抹茶館 (已結業)

諗唔到食咩之下，朋友提出不如食抹茶館。小妹第一個反應係「有唔係抹茶既野食咖可?」朋友話有其他野食，咁就可以一試既🤔兩個女人叫左個二人餐，二百六十蚊加一有兩個小食兩個飯麵同兩杯餐飲🙈香橙雞肉沙律食落都okay，因為出面天氣實在太熱，酸酸甜甜確實開胃清酒煮蜆份量都多，食到有點點酒味朋友揀既黑蒜油拉麵湯底唔夠濃，味道一般小妹揀既忌廉芝士雞肉烏冬好重忌廉味，有兩種芝士，味道一般仲有一人一杯茶飲既，選擇唔多All in all: 價錢食物一般般

初めて抹茶館に行って見ました。正直、香港で日本の抹茶ってどうなのかな？と心配でしたが、日本で出てきそうなクオリティーと美味しさでした！お店の人は他のお店とおんなじ感じですが💧私が一番おすすめなのは抹茶（飲み物）と白玉のセットです！白玉がモチモチで暖かくて美味しかったです💓同じく抹茶ティラミスも食べて見ましたが、滑らかな口触りでこれもまた美味しかったです！一緒に黒豆茶も飲みましたがスッキリしていて飲みやすかったです💫また行きたいと思うような味でした✌🏻💕

前排，去旺角睇醫生，去到雅蘭中心諗住食過lunch, 見其他餐廳都要等位，偏偏呢間開揚嘅抹茶館有很多空位，在吾想等位之下，又想飲杯抹茶，便入咗去試下，一試就知中咗伏首先賣相方面：已不吸引；至於味道方面：個滑蛋豬扒一d都吾好食，滑蛋吾滑，豬扒超硬，另外d飯吾係珍珠米，而且很淋，食咗一半已吾想食。另外杯綠茶，d抹茶味淡到似飲水，成七十幾一份, 性格比很低。食完先完全明白，點解lunch time 都有咁多空位。

今天和友人逛逛街，行到累了便隨意選一間餐廳食個小tea, 休息一下。選了不太多人的抹茶館，其實之前都有來過這裏，它的抹茶甜點飲品都不錯的。但今次我們選了它新推的紫薯三寶甜點……錯了…… 紫薯味不出，口感和真實賣相都怪怪的。下次一定不會再點!

旺角一年365日都咁多人，雅蘭都算幾集中，由於星期六晚實在太太多人，好攰又唔想諗食咩就決定左呢間，見有熱食又有抹茶甜品。等左30分鐘，總算坐低左。叫左滑蛋吉列蝦飯，望落有少少細碗。但我餓過龍無胃口食，size剛好。蛋堅滑，吉列蝦好正常唔多粉 ，洋蔥夠𣺉好味。凍飲係另叫嘅，唔想太膩就揀左茉莉花茶抖都唔洗抖 叫佢即上甜品2個嘅餡/配料都大致上係一樣，佢抹茶雪糕係好易入口 唔算重味 parfait入面嘅cream就唔算滑，入口好lup。脆脆好硬，我d牙齒唔太受到Waffle杯好正，紅豆蓉小丸子都好味。可以翻撻，但唔鐘意球雲呢拿味雪糕。

約左朋友仔到旺角看戲但她要陪她的老公吃晚飯所以我便自己一人吃晚飯了今天吃了很多，原本打算輕食但看到抹茶館，便想試一試不知是我好運還是什麼7點鐘繁忙時段我可以即刻入座服務員帶我到卡位坐一個人獨霸了卡位要早點吃完離開才不會不好意思餐牌上有很多抹茶什麼抹茶什麼的但我不好抹茶，所以就一概自動跳過最後我點了一碗牛肉烏冬加柚子蜜牛肉烏冬很一般，有少少辣味 (很輕微的)牛肉有點肥，就是冰鮮雪花肥牛的一種感覺烏冬挺有口感，是類似稻庭烏冬的一款柚子蜜很香，味道不錯這樣普通簡單一餐也要$80 雖然服務不錯，但整體不太化算的😞

復活節期假前一晚, 間間餐廳都要排隊,最後揀左抹茶館,等左15分鐘。叫左滑蛋吉烈蝦飯, 綠茶芭菲。 個飯都幾好食,個汁都正常, 蛋唔會過熟。但個芭菲我就覺得好一般, 上面個雪糕既綠茶味幾好, 但同其他野好似唔多夾。

是晚叫左個二人餐 可選二樣小食 二樣主食和二杯跟餐飲品可轉特飲 以特飲價錢減十蚊小食方面，叫左個餃子雞翼、同埋番茄麻醬沙律沙律普通 無映到雞翼都唔錯 幾香口而中間既係菜肉 好似平時菜肉包既味之後、二個主食 也上再台了 先是炸雞飯炸雞好香口 但略微干身同埋無咩汁如果多返汁會更好之後係溫泉蛋豚肉飯有少少辣 幾惹味幾好食飯都撈到d汁價錢方面 加埋一 就三百蚊樓下唔算好平 或好貴 都可以一試既份量都幾夠 幾飽 味道都唔錯 唔算特別好食由於太飽 就無再叫甜品啦下次再試

廢話唔多講。直接講食物！叫左一個沙律醬豬扒丼，起初見到佢menu幅圖係唔吸引嘅，因為影到個豬扒好厚。星期六hea mode緊，連個口都唔想郁，想食啲易𡁻野。但係好彩男朋友話試下，哩個飯係好食嘅。個飯一上枱已經流口水，賣相好正。再望下啲豬豬，原來係薄燒嘅！即刻食返舊，佢夾雜左沙律醬嘅味，令到肉味香左。除咗咁之外，因為加左沙律醬所以豬肉入口嘅口感冇咁鞋身，滑左。所以呢個配搭真係唔錯。而我最怕食有豉油汁嘅丼，因為餐廳多數都會落好多汁，多到浸住個飯，搞到好似食爛飯咁，有啲又會落得太少，成個飯冇汁變咗好乾唔好食。呢度嘅飯當質量好適中，所以真係推介得過。不過唯一嘅缺點就係佢將啲沙律擺賣係個飯面，又加左啲其他味酸酸地嘅沙律汁，當啲汁留咗落飯入邊就會覺得好奇怪。不過酸沙律汁唔太多所以對成個返嘅影響問題不大。另外一個嘢食就係，黑芝麻醬豚肉拉麵，湯底當然冇出邊打正旗號賣拉麵嘅鋪頭咁好食。不過溫泉蛋同個豚肉真係幾好。肉嘅脂肪比例算叫做一比一，所以一入口可以話係即溶。拉麵都煮得幾彈。如果70幾蚊一個拉麵，我覺得都算合格嘅。

這是第一次來到抹茶館，看著餐廳的裝修不錯，食物的賣相也很吸引，便前來一試。這次我們點了炸蝦硬婦羅滑蛋丼（$79）、柚子醬沙律炸雞丼（$69）和抹茶白玉紅豆窩夫新地（$54），兩個丼也附送菜湯。滑蛋炒得過熟，實際上不太滑天婦羅的炸粉厚度剛剛好，不會過厚，十分香脆，口感不錯。炸雞炸得乾巴巴，失去了雞塊原來的嫩滑質感。而柚子醬的份量很少，結果還是吃著乾巴巴的沙律菜和炸雞。新地雪糕撒上甜甜的糖醬，抹茶雪糕和紅豆也是很甜，厥餅口感煙韌。整體而言，兩個主食的份量較少，味道不過不失，而甜品的味道不錯。

抹茶館之前開到周街都係 但近年好似愈黎愈少見～朋友一直都話想試 但之前成日約完都冇食到 嗰日咁岩經過見到 就諗住入去食個下午茶😂我點左抹茶大福卷伴抹茶軟雪糕 而朋友點左另類既抹茶雪糕～ 呢道甜品賣相幾吸引 左邊係抹茶大福卷 入面係士多啤梨醬汁 上面係一堆綠茶粉～ 食左一舊 覺得有少少中伏既感覺 我一直覺得啲咩草莓大福 乜乜大福應係都係蔴糬既質感 咬落會係軟綿綿又好煙韌咁 但佢係硬掘掘 咬落似膠 令我同朋友都有啲失望佢既雪糕普普通通 抹茶味道淡 亦都冇嗰種香濃回甘既經典抹茶味 開始有啲明點解佢既蹤跡愈黎愈少 🤔香港既抹茶甜品店愈開愈多 行內既競爭好大 雖然有部分餐廳係有名無實 但頂住過江龍既名 賺左唔少油水～最後食埋佢既抹茶凍同埋甘粟 味道不過不失～ 係啲紅豆香甜好味 😋其實我覺得佢既茶幾好飲 清香既茶味令人精神一振 而且有助消滯 我同朋友都飲左唔少 😂餐廳既服務都OK 不過人手太少 點餐都等左一陣～ 整體黎講 唔算太差😃

聽到抹茶館這名字就知道是主打日式料理的餐廳，愛吃日本菜的我當然不會錯過它。餐牌的食物款式很多，上至拉麵下至丼飯都，而且還有最令人心動的抹茶飲品以及甜點呢。黑麻油濃厚豬骨拉麵油香味十足，但湯底味道卻沒有想像中的濃味。拉麵的麵質還好，沒有煮得過腍，仍然是帶咬口的質地。但半熟蛋卻煮得過熟，蛋黃都幾乎成固體狀了。期待已久的甜品終於出場了，蕨餅黑蜜窩夫新地的賣相漂亮。窩夫鬆脆，抹茶雪糕奶味重，底層還有數塊蕨餅，吃起上來非常滿足總的來說，餐廳的甜品比熟食以及拉麵質素更好，期望再來吃吃其他抹茶甜點。

今晚來了呢間抹茶館晚飯, 叫左"柚子胡椒風味香蔥鹽燒豬肉丼" ($69), 包一碗野菜湯, 食物來到發覺賣相好普通...味道就更普通... 碗飯上面有好多蔥...啲蔥係全生既..就咁食落口都幾辣...應該就是名字上的"香蔥"吧...蔥上面仲有一條條紅色既野...唔知係什麼東西...我估係蝦鬚卦...我夾開左冇食過...而所謂鹽燒豬肉份量和味道都ok既, 不過真係唔多覺得係燒過...而個飯其實冇乜汁, 但食落啲飯都有少少味既, 未至於食白飯. 旁邊有一舊柚子胡椒醬, 呢舊醬幾惹味.  至於碗野菜湯, 味道淡而無乜味..入面有一兩粒疑似肉碎和冬菇既野...同埋少少椰菜.整個set要$69仲要另加一...水都冇杯...差不多$80呢碗飯真係一啲都唔抵食..下次不會再來了

同朋友一行四人係附近食飽飯，咁岩行過唔洗排隊，就入去試👯👯呢間野睇過雜誌同blogger介紹，應該唔差掛叫左個抹茶紅豆年糕，抹茶tiramisu同抹茶卷+雪糕球，整體黎講就十分普通啦🙈抹茶紅豆年糕，個抹茶就先倒入碗中，碗中已有紅豆同年糕，另有糖漿，可自行調校甜度👍🏻個抹茶顔色好深，味就好淡好淡。年糕就其實係粒無餡湯圓，熱辣辣。整體味道就係好淡😦抹茶卷就好普通，抹茶味都唔係好突岀。最多人食應該係呢個抹茶tiramisu，其實只有面頭層抹茶粉，中間個tiramisu無抹茶的😬但就幾滑，都唔錯嘅😂整體就係好普通😹相比銅鑼灣京x屋，同樣嘅價錢，人地食物質素就高好多😋

午餐，一份沾面一份豬排飯。沾面面質可以，個汁稀到似水，似飲剩既湯多過出餐比客既汁。豬排飯可能係一早炸定幾日用既份量。又硬又凍。咁既出品都敢賣七十幾蚊。茶記不如。完。伏已中。