拉麵天王

營業中

休息中

朋友話紅磡有間拉麵小店好食，一於去試下佢除左有白，紅，黑天王之外重有限定天王呢期的限定天王係魚介沾麵同胡椒天王，我今次揀左胡椒天王胡椒天王湯底係濃厚的豬骨湯加上好重的胡椒味，飲完喉嚨會有點熱，但係又唔會覺得好辣，拉麵上面加上的芝士有中和作用，幾特別因為湯好濃，所以飲埋d湯好飽

公司最近搬左去黃埔 同班同事lunch 都會去試下唔同美食今日黎到拉麵天王 裝修有日本風格 幾優雅 店員落單同上菜速度都好快 值得一讚 同事叫左赤天王 黑天王 沾面 我叫左白天王湯底濃度適中 唔太咸 應該係用真豚骨煲出黎 唔係味精湯底雖然麵無得加底 但麵質感良好彈牙 掛湯 出色叉燒兩塊 半肥瘦 咬落口感偏軟 幾易咀嚼仲有儲印仔活動 100蚊一個 儲夠6個仲可以換一個拉麵 72蚊一個拉麵真係幾抵 性價比高 暫時黎講 係我食過最好食既拉麵 因為係我第一間忍唔住飲曬d湯既拉麵店值得推介

本身最初初細個對拉麵嘅認知仍處於茶餐廳所煮理那般不入流而又比公仔麵有良好些少的餐麵選擇。到長大後去日本親嚐何謂拉麵，才知道拉麵也是一道深深的坑！因此走過香港大大小小的拉麵店，初初由一蘭那些大型連鎖到大街小店，再到隱世小店。我對拉麵已有了一定的嚐評麵質的彈性口感，再呷一口濃郁鮮香的辣湯底，那份拉麵尤如「蝶、背、蛙、捷」個人四式來回沖衝著味蕾雖然辣味並非太過突出，但反而濃湯嘅味道仍沒被蓋過去。玉，選用的蛋有陣陣蛋香，少許蛋心流出，實屬功架之作。豚肉切片厚度適中，豚的肉味亦很豐富，豚脂和豚肉交叉夾擊口腔不斷游走，實在驚喜中的驚喜！此店是的在香港之中最喜愛的一間拉麵店，相信未搵到一間可以把它比下去之前，我深信我會經常去一再回味

再次光臨有新驚喜！全新推出限定天王係沾麵 $92，另有多麵版 $102，店員話係150g同230g既分別，咁$10差唔多雙倍麵底，我緊係做肥仔啦...望落好大碗，有三片半肥瘦燒叉燒，一隻流心蛋，幾片筍絲及大量蔥粒，不過塊紫菜就淋晒。沾麵汁係濃厚豚骨魚介，比我過往食沾麵無咁鹹，無咁杰，掛汁還好。最後加湯飲埋好滿足。另外朋友點了黑天王 $82，香濃黑蒜湯底都好吸引！飲左啖湯，係我鍾意既味道，呢個價錢非常抵食！

宜家疫情嚴峻，有得揀我平時都盡量買外賣返公司食。不過呢食拉麵我就覺得要坐響店內食，配合埋個環境同氣氛。呢間拉麵天王店內調味料，水壺，連個菜單選項感覺都似足豚王，不過價錢比較相宜。第一次食試左兩款限定天王 $92 胡椒天王香濃胡椒豬骨湯底加芝士，雖然有點膩但忍唔住不停飲湯。配料有粟米粒，蔥粒，半隻溏心蛋，賣相幾豐富，叉燒唔夠厚身，但半肥瘦都唔錯。力二天王係螃蟹油結合豬骨湯底，都幾香濃，但我比較喜歡胡椒湯底。兩隻松葉蟹鉗，肉少口感一般，實在有點失望。不過配料有椰菜，筍片，洋蔥粒及蔥粒，加埋溏心蛋同叉燒都非常足料。另外塊蟹形紫菜都算係有心思。兩款小食響食完碗麵之後先到，我差點以為漏單預備埋單取消。烤餃子 $30 少少脆皮，餃子餡幾多。炸雞 $38 外形有點似麥樂雞，但咬落都食得出係雞肉。

喺黃埔行完街，好耐無食拉麵，所以見到一間叫拉麵天王嘅小店，就入去試一試。餐牌好簡單，有白天王，赤天王，黑天王同限定天王揀我地揀咗黑天王，好香黑蒜味限定天王，好香蟹湯味

小店位於巷內，並不難找，有時門外亦有人排隊，更加好找但當日平日不用等位就可以入座基本的拉麵款都有，原味豬骨，黑蒜，辣味等但吸引我的是限定天王-藍卵天王特色係配上一隻藍色既蛋，喻意某樣事物，俾客人大啖大啖將佢消滅，大快人心溏心蛋流心入味，烹調時間恰到好處湯底亦濃郁，麵條掛湯而重點係經慢煮的雞叉燒，表面有火灸既焦香，配合軟淋既肉質，外脆內軟的口感非常惹味令我一口接一口咁食，朋友想同我講野我都叫佢等我食埋先，俾我好好享受呢碗面最後我一滴不漏咁食哂，以表示我對餐廳質素既認同臨別時亦跟師傅打氣支持，希望佢地可以堅持呢份精神我地都會堅持黎懲罰佢!

嗰日經過紅磡，突然好想食拉麵，紅磡呢一個美食雲集嘅地方都有唔少拉麵嘅選擇，但我同朋友今次就想試吓呢間拉麵店，一來未試過二來就係因為佢係黃店所以想支持下。入到去成個裝修到好有日本風味，佢落單嘅方式係用紙寫低，我就叫咗個赤天王，個人應為湯底未夠濃郁，而且叉燒質素好普通。我朋友叫咗個期間限定，冇記錯係有蟹嘅，但係佢話嗰陣味好似發咗毛咁，而且好假，絕對唔推薦！其實大家都會想支持黃色經濟圈，但係要呢個經濟圈長遠發展落去唔係淨係單單靠政治立場，希望食物質素亦都可以做好佢令到黃色經濟圈不斷壯大。共勉之！

又食拉麵🍜🍜🍜🍜🍜🍜今次分別叫咗一個白天王同埋黑天王。張點餐只嘅選擇上都算多，口味醬油等等都可以自己選擇。黑天王其實即係黑蒜油豬骨湯拉麵，成碗拉麵嚟到嘅時候聞到味道濃郁，但係食落嘅時候黑蒜味唔算好濃，有少少失望。😞😞半隻糖心蛋出色，睇相都見到佢有流心，另外仲有啲配菜，包括紫菜，葱，黑木耳絲，椰菜等等都係啲常見嘅配料。😊😊😊白天王即係普通嘅豬骨湯拉麵，配料同黑天王差唔多，飲得出豬骨味。

揀咗個黑天王拉麵🍜👀 覺得佢嘅湯底有香濃嘅黑蒜味得來又唔會太鹹，岩岩好可以係咁飲🤤，有啲店嘅湯太濃味太鹹 ✨拉麵本身跟咗流心蛋🥚，整得啱啱好，蛋白保持少少彈性，又有糖心💕 啲豚肉唔係行超厚路線嗰種，但我幾中意，唔會韌、質感幾好😋啲汽水都係玻璃樽，感覺會比較有氣😬 影相又加分😂店面有bar位同枱位，正常拉麵店環境，啲員工好nice🥰 同埋價錢相比一般拉麵店，性價比都非常之好，👍🏻之後會再食

紅磡天王拉麵💛🎗🎗呢間拉麵店選擇唔多，有白天王、赤天王、黑天王同期間限定款揀✨可以按自己既喜好揀選香油同口味既濃度、麵條軟硬度☺️.我揀左黑天王 $82，姐係黑蒜油豬骨湯味，拉麵配料幾豐富，有叉燒、椰菜、蔥同紫菜等，隻糖心蛋仲好吸引🥰湯頭既黑蒜油味好濃郁，香氣十足，叉燒肥瘦均勻，軟軟嫩嫩，食完拉麵都唔會覺得好油膩，整體不俗💕💕😆😆.📸 #拉麵天王地址：紅磡德民街17-27號B5B地下.

喺碼頭嗰邊飲完咖啡,行返出紅磡就覺得有啲肚餓,所以就嚟咗呢一間好出名嘅黃店，咁啱今次唔使排隊就即刻入去坐低。拉麵嘅選擇方面有五種，白、赤同黑天王就係regular有得嗌嘅，而今日嘅限定天王係胡椒天王同埋 blue object 藍卵天王，今次我哋叫咗限定天王同白天王嚟試下。藍卵天王嘅蛋係一粒染成粉藍色嘅流心蛋，上面仲有啲柚子，相當吸引眼球，不過粒蛋冇乜特別嘅味道同普通流心蛋差唔多，叉燒有燒過但都仲好嫩滑，整體嚟講算唔錯。至於白天王，個豬骨湯底濃得嚟又唔會太油膩，半肥瘦嘅叉燒亦都好夾，有椰菜、雲耳同埋紫菜做配菜， 好豐富，不過略嫌溏心蛋味道偏淡。店舖入面環境舒適，店員嘅服務態度亦都唔錯，大家快啲嚟懲罰佢啦！

拉麵天王係幾出名嘅拉麵店，拉麵控梗係要試下。上餐好快，唔使10分鐘。胡椒芝士，聞起嚟好香胡椒味，好吸引，即刻試，意外地好食！原本仲諗過芝士喺湯會唔會有啲怪，點知一啲違和感都冇！大部分芝士係融咗喺叉燒上，正！胡椒湯係用黑胡椒提鍊出嚟嘅胡椒油同天王豬骨湯，好濃但唔算好辣，每啖都好重胡椒味，幾好，不過有啲「杰」，我食到一半就覺得好「濟」食唔落；而白天王係一般嘅豬骨湯底，都係好濃味但唔會「濟」，唔錯。講完湯底，講下兩碗天王嘅拉麵同主菜啦，拉麵偏幼身，口感冇乜特別，（我自己唔太鍾意好幼嘅拉麵）睇個人喜好吧；溏心蛋，一啖食哂，有水準；叉燒三片，薄身半肥瘦，一般（我比較鍾意肥厚型）。比較失望嘅係份芝士年糕，唔夠熱，又冇芝士味。胡椒天王白天王芝士年糕

拉麵天王 黃埔自從俾我最好朋友影響咗之後 就開始迷上咗食拉麵同佢出街幾乎都係去試唔同香港鋪頭ge拉麵 然後上咗癮😂😂😂😂好啦入正題黎間拉麵鋪 拉麵的款式有4種 白黑赤同限定今次同朋友試咗白 (🐷骨) 同黑 (黑蒜) 天王麵底對我黎講非常緊要而出奇地 麵底都頗出色介乎於粗同幼之間的拉麵底麵的硬度我選擇咗硬 (建議普通都可以lu)非常有咬口 彈性 而且每條的粗度都平均黑木耳非常爽脆 紫菜普通蛋可以再流心d 但係好有味 覺對唔會無味蛋 而且微暖的蛋仲會吸收咗少少湯底的豬骨味豬骨湯底 無味精味 濃郁得黎唔會漏份量都絕對唔細 何況仲可以免費加個替玉連男仔都話飽😂😂可惜叉燒的質素就麻麻😩 半肥瘦 有一舊竟然有筋 差d要唔斷😞黎度服務態度唔錯 而且有冰的檸檬水任飲你會食到出曬汗😂😂 每季限定都唔同 今次係胡椒芝士天王🙈下次一定要試黎個價錢加優惠加出色的麵底係邊度搵😌 Overall: $69+10% charge (8.5/10)

久違的拉麵 心血來潮就想和朋友吃一吃滿足一下味蕾於是就找一家比較近的來試試昨天來到因周末睡太晏已是2點多的時間但都見到餐廳有持續的客人入座拉麵天王在區內都很受歡迎吧～二話不說就和朋友入去先不說食物質素店員的服務態度十分十分的好知道我們袋比較大預出座位讓我們放好留意到我們對餐牌不明白就主動指導食物到了很小心很禮貌放到我們面前離開的時候還很友善很熱心的說再見所以 這是一餐感覺很貼心很窩心很開心的經驗 希望店員會保持這份服務熱誠如果老闆未來加人工我會強烈推薦這位店員哈哈🤣🤣🤣就憑呢一點 我已經決定會再來光顧😊－🍜黑天王＄82:如果有留意我吃拉麵習慣的朋友 都會知道我比較偏好黑色湯底🤣今次我既選擇仍然係咁～黑天王是黑蒜湯拉麵，先嚐一口湯，湯充滿香氣撲鼻的黑蒜味，急不及待夾起麵吃，麵的掛湯能力不錯，質感偏硬，口感爽彈; 溏心蛋略為普通，因為蛋黃狀態未係最理想既半熟，但都ok既。好開心有一片紫菜☺️！叉燒肥瘦平均，軟軟嫩嫩的十分可口好吃，另外一個重點係，食完不覺得很咸很膩😳，平時食完拉麵會覺得味比較重比較咸膩，今次完全沒有！下次一定再來☺️🍜👍！