拉麵來 (已結業)

睇到都幾多好評諗住入去一戰叫咗個白雞湯拉麵、雞軟骨串燒同醬油年糕埋單加埋一140，晚餐呢個價ok 但係食物嘅質素真是好一般先講拉麵，冇錯雞味好重嘅但感覺似食緊一層雞油喺上面嘅史雲生湯底叉燒同拉麵一般雞軟骨串燒係幾好食，幾有咬口但是點既醬係蠔油覺得有啲奇怪同多左因為同食評睇到嘅有太大出入都驚只係自己點咗相對冇咁好食嘅拉麵所以點多咗一件醬油年糕紫菜林嘅、年糕感覺好似食緊一大堆粉邊邊嘅位置係硬嘅，係黐牙嗰隻硬面唔係脆邊坐嘅位置仲成日聞到有煙味吹入舖頭，不會再幫襯了

女女放假想食拉麵🍜， 佢點名要去拉麵來食lunch， 好耐以前嚟過佢好鍾意。❤️💗🍽️🍴午市價錢幾優惠，$92有拉麵，附送牛油粟米同小食及汽水。揀咗🐔香濃雞白湯麵，冬天食熱辣辣好暖身。湯底嘅濃度同麵嘅軟硬度都有得選擇，非常貼心。🍜麵入面有兩片叉燒同木耳絲，非常美味，另加12蚊配味付玉子，即係糖心蛋🥚，入口軟滑富蛋香。跟餐小食揀咗炭燒雞肉串，另外仲叫咗免治雞軟骨串（$34）、醬油年糕（$28）同日式餃子（$40），全部都係女女愛吃既小食😍🍎蘋果梳打 (跟餐 +$20) 香甜蘋果味道，清新。🍅番茄梳打 $25 第一次飲，蕃茄同梳打都幾夾。☺️

「拉麵來」據知來自東京，而且曾獲日本拉麵最高權威，我當然都來到。店內貼滿多張日本海報同放置了不少玩具，甚有日式懷舊氣氛。他們還有午市套餐，都只是約$92，非常經濟抵食！蘋果梳打味道自然清新，果香濃郁，酸甜蘋果味，口感豐富。熊本黑蒜油豚骨湯拉麵濃厚嘅豬骨湯底，帶有濃濃蒜香， 麵條掛湯力強，溏心蛋蛋味濃郁，一啖咬下去香濃嘅蛋黃已流出，蛋白都滑溜。原味豚骨湯麵原味豚骨湯底啖啖濃郁，口感醇厚鮮濃，還有2片骨膠原滿滿的自家製叉燒，剛好半肥半瘦，入口脂香，軟腍不韌。炭燒雞肉兩串肉質軟嫩，味道甜甜哋，滋味多汁。自家製餃子兩件外脆內軟，醬汁酸酸辣辣，惹味開胃。

呢幾年偶然都鍾意搵一間拉麵店過下旅行癮🧳上網見到位於大坑嘅拉麵來店舖細細，但係有好多種唔同嘅拉麵選擇😜於是今晚就約咗朋友去食啦😚一入到去拉麵來，就似置身於日本一樣拉麵店入邊嘅吧枱同埋四圍嘅裝修都好有日式風味😇自家製餃子一碟五隻嘅日式餃子，每一隻都大大隻好飽滿！餃子有一面煎到好香脆，另外兩面餃子皮好軟！一咬開好多肉汁呀！入邊有豬肉同椰菜💖簡單又滿足！免治雞軟骨串兩串免治雞軟骨串只係$34～勁抵！一上枱已經超級香！表面烤到脆身～沾滿日式醬油嘅雞免治肉包住好多雞軟骨，口感非常豐富🤤燒河豚乾+啤酒最近都愛想食雞泡魚乾，最啱就係送啤酒啦！呢度嘅啤酒係自家製手工啤，味道係無花果蜂蜜口味❣️無花果果香配上清甜嘅蜂蜜，仲有淡淡的啤酒麥香！超正！水：香濃雞白湯拉麵熱辣辣嘅雞白湯拉麵，最特別係可以落一粒骨膠原精華！骨膠原秒速溶化，令到湯頭雞湯味道非常濃厚！拉麵爽口彈牙，掛湯能力好強，每一啖都充滿着雞湯！兩塊燒叉燒經過火炙非常香口，而且肥瘦適中🤩另外仲有大量蔥粒同木耳絲😜我好鍾意呢碗拉麵🍜士3：熊本黑蒜油豚骨拉麵朋友要咗黑蒜油拉麵，豬骨湯底配上黑蒜油好惹味！另外仲有一大堆炸蒜粒！重口味人士一定要叫呢碗拉麵呀😆

又去左大坑搵食💕天氣凍想食啲熱既野有咩好得過食碗熱辣辣既拉麵？咁就去左屹立左係大坑多年既拉麵來入到去職員超級有禮貌 又會好主動做推介佢介紹我地食熔岩味噌豚骨湯拉麵 睇到圖都覺得吸引 係用石鍋上嫁 上到枱啲湯 仲滾緊 見到才都暖笠笠有蓮藕, 粟米, 菇同叉燒 個湯飲落勁黏口 好重骨膠原🤤 麵質彈牙 又夠掛湯💕另外仲叫左原味豚骨湯麵 原汁原味 湯底一樣勁濃郁 差啲飲晒成個湯😆最緊要係飲完一啲都唔會口渴 純天然既味道叉燒肥瘦相間 好軟稔 入口即化配埋爽口木耳絲 又係另一個層次🤤仲加左隻溏心蛋😋免治雞軟骨串表面醬汁唔會太咸 食到炙燒既味道入口會咬到啲軟身 好脆 口感好特別醬油年糕咸咸甜甜 食落軟糯煙韌 傳統日本風味💕依到仲有好多特色飲品 就好似我叫左依枝抹茶可樂咁 味道主要似可樂 帶小小茶香 飲落無咁甜🤤蘋果梳打都好好飲 天然蘋果味 好解渴 🍎

「拉麵來」來自東京，曾獲日本拉麵最高權威「魂之一杯」拉麵大賞中的豚骨組亞軍。好多年前食過一次，已經覺得好好味啦！今日再帶爸爸黎食拉麵，食得佢幾開心😆餐廳嘅座位唔多，以深色木為主、周圍仲冇好多舊式日本海報同玩具，好有懷舊氣氛。🔸 牛舌牛尾湯拉麵 (💰105)(8.5/10)爸爸對呢個拉麵表示滿意。牛尾湯底濃郁，牛舌炆得入味而且嫩滑！麵底軟硬適中，配上滿滿嘅蔥同香荀，美味😋🔸 原味豚骨湯麵(💰85)(8/10)呢啖湯底真係好濃，仲有滿滿嘅骨膠原！仲有自家製叉燒2片，叉燒半肥瘦，好多木耳，青蔥同紫菜，好爽口😋🔸 自家製餃子(💰40)(8/10)爸爸另一個favourite，餃子皮又薄又煙靭，肉質新鮮，味道喺第二度食唔到架！我就想佢有多啲蔥/菜，爽口啲。🔸 免治雞軟骨串(💰34)(7/10)爽口彈牙又有粒粒雞軟骨😋🔸 醬油年糕(💰28)(6.5/10)味道都唔錯但就比較細粒餐廳只有一個師傅煮哂所有美味嘅食物， 好食過好多其他拉麵店呀！真令人佩服呀👍🏻Overall評分: 8/10☺️

𓌒 𓌒 𓌒大坑正宗拉麵店Ramen Kureha雖然在尖沙咀開了分店，但我還是對大坑店情有獨鍾。店內牆上的海報、拉麵、綠茶可樂，所有東西都比日本還要日本。𓍭 櫻花蝦豚骨湯拉麵 $98拉麵一如既往的高質素。櫻花蝦是我的必點項目。濃稠的豚骨湯頭、彈牙的麵條、口感脆脆的樱花蝦，其他的不用多說吧？𓍭 熊本黑蒜油豚骨拉麵 $92黑蒜油為豚骨拉麵添上惹味香氣。喜歡濃味一點的朋友必點。𓍭 自家製餃子 $40餃子皮薄餡靚，煎得剛剛好，不會鬆散。𓍭 免治雞軟骨串 $34這裏比一般的免治雞串多了一點嚼勁口感，個人時十分推薦啦。𓍭 綠茶可樂 $22綠茶可樂也是我的必點項目。外面真的不常喝到，比較特別也不會太甜。𓍭 信州蘋果梳打 $25信州蘋果梳打口感清爽，如果點濃味一點的拉麵如黑蒜油拉麵，配蘋果梳打便剛剛好。只有10度的天氣，來一碗熱騰騰的拉麵。是屬於冬天的幸福。𓎂 𓎂

天氣轉冷，食碗暖笠笠嘅拉麵就最適合🍜 近日同朋友黎到大坑搵食，見到呢間裝修好有懷舊風情嘅日本拉麵店🇯🇵 店舖門面貼左佢地得獎嘅報道，內在環境行深色木系風格，牆壁貼左好多懷舊玩具同poster，好有特色😀 餐廳主打自家製拉麵，當然要好好試下。中午時間黎有set lunch，$92一份包左拉麵，小食同汽水，價錢公道。櫻花蝦湯拉麵🦐(+$6) - 湯底係蝦湯，唔算好濃所以唔會覺得好油膩。湯底應該加左少少豆瓣醬，飲落有輕微嘅辣味，麵嘅面頭有燒豚肉同木耳絲做配菜，仲舖滿左好多櫻花蝦，撈埋食啖啖都有蝦味🥰原味豚骨湯拉麵🐷 - 朋友較傳統所以食原味，湯底無日由大量豚骨豚肉熬製，十分足料。湯底啖啖豚骨香，但飲完都唔會好口渴👍🏼溏心蛋🥚(+12) - 拉麵本身無包蛋，所以一定一定要加！我見個個人都加就知係正野！隻蛋生熟程度啱啱好，做到真溏心效果，而且用醬油浸得好入味，實在係好高質😋😋😋小食我地揀左雞肉串同餃子，全部正常發揮😌

平日想一個人靜下會去大坑逛逛，見到一間充滿昭和風的拉麵店，放滿懷舊玩具，擺設及海報，好有日本街頭風格，感覺是尋找東京拉麵的味道。櫻花蝦豚肉拉麵🌸🦐🍜櫻花蝦海量地鋪滿全碗拉麵，豬骨味湯底香濃，麵條軟硬適中，配料充足，有大量香菜同香葱，叉燒半肥瘦好有咬口，另外加了付味玉子（溏心蛋)（$17) 蛋黃呈半熟狀態，晶瑩通透，蛋味香濃，紫菜浸了湯仍然脆定食有雞肉串燒，雞肉嫩口，日式燒汁惹味，付送粟米味道香甜醬油年糕食落幾煙韌，醬油味濃，有傳統日本風味信州蘋果梳打用新鮮信州蘋果榨汁，蘋果味香, 微微酸酸, 飲落好順喉

本身我好少喺香港食拉麵，因為覺得始終唔夠日本既好食😂。早排約朋友，佢搵左呢間由「全日本拉麵大賽」獲獎既日籍師傅駐店既拉麵店，有自家研製既湯底同每日新鮮製成既麵條。講到咁勁梗係要試一試😎。🔅香濃雞白湯麵 ($92)湯底幾濃，附有一舊雞湯骨膠原啫喱，放落湯好快溶左🤤。麵揀左普通硬度，直麵，食落爽口😚。叉燒有三塊，肥瘦適中👍🏻。🔅濃厚魚介豚骨湯麵 ($98)湯好濃鰹魚味，唔會好鹹，木耳幾爽口，兩塊叉燒有火灸過所以更香🥰。🔅自家製餃子 ($40)典型日式餃子，皮薄餡靚，頗juicy😋。🔅醬油年糕(2件) ($28)年糕幾煙韌有咬口，唔會好腍/好軟糯，醬油夠入味👍🏻。🔅免治雞軟骨串(2串) ($34)雞串咬落食有粒粒既軟骨，口感幾豐富👍🏻。外層掃左一層照燒汁調味，肉質頗嫩，唔會乾柴柴。🔅綠茶汽水 ($22)汽水幾特別，綠茶味唔會好出，無普通既可樂咁甜。🔅蘋果梳打 ($25)一打開已經聞到好香蘋果味👍🏻，偏甜，可以中和下拉麵既濃味😛。💬舖頭裝修好用心，有好多日本懷舊玩具、貼紙、poster，好似去左日本咁🥺。值得一提店內仲有位可以掛褸👍🏻。食物價錢都唔貴，overall真係唔錯😚。

思鄉情好深但又未飛到去日本住？想感受下係日本食拉麵既氣氛？幫緊你幫緊你！黎大坑呢間拉麵來可能可以稍為幫下你攞返下去左家鄉既感覺！鋪頭貼滿晒舊日本既小玩具同海報，整個氣氛都好濃厚既小日本感覺。小編好耐以前都食過，當時只有單點拉麵，今次中午前來，多左款set既menu, 價位印象中差不多應該無貴左。【櫻花蝦湯拉麵】$98好香櫻花蝦味既湯底，友人對呢款拉麵非常滿意。❤️【黑蒜油拉麵】$92顏色非常吸引，見到都流晒口水！黑蒜味其實唔重，但配合起黎湯底好厚身好正！超好味！😋❤️【原味豚骨湯麵】$92相對之下，原味好似只係個base有點單調⋯小編推薦上面兩款都啲！隨非你怕重口味啦😆【蘋果梳打】$20超正！蘋果味好出唔假！ 跟餐轉飲加$20即可👍🏻

假日來個lunch~原味豚骨湯拉麵湯嘅味道同濃厚度都好出色～強烈嘅豚骨同蒜香味～十分推薦而且超多木耳都好鐘意佢嘅叉燒～肥瘦適中🍜拉麵就揀咗正常硬度～口感都唔錯～每日限量10碗嘅《魂の一杯》拉麵無特別留意用咩做湯底～但個湯超級濃郁！可以用🫗杰身嚟形容～超重口味！因為太杰身，味道反而唔夠突出，所以食唔出係咩湯料～而且炸蒜太多太硬～影響口感😗但食食吓習慣咗個湯咁濃郁～都覺得幾好味嘅～不過如果同原味豚骨湯比較～會偏向鍾意豚骨果碗感覺呢個煎餃比平時食開嘅偏大～味道都ok~ 餃子醬🫰🏻💕調得好好味～餃子皮唔係脆底～但個人就比較鐘意，因為唔會有煎到乾爭爭嘅餃子皮

今日介紹呢間小店為得獎日本拉麵店，店舖裝修以懷舊日本風為主，附上不同日本擺設，麻雀雖小，五臟俱全。店舖主打自家製麵條及餃子，午市套餐有有五款拉麵選擇大概＄92起，包一款小食及基本飲品，或可升級其他支裝飲品。🌟 香濃雞白湯拉麵雞白湯每日以大量鮮雞長時間熬出奶白色的湯頭，雞白湯拉麵附上骨膠原啫喱，直接倒入雞湯入面之後再攪勻。拉麵附上兩大塊叉燒，上面有木耳絲、青蔥及紫菜，拉麵煙韌彈牙。🌟 原味豚骨湯麵豚骨湯同樣每天以大量豬骨長時間熬成，豚骨味濃郁，不過個人就覺得呢一款拉麵俾雞白湯拉麵做得更出色，味道更加濃郁。主要食材同樣都係有自家製叉燒、木耳、青蔥及紫菜等配，豚肉肥瘦比例適中。🌟牛油栗米午餐附送的牛油栗米，充滿濃厚的牛油香。🌟 餃子自家製餃子皮煎得香脆而且滑溜，裡面嘅餡有豬肉碎同椰菜碎。🌟日本糖心雞蛋 +$12軟嫩的蛋白好滑溜，咬下半熟的蛋黃溢出香甜的味道。📌 拉麵來 (大坑)大坑浣紗街20-22號地下B舖📍#大坑

已經係第二次嚟食啦！今次有午市套餐，除咗拉麵之外，仲有汽水同埋小食可以配埋👍🏻感覺抵好多😋1️⃣山葵蟹肉拌麵（$128）食到啖啖蟹肉同蟹膏🤤而且蟹肉蟹膏份量足夠，係幾正😍山葵方面唔辣但攻鼻，夾埋麵同蟹肉一齊食都夾嘅🙌🏻麵質方面就有啲似伊麵～唔係拉麵嘅感覺～值得一試！2️⃣香濃雞白湯拉麵（$92）上枱時另附一球骨膠原加入湯裏面🤣好有趣！但加完都覺得雞白湯唔算濃🤔而叉燒燒得幾香🙌🏻鍾意嘅話可以加入高菜去食，會變得辣辣地幾過癮😝overall正常發揮，不是話好好食~3️⃣蝦餅(跟餐）入口幾彈牙👍🏻但偏鹹～味道都還好。小食嚟講就真係細細地兩舊，唔好期望有好多🤣4️⃣自家製餃子（跟餐）見到食評好多人都推介個餃子～但覺得未算好出眾🤔但當然都好食，而且咬落有肉汁，皮都薄🙌🏻5️⃣日本糖心雞蛋（$12）因為拉麵冇附送糖心蛋😫所以就自己加錢。上嘅時候嘅凍食嘅，食落都係夠流心👍🏻而且味道濃郁！都係值得試😋📍總結：-蟹肉麵比我預期中多蟹肉，推介👍🏻-相反，雞飯湯白同我預期有啲距離，所以會建議大家食其他🙈-對於附送嘅粟米有啲驚喜🤣牛油粟米整得幾好食！

近著天后站的大坑一向美食林立，其中這間拉麵店佈置成傳統的和式小屋，放滿日本古老的廣告海報，營造懷舊氣氛。 午市套餐$92起，有五款拉麵選擇，包一款小食及基本飲品，或可升級其他玻璃瓶汽水。 香濃雞白湯拉麵每天以大量鮮雞長時間熬出奶白色的湯頭，雞白湯濃郁卻完全不油膩，本來就充滿自然的膠質，再加另附的骨膠原啫喱慢慢溶化於湯中，煙韌彈牙的拉麵好掛湯，配兩片自家製叉燒肥瘦適中超軟嫩，還有木耳、青蔥及紫菜等等 原味豚骨湯麵同樣每天以大量豬骨長時間熬成，香淳的湯底充滿著濃郁豬骨的鮮味，同樣有兩片自家製叉燒、木耳、青蔥及紫菜等配料。 牛油栗米午餐附送的，粒粒充滿著濃厚的牛油香，好香甜。 炭燒雞肉兩串鮮嫩的雞腿肉充滿濃香的炭味肉汁，好軟嫩濕潤。 自家製餃子兩件香煎的餃子好飽滿，包著鮮美的豬肉餡。 日本糖心雞蛋 +$12軟嫩的蛋白好滑溜，咬下半熟的蛋黃溢出香甜的味道。 綠茶可樂 +$20加入靜岡的抹茶於可樂中，可樂味道較重，入口可樂的甜味帶著淡淡的抹茶香，有少少回甘，感覺好清新。 信州蘋果梳打 +$20用日本信州蘋果製成的梳打，有著香甜的蘋果香，帶少少微果酸。