手拉麵小廚

營業中

休息中

上海菜館小籠包爆汁警報💥唔講唔知！原來喺上海菜餐廳都可以食到驚為天人嘅豬頸肉？今日同大家分享一間隱世高質小店～一入門口已經聞到濃濃嘅小籠包香氣，即刻衝去點咗招牌小籠包同豬頸肉米線！咬開小籠包瞬間——湯汁簡直係火山爆發級🌋！雖然偏鹹少少但鮮味爆燈，皮薄餡多做到「湯包合一」境界，食到咀角流油都忍唔住瘋狂encore！至於個豬頸肉米線⋯⋯哇！真係「肉不可貌相」！豬頸肉煎到金香脆口，咬落去「咔哧」聲仲清脆過iPhone新提示音📳！肉質彈牙得嚟又juicy，醃料完全滲透每絲纖維，拌住滑溜米線同清甜湯底，簡直係「飽到上心口都堅持清碗」級好食！最感人插曲～食到一半突然醒起架車泊咗喺抄牌黑點🚨！衝出去睇之際，原來店員哥哥早已暗中幫我昅實，見有交警巡邏即刻提我移車！真係「人間有愛」到想頒個好人獎俾佢～如果唔係呢個神助攻，今餐隨時變「天價飯局」（諗起都肉痛啊！）。總結：呢間絕對係「味力與人情味並重」嘅寶藏店鋪～後續已經約實班friend再去掃menu！大家如果去試的話，記住「車泊穩陣，包食安心」啊～😉

聽講呢間好受歡迎，星期六6點都要等左10分鐘左右，餐廳環境比較細，2個人坐卡位係要搭枱，張枱都有啲細。特登黎到食小籠包 ($57)，一籠5個，師傅一路包一路蒸所以要稍候嘅。咬開個皮瞬間湯汁豐盈，不過整體味道未達預期驚豔，一咬啲餡有啲鬆散。以呢個價位嚟講，性價比略為普通。另外叫左個雞絲冷麵 ($58)，成碗麵份量都好多，大量青瓜絲，鋪滿濃郁麻醬嘅雞絲，麵質算彈牙爽口。豬扒湯拉麵 ($58) 湯底溫和略欠層次，豬扒乾身唔算油膩，麵質軟硬適中，同冷麵都係同一種麵，純粹填肚ok。加左$10要豆漿，以為係自家製，原來唔係😂

超級好味！份量十足，食唔曬😂😂本身預計到份量好多，所以特登叫少麵，但都系好多，唯有打包翻屋企再慢慢食小籠包即叫即蒸，等咗十幾分鐘左右。一啖爆汁，肉無加薑絲，岩曬我口味！豬頸肉擔擔麵份量超多，豬頸肉厚實彈牙，塊塊都有脆邊，真系食到停唔到口，好快就好飽。擔擔麵個湯底唔辣，比一般擔擔麵清淡，偏花生醬味道。超好味！

今日去左新蒲崗，緊係要食手拉麵小廚，叫左豬頸肉担担湯拉麵、上海炒年糕以及招牌小籠包。豬頸肉担担湯拉麵的拉麵均為手工拉製，麵條彈牙有勁，湯底濃郁，融合了芝麻醬的香醇與微辣味道，香味十足，層次豐富。豬頸肉肉質細膩且帶有彈性，淡淡的油花令口感更加滑潤，跟著湯頭一同入口，滋味完美平衡，令人忍不住一口接一口。上海炒年糕的火候把握得宜，年糕軟中帶嚼勁，質地煙韌又不黏牙，散發陣陣香氣。配料豐富，帶着醬油及蔬菜的鮮甜，加上微微的油香與鹹味。招牌小籠包則是店家另一大招牌，5隻一籠，皮薄且有韌性，包內湯汁飽滿且鮮香，肉餡帶有豬肉的鲜美，加上偏淋身，一口咬下，湯汁瞬間爆開，口腔中充滿肉汁的香甜和鮮味，令人回味無窮。小籠包的湯汁不過於濃稠，搭配薄皮恰到好處，肉餡經過炊蒸後還保有鮮嫩口感。雖然皮的質感與慣常食既皮質有分別，但我都是十分喜愛。

今次試咗一間上海菜小店, 食物質素同埋價錢都令人滿意.香辣雞絲湯拉麵 (HK$58)湯底好濃花生味.入口帶點微辣, 非常惹味.雞絲份量都幾多, 但我覺得個味道鹹咗少少.拉麵好彈牙, 而且吸晒湯底嘅味, 每啖都好滿足.招牌小籠包 (HK$57/5隻）呢度嘅小籠包出名大.皮薄得透光, 隱約見到𥚃面嘅湯汁.一啖咬落去, 勁多湯汁爆出嚟.肉餡都好鮮味.令人回味!豆沙鍋餅 (HK$52)相比之下, 呢個豆沙鍋餅真係有啲失色.雖然食落唔油膩, 但外皮偏硬同厚.唔係好建議大家試.整體嚟講, 依間小店環境比較簡單, 但勝在食物質素唔錯.性價比都幾高.都值得一試嘅.

。新蒲崗真係有好多好食嘅小店今次食嘅手拉麵小廚我已經食咗唔止一次啦！店舖位置比較窄通常都要排一陣隊雞絲粉皮🐓🥒份量幾大但其實係粉皮居多 無咩雞絲佢個麻醬花生醬味好濃厚裹滿晒滑嘟嘟嘅粉皮食涼浸浸咁啱晒作為開胃小菜出邊排得熱用佢嚟作為第一度開胃菜實在太適合了😆招牌小籠包⭐️⭐️⭐️粒粒望落去個賣相都好飽滿每次食小籠包最擔心佢個皮太薄一夾起就穿流晒啲湯汁出嚟但佢個皮好煙韌有彈性蒸到晶瑩剔透得嚟夾超唔會穿即使啲湯水裝滿晒都唔會爆好正🤤🤤一落去小籠包簡直係爆汁直程好似飲咗成啖湯咁雲吞湯拉麵🍜雲吞肉饀紮實佢個拉麵幾唔錯係師傅喺鋪頭前面整嘅手打麵麵質好有咬勁彈牙😍價錢實惠大份好食😋

開頭都半信半疑一嚟到見到門口都唔太搶眼，可能平時經過都唔會入去,舖頭位置就唔算太方便都係揸車先會經過到，但小籠包同埋其他食物真係唔錯,試咗幾樣嘢包括雞絲冷麵雖然油咗啲但係都好好味小籠包超多汁，足足有三大羹羊肉湯拉麵麵質好彈牙，湯非常濃郁，羊肉都好夠味道小籠包雖然要等，但係真係好值得，可以叫做其他或者冷盤食住先，今日我哋係兩個男人去食，食咗兩個麵兩籠小籠包真係好飽，我哋食嗰陣係下晝4:00都不停有客入嚟，證明真係區內都有啲名氣😃

囡囡喺新蒲崗跳舞一齊跳舞嘅家長介紹如果撞正午飯時間經常要排隊外賣要自取每次幫襯我都會揀非繁忙時間幫襯咗好多年，今次第一次寫食評招牌小籠包五隻$57 驟眼望好似貴但係佢嘅小籠包一隻抵得人哋兩隻造型絕對唔係符合一般人心目中精緻嘅賣相皮亦冇標準嘅8摺但係絕對皮薄多汁好味我覺得值尼個價平時我一向都叫湯拉麵因為天氣熱，今次叫蔥爆羊肉炒拉麵食材新鮮，拉麵彈牙，有鑊氣👍🏻最後叫咗個豆沙窩餅$52水準達標不過平民食肆嚟講$52真係有啲貴整體嚟講我依然係會繼續幫襯😋😋

嚟到新蒲崗糾結緊食咩好，很久沒有食呢間平日係人龍店既手拉麵小厨，今日係假日應該容易d揾位，就一於去呢間食小籠包啦！入到店內，剛好有一個空位，咁我就坐低點了一碟蔥爆羊肉炒拉麵同一籠小籠包，不一會就上餐，羊肉拉麵味道一流，唔太咸有肉香，麵條有筋道。小籠包就一籠5個，每個一口食在口內爆汁，美味無窮。整體非常滿意。口味：🥚🥚🥚🥚🥚环境：🥚🥚🥚服务：🥚🥚🥚🥚性价比：🥚🥚

新蒲崗有一間好出名食擔擔面嘅小店每次食飯行過都見到門口大排長龍今次早收工，終於唔使排隊都食到！招牌小籠包（5隻）🌟🌟🌟 🌟小籠包送到枱面嘅時候都係熱辣辣，又好大個！用筷子拮開嘅時候啲汁就已經不斷流出嚟，加埋啲薑絲汁食落更加鮮甜雞扒湯拉麵🌟🌟🌟🌟其實佢嘅豬頸肉同豬扒湯拉麵先係最出名不過我哋鍾意食雞扒擔擔湯拉麵好濃郁，啲麵係上海麵嚟嘅，亦都好掛湯雞扒亦都煎到外脆內Juicy💜

呢間上海菜真係會久唔久就想食！因為野食好食，份量大，價錢合理，食完有兩個字—滿足！個人食過羊肉湯拉麵、豬頸肉担担湯拉麵、豬扒担担湯拉麵、雞扒担担湯拉麵、招牌小籠包。款款都好好食，無伏，可放心任揀😍佢嘅麵睇得出真係自家製，條條都粗幼不一，麵質適中有嚼勁，好食！羊肉湯好香羊味但又唔會太騷，羊肉及配菜份量多😋擔擔湯湯底濃郁，有麻醬同花生嘅香味亦帶有少量香辣，無論豬頸肉、豬扒、雞扒都份量大、多汁、調味適中🤤四碗麵份量都好多，食完有種好滿足嘅感覺🥰小籠包亦係佢地嘅招牌！五粒全部賣相飽滿，一夾起晶瑩剔透但又唔會穿，一咬落去充滿肉汁同豬肉嘅香味，做到皮薄餡靚🥹一定要趁熱食！仲有好多菜式都想試，但次次去親都忍唔住食返之前覺得好食嘅野😂

今日我去咗手拉麵小廚食午餐，整體感覺幾唔錯！行過見到好多人等外賣，呢間餐廳店面好細，坐得有啲迫，要搭枱。咗小籠包，真係必食！包入面嘅湯汁勁多，每一口咬下去，湯汁溢出，味道香濃，皮薄又滑，如果你鍾意小籠包，一定要試試。雞絲粉皮都幾好，超大碗🤣粉皮滑溜，雞絲嫩滑，搭配上特製醬汁，味道清新，食落去好開胃。再試擔擔麵，手工麵條有咬口，每條粗幼都唔同，醬汁濃郁，整體口感好好~蔥爆羊肉，羊肉炒得啱啱好，味道鮮美，蔥香四溢，真係好搭！整體而言，手拉麵小廚雖然地方細，但食物質素高，味道出色，特別係小籠包真係必試！如果你唔介意搭枱，呢度都值得嚟～

The xiaolongbao is really juicy, and the soup is very flavorful! The skin is thin and chewy, one bite after another 😝. Everything else is also very chewy. I saw the chef hand-pulling noodles, tried the dandan noodles with pork neck soup base, the pork neck was fried to perfection!The shredded chicken with vermicelli is decent, and also ordered a pan-fried red bean pancake, very generous with the filling.小籠包真係超多汁，湯頭10分足夠！ 皮薄煙靭，一口接一口😝 佢其他面都非常煙靭，見到師傅喺度用手拉麵，試咗個擔擔麵湯底底豬頸肉，豬頸肉都煎到好香！ 雞絲粉皮中規中矩，另外叫咗香煎豆沙薄餅

今日星期五，慕名去試下，襯未到晚市到不入等位食。舊式地鋪，不是食裝修食飽就走可接受，兩人叫了小籠包、雞絲粉皮、雲吞拉麵。份量比起出面大份，雞絲粉皮大大碟可當飯食，好飽，餘下半碗雲吞拉麵打包宵夜。如住附近可以多個選擇，我們由鑽石山站行去都遠，試過就算！！

員工態度不可一世，坐低咁耐冇理過你，淨係一句話好忙就唔幫你落單又即刻走咗去，前後來回幾次都係話好忙唔會幫你落單，明白體諒姐姐嘅辛苦，但淨係掛住做外賣又唔做門面客做到踢晒腳咁嘢食水平唔係話特別好食，但係咁樣受氣法寧願喺屋企煮算，工作忙還忙咁樣覆客人真係好趕客，已經唔求咩好好服務態度，唔係要你斟晒茶遞晒水又90度鞠躬，但係而家個感覺好似求佢做生意咁，可能似住多人食唔自在多你一個客唔多，少你一個客唔少。建議真正想食嘅人避開繁忙時間，等佢哋得閒做你生意先好入去食