手作餃子專門店 (荔枝角道) (已結業)

食左哩間餐廳2-3年，差唔多每個禮拜都至少食1次。打風都無阻黎買外賣。最近轉左手，雖然依家餐牌一樣，但已經食唔番嗰種獨特味道。湯C, 曾經係我心目中number 1的完美湯餃，因湯底係足料，好濃郁，煲到起膠的口感，依家... 淡左一半。以前餃子皮好薄, 肉質有彈性，咬落去會滿口肉汁，依家... 肉質好硬，變得實淨咗，餃子皮硬左，變左普通的餃子。唔係難食，但真係未去番以前的高水準。食完，真係幾失落。希望只係暫時新開張，所以未掌握到。1個月後會再黎試過，希望下次已經變番好似以前咁。

呢間野就咁係外面路過你未必會想走入去，舊式裝潢，門口細細，日頭個太陽仲曬住門口，外邊望係殘舊得很，不過對於我呢啲一向不拘小節既人當然冇所謂啦，入到去舖仔的確好細，坐得好少人，但出奇在食左冇一個鐘但Keep住有人黎外賣同翻枱，睇怕有一定水準，佢既餐牌有好多組合，所有人入到黎都要研究下先諗到揀咩好，提提大家果個優惠組合雖然好似平左，其實只係用一隻餃子換左個配菜，係唔抵架我覺得鮮肉韭菜餃(湯餃+蘿蔔)湯頭係屋企既味道，蘿蔔淆到淋哂既老火湯，好好味，餃子不過不失，係中上水準，但個湯底真係好正，搶哂隻餃既味道，會再黎食D京葱羊肉餃+鮮肉香菇蟲草花餃+鮮肉粟米南瓜餃(煎餃)羊肉味唔係好酥適合入口，但肉身唔夠好，算中間位味道，蟲草花幾特別，但都唔係話好出色既，個南瓜餃就真係正了，上既水準，再黎幫襯既話一定要嗌南瓜餃

平日晚上7點30左右到，店細細，大概得12個位左右，唔需要排隊，入面8成滿餐牌都多款餃子選擇（無影到餐牌，借其他網友既作reference)，由於心多，佢最好就係pre-set左什錦餃餐，可以一次過食3款餃2個人食到6款叫左B 10隻轉煎餃（$52+$2），D湯餃10隻加米線（$54+$8）等左10分鐘左右煎餃到先，脆口，雖然睇落唔係好大粒個隻，但好足料湯餃到，好大碗，湯係似屋企煲個種，無咩味精，感覺都好足料，有淮山煲湯肉絲同紅蘿蔔食到。餃同煎餃一樣，雖然味道唔會好驚豔，但就好足料同食到食物原有味道，係好實在嘅感覺。題外話：由於係2人食，叫完餐，唔洗出聲侍應叔叔已經好細心拎左2隻碗同匙羹俾我地分黎食，全程見佢同客人對話都好有耐性同禮貌，加分

今個星期在太子那邊食午餐🫶🏻找了這家手作餃子專門店選擇也很多，有不同的口味最後我們選擇了雞肉薯仔煎餃另外再加$8可以陪一個上海拉麵拉麵也非常彈牙，口感一流☺️💕餃子也十分足料🎈食物來說也10分好味💕不過地方就淺窄了一點但職員的服務也很好♥️

最近想認真比較一下太子的餃子店，最公平的比較當然係堂食，所以那天動身前來午餐。1點到達，咁啱有一張細枱不用搭枱。食物方面，點了羊肉拼南瓜粟米湯餃(10隻)，這裏的菜脯有個特點，就係唔辣，所以食下食下不自覺食多了。講返食物，羊肉餃內的配菜很足料，味道剛好 (同區內另一間有羊肉餃的「名店」比較，我鐘意手作嘅羊肉餃多啲)。南瓜粟米餃係將南瓜壓成蓉包埋肉同粟米粒，每次想食南瓜第一時間諗起嚟呢度。這裏的湯也很好，食了幾次都一定有一兩嚿紅蘿蔔同淮山搭配，感覺健康啲。不過，這裏餃子有一點要挑剔，就係餃子邊的皮太厚，容易飽肚。 這店很細，只有兩人打點一切，但服務很好，執枱快又會靈活安排客人入座，也見和客人關係不錯，值得一讚。PS: 以前試過外賣，但無論分湯定連湯上啲餃子皮都會痴埋一齊，也許說明了這裡的餃子不宜外賣。結語: 今次堂食完，覺得這店可以進入我名單中的三甲了，應該好快encore. 後記: 寫完食評忘記了交，之後又去幫襯多幾次，總的來說都很滿意，決定把這店加入my favourite 的名單內。

餃子鋪門面唔吸引，但係卻讓我驚艷不已。呢家店提供的餃子餡料豐富，皮薄餡靚，而且餃子又大又多，讓人一口咬下去就能感受到滿滿的飽足感。我叫左兩款餃子，一款是京蔥羊肉餃，另一款是鮮肉蟲草花餃。 京蔥羊肉餃的餡料非常豐富，羊肉的味道非常濃郁，而京蔥的香氣也很濃烈。蟲草花餃的餡料則是以鮮嫩為主，非常清爽可口。評分： /5除了餃子，店家的湯底也非常值得一試。佢地使用老火湯底，讓湯汁的味道更加濃郁。雖然有人話佢嘅湯底淡咗好多，但係我個人覺得都好濃郁，我自己都飲晒總括黎講，這家餃子鋪雖然不起眼，但是卻提供了非常美味的餐點，讓我非常滿意。如果您也是個餃子愛好者，我強烈推薦您來一試。整體味道指數：😋😋😋😋/5性價比：💰💰/5環境：❤️❤️❤️/5服務：✅✅✅/5

今年新年後去食, 個湯底好明顯係淡左好多, 但我係忠實Fans, 所以會體諒一次半次。如是者再幫襯多4次, 但每一次個湯底都係溝希左.......... 老實講, 我係想飲佢個湯先去,  今日再去, 個湯溝水溝到接受唔到, 我情願你加價, 但唔好咁囉!

鋪頭面積唔算大，大概坐到5枱客。老火豬骨湯湯底，飲落感覺好有住家味道，唔會好似出面d湯死咸，所以食到最後成碗都飲晒。無論論煎餃抑或湯餃，隻隻都好飽滿， 10隻餃子最平都係40幾數有交易，加多8蚊可以跟粉麵。

食餃子食果陣冇數有幾多隻食完好飽我準備買單老闆遞咗個細碗仔俾我話剛剛俾漏咗隻我😅好啦，我唯有食埋佢😍😍呢間餃子舖係我心目中既no.1!每次想食餃子都必會來呢間食。餃子大大粒，選擇多，價錢實惠，又好好味！今次我揀咗C餐有7粒，mix芝士餃，紫菜餃，冬蔭功餃，盛惠$43！湯又勁好飲，黃豆紅蘿蔔淮山薏米豬骨湯，冇味精，真材實料，係睇到D湯料噶！利申平時出街食麵食餃子絕對唔會飲湯噶，但呢間湯真係好飲啊。

老婆最愛就係呢度嘅餃子！難得黎開太子站附近，梗係要試一試下佢！仲要買多帶生餃返屋企添👍🏻👍🏻👍🏻👍🏻👍🏻我叫咗10隻餃子加上海麵🤭🤭係我最愛嘅配搭嚟嘅❤️❤️❤️呢度嘅湯底全部都係店主精心炮製出嚟嘅，你睇吓面頭嗰幾件紅蘿蔔就知道佢哋好林，睇得出店主嘅用心餃子，每隻都大大隻，10隻真係好鬼多㗎啱晒咁大食嘅我☺️☺️☺️☺️☺️如果想黎識嘅朋友仔，記得留意店舖嘅位置唔多，有機會要等位㗎☺️☺️☺️

58 dollars10 dumplings + noodlessoup is big and sweet, no preservative and 味精。u wont find any place can feed u that full...almost vomit....scary big portionmy fd cant even finish.we ordered mixture dumplings九菜 is the best.白菜 is also good.西芹 a bit bad*bad, place a bit sour smelly, ventilation not good enough. place is small and narrow.

🥟🍜手作餃子專門店🥢🍲呢間真係我食咁多餃子店，最好味嘅一間😋因為我好鍾意佢個湯底，老火湯豬骨淮山蘿蔔，次次都好足料，餃子餡味道平均，唔會太鹹！🔸鮮肉日式紫菜餃 - 10隻 - 湯餃，紫菜味好香濃，又唔會死咸味，肉同紫菜既味道剛剛好，唔會互相搶左。🔸鮮肉粟米香菇餃- 10隻- 湯餃，香菇同粟米質地唔會腍晒，粟米仲有咬口，香菇味好香，粟米香菇餃比較甜，加埋湯同肉汁，好滿足。🔸涼拌薯絲 - 開頭見到有芫荽，叫姐姐幫我哋走芫茜，佢都好好話盡走，最後其實都唔係好多👍🤗味道唔錯，兩碗湯餃係要配啲小食，不過呢碟都有啲味精。整體黎講，我覺得太子區呢間餃子店好食過所有其他唔同嘅舖頭，但係呢度餃子要預返餃皮有一定嘅厚度，我個人就覺得厚皮冇乜所謂，最緊要餡好食，湯好飲，所以我推薦大家去試吓！

收工剛好趕得切落太子食餃子，呢間手作餃子湯底都係用花膠紅蘿蔔熬製，佢哋仲加左淮山湯底更加好味，重點係無味精。🥢我食鮮肉雲耳椰菜餃，堅係餡料十足，隻隻餃子都好飽滿，味道清爽鮮香好好食。👍飲品可以選擇豆漿或者番薯糖水。👏近近地 $29 一份下午茶@2:00 - 6:00 超筍價。

太子好多餃子店，間間各自有自己特色，要比較邊一間最好食，其實無得比～好似我自己為例，有時就去A,有時去B,有時去C(無錯，我就食開手3間）呢一間特色我覺得係個湯底 同 蘿蔔，好有家嘅感覺～0味精，次次食佢d蘿蔔都無筋！至於餃類，坦白講，唔係款款都好味我個人最覺得怪係冬蔭功餃，總係覺得成件事唔夾除咗豬骨湯底，仲有一款酸辣湯底，我未試過，但某日朋友選了酸辣湯，我試咗一啖，都係豬骨好酸辣土豆絲正常發揮，但由於好開胃，你夾下我夾下好快食完總結： 我都係會得閒再去

👉煎鮮肉芝士餃🧀🥟+淮山花膠豬骨老火湯🐽米線🍜 ($55/$79🥡)個湯底🍲係小編無限回購的原因，又鮮甜又足料仲好補，真係夾咩都咁正架😆鮮肉芝士🧀餃內放有椰菜🥬，🥟皮偏厚身似北方個種style，但亦無礙其好味道😋 加上煎到🔥香香脆脆，自然更加惹味啦😎👉鮮肉雪耳椰菜餃🥬+鮮肉粟米香菇餃🌽+雞肉薯仔餃🥔🥟 ($48/雙併$78🥡)三款都好足料，每隻餃子🥟都有接近1/3手掌✋🏻咁大，當中粟米🌽最清甜好味又有口感🥰另外之前食過韭菜同蟲草花餃都唔錯🙆🏻‍♀️P.S: ▪️Available with Food panda🐼🥡▪️第五波疫情殺到，為人為己，大家都減少外出🏡，外出時做個人衛生😉