手作餃子專門店 (荔枝角道) (已結業)

因為其餘兩間一間星期日冇開，一間排長隴，所以試下呢間，食完先知原來餃子都可以整得咁難食😥😓嗌左京蔥羊肉、冬陰功、粟米香菇京蔥羊肉：餡料好鬆散，唔知點解食落好粉，好似溝左好多生粉咁，滑潺潺，小小羊肉味，有京蔥香。冬陰功：咸咸酸酸辣辣咁粟米香菇：啲餡食落有啲酸臭😓個味十足十梅菜肉餅味😂餃子皮嘅邊位硬嘅，似係未煮透咁😓湯：算正常，但第一次食湯餃係咁多湯渣😂好唔衞生👎🏻👎🏻👎🏻個阿姐收完錢執完枱就包餃子😓呢間食過附近三間入面最難食，間鋪都有陣酸臭味😓張枱都黐立立😓

其實太子有好多間水餃店, 1條街可以有2至3間水餃店, 隔1條街又有幾間, 但係最好食既都係呢間, 呢度既湯餃真係無得彈, 佢既湯底係花膠豬骨湯, 足料之餘, 又唔覺有味精, 每次我都飲晒D湯, 屋企少煲湯既朋友, 真係可以試下, 解下湯癮, 呢度7隻水餃連湯都係35蚊, 有水餃食又有啖靚湯飲, 真係大滿足!水餃方面, 我最鍾意係鮮肉韮菜餃, 不過食完俾人話好大陣味, 所以之後都係只係敢食鮮肉白菜同鮮肉白香芹餃…….水餃每粒大大隻, 個皮又唔會太厚, 真真正正皮薄函靚!

好耐無食，琴日心思思行左過去食！叫左個9隻韮菜餃加蘿蔔$47等食期間，餐廳內冷氣機滴水2點去到keep 住都好多人，2個職員做到無停手餃子好大隻，但係食到等4隻，覺得有啲酸味，無再食🙈🙈

食咗呢間餃子店多年，幾乎每次經過都會行入去叫返碗湯餃，並非因為個餃子，全因為佢有個足料嘅淮山花膠豬骨湯做餃子嘅湯底，呢個湯份量十足。餃子本身皮唔算薄，每次都只會點鮮肉韮菜餃嘅我，都十分滿意呢隻餃，餡料豐富，韮菜十足，對於鍾意食韮菜嘅我十分滿足。重點還是個湯底，足料好好味，味道鮮甜無味精，滿足到都市人無住家湯嘅遺憾。是日女朋友還點選了什錦煎餃，雖然我還是喜愛韮菜的香濃味道，但確實其他煎餃嘅餡料亦同樣出色，只是略嫌煎過頭，餃子皮硬左，扣小小分。單點煎餃就無左個湯，所以湯餃還是首選。

終於試到你啦！！✨什錦煎餃Set C (10隻 $49)有齊鮮肉芝士餃+鮮肉日式紫菜餃+鮮肉冬陰功香辣餃，呢種set最啱我呢啲貪心鬼- 鮮肉芝士餃：入面有粒粒豬肉同埋粟米，芝士都好香口- 鮮肉日式紫菜餃：滿口紫菜！好足料- 鮮肉冬陰功香辣餃：三款煎餃入邊個人最喜歡呢個，冬陰功味雖然不太出，但係真係夠香辣的！✨鮮肉韭菜餃 (10隻 $42)呢款就嗌咗水餃～ 正常發揮啦都係足料又好味！✨淮山花膠豬骨老火靚湯 配上海拉麵 (餐 +$8)呢碗麵真係抵嗌，大大碗之餘個湯又好好味 (最起碼飲落唔似有味精哈哈)。肉眼可見已經好多有眉頭、薏米、酸菜、豬肉etc. 好足料！整體覺得好好食，下次會再返嚟😆😆

🇭🇰手作餃子專門店·鮮肉雲耳椰菜餃 l 鮮肉粟米香菇餃 $36 (7隻)佢呢度個湯真係超好飲 佢係花膠豬骨湯黎既 飲落超舒服 而且都幾膠質 我地輕鬆飲晒成碗😈😈之後佢啲餃子都大隻嘅 但係佢個肉餡就肥肉多少少 感覺肥膩啲🤔所以我自己鍾意佢個湯多啲 佢個湯真係好好飲😍😍·香甜蘿蔔 l 咖喱雞肉薯仔餃子 l 鮮肉冬陰功香辣餃 (6隻) $39 l 醬汁拌天然昆布$30我哋另外一碗就嗌咗套餐 佢包6隻餃子同埋一個小食 超豐富😙我地見佢有個咖喱同埋冬陰功餃子好似好得意咁 就嗌左黎試下 佢個咖喱餃咖哩味就唔係好出 反而佢個冬陰功係真係酸酸甜甜咁 幾得意🥟之後佢個蘿蔔都超級甜 入曬味 不過就有少少渣🤭🤭之後佢個海帶超級惹味 有少少辣咁 好開胃😎·#rbyeat#rby港式#rby太子 #rby元朗 #rby屯門·📍太子荔枝角道88號地舖📍元朗教育路51-61號紫荊樓地下G號舖📍屯門德政圍29號松苑地舖📍屯門田景路31號良景市集地下119號舖

太子區內其中一間餃子名店~ 已經同朋友食過幾次 真係幾好食所以想share比大家🥰#什錦湯餃A $47 (10隻) - 鮮肉韭菜餃+鮮肉白菜餃+鮮肉香芹餃#什錦湯餃B $48 (10隻) -鮮肉雲耳椰菜餃+鮮肉栗米香菇餃+雞肉薯仔餃款式太多就唔逐個講~ 除左可以叫單拼或者雙拼之外 仲可以叫佢既什錦湯餃~ 岩曬我呢d咩都想試既人~😋亦都有好多特別既fusion餃子可以點 紫菜餃 芝士餃 冬陰功餃🙈 個人鐘意湯餃多d (覺得煎餃太油) 每款餃子都大大粒 皮唔算太薄不過好足料! 🥟個湯先係重點~ 花膠淮山豬骨湯~鮮甜濃郁仲要無味精味 好足料! 我忍唔住飲曬成碗湯😆上湯香甜蘿蔔 $15 - 呢到嘅蘿蔔真係超級甜!😍 真心要叫黎食吓!

今日1個人入舖準備食午餐，行緊去座位之際突然被叫停，因為我身後有3位客人所以店員要我離開走出舖頭等位，俾遲黎嘅3位客人先就坐。由於我午餐後仲要繼續工作，所以我唔會浪費寶貴嘅午餐時間作冇了期嘅等待，去附近餐廳用膳。我好明白1人食客嘅洗費當然不及3人食客，但咁樣直接叫個先到埗嘅客人離開讓位俾後面張單大d嘅客，我真係覺得幾氣忿，食物幾好味都冇下次，萬一我等位時又有2、3、4、5人一齊等，即係我唔洗旨意可以入内

雜錦湯餃A餐，全部湯餃都很大隻，餡料十足，多菜。湯底是准山花膠豬骨湯，奶白色的湯，花膠味就吃不出來，但就飲到使用大量薯仔、紅蘿蔔等煑出來的濃湯味，好飲。鮮肉韮菜餃，韮菜切得很粗條，但吃落絕不粗嚡。証明韮菜唔老，亦無渣。鮮肉入味。鮮肉白菜餃，亦是成條白菜，唔係切碎的，好有咬口。鮮肉芹菜餃，多芹菜，但就芹香味唔多夠。C餐加$2，可轉煎餃。感覺上此3款煎餃比A餐的湯餃size較細隻。可能是餡料不同啩。鮮肉芝士餃，看不見芝士，但吃得到芝士醬的味道在內，有些黏口的感覺，唔算太濃味。鮮肉日本紫菜餃，相當多紫菜，唔腥。配鮮肉碎一起吃多幾隻都可以。鮮肉冬蔭公餃，有粟米、椰菜在內，餡料偏黃，好似咖喱的顏色，點知吃落辣味慢慢滲透在口中，不過只是微辣，爽爽辣辣的，幾有趣。上湯香甜蘿蔔，仍用准山花膠豬骨湯浸蘿蔔，軟淋兼滲有濃湯味，甜香吃不停口。

小弟有日路經太子諗住搵下有咩好野食，突然見到有間小店門口有唔少人排隊，所以決定入去試試咩料！一入到去發覺環境一般，地方都幾狹窄，唔會想坐得耐慢慢食果種。鮮蝦海鮮餃皮唔算厚，料都足，飽滿感高，蝦肉有咬口。豬骨湯底，帶有鮮甜味，飲一啖會有上癮既感覺。鮮肉韭菜餃韭菜多到滿出來，咬落去有肉汁，足料之作！一碗有9隻，基本上食完已經飽到上心口。為左試到唔同口味，決定同朋友叫兩碗唔同味道share，加多杯豆漿，Perfect!!!總括黎講，野食係唔差，不過環境唔會令你想坐低慢慢食，速食之選，值得一試！

早前係討論區見人對此店高度評價，見Open rice 的好評也不少，我也很喜歡食餃子，到北京或上海，也必定去食餃子或雲吞。此店的餃子係自己切料自己包，下單後才即煮，滿懷希望。但食落第一啖已經失望，皮非常厚，我叫的是D餐，有3種餃子，羊肉餃內有碎骨，南瓜餃無南瓜味，係蝦肉海鮮餃好啲，有大舊蝦肉，湯好好飲，但飲完先至知死，勁多味精。一定吾會再嚟食，太失望！

佢開左好耐 好有懷舊既風味 有時支持下呢啲舊店呀😆唔想以後都係得啲連鎖店 佢啲湯底係自己煲 冇加味精 而且有料😆.佢好就好在有套餐 唔使剩係得一隻味可以食😆 我叫既係D餐 $40 有三隻味，去啲懷舊店舖都有咁多款式嘅餃子可以揀 好加分佢有配埋啲榨菜😆😆😆辣辣地 唔會超級咸 .海鮮餃佢有好多蝦喺入面😍 無落豬肉 健康好多 好少有海鮮餃係冇豬肉 而且都好足料❤️粟米南瓜餃 本身幻想佢係剩係得粟米同南瓜 不過原來都有肉 個人覺得加埋粟米幾fresh 再加埋少少南瓜嘅味 係幾特別嘅 不過豬肉片肥膩☹️京蔥羊肉餃: 個名睇落好pro 但其實正正常常啦 唔會好誇張嘅羊肉味

呢間手作餃子專門店比起一般餃子店更有特色😝除左有常見既韭菜白菜餃，仲有紫菜餃、冬陰功餃、粟米南瓜、咖喱薯仔雞肉餃等💕餃子總共有12款口味✨如果選擇困難想試多啲款亦有4款什錦湯餃選擇😍可以一碗試曬三隻口味！呢到主打湯餃所以煎餃係冇湯跟同要加$2🧚🏻‍♀️～鮮肉日式紫菜餃 10隻 $47 (8/10)餃子脹卜卜好大隻足料！皮比較厚 食落幾滑 口感煙韌(=´ω`=)所以都幾飽肚，建議女仔嗌7隻就夠～紫菜份量十足 香味香濃突出😋 淮山花膠豬骨湯勁好飲！真材實料 味道鮮甜香濃🤤無味精 飲曬都唔口渴😚飲得出係煲左好耐既老火湯，正😆👍🏻鮮肉香菇粟米併煎紫菜餃 10隻 $51 (8.5/10)粟米同香菇份量好多！😍味道香甜又食到香濃既菇味🍄豬肉餡本身加左少少醬油 味道啱啱好 鹹淡適中 飲埋啖老火湯食十分正(๑´ڡ`๑)👍🏻💓煎紫菜餃兩面黃金香脆 脆卜卜又唔油膩😋紫菜餡好香口 加埋自家製爽脆菜甫仲好味💯以上餃子可以以$8加配一碟蘿蔔/菜/豬紅，我地加左碟上湯時菜🥬用左老火湯黎煮個菜，味道都特別鮮甜！😋💚整體黎講值得一試！餃子口味選擇多又有特色💕大大隻足料、湯底香濃鮮甜～下次再黎會想試埋粟米南瓜餃😍🎃

尋找下午茶，31元餐有靚湯有5隻羊肉餃。個湯真係好足料，飲完唔會口湯，真係無味精架😂羊肉餃好好味，皮薄餡靚，食完先發覺唔記得影相😂佢有生餃子賣，於是買左一打芝士餃返屋企煎做晚餐，都好正！

其實已經食過三次手作餃子因為太鍾意佢嘅淮山花膠豬骨湯底試過好多唔同嘅餃子味道但最愛都係鮮肉芝士餃！淡淡的芝士味好吸引之前食過其他味道嘅...但個人覺得餃子味道太濃郁，都係情有獨鍾鮮肉芝士餃之前食過水餃都唔錯，今次就是佢嘅煎餃子今次就食鮮肉芝士煎餃再加埋米線🍜套餐附送小食可選擇時菜或者蘿蔔加8蚊就可以加埋米線再配埋佢嘅淮山花膠豬骨湯底，味道非常夾煎餃攞到返屋企依然脆，完全冇失望全部夾埋$49，價錢亦都相當合理