的飲品，從傳統的奶茶、珍珠奶茶到新穎的水果茶、芝芝等等。當中，我最推薦的就是他們的主打「38奶霸」，價格低廉，$30以下就有一杯。一杯飲品就能享有他們的珍珠、蒟蒻和仙草幾款配料，非常好吃。珍珠Q彈有嚼勁，蒟蒻柔軟爽口，仙草清香可口，都是品嘗手搖飲品的必備配料。配上茶香和奶香，味道更是讓人回味無窮。不過，由於添加的配料繁多，為了健康着想，我會選半糖，甚至無糖，飲得心安理得，也不會過於甜。

第一次飲呢間功夫茶，叫左個台灣四季春青茶，第一下睇重以為係叫青春茶😂飲呢類野飲一定要少糖，唔係一定會糖尿🤣我就叫左個微蜜（即微糖）少冰，甜度岩岩好。前一刻食緊辣野，下一刻有凍既茶飲超正！而且每次我都會加埋蒟蒻，貪可以一路飲一路咬下野，咁杯野就可以飲得內d🤣而且價錢其實唔算貴，出面而家一杯都要3,40蚊，呢度30蚊有找係算唔錯🥰🥰其實佢仲有好多款其他嘢飲，見到珍珠奶茶其實好想知，不過食得太飽食唔落珍珠，下次一定要試一次

本人於11月3日，下午4:50分於李鄭屋分店購買三杯台式飲品，當中包括愛玉檸檬鐵觀音、波霸鮮奶、奶蓋鐵觀音。下單的時候，深感該位長頭髮，頭髮帶啡色的店員態度十分無禮。我在下單第三杯的飲品時候，對話如下。店員：「要什麼奶蓋？」我：「芝士奶蓋。」店員：「波霸鮮奶沒有奶蓋的。」（呼喝態度，眼神不屑）我：「第三杯飲品，奶蓋鐵觀音」（一臉迷惘，其實已經下單第三杯了，他聽不清楚，還這樣的態度。）在我前一個的客人是一位老婆婆，他都已經被這位小姐姐教訓了。雖然客人買的是20多元的飲品，但是需要用這種態度對待人嗎？跟他的同事反映，卻敷衍了事一句「哦」，連道歉也沒有！在等候飲品的過程中，這位小姐姐更大力拋擲收據，刻意發出一些聲響，希望你們總公司反映給分店聽。

呢間台灣茶飲連鎖店，大多數都係喺屋邨裡，而呢間就喺繁忙的大街中。一般人會叫珍珠奶茶或者奶蓋飲品，而我呢，就係一個唔太鍾意飲奶茶嘅舊同事推介我嚟飲佢哋嘅水果茶和柚香晶球綠茶，咁就試吓啦。柚香晶球綠茶 (HK$30)．叫咗微甜．飲到柚子的酸酸甜甜的味道和綠茶的清清茶香．晶球，其實係寒天煮到晶瑩剔透，煙韌口感，幾好咬口㗎，不過我個人覺得甜一點

突然想飲珍珠奶茶，試下手作功夫茶先，叫左杯鐵觀音珍珠奶茶，揀微蜜，對我嚟講都仲係唔算甜，珍珠仲甜 ， 好味唔硬微蜜，唔知係咪用蜜糖？飲落都幾舒服，鐵觀音茶底唔算好濃，淡淡的，茶味唔夠 ，所以整體感覺有啲淡，都可以嘅，下次再試其他味。

黑糖波霸鮮奶🧋今日天氣太熱喇🥵 朋友揸揸吓車話口渴要搵個地方買野飲，見到手作功夫茶🧋就喺同一條街即刻落車睇吓有咩飲😋 呢到都好多選擇，有芝士玫瑰鹽系列🌹純茶系列🍵鮮純水果茶系列🍏🍎🍊🥭黑糖波霸系列🫘拿鐵系列☕️厚奶茶系列🥛 每個系列仲有十幾杯揀🙈 最後揀咗杯黑糖波霸鮮奶🥛因為呢杯係固定甜度冇得減，所以揀番正常冰度同埋同店員講咗黑糖珍珠減一半份量😅咁就包保唔會過甜😌 一拎上就影完相就大力搖勻啲珠同黑糖先，因為佢哋沉晒底，呢杯整得好好似，所有野都balance👍🏻👍🏻👍🏻👍🏻👍🏻👍🏻唯一需要改善係真係等咗好耐先整好😑

芝士奶蓋四季青 $27芝士奶蓋味道濃郁，質地偏濃稠，如果可以再鹹少少就更好！青茶好清爽，有陣清香味，揀咗3分糖但比想像中甜，下次可以試無糖，因為青茶味比較清淡，唔會苦澀！ 另外值得一讚嘅係個奶蓋都keep到10 零分鐘先開始散開慢慢向下沉！

今次清一色叫咗5杯一樣嘅飲品鐵觀音奶茶 -25叫咗微蜜不過對我嚟講都仲係有啲甜可能因為平時飲奶茶嘅時候係完全唔落糖的🤣個甜唔係平時個種甜佢叫微蜜，我諗可能係用蜜糖？飲落都幾舒服鐵觀音茶底唔算好濃所以整體感覺有啲淡不過奶茶飲落都幾滑

飲過兩次呢間既飲品今次飲波霸觀音鮮奶（少冰/半蜜）平時一般都唔鐘意飲純鮮奶 鐘意飲d 多d茶味既飲野呢杯觀音鮮奶都有茶味不會太甜 珍珠不會太硬或太軟不過個人喜好 茶味更濃但總括黎講唔錯

我成日都會叫呢兩款飲架！一嚟價錢合理，二嚟份量外，三係好飲呀😋😋😋😋- 手作冬瓜茶+寒天晶球 (少冰，糖固定)冬瓜茶會比其他款甜嘅，但有時再令自己開心下，我就會食啲甜嘢，覺得會開心啲😆😆😆 另外，佢嘅寒天晶球彈牙，比珍珠仲彈，似啫喱，晶球本身冇乜味道，所以唔會影響到杯野飲本身嘅味推🙌🏻- 鐵觀音拿鐵 + 黑糖珍珠 (無糖，少冰)鐵觀音拿鐵同鐵觀音奶茶嘅分別係：前者用鮮奶；後者：用奶粉。所以前者一嚟價錢會貴啲，但口感飲落會順滑啲。呢杯嘅鐵觀音味道出，唔會得奶味。由於我個加黑糖珍珠，啲珍珠本身已經用黑糖煮過，所以加埋落去無糖嘅拿鐵度，甜味岩岩好，有少少黑糖甜味，又唔會蓋過鐵觀音嘅茶味。好飲！😋😋推🙌🏻

問店員囉膠袋，竟然話公司話要收0.5，問題係上次買嘅時候都無收過。竟然買凍野飲要收？奇聞。個四眼妹收銀都幾串，同佢講上次都無收我膠袋錢，竟然好串答我咁你係咪俾番上次個膠袋錢？邊有人咁同客講野？好明顯同公司倒米啦。我同朋友屋企人都已經番轉頭買你地啲野飲不下百次。只覺得如果係一個打工仔對公司不滿發脾氣去客人身上係極到stupid.如果不想打份工味吾好撈囉吾洗咁嘅。當然我最後都串番佢一句你吾好咁串呀咁，當我好欺負？！咩料？！服務性行業加上飲食業加上疫情經濟低迷下你仲夠膽咁同公司倒米？無野呀嗎你，請手作功夫茶查明事件。我一定會投訴去你地總公司。有照片我講得出係邊個員工但我吾想係呢到發出來啦，已經算好俾面了。另外尋晚杯mocha latte講左要熱嘅你地俾左杯凍嘅我都無叫你換番俾我啦。個客問點解上次無收膠袋錢今次收係好正常。今時今日咁嘅服務態度已經吾work.Too bad.

手搖都係嗰啲配料但佢差唔多有齊哂 仲要極多matching🤣選擇困難嘅人表示很痛苦haha。。。🦔👉波霸觀音鮮奶(中杯) $34口渴嘅我醒唔起波霸手搖係無大size😢望住frd子杯高我唔止一寸嘅奶茶我有少不忿🤡不過咁樣顯得呢杯波霸份量唔少啦 仲要真係超軟糯Q彈🥰咬落口感好好 但但但奉勸大家唔好好似我咁叫走甜 雖然波霸本身有黑糖調味 但就係鮮奶底走甜得太徹底 無乜味 相比下波霸嘅甜就over了 成個味道唔太平衡wuuu 寶寶心裡苦但寶寶不說。。。🦔👉鐵觀音珍珠奶茶 $25朋友呢杯明明同樣叫咗走甜 但珍珠同奶茶嘅甜味配合得好好 起碼飲落無我咁hard feeling🥺珍珠相比下都無上者波霸咁蜜 個奶茶底都仲飲得出鐵觀音味 整體口感不錯的🤡只想說在這健康少甜的年代 大家要謹慎作出選擇Wahaha

行過突然想飲番杯奶茶，就係你啦38奶霸，有齊珍珠，蒟蒻，仙草，每次都可以飲到唔同既配料，正。最鍾意手作功夫既奶茶底，茶味唔會太濃，奶味和茶味一半一半，價錢以奶茶來都算平靚正。

都飲過幾錢 算係平價得來都唔錯嘅選擇！🧋38奶霸第一次飲呢款😝我以為係三個配料珍珠/仙草/啫喱入面揀一款🥲原來有齊三款🤓正啊！叫少甜啱啱好！珍珠都幾甜攪勻左再飲就啱啱好😉 每啖都有好多配料所以都好易飽🤪味道正常奶味比較重但就唔係好飲到茶味🥲抵飲味道又唔差😆下次可以試下其他😋🧋🧋

呢間百香果QQ列入咗小編最喜愛茶飲既頭5位😍size又大杯，而且又有椰果， 雖然唔太喜歡入面嘅百香果籽，個人認為冇會比較好🤣呢個價錢飲到咁大杯係物超所值👍👍