手作餃子專門店 (松苑)

營業中

休息中

一位住在屯門的朋友一直推薦這家小店給我，這次路過，決定試一試。餐廳可以就是沒有裝潢設計可信，一切從簡，座位與座位亦相當接近，想要舒適地吃飯的人，可能就不太適合。不過就算是這樣，餐廳亦是人滿為患，看來是真的有實力在的。菜單的叫法是，可以叫單款餃子，也可以混合。預設的餃子都是湯餃，加$2轉煎餃，再加$8可以附麵。這次我就叫了鮮肉冬蔭功香辣餃，轉煎餃，再加上海麵。鮮肉冬蔭功香辣餃，這是味道不是我想像的，泰式的冬蔭功味，但卻出人意表的好吃，辣味是大眾也能接受的辣度。轉煎餃的餃子有一點油，但是可以接受。皮煎得很脆，再加上冬蔭功的辣味，很香！叫上海麵的目的其實是想試一下他們家湯底，是用了淮山花腸豬骨老火湯。湯底很清甜，吃到真材實料的味道，絕不是調味料可比的，不過上海麵的存在並沒有加乘，如果不餓，只喝湯都足夠了。總括來說，老街坊的小店，怎樣也是有他們的水準在的，吃厭了連鎖店的味噌，不防一試這些小店。

.❤️尼間專賣餃子既舖面雖然外表平平無奇，舖內都無特別主題既裝修，但佢內有玄機✨提供四個價錢相宜既套餐，6隻或9隻，湯餃或煎餃，配麵食🍜或小食，任君所好，每個套餐各有三種餃子，優勝在每隻🥟都有獨特既味道，加入招牌湯底更會覺得有好似辛苦過後，番到屋企飲個碗暖笠笠既愛心靚湯❤.❤️什錦湯餃（套餐C 6隻）：💲3⃣9⃣👉🏻鮮肉芝士餃+鮮肉日式紫菜餃+鮮肉冬蔭公香辣餃👈🏻 尼個套餐本來系$37，想轉食煎餃就要+$2，煎餃既外皮煎到金黃色🌝隱約睇到裏面豐富既餡料，每隻既大小平均🥟入口外脆內軟，非常香口，一咬開裏面既汁流出黎㊙我習慣食🥟會同朋友一齊估餃子味道，所以每次先咬一半睇一睇，吾知你地有無同朋友玩尼啲小遊戲尼？😆可以分享下💁🏻‍♀.❤️什錦湯餃（套餐D 6隻）：💲3⃣5⃣👉🏻京蔥羊肉餃+鮮蝦海鮮餃+鮮肉粟米南瓜餃👈🏻 而另一碗系湯餃，我發現6隻🥟既份量剛剛好，吾夠可選擇9隻，系餃子黎到之前會附上一小碟菜脯，可以當小食，或者食落去覺得太咸，可以好似我咁放落湯度，同餃子一齊食，講番啲餃子先😆餃子大小剛好成隻放入口，湯汁會流出，餡料新鮮又足料，配合老火靚湯底，一啖餃再一啖湯，覺得好🈵足！.⚠尼間手作餃子專門店每

呢間鋪位於屯門市中心附近既一條巷子，之前都已經黎過幾次，係屬於小店形式。而食過再番黎既原因係覺得呢間餃子店性價比算高，價錢唔貴，味道唔錯之餘又包你食得飽。 今試食左C餐，鮮肉芝士餃、鮮肉日式紫菜餃，鮮肉冬蔭功香辣餃。每個餐都可選淨餃子或加錢再加配麵或米線。由於佢餃子都算大粒，唔太肚餓既人叫淨6粒餃都已經好夠。 餃子每粒都脹卜卜，而且非常入味，鍾意料多皮少既人就岩哂。個人比較喜愛鮮肉芝士餃同冬蔭功香辣餃，咬落十分juicy惹味。 另一個賣點就係餃子既湯底，佢係以老火湯伴住餃子咁上，湯既味道唔會同餃子格格不入，所以係食餃子同時亦可以滿足到鍾意飲湯既人，同埋可以有老火湯既湯渣可以食埋，令成件事豐富左。除此之外，佢餐單仲有小食可以叫，望落價錢同賣相都唔錯，不過今次就無試喇。 

本身自己住屯門，樓下好少嘢食選擇全部都係大集團例如有大家樂、大快活、麥當勞、KFC、Subway、一粥麵、百佳惠康等等，想搵間傳統小小嘅餃子餐廳都冇，好彩有一間唔錯。

老公好鍾意食(唔記得係咪京蔥)羊肉餃每次見到都會叫黎食今次行過呢度見到間手工餃子門口貼住好多唔同明星嘅相已經入面都好多人幫襯講緊其他舖頭好吉嘅時候諗住搵到間正嘢啦，點知。。外賣返到屋企雖然餃子已經有少少一pat pat痴埋一齊，但見到個餃子超大隻心諗正啦老公第一啖就叫好騷，一路食一路話好甜睇真啲入面有好多蘿蔔絲而個手工餃子皮就好厚同埋唔好食個湯就話冇味精同埋用花膠煲飲落都ok嘅老公話呢個係好難食嘅餃子店。。佢都好少會咁講 所以冇下次喇🙄

諗住同我屋企咁近嚟試下啦！因為佢標榜老火湯,有花膠淮山好多人去所以都有啲期望 好啦入到去坐低叫咗幾樣嘢食嘅： 鍾意食土豆絲啦，豬紅同埋皮蛋豆腐土豆絲可以啦普通有點辣但係個豬紅真係麻地！皮蛋豆腐都係普通貨色不過算啦我哋叫咗個D餐有九粒餃子。每款有三粒：分別是京蔥羊肉，鮮蝦海鮮，同埋南瓜粟米餃 京蔥羊肉咬咗一啖覺得太騷 ，即刻畀老公食。但係本人平時都會食羊肉嘅都頂唔順 南瓜粟米餃就可以接受食落都幾好 鮮蝦海鮮就普通啦出面仲好多人排隊，真係唔明白。其實真係好普通，而且衛生程度麻麻哋！應該唔會再幫襯

出面既餃子都好少可以煮到難食，最多係淡口唔夠肉。但呢到啲餃子不單止98%都係菜，仲要唔熟，豬肉係啫喱狀既。再入去煮多次，出番黎都仲有幾隻係有啫喱狀。老闆娘話5分鐘就可以全熟，但大佬隻餃半個拳頭咁大，我都唔係好解釋到點解。

晏就經過諗住試下叫左羊肉餃 雲耳椰菜餃 韮菜餃一食好難食 垃圾 都吾明點解可以開到分店仲要隔離台有個女人叫6隻餃 佢上錯左9隻仲要逼人地要9隻 要比返9隻既價錢食物吾得 員工更加吾得

頭先見開左一段時間 未食過 所以去試下見到好多人食 幾full順帶一提 最入面有個位冷氣滴水 唔好坐見到有2個啊姨即場包餃 真係手工既廚房一出餃子 大半張寫枱號既紙浸左落湯 見啊姐拎起個陣成張濕既。算啦 呢d小店好多都係咁 當睇唔到 味道呢。。豬血唔ok 餃子唔ok湯唔ok 麵唔ok鮮蝦餃隻蝦毛細到呢 都大過蝦米既 點解openrice有人話大隻 你食開蝦米？韭菜豬肉餃呢 食左2件 2件食落都係得肥膏可能係我睇唔到d瘦肉 你地可以留意下羊肉餃都食到d羊味既 但唔算係好食 急凍羊肉片咁上下既羊味 可能再淡d南瓜餃唔係南瓜泥 係一舊南瓜 手工都慳返湯呢 好似係蘿蔔湯 聽講有花膠？ 冇花膠味又冇花膠食 講黎都哂氣啦仲有一份餃加左8蚊米線 請不要加2個人食8x蚊 去新墟食雲吞麵好過好唔好食見仁見智 我就唔會再去btw 見人少左一隻餃 啊姐會即刻補返俾佢食之前記得數 除非你無所謂啦

今天中午嘗試發掘一下屯門區的小店，怎料找到的卻是一間伏店。手作餃子專門店門外張貼羅蘭姐和其他藝人的合照，店內又這麼多食客，以為應該很不錯，但吃完後我百思不解為何客似雲來。這裡人手不足，我等了五分鐘才有店員替我下單，我點了鮮蝦海鮮餃及鮮肉冬蔭功餃雙併六隻與芋圓紫米露。先來熱呼呼的芋圓紫米露，紫米露濃稠度剛好，不會水汪汪的，嚐來不死甜，紫米味濃厚。可是另一主角芋圓毫不煙韌，像咬橡膠，沒有芋頭味，在我心中這是粉糰，不是芋圓。吃了大半碗芋圓紫米露，鮮蝦海鮮餃和鮮肉冬蔭功餃終於來到，餃子是蠻大顆，但是有一半餃子沒包好，餡料都流瀉在湯裡，這點已經不合格。再喝喝湯頭，超多渣滓，嚐不出花膠豬骨的味道，跟菜脯一樣有股怪異味。餃子丁點肉感也沒有，全是肥肉攪拌而成，所謂肉餡幾乎是液體狀，其餃子勉強地靠粟米和韭黃才有些許嚼感。更離譜的是鮮蝦海鮮餃裡頭完全沒有發現海鮮跟蝦的蹤影，只有稀巴爛的餡料，偷工減料也不是這樣做，連料都沒有。

唔係第一次食呢間，之前黎食湯餃，今次試煎餃都好食，再試埋糖水但糖水就堅唔得。西米煲到一舊舊，死甜稀花奶味，我食左一啖就無要，紅豆煲得夠火喉但都係太甜，重有芋圓係無味既。所以千祈唔好黎食甜品。

午餐同朋友去食呢間新開手做餃子店，見好多唔同款餃子可以選擇，所以我哋就分揀左兩個餐，每個餐會有三種不同口味嘅餃子，另外再加咗個上海麵，嚟到冇諗過d餃咁大隻⋯⋯重叫左9隻Tim ,而餃子同湯底冇味精,餃子🥟饀多，不過皮厚，麵就冇咩特別。

星期六晚上想搵無咁熱氣、清清地野食來到杯渡附近搵食見到有間餃子店，寫住旺角有分店就試試餃子款式多好難揀好在佢有什錦餐，所以同朋友叫左個D餐加上海麵羊肉餃真才實料，有羊味，但唔會覺得太so，易入口海鮮餃鮮甜，大大隻蝦鮮肉粟米南瓜好juicy ，因為好多南瓜蓉，好甜食完唔會覺得好肥好油，因為個湯底無味精，淡淡的豬骨味，但花膠味略嫌唔夠多最尾一人一碗糖水紫米露多左少少奶，甜左少少番薯糖水夠薑夠粉但個人諗為入面d芋圓表現一般，太彈牙糖水$26所以下次會再encore 餃子，但糖水就未必了，因為每款糖水都有芋圓在入面呀，我地仲叫左拍青瓜，非常正，好味到唔記得影相

身為一下可以食到40隻餃子既我，有新開餃子店一定會狗沖去試。呢間朋友有介紹過，於是今日去試下去到店外勁多人，嚇一嚇以為要等好耐，原來大家都鐘意買外賣，可能入面環境逼左啲(其實好有祖國味道)。網上講佢湯底有幾正，懷著希望去，味道好淡，可能這就是家的味道佢有什錦餃子餐，個人覺得第一次去試可以去叫個6隻既雜錦試下先，咁下次再去就知道自己最鐘意邊款啦 。雜錦有分ABCD簡，每個都有3款不同既餃子視乎你要6隻定9隻我聽隔離枱係可以叫煎餃。咁香口啲應該正好多。因為我界緊口不能食煎炸野提提大家先飲下個湯，因為你食完濃味餃個湯無唒味啦，皮係幾薄同大隻每個餐都無米線/上海面跟，要另加$8喔不過第一次食覺得米線好硬，可能人太多廚房忙到一頭煙。最令人讚賞既係你叫完野食佢會送你一碟菜莆，其實幾好食仲見到有人問佢拎多碟tim。

男小編自己都幾鍾意食餃子😗最近同朋友見到屯門新開咗一間食餃子嘅鋪頭，於是就走入嚟試下😛呢度一共有12款餃子🥟細個就鍾意食煎餃子，不過食食下又覺得湯餃都幾好味😙(湯係重點嘛!!)#什錦湯餃 ($37 6隻)😋好味指數：(7.5/10)+$8 配米線呢度寫住佢哋嘅湯係淮山花膠豬骨湯，冇味精🤔食落又真係好清淡，又唔係好覺有花膠，之後係天水圍食過間個湯正啲🤷🏻‍♀️另外米線份量就略為少咗啲😣🥟#鮮肉芝士餃第一啖食落去芝士味唔算重，不過食食下就慢慢食得到😗芝士味又唔會太重，所以唔會太搶味😆👍🏻🥟#鮮肉日式紫菜餃一咬落去即刻食到紫菜嘅味道，而且啲紫菜多到成隻餃子都係😙所以食落都唔錯😎🥟#鮮肉冬陰功香辣餃食落去幾多冬陰功湯係裡面😍食落都幾香，而且都唔算好辣🤔所以唔係好食得辣嘅朋友都可以諗下😛🥟#鮮肉白菜餃 ($32 6隻)😋好味指數：(7.5/10)每隻白菜餃都好大隻😎外層塊皮都幾薄身，而且咬落去都好足料😍