抹茶館 (已結業)

一個人食飯又不趕時間的話,我一定會揀環境寧靜的,這天趁住入營前,先到屯門市中心的圖書館還書,再先打底入營抹茶館剛剛開張時都有幫襯過,抹茶的甜品飲品真的多元化,不過佢實在有點遠(以屯門市中心行過去來說)要穿穿插插幾個商場才到~這天好像是開業周年慶,有一部分的套餐比平時便宜~我叫了這個是雞扒飯套餐,除了飯之外,有甜品,飲品,湯~日式照燒親子井的雞扒是味道很不錯,肉嫩多汁,但那個照燒醬汁就不得了!咸得要死了!親子井入面有一顆半熟蛋,吃的時侯是有流心的 餐飲方面,我挑了凍的綠茶,是普通的貨色而已~甜品是抹茶o者喱,甜甜的,幾滑~

識我既朋友都會知道,我對抺茶有一種講唔出既情意結....抺茶雪糕,抺茶飲品,所以有關抺茶既野我都好鍾意!呢日係附近做完野就決定黎呢到食野啦.....係第一次但應該亦係最後一次....入到去叫野食都要等好耐,呢到啲侍應好似當睇你唔到咁,好奇怪....好辛苦咁落到單啦但係等左成半個鐘都冇野黎....唔知想點囉.....終於食物黎到:吉列豬排丼:塊豬排炸到太乾身....好硬. 飯就軟硬適中,唔錯~抹茶布丁白玉芭菲:有好多配料(抹茶雪糕,生果,紅豆茸,栗米片),賣相好吸引,口感豐富,有驚喜!總結呢到食物質素還可以,但服務員質素超差,要改善!!

好耐之前食過呢間既軟雪糕, 不過我覺得麻麻地好食, 而且曾經經過過望下D午餐, 又唔吸引. 所以我都冇打算去幫襯呢間舖頭. 不過, 早幾日約左朋友打算在屯門食飯, 朋友提議到呢間食, 佢話夜晚套餐好抵, 同埋杯飲品唔錯, 所以姑且又試試.大約6:35PM到左, 見入面都有空檯, 所以都入去等朋友. 但朋友因塞車, 所以要晏D先到到, 自己就望下有咩食先.好彩D侍應唔係好理我, 又冇趨我落單.的確用呢個價錢食個套餐, 真係好吸引既~~最後我地叫左一個叉燒拉麵, 一個烏冬.份量黎講, 如果係女生, 一般都夠食既, 男生就可能會覺得少了一點吧.味道不過不失, 可接受. 但叉燒只有一塊, 少左DD囉....而且都幾肥下..自己亦點了一杯朱古力牛奶抹荼!飲一口, 讓我對呢間舖頭改觀! 不錯喔!因入面有冰, 所以唔會越飲起淡,而且牛奶抹荼好香滑, 似飲緊奶昔一樣既口感!!攪混上面既忌廉仲更加滑!!最後再叫甜品迷你抹茶mousse cake好林身, 好似溶左既雪糕咁, 好重芝士味迷你抹茶tiramisu

見佢特價走不去試叫左個三十九既牛肉飯餐同五十九豬骨醬油拉麵睇落去份量唔多，但食完好飽先講牛肉飯，我試左試，牛肉唔錯個湯有胡椒，個人好中意胡椒湯之後講我食既拉麵望落去真係好少，但算好大食女仔既我食完係飽好香蒜味麵有d實食物整體黎講ok，70分啦餐有個抹茶者喱超甜，但細細口食完會試到抹茶苦味但係急食完就試唔到啦，真係太甜之後我餐跟迷你牛奶抹茶見佢黎時心諗甘細杯試左覺得好正牛奶味>茶味>苦味細細杯都好享受

一班女仔對抹茶有一份執著，於是乎我提議去哩一間抹茶做主題既餐廳食。成間餐廳設計好簡約舒適，唔會比人好焗束既感覺，就好似D樓上cafe甘。有D餐廳限左食客坐個零鐘要走，但哩度唔會，我地由6點半坐左10點幾，到佢地要打烊，我地先走。抹茶館有個$50 off既promotion，只要點2份主食+2杯飲品+2個甜品，就可以減$50。我地5個人，就點左5個主食+5杯飲品+2個甜品share。但其實如果唔諗住食甜品，我覺得單叫都唔會太貴，就好似我點左【卡邦尼溫泉蛋烏冬（$69）】同【凍牛奶抹茶（$29）】，加埋都只係$98，所以可以唔需要為$50，叫多個$4X或以上既甜品。先講講杯【凍牛奶抹茶】。一般係餐廳飲到既凍野，總係睇落好濃，飲落就好淡，感覺就好似溝左水甘。但係哩杯凍牛奶抹茶由上台到我走時都仲係好濃味，的確令我有些少驚喜。唯一唔係甘好就係佢D抹茶粉好似唔係沖得甘開，飲落有D抹茶粉顆粒。然後係個【卡邦尼溫泉蛋烏冬】。成個湯底都係芝士汁，仲落左芝士粉，對於終愛芝士既我真係十分吸引。其實食落反而芝士味唔係太濃，比較咸。份烏冬份量都幾多，我有個朋友都食唔晒，如果比較細食既女仔，不妨同朋友share黎

是晚星期日餐廳沒有69元加一套餐取而代之是二人餐，全單減hkd50優惠丼的選擇很多，一如大部分連鎖店每項選擇都有精美圖片，令人三心兩意點了一個吉列豬排丼，燒雞排溫泉蛋丼凍忌廉牛奶抹茶，忌廉抹茶沙冰抹茶提拉米素及抹茶雪糕配紅豆蓉西米露燒雞排切過的大小不一做的太馬虎上面放的沙拉茶不新鮮也未叫難吃飯也不是很熱配上溫泉蛋就更冷不開胃...朋友的吉列豬排也試了一口外層蠻碎的，不過沒外皮應有的香氣點的汁也只有死咸沒令人留下什麼印象的兩個飯飲品方面出色大家都乖乖喝光你就懂！甜品像是強加上去的要你點味道賣相是還可以啦可是一餐吃下這麼多抹茶和牛奶製品對胃部的負苛實在不輕像我就肚子痛了一晚說回兩件甜點吧提拉米素上層的混合物味道不錯擺設顏色也漂亮但提拉米素大家都知道它是有分層次吧這兒底層那片蛋糕就太乾了令整體少了一份融化的口感現在要拿出來賣就要細心一點，不要有基本態度的錯誤啊另外的是抹茶雪糕紅豆蓉西米露雪糕味道沒話說紅豆沒有平常的甜度也能接受因為總不能每樣東西都弄得甜甜的少許清淡可以感受食物的真實味道也不錯但敗筆在西米露之中縱然西米露是現有的，在拿出來給客人前先攪拌一下也不會出現結塊狀總括而言，這家店沒我所

見到呢間散叫既話好貴,但個SET就只係$69加一,所以就試下呢間苜先我叫既係雞扒飯,D雞幾好味,唔老,有少少菜中和返個SAUCE,同埋揀飯先會有湯,個湯唔係味躇味,反而係煙肉味,都OK個拉麵都唔錯,湯底幾好杯野就真係好綠茶,但偏苦,而且個SET好飽(個人認為),杯野淨係飲左1/3,加埋D CREAM其實都幾流甜品係MINI,最好食偽TIRAMISU,但其實只係一舊海綿蛋糕上面加PAT TIRAMISU味既醬,銅鑼燒最唔好食,係凍既,同食緊麵包冇分別,MOUSSE CAKE 個MOUSSE偏酸

本人是牛奶抹茶控，凡有牛奶抹茶提供的餐廳我加幾多錢都要轉飲。我知抹茶館開了很久，因為要排隊，所以一直沒去，後來也忘了。直到近來買了新相機去濕地公園影相，搜尋附近有什麼吃，抹茶館才重新出現眼前。網上看到很超值的set沒有，可能是星期六關係，只有一個沒什減價的set，所謂set就是主餐牌依它數量叫，總價平$50。山長水遠來屯門，還是叫這個set吧, 後來發現二人來說，這真是太飽了。環境很好，明亮又曰式。我的飲品是朱古力牛奶抹茶。綠茶味濃，泡泡忌廉綿密有口惑，奶味適中。朱古力味……沒有。抹茶控當然認為很好。友人是牛奶抹茶，沒有忌廉只有冰，較淡口但不太漏。主菜卡邦尼烏冬，老實說，每家的卡邦尼都不會不好吃。友人主菜是特盛黑麻油拉麵。面質是日本拉麵(有些日式拉麵店是用上海麵)。麻油夠香，湯底味道可再濃厚一點。第一個甜品，是網上食評推介之抹茶軟心朱古力芭菲，很可惜我不喜歡。因為有我很討厭之早餐粟米脆片。還佔了一半 。沒法有客觀食評。另一個是粟子忌廉銅鑼燒，包面軟熟，雪糕很幼滑，抹茶雪糕還是喜歡再甘苦一點。賣相精美。這個二人餐，份量來說，三人吃比較好。

晚餐食完羅麥記再尼抹茶館食甜品，之前朋友食過話好食一直想試，今次係機會啦！卡邦尼溫泉蛋烏冬一尼到已經香氣逼人，好大陣芝士味，聞到已經好吸收。份量唔少，個湯底好濃，煙肉唔多得幾塊，個溫泉蛋好似生蛋咁融入左係個湯底到 ，啲烏冬好煙韌，成個配搭好正好好食！抹菜提拉米蘇一尼有啲嚇親，個size比想像中細左啲。同普通提拉米蘇冇分別只係可可粉轉左做抹茶粉，抹茶粉同啲cheese cake好夾，甜度岩岩好。抹茶布甸白玉紅豆芭菲Size好大，好多料，上層有生果，紅豆，抹茶雪糕同白玉，抹茶雪糕唔算好重抹茶味但可以接受，加埋紅豆好正。白玉好大粒，配埋紅豆同雪糕好好味。中間係忌廉同粟米片，食完雪糕再食粟米片脆脆地感覺幾特別。下層係抹茶布甸，抹茶味唔係好夠，布甸冇乜味，較為遜色。什錦銅鑼燒有抹茶味同雲厘嗱味雪糕球，紅豆，抹茶慕思，白玉既銅鑼燒，非常豐富，睇落已經好吸引。銅鑼燒望落有啲濃，本身以為好似班戟，但食落好鬆軟。就咁食好乾身，配埋啲配料好正！

其實剛開業的時候也來了數次，只是味道一般就沒再來早陣子聽見友人套餐比以前更優惠，而且味道可以，便趁少少空檔，這裡又近車站，便坐下來，希望它能一雪前恥！原來門外放了大大的告示，一週年紀念，難怪套餐價錢如此吸引⋯裝演一如既往，開揚舒適、簡潔翠綠。和風牛肉丼套餐（$39）。與吉野家價錢相若，不過這裡的套餐多了甜點、熱湯啊！牛肉丼飯底稍油，不過米飯軟硬適中，牛肉口感不太靱，另有洋蔥、葱花作陪襯品。吃下來又有點像吉野家啊～～這個水準算不錯！熱湯內有煙肉粒，湯底咸咸的，而且渾濁不清，應該下了不少調味料，還是少喝為妙迷你抹茶啫喱。這個很甜很甜，沒有抹茶甘香，面上鋪有忌廉，吃了幾口就沒吃。另外還附有熱茶，沒特別不寫了。順帶一提，店長服務態度不好，難怪其他店員也一般般，原本有點趕時間，到外面結帳，怎料店長叫我先坐下來，等我弄好就會過來了！可是一直的對話語氣也很差劣，就算趕時間，也要叫我先坐下，好像指我妨礙她工作說真的，食物、態度再不改善，很難有客人光顧⋯⋯

這晚和友人外出聊天只想找個地方舒服地坐下我們見抹茶館不算多人便決定入座我們點了一個傳統抹茶和一個抹茶布丁白玉芭菲傳統抹茶($19)侍應附上了一份沖茶指引我們照著做 可是茶粉和水不能完全融合喝起來味道較淡 苦澀味是慢慢地滲出來賣相是不錯 但味道並不是的杯茶抹茶布丁白玉芭菲($59)芭菲算是大杯 配料有很多最頂層有抹茶雪糕、生果、白玉、紅豆茸抹茶雪糕味道不太甜, 抹茶味道突出, 實在不錯, 和紅豆茸的味道很配再下面則有忌廉、栗米片、抹茶布丁加上栗米片令整個芭菲的口感變得更為豐富以這樣的價錢能吃到這個質素算是超值了

係屯市開左無耐， 一直都想試， 做完義工企左半日諗住去獎勵下自己， 點知變左罰左自己…我和朋友一行三人下午五點來到唔洗等位， 叫左三個不同食物 （正確食物名唔多記得）：1. 綠茶雪糕配鮮果朋友話雪糕綠茶味淡左D唔太濃， 普通2. 我的七味香蔥牛肉烏冬 牛肉無咩特別、烏冬尚算有咬口， 問題係個湯底…超…勁…咸…囉…！！ 侍應話湯底都係咁喎， ok我比我兩個朋友試， 佢地兩個都話勁咸囉， Crazy! 個chief 味覺係咪有問題…3. 銅鑼燒夾餅一上桌， 好吸引， 食到面個D雪糕呀綠茶吉士差不多無哂時， 先發現…底面都燒到“火農”哂， 搞錯呀正想再叫侍應時， 友人說算把啦， 咸成咁既湯底都咁回應， 你尼個食左一半既“火農”銅鑼燒算得咩… 一間門面唔差賣哂日式味道咁， 但味道同服務回應都差好遠囉， Blacklist無下次呀！！

  今日星期五，六點入到屯門市廣場開飯，因為人流較多，所以見依間餐廳裝修唔差，而且唔使等位就行左入去。   入到門口，無人帶位，到行入吧枱前先有人問幾位，入坐點餐，我同朋友一樣叫左個餐，坐左一陣，惡夢就開始喇。   店員係我落單兩分鐘後，放低兩杯野，然後唔覆我咩黎行左去，因為我唔知邊杯係我既關係，我同朋友就爭論杯中物係叫咩名，爭論左一陣先有店員行黎同我講返邊杯打邊杯，依個時間餐湯同親子丼上到枱。    餐湯淡而無味，而且加左胡椒，淡而無味既湯，獨有胡椒味，令人難入口，根本攞咩煮，點煮法都可以唔洗理，就係難飲。     親子丼，碗面超大，碗底超細，份量對一個成年人，正常唔夠食，減肥人士啱晒，味道方面，清淡，唔熱............簡單d講，就係難食。     最後我問店員係唔係有跟餐甜品，店員攞出銅鑼燒比我地，食落囗，麵粉超硬，而且無味，又係難食。      飲品，當甜品會好d，得個甜字，最慘係飲落一口渣，必須飲淡清水先得，最後全餐無野食晒叫埋單，店員都要左搵右搵唔知搵乜咁先比到張單我     簡單d，除左裝修正常，望落乾淨，食物質素差，服務員質素又係差，最慘係唔好食，入唔到口，又要

係屯門市廣場搵食,見到有呢間抹茶館,就決定試一下.下午茶時間有TEA SEA但不吸引,決定叫一個$69既香辣味噌燒豬肉飯同埋$29既綠茶梳打飲下其實唔知點解無啦啦香港會流行抹茶.呢杯梳打飲完真係打冷震,茶味不濃,帶點甜甜地既梳打水味,2茶其實混埋一齊後發揮唔到咩作用,完全唔識欣賞.飲多一口後茶味完全消失,只有梳打水味香辣味噌燒豬肉飯份量不少,仲有沙律菜係面,下了酸汁食,夠清新.但點解要放係飯面.味噌既辛辣度很低,但的確幾好味,比死咸既味噌多了層次.撈有咬口既珍珠米食,味道不差,但問題係塊豬肉明顯係唔係燒出黎,又欺騙我.點解要話係燒味道有待提升,誠實度亦要提升

十年都唔入屯門，之前都唔怕唔知食咩，咁啱經過見有set dinner，就試下。拉面幾好食xD 我個人鍾意隻蛋 haa杯牛奶抹茶其實幾好飲，但真係好濃，唔可以話難飲，但只可以講，如果鍾意抹茶嘅人，一飲返唔到轉頭烏冬唔錯，幾好味，但個甜品就麻麻地，因為本身杯野已經好重口味(sorry 真係有d濃)然後個銅鑼燒ge 綠茶cream 濃味依然...keep 住抹茶 ; D