手拉麵小廚

營業中

休息中

小籠包好食, 拉麵高水準, 服務態度一般, 環境一般, 地方狹窄, 唯獨食物質素非常高. 如果一大班人就唔好去兩34個人都冇所謂, 座位不多,  高峰時候等待時間比較長，如果有時間的話推薦試一下這間餐廳

以前成日同屋企人食京川菜、小籠包，今日❤️心血來潮❤️就同朋友黎左新蒲崗的手拉麵小廚，office 放飯時間，我地等左大約5-10分鐘就可以入座。食京川滬菜又點小得經典 - 雞絲粉皮 呢，初初以為冷盤小食細細碟，點知同一個主食份量無分別😋，真係一個人食嘅話都夠飽。豬頸肉担坦湯拉麵 - 估唔到豬頸肉份量都唔少，都有大約10-12塊，每口都啖啖肉，而且佢燒得幾香，湯底味道不錯，不過略不夠濃郁，但整體水平不俗。最後當然唔少得 招牌小籠包 啦！呢度嘅小籠包一啲都唔少，係大籠包唷🤣，而且入面已經唔係肉汁，份量多到係湯汁😋，肉汁依然鮮甜經典，不過可能係大籠包，皮則略較厚。

已經不是第一次幫襯新蒲崗手拉麵小廚的午餐。首先，招牌小籠包大大隻，真是可以同包來形容，其外皮薄而不破，湯汁豐富，一咬下去就能感受到肉餡的鮮美和湯汁的溫熱。每一個小籠包都像是精心製作的藝術品，讓人忍不住一個接一個地品嚐。接著是豬頸肉担担湯拉麵，這道菜的湯底醇/濃厚，帶有一點點的辣味和濃郁的芝麻香。厚切豬頸肉入口即化，與手工拉麵的彈牙口感完美結合。每一口都讓人感受到廚師對食材的尊重和對味道的執著追求。最係，這家店的特色是店前有師傅即場整手拉麵，可以觀看師傅的手勢。這家小廚的午餐不僅味道出眾，更展現了對傳統手工拉麵的現代詮釋。以這個價錢已經物有所值。

📍手拉麵小廚呢間小店門口有兩位師傅係到拉緊手工麵同埋包小籠包🥟一睇就知道係功夫菜‼️即刻試試佢🧐🧐🧐🍞招牌小籠包5隻 （$55）一入座已經有姐姐俾定食小籠包用嘅陳醋你因為每一枱都一定會嗌呢個招牌小籠包👍🏻小籠包係即嗌即蒸新鮮熱辣辣♨️每一籠嘅小籠包都脹卜卜食小籠包既時候一定要係個頂上邊咬一啖將啲湯汁倒落個匙羹度再一啖飲曬啲湯😋😋😋呢度嘅小籠包真係非常出色💯足足有一匙羹湯❗️而且皮薄餡靚‼️超級好食🥹🥹🥹呢個真係一定要試✅✅✅🍜羊肉湯拉麵 （$65）呢度嘅羊肉湯拉麵都好出名羊肉係手切羊肉唔係平時打邊爐嗰啲羊肉卷🐑羊肉味好濃好羶拉麵好煙韌👍🏻🍜雞扒担担湯拉麵 （$65）担担麵湯有好濃嘅花生味雞扒係新鮮即炸皮脆肉嫩🐥🐥如果鍾意食濃味湯麵嘅話担担湯麵會好岩你✅呢間小店真係非常高質❗️❗️❗️小籠包係一定要食🥹不過小店坐位有限通常都要等位所以最好早少少去食啦💪

小籠包好食慕名而來點知失望而回 第一次要震驚到留comments服務態度極差自問入門口到出去想唔該前唔該後因為想嗌幾種小食 所以問個呀姐幾大碟（再用手勢嘗試比劃碟嘅size）佢勁凶惡咁回應：我講你都唔知幾多架啦 咩幾大碟啫 你嗌咗先知！最後我哋嗌咗 花雕醉雞 雞絲粉皮 皮蛋豆腐同埋小籠包過程中有另一枱客人（男仕）入店亦都係我落完order之後 先order小籠包 及其他熱食並以靚女嗌同一個呀姐上小龍包係另一個男侍應 亦都係最後先上菜嘅因為係我落單先而順理成章放低小籠包俾我籠小籠包已經放咗落我枱個呀姐衝過嚟搶走 並俾咗較遲落單嘅男食客我大為驚訝 望咗呀姐一眼 並無任何斥責佢立即解釋係因為男食客要影相佢叫嘅係熱食 所以俾佢先然後以「你哋呢啲」稱呼我同男朋友因為唔影相同埋冷盤 而後上小籠包俾我哋-小籠包雖然大隻好多湯汁，但肉質極鬆散 一口咬落去好似食緊肉醬意粉啲肉醬咁個皮唔算薄 食得出雪過蒸返 而且質地有種膠質嘅口感雞絲粉皮 嘅雞絲極少 而且鞋嘅皮蛋豆腐 味道合理 蔥同芫荽 味道都係豆腐入面食到 唔錯醉雞就同雞絲粉皮嘅雞一樣咁嚡啲皮冇光澤同埋好皺 花雕酒味合理-唔會再幫襯對唔公平對待食客嘅餐

去咗鑽石山嗰邊做嘢，約咗附近放工嘅朋友食飯。佢話帶我去食好嘢，一路唔講畀我知食乜，結果去到門口先知道係呢一間響新蒲崗出哂名嘅小店。食得呢啲小店，就預咗要等位㗎喇，千祈唔好因為等得耐而覺得唔耐煩。向街有塊大玻璃，可以望到廚房入面製作小籠包同拉麵嘅過程，門口仲等緊位嘅小朋友就最開心，難得嘅係舖頭入面嘅師傅，又會同啲小朋友隔住塊玻璃有少少嘅互動，氹到啲小朋友好開心。講返啲嘢食，我之前都食過幾次，呢個價錢嚟講冇咩好挑剔，小籠包係好味，擔擔麵係更加好味。經濟實惠又一餐，有時都好羨慕喺嗰邊返工嘅人仲有居民。

講起新蒲崗，相信大家都會諗到工廠區🤣不過同時佢都係一個充滿cafe、餐廳小店，新舊共融嘅地區😁今次我哋去嘅就係當地名店，傳統手拉麵店😋🐷豬扒担担湯拉麵 ($62) 呢個係我每次黎都會叫😝豬扒係厚切，軟腍有咬口😋担担麵湯底勁濃，勁香花生味🥜佢就好似用濃濃嘅花生醬調味，次次食到尾都會變咗花生拌麵😛鹹鹹甜甜，再加埋花生香，好好食🤤🐏蔥爆羊肉 ($88) 蔥爆牛肉就食得多，羊肉就少見啲😆調味同平時食嘅蔥爆牛差唔多，但就多咗陣羊羶味😋而且羊肉比得好多，好大碟😙愛食羊嘅人士必叫🤩🥟菜肉雲吞(8隻) ($52) 次次黎都會叫佢嘅招牌菜小籠包😝今次就換吓口味試吓佢嘅雲吞🥟雲吞大大粒，皮薄餡靚，調味溫和，食得出食材鮮味😋原來湯底都唔簡單，係豬骨濃湯，成碗都係用心製作

招牌小籠包（五隻）$52- 必點熱騰騰一籠五隻小籠包，每一隻都充滿湯汁。豬頸肉湯拉麵 $56- 豬頸肉湯拉麵有好多豬頸肉 ，加上師傅每日人手打麵，香口惹味。豆沙鍋餅 $48- 麵後甜品叫咗豆沙鍋餅，外脆內軟，甜甜的豆沙內餡，好食。

去左新蒲崗整野，肚餓入咗呢間拉麵食，整體覺得味道好食，價錢就一般，同食完一身油煙味😂 豬扒担担湯拉麵$62大碗，豬扒炸得大塊，入味，好食。担担湯濃味，麵條頗粗身，口感無乜特別，上海麵。小籠包$52大粒，多汁，味道正宗，一籠有五隻蔥爆牛肉客飯$65味濃惹味，蔥類較多，好香口，但細碟（我近影得大碟）大概一隻男人手掌既Size，另外，碟底超多油，食到底層會怕入廠而唔敢食落去，希望可以落少啲油。提提，佢地只收現金、飲品得菜蜜

今次來到好少去嘅新蒲崗 👦🏻話要回憶下中學時光 所以就帶我去試下啦 係小店來 所以位置比較少 星期六中午都等左十幾分鐘先入到座 餐廳比較逼袋同書包都冇位擺 🔍：#jcfood_新蒲崗 #jcfood_京川滬✿ 豬扒擔擔湯拉麵 ✿ [$62] 我叫左豬扒擔擔湯拉麵 賣相都幾靚 擔擔湯唔會好濃🥜 所以冇容易漏 麵質不錯🍜 麵嘅份量好多 食唔曬 配埋面頭嘅菜脯同芝麻一齊食更香 豬扒都算大塊 肉質新鮮 不過不失 不過冇配飲品唔算抵地址➸ 新蒲崗衍慶街48號衍慶大廈地舖★好食指數★：3.5/5★冇加一★

一開始坐低我哋已經諗好要食咩但係叫餐嘅時候eh 咗一聲,個阿姐就好串咁叫我哋諗好先再叫佢話自己好忙 開頭以為個阿姐對個個都係咁，原來淨係對後生啲嘅係咁串之後佢寫完紙，我哋等咗好耐對面搭枱嘅人啲食物都齊一半嘅時候我哋嘅食物仲未嚟原來冇幫我哋落好單雖然間餐廳啲小籠包同埋擔擔麵真係好好食但係阿姐嘅服務態度極差其實間接對食物嘅質素都有影響建議舖頭如果落單時候太繁忙就改用電子落單或者客人自己填紙咁落單就唔使特登請一個態度咁差嘅阿姐嚟影響間舖頭嘅食物質素間舖頭有兩個阿姐有一個其實幾有善另外一個就極差

今日真係好凍，去咗呢間食羊肉湯拉麵。本來想叫多個小食，但lunch得一條友食驚食唔到太多嘢，無叫到招牌小籠包。羊肉湯拉麵$62，落單後等咗大約15分鐘，麵上枱後發覺羊肉係薄切，份量太少，麵係人手拉，粗幼不一，有啲煙靭口感，湯底係啲肉既濃湯味，但食唔出咩味，食咗一半之後，加咗半匙辣醬，同湯麵混合一齊食，辣醬幾開胃惹味，由於天氣太凍我又太肚餓，三扒兩撥食哂，由入座到離座用咗22分鐘。餐廳地方好迫，個待應叫幾次先睬人，食物都ok，但下次可能等少人啲先嚟，單點叫小籠包食算。

呢間舖頭係我嘅小籠包top one！佢哋嘅小籠包係我食過最多汁嘅小籠包！超級好味！🥟😋每一個小籠包都包裹住嫩滑多汁嘅肉餡，一咬落去就嚟咗一陣滋味爆發！個湯汁湧出嚟，真係令人垂涎欲滴！食落去，個皮薄又Q彈，肉餡鮮美，真係太過癮啦！我食一個又一個，停唔到口！🥟🤤除咗小籠包，佢哋嘅擔擔麵都係一絕！個湯底香氣撲鼻，一碗麵食嚟到，就算飲咗好多都唔會話好頸渴！面條彈牙，配上香辣的醬汁，真係讓人欲罷不能！每一口都帶嚟一種濃郁的滋味，令人舌尖上的味蕾都為之一振！🍜🌶️整體而言，呢間小籠包店係我心目中嘅最愛！佢哋嘅小籠包係無敵多汁，令人回味無窮！加埋佢哋嘅擔擔麵，真係一種美味的享受！如果你係個小籠包控或者麵食愛好者，呢間舖頭絕對係你嘅必試之選！🥟🍜😍👍

朋友推薦，一於試吓！好彩當日去到唔係排咗好耐就入得🥹價錢非常親民，食物方面亦都好出色，喺新蒲崗附近嘅打工仔真係不妨試吓！😉就算住得遠嘅我，都會回頭專登過嚟食😋🍲招牌小籠包 5個 ($52)食過咁多間，依間係最多湯嘅一間！個size大大既透透地望到入面啲湯✨皮薄餡靚，cp值高💯🌶 豬扒擔擔湯拉麵 （$62）豬扒份量唔少，湯底麻麻辣辣的有少少花生味，不錯😛食唔到辣嘅朋友都可以嘗試下，因為我都食到😝鍾意呢種麻辣(´･ω･`)🌶 雞扒擔擔湯拉麵 （$62）本身諗住嗌豬頸肉，點知賣晒😢店員就介紹我哋食雞扒，居然係個好介紹😎雞扒味道香口，個人比較鍾意雞扒多過豬扒😛推介🧡

因為呢間餐廳，所以我專程黎到新蒲崗！！由於時間太早，所以我地營業時間前15分鐘已經喺門口度等開門😂 前面有對日本情侶仲早過我地。一入到去就即刻落Order!! 新鮮蒸起，出晒煙！入面好多湯汁，不過同平時既小籠包唔同，入面既肉唔係一粒而係比較鬆散，但都好好食！朋友推介呢個豬扒擔擔麵！ 係我最愛既花生醬味好濃時擔擔麵湯底！！ 豬扒啖啖肉，醃得好好食啊！！ 拉麵都好吸湯！ 唔錯唔錯！羊肉湯拉麵係先生食既，我試左一啖，我覺得湯底幾清甜，有羊味，唔錯。不過我先生就話覺得個拉麵有d粉，好痴牙。但我食擔擔麵既時候又唔覺，可能d拉麵質地比較配喺擔擔湯度掛？朋友話呢間既炒拉麵好好食,下次再去！！P.S. 我都知食呢d小店就唔好講咩服務態度，但有位阿姐既態度真係差到暈！！不斷喺度鬧d客，都唔知得罪佢d乜😂。 反而有個後生既哥哥仔態度幾好，仲好有人情味咁幫一個婆婆收定錢，因為婆婆帶左兩個外國返黎既朋友黎食飯，怕佢地爭埋單