手作餃子專門店 (松苑)

營業中

休息中

呢到最有特色既絕對就係成隻手掌咁大既餃子，仲有超多唔同選擇既餃子餡比你揀！如果太過花多眼亂仲可以揀什錦架，有唔同餡可以試，仲可以加錢加米線添！不過我覺得就咁6隻餃子都夠飽，因為真係好大隻！我比較鐘意雞肉薯仔餃，比較有口感同埋又唔會靜係得肉咁膩，而佢既湯底係充滿家的味道既老火湯，感覺就算出街食飯都無咁多味精，感覺健康啲！

今日6月29日，下午2點左右去食，叫咗雜錦淨餃，同小食~白蘿蔔豬紅，羅漢果水。其實以上提及既我都冇食到，只飲咗2啖羅漢果水…因為當水餃嚟到既時候，我覺得個湯唔多對路，於是用匙羹裝起聞咗一下，果然有陣壞咗既酸餿味，我担心自己聞錯，放胆飲咗一啖想reconfirm，結果即時吐返出來！由於當時冇紙巾，同自然反射動作，我吐咗落地下，隔離有個四眼樣衰阿叔啤住我，示意我吐落地唔啱，我已經即時解釋佢聽因為個湯臭咗，自然反應吐咗落地，仲講埋唔好意思咁，條阿叔仲係度咬住唔放，其實我吐個位佢根本唔會經過，關你春事咩！阿叔如果你睇到呢篇嘢，我好想同你講，我好後悔當時冇問候你娘親。😊係阿叔啤住我既時候，我叫咗個女侍應過來，50歲左右，我同佢講你個湯臭咗，佢仲問我點臭法？ 有咩問題？ 係咩味？ 我頂你… 臭咗壞咗就係臭咗壞咗既味囉… 點形容啫？ 我叫佢聞下飲下，佢飲咗一啖，堅持話冇問題，仲問我有冇飲過咩花膠准山湯，阿姐我想話你知~ 市面上你噏得出既貴價花膠，我一屋都係呀唔該！我一星期起碼煲3次湯，宜家天氣炎熱，湯放室温好快變壞，我有時冇立即放雪櫃都會有呢陣味，我最唔滿意係你既態度，我好聲好氣話你知個湯壞咗，你質

我哋四個人叫咗兩份水餃，一份鮮肉粟米香菇煎餃，一份鮮肉白菜湯餃一份9隻，每隻都幾乎拳頭咁大隻，分別係$44同$46，非常抵食。鮮肉粟米香菇餃外面除咗煎得好香，因為有好多粟米粒，入面嘅餡非常之甜，令人食唔停口。令一份鮮肉白菜餃係湯餃，佢嘅湯係淮山花膠豬骨老火湯，加埋紅蘿蔔，湯底好甜，好似屋企嘅味道。不過餃子入面嘅白菜比較多同搶味，感覺食落似素菜餃。另外，同行朋友非常喜愛老火湯，老闆娘聽到就送多咗一碗湯俾佢飲，服務態度非常之好。以40幾蚊嘅價錢一份黎講，絕對係非常抵食，我哋當下午茶黎食，每人食四隻都已經非常飽。題外話，佢哋亦都有生餃賣，我哋都買咗兩盒返屋企。

本人係餃子迷咁呢呢間餃子鋪就係佢會配搭一個老火湯一次過上呢度嘅餃子有好多唔同種類嘅選擇有唔同種類嘅配搭ABC餐啦，亦可以加錢轉做煎餃今次嚟到呢就食咗豬肉雲耳椰菜餃呢個係暫時係我嘅最愛啦因為佢非常之有口感，雲耳同埋椰菜非常之爽口，feel到呢佢好新鮮呀！豬肉唔係好大浸雪味 應該係用新鮮豬肉嘅不過要彈一彈嘅就係佢嘅鮮肉粟米香菇餃呢一上到枱就已經係散開咗，包得唔係好實，令到啲餡呢流岀來。仲有呢度最值得試嘅就係佢喺每一張枱都擺嘅辣菜甫 ，佢既湯標榜冇味精，連埋湯一齊真係飲到見底💕另外提提大家係閒日既下午茶時段就係最抵嘅大概$35就可以食到一碗湯餃加麵加一杯嘢飲 簡直係超值！

我係一個有得揀唔會揀食飯既人.所以我超愛食餃子🥟米線🍜小籠包哩啲.買左8點半戲飛睇戲.見7點有時間就諗不如去食餃子🥟.食物方面:⚪️鮮肉粟米南瓜湯餃⚪️鮮肉粟米冬菇湯餃(另加+8要份香甜蘿白)湯底係淮山花膠豬骨老火湯😬好濃好清甜,餃子都好大隻足料,粟米南瓜餃好夾,口感好豐富好正,粟米冬菇好濃冬菇味,好食到停唔到口,另外加左份蘿白,好甜完全無渣😋⚪️鮮肉芝士煎餃⚪️鮮肉日式紫菜煎餃煎餃唔會太乾,好脆😍同樣好大隻好足料,芝士煎芝士味好少,不過不失,紫菜煎餃就好出色,紫菜好多超濃味😜.整體方面:仲記得比起第一次去,餃子款式多左好多,湯底好濃,愈來愈好味👍🏻餃子味道岩岩好,又夠大隻,價錢適中,係地方細左少少!

放工外賣回家食本人點了3隻香菇玉米餃同3隻椰菜湯餃子回家一開外賣碗好香但慘劇開始了6隻餃子。4隻全部爛哂😤我只好全程用匙羹<不>肉碎食😤然後淨碗變了油湯☹️很失望

被門口餐牌那幾隻『准山花膠豬骨老火靚湯』字眼吸引進來。將沒味精的中湯，加在餃子內確實新鮮。坊間多是用雞粉味精湯，主角只是餃子，但這兒是雙主角—老火湯及餃子。午市時間座無虛席，門口又幾位客人輪候。為免肺炎交叉感染，鐵定外賣回家與家人細嚐。點了鮮肉韭菜餃。二話不說先來一口湯，十分普通 ，根本只是豬骨紅蘿蔔湯，絲毫沒有花膠黏口感，也嗅不到准山味。還有湯不太夾餃的味道，建議要多加鑽研湯的款式。餃子包得非常大隻結實，沒有散開，餃皮估計是自制又或是特別訂造。因這種大餃子皮市面很少供應商。餡料很奇怪，韭菜明明是很搶味食材，但在這店卻顯得淡然無味。鮮蝦海鮮餃是大伏，根本沒任何味道可言。師傅包餃工夫值得讚賞，但餡料要改良。蝦沒味，也不彈口，完全像吃白肉一樣。又不明為何要加韭黃或薑絲在餡，搶了蝦的味道。失敗之作。總括而言，餃子確包得靚，但餡料湯底是平均水準以下。賣點是有，但仍要加油改良。

本人很喜歡喝湯，尤其是這一間標榜沒有味精👍🏻所以這一間都算我的飯堂😋其實一間餃子店有12種餃子可以選擇算是很多，還有好多款很特別的餃子。 特別推介冬陰功香辣餃，因為裏面真的很冬陰功味道，我推介了朋友吃，她都讚好👍🏻還有冬菇粟米味，都很重冬菇味，還有很多款我都很想試❤️今次我還加了蘿蔔都很鮮甜👍🏻飲料我點了羅漢果茶，也很好味👍🏻但唯獨他的小食不夠入味～我吃了酸辣雞翼尖，醬汁好似來到前先剛剛加上去一樣，不推介吃。還有陳醋拌雲耳，醋味很重，如果很喜歡吃醋的朋友可以選擇，幸好我很喜歡吃醋👍🏻還有這間有菜脯可以任落～實在太喜歡了❤️這間還有芋圓吃和很多中式糖水，如果下次想糖水都會來這一間

全部餃子都大大隻咁~份量十足!!!!湯底係▶️淮山花膠豬骨老火靚湯真係好有屋企煲湯既感覺😋😋😋飲到一滴不漏😚😚😚😚除左韭菜餃外~▶️鮮肉芝士餃▶️鮮肉日本紫菜餃哩2樣我最愛😍😍😍😍😍芝士餃🧀芝士味配合埋餃子~味道十分夾😋紫菜餃夠哂特別~又估你唔到用紫菜黎做餃子餡會咁好味🤤🤤仲有仲有~鍾意食南瓜既朋友一定要試下▶️粟米南瓜餃南瓜餡料滿滿的!!!!同埋.....我覺得屯門分店好味d哦🙈🙈🙈哩以後~唔使去咁遠食啦😂😂😂

作為屯門吃貨友, 有咩新開張都要試試水溫既, 叫左七款餃子, 只有羊肉餃比較好食.....其他都伏伏地, 同深水埗果間差得都幾遠, 失望, 白蘿蔔直頭係涷既豬紅無咩味道可言, 總括黎講, 無下次

路經發現有手作餃子店，作為一個愛餃之人，當然非試不可，店內位置都不少，午市不用等位，一看餐牌，的確是專賣餃子別無其他，除了餃子是現作，連湯底也下心思，每碗餃子均配上淮山花膠豬骨老火靚湯。餃子的餡料有十二種選擇，今次試了鮮肉芝士餃、鮮肉日式紫菜餃和鮮肉冬蔭公香辣餃三種，餃子夠大很飽肚，芝士是溶化的，日式紫菜味道最特別，冬陰公味不算辣，老火湯亦有一些紅蘿蔔豬骨湯料可吃，吃完餃子再飲無味精靚湯，真是外食健康之選。

平時中午行過，必定要排隊，今日早左出街，順便路過睇吓，嘩~~剛開舖，唔洗等，必定試吓☺如果唔飽仲可試吓糖水手作餃子，隻隻份量夠大，可選6粒及9粒選擇，而且味道多種選擇，唔夠食仲可加錢有面或小食……A餐 可轉煎餃，但我只選了 韭菜同芹菜味B餐選了湯餃，順便試吓~~淮山花膠🐷骨湯，味道可以，唔似出街食味精湯芹菜餃韮菜餃🌽栗米香菇餃雲耳椰菜餃辣醬唔辣，但配餃子一流仲有秘製 菜脯，需要 惹味 ，但食左呢個就有dd口渴店裏欠裝修，但勝在小店經營，用心製作，

叫左個B餐雲耳椰菜餃 (淡而無味）粟米香菇餃 (最香最好食)雞肉薯仔餃 (都係好淡）同埋青瓜 青瓜都正正常常餃子完全唔好食。佢係皮薄多餡既但係我一返到屋企個餃子係散晒。仲要係包唔實嗰隻。d餡跌晒出嚟。佢比嘅菜脯一啲都唔好味但係佢個湯係幾好飲我係叫外賣但係我等左20分鐘先有咁就買咗$60總括來講唔會有下次其實都幾失望。因為平時經過見到好多人排隊。就以為會好好食。我係第一次食到咁難食嘅餃子。希望大家唔好中伏。

收工之後，喺屯門諗住發掘下d未食過嘅店舖啦，行到新墟附近，見依間餃子店門口有人排隊，咁就試下啦，喺門外，見到標榜湯底無味精，係淮山花膠豬骨湯，諗住飲啖靚湯我叫咗什錦湯餃A，韮菜餃同香芹餃好味，蔬菜份量比較多，食落好清新，但白菜餃就唔好味，有d怪怪地朋友叫咗什錦湯餃D，佢話粟米南瓜餃好難食，因為好淋，另外2款餃子都麻麻地加6蚊配咗滋味豬紅，食落完全無味，好似無調過味，水煮完淋d湯喺面一樣酸辣土豆絲幾嘢味，夠曬麻辣，又爽口

近排都見到開左好幾間新派餃子店，味道選擇仲多左好多種，超越左從前既原味韮菜，白菜餃咁。朋友推薦左呢一間，行過已經見到店外貼左幾張明星來店幫襯既合照，小店黎講都叫多位坐。望住個餐牌真係好難揀⋯ 因爲太多選擇好彩有套餐，每個有三款味，亦有雙拼。岩曬三心二意，樣樣都想試既朋友仔*食開重口味既我，選擇左C餐淨水餃分別有紫菜味，芝士味，冬陰功味各兩隻如果怕唔夠飽亦可加錢多個麵底（事關我比較細食，都試過淨煎餃六隻，的確冇水餃咁飽肚既。）湯底選用自家老火湯豬骨紅蘿蔔家的味道啊～每隻水餃都好大粒！！！呢三款口味好與眾不同紫菜味係三款中最中和，芝士味好濃集合左西式既味道，冬陰功好重口味好似有香茅咁架3十零蚊已經好飽肚（可另買生餃番去自己煮架）