拉麵天王 (已結業)

啱啱去完日本去到當地食啲拉麵真係好好食!!!令人念念不忘...返到香港都食返一碗相當有質素嘅拉麵先得喇，去止止引！之前食個拉麵天王都覺得幾好今次決定再翻兜！都唔知話好彩定唔好彩因為落雨天去到唔使排隊！Yeah~~有選擇困難症嘅我..揀黎揀去都唔知揀邊款好，最終決定食限定天王！不過肯定天王都有兩款，好彩同朋友一齊去，可以叫晒兩個來試吓！我係重口味自選揀咗生蒜天王！勁多蒜！正呀！麵底硬度都選左正常，味道揀左濃。其實呢個麵都幾fusion , 將海鮮加入拉麵，我都係第一次食！估唔到八爪魚片同蒜同埋個豬骨湯底幾襯喎！以為有八爪魚就冇叉燒...原來八爪魚係遮住叉燒姐！肉同脂肪比例剛剛好嘅叉燒食落好有層次，唔覺得肥！而朋友個胡椒天王也不錯。拉麵上面有一層mozzarella cheese！見到佢慢慢溶落個拉麵度，好治療！將叉燒連埋啲芝士一齊食，感覺好幸福啊！呢度有啲似日本拉麵店係可以隨着自己喜好而揀拉麵嘅軟硬度！好似fd子咁佢鐘意食軟身嘅麵又得！同場加映食咗一個小食，豚角煮！個豚肉燒得好惹味！食落一啖肉中帶點油，係好滿足的！整體而言，拉麵天王保持一貫嘅水準！食物質素不錯，價錢合理，one of m

支裝汽水 $10另有冰凍檸檬水十分解渴。白王 $72朋友選了白王，湯底係用鮮豬骨熬制十小時，味道濃郁，充滿骨膠原，同一般博多豬骨湯底唔同嘅係加左秘制醬油，味道更加豐富，而且幾特別。限定王 $92我食嘅係今日嘅限定王— 胡椒芝士麵。灑上左好多芝士碎，半溶嘅狀態夾住麵一齊食真係好滿足。湯底嘅胡椒味好香，調味剛好唔會嗆喉，胡椒味令香濃嘅豬骨醬油滑更美味。麵質幼滑。不得不提係叉燒半肥瘦，肉質嫩滑，大大塊仲有三塊咁多，份量很足！烤餃子 $30朋友喜歡餃子，皮薄又脆，餡料好味。豚角煮 $25通常係厚切切件炆嘅豬腩肉，這家比較薄切，脂肪同肉嘅比例剛好，肉有點咬肉，特別之處係用了火燒增添香味。整體質素同其他出名要排隊嘅拉麵店不相伯仲。

位於元朗茜菁街的拉麵天王,很久前吃過一次,今次第二次品嘗,最喜歡就是個湯底,需十幾小時肴制的湯底,十分濃陏,最重要不含味精,豬骨湯底拉麵,媽媽最愛,配上黑木耳,糖心蛋,麵彈牙地獄當然是我最愛,小小辣,十分野味，這裡每天天幾款拉麵供應,？號是神祕麵食,久不久換一次,随時帶來驚喜現在慶祝開業三周年記念,逢星期一至星期五下午3時至4時,全單有半價優惠優惠不知何時結束,大家快去,買點真材實料,沒有任何味精,美味够健康,元朗拉麵舖必食之選

星期六晚上九點到不用排隊入面有兩三個人叫了一個黑天王拉麵和赤天王拉麵軟麵，普通味也叫了餃子還有可樂不用等太耐好快有得食...黑天王拉麵：湯有點甜不夠味一點也不夠黑蒜味麵質叫咗軟不過一點也不軟蛋和义燒都ok! 赤天王拉麵:小小辣嘅湯不是太特別餃子: 不過不失比拉麵好吃但係個餃子都ok ! Service:不是太友善可能係因為佢地會10:00close! 佢地有點放工feel...Overall: 有點失望應該不會再來

幾年無去過日本旅行， 好想去但無選擇。 唯有搵間有和式風味既拉麵止一止癮。裡面全吧枱有十幾個位， 師傅就係吧枱後即叫即煮。 同其他店一樣， 有豬滑湯（白天王）、辣味（赤天王）、黑蒜油（黑天王）同埋一個每月限定「黑胡椒芝士拉麵」， 作為芝士控， 不容錯失。 限定天王黑胡椒芝士拉麵$92先講湯底， 胡椒味重，夠辣， 芝士份量都算係多， 因為有熱湯所以一撈就溶， 沾左上每啖麵到。 配料有溫泉蛋半隻， 大大塊既义燒， 木耳， 紫菜， 粟米，椰菜。友人既黑天王$82， 佢話湯底好香黑蒜味。5隻烤餃子，$30，豚肉餃子，皮煎得幾脆。豚角煮$25， 即係燒五花腩， 燒汁少甜， 惹味， 仲有豬肉碎伴碟。見到此poster 半價😱 超抵

家中繼續唔得閒煮飯，同阿爸出街食系列。阿爸話想試下香港啲拉麵，佢話早前咁多人排隊食係咪真係咁正，咁就去離家較近嘅拉麵天王啦。約八點多來到，有幾個客人，隨意找個位就坐低，店員就送上水同落單紙，可按個人喜好選擇湯底濃度同麵條硬度等。是晚限定有兩款，不過沒多大興趣，還是點返普通的就可以了。廚房忙於煮麵，個爐係前面都幾熱喎。決定點汽水降下溫，一支可樂一支忌廉（$10/ea）。黑天王（$82）阿爸點了黑蒜口味的黑天王，一上枱已聞到好香，濃濃的豬骨湯底好正，差唔多飲哂全碗呀～白天王（$72）自己點了原味的白天王，選了普通濃度的湯，硬麵，有蔥有叉燒，上到黎賣相很不錯。湯頭十分濃郁的豬骨味，很黏口，味道雖然濃郁但飲了大半碗都不覺口渴，亦不過鹹，實在抵讚。至愛的溏心蛋，很香很滑，閃晶晶的蛋黃好吸引呀！叉燒有三片，炆得軟腍，半肥瘦叉入口瀜化，好味。硬麵很對胃，吸了湯汁依然有咬口。豚角煮（$25）阿爸話唔知咩係豚角煮，咁就叫一份試下啦，煮得軟腍的五花腩再用火槍燒過外層，真係外脆內軟，非常甘香的豬油，好滋味。餃子（$30）自己喜愛餃子，也叫一客共享，煎得皮脆，餡料飽滿，很不錯。麵大碗夠飽肚，味道又正，小食都好

今日又嚟到元朗區覓食😆作為一名拉麵愛好者，當然要一試朋友極力介紹的拉麵天王👑行過西菁街離遠就見到依間別樹一格的小店。門面充滿著日本建築風格的裝修，途人經過都紛紛張望。🇯🇵一入到鋪頭，座位闊落，唔會坐得逼狹，依間日本小店十足十日劇【深夜食堂】嘅場景播著經典嘅日本歌，仿佛好似入左80年代嘅日本～🎌睇睇餐牌，拉麵的選擇有四款白天王（豚骨），赤天王（辛辣），黑天王（黑蒜油），限定天王（時令）。熱情嘅侍應就簡介咗今期嘅兩款限定天王 雲丹(海膽松葉蟹肉三文魚子）同 胡椒天王 （芝士香胡椒油）。⚪️ 🔴 ⚫️ 🔵小編比較鍾情黑蒜，所以點了黑天王（$82）。炎炎夏日，當然要飲啖冰凍嘅汽水消暑，🔥小編就覺得玻璃樽裝嘅可樂先係最正宗原味（$10）～❄️唔駛10分鐘，香氣四溢嘅黑天王就到了我跟前，👃🏻賣相非常精緻，有兩大塊叉燒，溏心蛋，蔥，木耳絲同椰菜。我唔客氣啦～～🤤🤤🤤d人成日話：湯底係一間拉麵店嘅精髓，所以小編第一時間就試一試頭啖湯。嘩～嘩～嘩，不得了。👍友人果然無介紹錯，口裡都是滿滿的黑蒜味同豚骨味，豬骨味道不俗，濃淡鹹度屬中上水平。🤘🏻話就話係濃味，但小編欣賞佢一啲都唔膩，仲有啲清新，適合香港人嘅口味。

見到好多評價都好好 都話係必食 就去試下 睇外表係以為個湯低濃郁 加上都好油但飲落去係比我想像淡同油 黑天王令我都幾失望 蒜香完全唔出 基本上係冇可能係我太大期望吧不過隻蛋我好中意 好入味 味質都ok

在元朗，口味正宗的拉麵店不多，這家拉麵天王算是正宗又好吃的一家！聽說元朗這間是分店，總店位於紅磡。我和朋友各自點了一碗白天王，簡單得來味道濃郁的豬骨濃湯底，配上肥美的日式叉燒，一碗只需$72，算幾抵食，味道亦非常不錯呢！我們亦有另加小食烤餃子及豚角煮。餃子的皮烤得硬了點，不過餃子餡的肉汁沒有流失，算是不錯。豚角煮頗大塊，配上甜甜的醬汁， 十分好吃！不過size稍為大了點，如果切開一半再上碟，就會吃得較為方便

有時想不到吃什麼就會去拉麵天王，因為店內定期會推出限定的拉麵，所以今日的我會如常去拉麵天王，因為我真的想不到吃什麼。 今次其中一個的限定天王，櫻海老拉麵是以味噌作湯底，再灑上像櫻花般大小的炸蝦的拉麵。就成為了新的天王。櫻花蝦因為炸過所以又脆又香，食拉麵的同時可以配合蝦一齊食用，令味道更加多，不會只有湯的咸味那麼單調。而拉麵本身也煮得剛剛好，硬身有咬口。 芝士胡椒天王，芝士令每條拉麵都沾上芝士，增加了香味，芝士控不妨試試。胡椒湯底就把豬骨的味道變得更刺激，食起來整碗拉麵都充滿胡椒的辣味。其他方面就不多講了。 豚角煮入味，上碟前會先用火炙，令香味四溢。 煎餃如圖，味道OK

朋友愛吃拉麵，他之前來過吃覺得不錯，今日他帶我來拉麵天王吃午餐。朋友選了限定王的胡椒天王，而我選了黑天王。拉麵在點餐時自行選擇湯的口味、香油的濃淡，拉麵的軟硬度。我習慣如是第一次光顧拉麵店，都會選「普通」的，因每間拉麵烹調都不同，選擇「普通」便較容易想像濃、淡、軟、硬的程度，方便下次再來光顧時選擇到自己合適的口味。枱面放了一個壼，壼內是放了自家製的辣醃牙菜。辣度較強，這種辣我很喜歡。除辣醃牙菜，還有香醋、芝麻、七味粉供客人自選調味。師傅整為我們烹煮拉麵，拉麵煮熟後師傅用力拋高。之前聽聞過把拉麵拋高數次，一來減少灼拉麵的熱水，不會沖淡濃湯的味道，二來令拉麵接觸空氣，微微冷卻麵條，會令拉麵口感更爽口。胡椒天王湯帶微微黑椒辣味，豬骨湯底令湯有黏口，芝士蓋上面，芝士隨著熱湯慢慢溶化，胡椒的香和芝士的軟滑，抱著麵條一起放入口中，多層豐富的味道。黑天王上枱已散出蒜的香氣，嗒一口湯，一試便知豬骨湯和黑蒜油是好朋友，黑蒜油令豬骨湯更清甜，蒜香過後淡淡滲出。拉麵爽滑，以個人口味下次來會點「硬」的口感。湯帶黏性，每麵條掛湯令湯的清甜蒜香一同帶到口中。餃子皮脆口，內裡保留肉汁，配上微辣帶酸的餃子汁，越吃越想

元朗西菁街呢間拉麵店我經過好多次，但次次都無朋友仔陪我食😭，今日終於有朋友同我去食啦😝見到門口都已經好似飛咗去日本咁😝太掛住日本啦入到去就係一排對住廚師既位置，你望住佢煮，感覺好親切😍店舖同日本拉麵店一樣，專一做一款拉麵，但就有四款湯低比你揀豬骨湯辛辣湯黑蒜湯是日限定方便有選擇困難症既我檯面有樽自家制辣味芽菜，任你食架，不過都幾辣但好爽口👍🏻黑蒜油豬骨湯，好香好野味辛辣湯，我就覺得辣道適中，可惜隻玉子得半隻唔夠喉，麵質一流，滑流又有口感，唔會太淋身👍🏻我加咗一份黑木耳，$7，我好鐘意食木耳架，下次食要加多隻蛋先，隻蛋真係好好味😋

<專一既拉麵檔永遠係致勝之道>🍜😋近排小弟好鍾意食拉麵🍜， 可能忙工作又唔想食垃圾， 食日本拉麵就好似食緊快餐店甘 個麵好快就食完 , 又好味又方便😂! 今日黎到元朗 試下久聞大名既拉麵天王😝個人覺得*專緊要過*多 ! 拉麵天王同日本d 拉麵店似 成間店只有 <白> <赤> <黑> 天王 同<是日>天王， 如果佢整得好食， 我係唔介意佢少選擇😌於是我就點左幾樣野試下佢質素如何！🤓 同往常拉麵店一樣 客人係對牆食麵，用紙圈想食邊種麵， 麵質 醬料要唔要 等等 😃🍴赤天王拉麵🍜🌶 82 蚊用左辣椒🌶 唐辛子 加埋豬骨湯底 🐖 上面有叉燒 葱花 🍀紫菜 爽口 木耳湯底雖然成個紅色 但大家預中小辣🌶😋 而且密度好高落足料 辣得黎又帶點甜 🤓而且木耳同椰菜既悉心配搭令到整碗拉麵更有口感 叉燒又夠肥味 鍾意辣既朋友 推介！😋🍴胡椒芝士拉麵🍜 92蚊限定天王 🤓師傅因應季節煮出黎既限定拉麵😋有葱花🍀 椰菜🍀 紫菜 粟米 🌽溏心蛋🥚 叉燒🐷 芝士 🧀湯底係重點 有好香濃既豬骨同胡椒味 胡椒味唔會太辣 帶出其它菜既味

3號風球，岩岩覆診完，諗緊食咩好，路經見到呢間拉麵天王，門面好日式，一個人食拉麵就最岩喇~入到去，一排椅圍住煮拉麵既位置，師傅在內，一貫日式拉麵店既裝修，2點左右都仲咁幾多人不停入黎~餐牌今期限定有兩款胡椒天王 - 黑胡椒芝士拉麵 味噌天王 - 帆立貝味噌拉麵對於我呢個芝士控黎講，二話不說就即刻揀芝士拉麵啦胡椒天王 - 一上枱，正呀，好多芝士粒喺碗拉麵度，先試一啖湯，重胡椒味，少少辣，慶慶個喉嚨幾舒服。撈一撈芝士同湯，芝士頓時溶化，夾起做到拉絲既效果，食落芝士味濃，同胡椒味結合別有一番風味。麵既硬度我選正常，唔太軟唔太硬，岩岩好。叉燒份量都唔少，流心蛋蛋黃好鮮，一啖食落口連埋啲湯就最好味。豚角煮 - 係五花腩再上燒汁燒出黎既，燒汁甜甜地配落五花腩好夾，佢燒出黎，所以好香，入口亦好淋~ 忌廉 - 樽裝上，懷舊啲，幾特別~

平日收工最好就係搵間拉麵店食番個好拉麵，放鬆一下。食開天王既朋友就會知每期都有唔同既限定天王。今期有胡椒天王同味噌天王。筆者未食過味噌，於是就揀左佢。味噌天王個湯底好濃，只係揀左普通濃度都已經有偏咸。叫味噌既可以選淡d 既湯底。味噌天王仲有粒好大既帶子，口感幾嫩滑。拉麵方面有d 偏硬，睇黎筆者下次要揀偏軟麵質喇。其他配料都好足料, 有紫菜, 栗米, 糖心蛋, 全部都用心製作。黎得拉麵天王又點少得豚角煮? 細細粒既肉粒又爽又有咬口, 大塊豚肉十足五花腩一樣, 肥得黎又好好味，令人又愛又恨。唔知下次又會有咩新既天王登場呢?