手卷駅

營業中

休息中

行行下街見肚餓如果又諗唔到食乜,又唔想太heavy嘅話,都會諗起平平地買番個手卷嘆下~以前係幫襯開二樓中間走廊嗰間架,不過唔知點解突然佢就執咗所以今日就決定喺呢間買嚟試下啦～人流唔算太湧湧,都係小貓三幾隻,見到大部份都鍾意叫魚生或者海膽口味,有個女仔就喺bar枱上面食緊沙律,睇佢哋拎住嘅食物,覺得都應該幾吸引我就叫咗個蟹子沙律手卷,$15蚊好平,裡面有幾個男師傅手勢好似好正宗,全部即叫即整,所以都要時間等一等。喺等待嘅時間望下佢哋舖面同餐牌,見到佢都有注明俾客人知,如果係外賣要出聲,佢哋可以另上紫菜,咁就唔怕拎到番屋企會腍哂啦。同埋店舖細細,款式種類都好多,豐儉由人,平至十零蚊,貴至差唔多一百蚊嘅都有。 我隻蟹子沙律手卷等咗三幾分鐘就有喇,size適中,涵料唔算好多不過都好夠味,佢啲沙律醬唔係用普通白色嗰隻,係橙橙哋色似千島醬不過裡面仲有蟹子粒,即食紫菜當然係夠脆,肚餓嘅話真係食完一個都會仲想食多個,哈哈

等朋友收工食飯，太餓啦行經呢條小食街嘅時候被吸引咗忍唔住就叫咗個手卷試下平均20幾蚊都有一個竟然有我最鍾意嘅火炙左口魚邊！！即叫即做黎到見賣相幾吸引！睇落又好多舊左口魚但食落就有d失望，明明咁多舊，應該好香同爆多魚油先啱點知食落冇乜魚油香，肉質偏爽，可能燒得唔夠勁至於飯，量太少。。。。真係食壽司同手卷時好少會嫌飯少但呢個手卷食落太單薄，食完都up唔出個飯係點以呢個魚生嘅份量，可以放多小小飯，口感會更好！感覺好似食咗陣風😂

【厚燒玉子 】$13依件玉子燒🥚🥚好重蛋味，食落好香口，即叫即燒，🔥熱辣辣咁食最好味，加上面頭既沙律醬，會令人想食完再食。小編勁中意食玉子，食完依件野好滿足。🤤😋😍不過係旺中賣1⃣3⃣蚊1⃣件小小既玉子，算係餐廳價既街頭小店，性價比好低，唔太捨得食囉。😣😣——為食指數：7.5/10推介程度：6.5/10打卡指數： 6/10性價比： 4/10

行旺中行下街，突然好想食手卷，就食呢一間算係旺中比較好食同新鮮。呢間係2樓，位置好易搵到，等既人唔算多。佢有不同食物，手卷，小食。有單併，雙併手卷。反卷，同小食。我好想食海膽，一於試佢海膽新唔新鮮。結果都幾鮮甜，唔腥，飯同紫菜岩岩好。旁邊仲有醬油由你自己加，可以旁邊站食。

真係有蟹黃！好多蟹黃！我都嚇親unexpected⋯好食過元氣個軟殻蟹手卷唔係講笑🙊芝士炸蝦卷都熱辣辣即刻整即刻食希望長做長有🙏🏻又平又好食既店真係要好好珍惜，會繼續支持

..鄉里是日出左旺角，見肚餓，糧尾又無得食太多野🤦🏻‍♀️腦海諗起旺中依家有得掃街，勁開心地走左上去🤪 依家掃街野真係買少見少🙈..芝士蟹棒手卷 hkd19.正宗窮人恩物🤤.蟹棒有四條，鋪上半熔芝士，自助台面有豉油，芥末豉油，千島醬，沙律醬任加。材料質量不能要求太多，但總算即叫即整👏🏻👏🏻👏🏻足料👍手卷入面果個醬係幾好食的，有少少辣，又同台面既千島醬有啲唔一樣🤔🤔唔知到底係係咩醬黎嫁呢..

今日四圍騰唔知食乜好，索性直接掃街當晚餐算數。喺旺角呢頭，除咗登打士街嗰帶啲小食之外，呢幾年旺角中心都開始變成掃街好去處。行過呢間手卷鋪，零秒就畀佢呢個賣26蚊嘅全隻軟殼蟹手卷吸引住。講真呢個價位嘅手卷，第二度分鐘得半隻蟹，可能仲係凍嘅x_x除咗軟殼蟹手卷，又見倒蟹籽沙律都貌似幾抵食，就順手叫埋。一畀完錢，師傅已經即刻開始整沙律同手卷，叫完到有得食都只不過三幾分鐘~先講吓個手卷先。隻蟹係新鮮炸起嘅FEEL，仲有少少蟹膏，紫菜夠脆，飯都OK，掂呀~!沙律都唔弱，蟹籽真係相當多，撈晒成兜都見倒蟹籽，唔係出面嗰啲係咁二畀少少蟹籽嘅貨色。啲青瓜都新鮮爽脆。如果要嫌嘅就係啲蟹籽味道比較淡，不過我都覺得而家咁已經好ok。就算唔點食生嘢，單係個手卷都真係可以番兜好多次~

對旺角中心一直都有情意結因為中學嘅時候成日喺度行街自從有咗美食專區人都多咗鍾意食日本嘢嘅我點會放過食日本嘢嘅機會呢間日本野價錢抵我就叫咗個軟殼蟹手卷同埋芝士炸蝦卷唔好講笑嗰啲炸蝦卷一食上癮熱辣辣嘅！入面隻蝦剛剛炸起香脆又彈口加埋出邊嘅沙律醬啲飯份量又唔會過多一定要叫！

Had some time in MK today, strolled around argyle centre with ma bestie and decided to sweep street together. We have been around the "new" food area in argyle centre before but never really got a chance to try the food. Temaki is always my go to, whenever I see them, I just can't help myself, I HAVE to get myself at least one. The salmon belly temaki was pretty good, they did give out a pretty big piece that went from the top of the temaki to the bottom. The salmon to rice ratio is good too

一路都鐘意食呢間手卷，遇著晚飯時間約得比較夜嘅日子，總想黎呢度食條手卷打個底，喺公司行過黎又方便呢。位於旺中2樓，其實我都試過另一間手卷店，不過都係鐘意番黎呢度。火炙芝士三文魚手卷 $26佢地嘅手卷款式夠多，價錢同一般手卷店差不多，平時多數唔用腦，直接點三文魚或者軟殼蟹，今次想食火炙。火炙系列有帆立貝、三文魚、吉列蝦卷、蟹棒、玉子燒，定價$15-28。我點左三文魚，冇芝士嘅$22，有芝士多4蚊。兩片三文魚 火炙過後，只有芝士味同炙燒嘅味，係常識，唔算好厚切，食落軟腍腍，又夠香口食到尾尾都有少少三文魚，唔係白飯手卷，好食。即食的話，紫菜都夠脆嘅。餐牌：

生芥辣八爪魚手卷: 手卷小小的, 男生可以2-3口就把它完全KO!!! 而手卷上層的生芥辣八爪魚... 眼看也是滿滿的, 不錯!!! 因這手卷我沒有吃, 所以不評論味道了, 這手卷整體外觀是不錯的!!!

叫左兩個手卷～ 一個帶子～一個三文魚。份量其實夠晒，見到有個芥辣豉油，落兩滴trytry......哇辣到個胃痛左成晚！我個朋友即刻掉左係垃圾桶，根本吾係人食既！好辛苦

一直都無打算試街邊嗰啲即叫即整手卷小店, 始終覺得佢啲生野未必夠乾淨, 但係食熟野又唔同講法, 煮過啲菌多多少少都殺咁啲嘛. 呢個厚燒肉子真係堅厚燒, 中間仲要夾住少少飯, 一件$12頂平時壽司店兩件, 即叫即燒熱到放左入口好在未放筷子可以原件退返出黎🙈雖然蛋香仲係差咁啲又畀沙律醬搶咁啲味, 但賣點係激厚加熱到痴線令人好滿足, 十二蚊一件抵啦! 五條熱到辣手嘅野到手😍一件分三啖食可以lady啲, 但分兩啖塞爆個口先至滿足. (其實暗地裡想挑機一啖一件🙈)I will be back!

去旺角中心行街街行行下見肚餓就搵下有咩好野食見到呢間手卷店都幾多人買諗左陣都係決定買黎試下鰻魚手卷由落單到拎食物需時好快見佢好熟手咁卷卷卷但我好想問點解個鰻魚要反轉擺兩塊都反出黎會靚啲😂😂手卷拎上手仲微暖有兩塊鰻魚其實都收貨而且鰻魚都幾香有燒過鰻魚汁甜甜地幾正不過飯粒較軟而且無乜醋味佢最好既地方係可自己加調味有普通豉油有沙律醬等等我就吱左啲芥辣豉油但手卷張底紙太薄啲豉油係底漏哂出黎奉勸大家吱豉油時要小心另外張紫菜偏淋身再脆啲會更好整體黎講呢個價錢呢個質素都算係咁一間唔錯既手卷店

睇戲前唔算太肚餓就拉左男朋友黎旺中呢度食d小食頂下肚😂之前食過呢度既手卷，呢度手卷唔算大份，但勝在食到底都仲有餡料。因為平時出面個d得個頂有，食到最後得壽司飯，所以食呢度既手卷有幸福既感覺。☺️今次就試左佢既三文魚反卷($20)，order左之後好快就有得食。反卷上既蟹籽沙律醬滿瀉，勁幸福！反卷size唔算大，一啖一粒甘，三文魚算大舊新鮮。果然同手卷一樣甘高CP值！其實總共有6件，但食左2件先記得影相😂😂