拉麵天王

營業中

休息中

今天探望朋友，順道一起在附近食好西🤤回想起有一段時間已沒有吃拉麵了，便在附近找找😆-這次光顧的拉麵店，湯底和材料以豬骨湯和叉燒為主，客人可按自己的喜好選擇麵的軟硬度、蔥的份量、口味和香油的濃淡度。雖然店家只售賣四種湯底的拉麵，不過仍然有很多人光顧，一於入去試下味道是如何啦😆-1️⃣黑天王 $82這個拉麵的湯底為黑蒜油豬骨湯，未食麵前，已急不及待先嘗一口湯頭，非常香濃，真材實料👍🏻這個麵有幾塊叉燒、半隻糖心蛋、椰菜、紫菜、蔥和黑木耳。叉燒很嫩滑，不過比較薄🤦🏻‍♂️菜很新鮮，麵條也很彈牙。整體上都唔錯👍🏻😋-2️⃣胡椒天王（限定）$92這個拉麵的湯底為胡椒豬骨湯，加入了芝士粒後，味道出奇地夾，湯底味道更濃郁，與黑天王不相伯仲😋材料上與黑天王不同的是黑木耳轉了粟米粒，很新鮮和甜👍🏻

//#黃店地圖系列間野叫：拉麵天王邊度黎：紅磡德民街17-27號B5B地下環境點：屹立在小巷的角落 門口同店內佈置飄散著日本的特色 連筷子都刻左拉麵天王四字🌝：明言不做大陸人生意 撤內地分店 1111罷市 自設連儂牆▪白天王拉麵 $727.5分見到有個blue object藍卵天王 影射當時警嫂潮吹噴射尖沙咀清真寺 很可惜當日限定天王經已賣曬 咁就試返基本款白天王 拉麵湯底好緊要 呢度嘅豬骨湯底濃而不膩 採用幼拉麵 掛湯能力不俗 叉燒有幾片 肥瘦均勻 焦香味可以再重啲 溏心蛋流心效果不錯 如果再入味些少就更正

成間鋪頭係得 4款湯底既拉麵比你揀亦冇咩特別小食可以食 亦只係可以跟叉燒一睇就知 絕無花巧黑天王姐係 黑蒜油 豬骨湯底👍可自選麵硬度 湯底濃度要唔要蔥同肉等 就知專業啦👍湯底香濃 飲落去就知 真.豬骨湯底 好好飲 而且加埋黑蒜油味道再一次提升 而且落既份量都唔小架 足料架 不過最近腸胃唔好 叫左少油👍麵質 爽滑 有彈口 真係食到"雪雪"聲 好正👍好中意加佢個 辣辣豆芽 淹得好入味👍雖然可能細碗d👍食左咁多年 依然保留到水準 值得讚賞💁服務: 正正常常 但都很helpful⛲環境: 好日本 似日本車仔檔咁 都多位既

自己是拉麵迷，對拉麵有要求，第一次遠程來食拉麵天王，叫了赤天王，麵做得不錯，彈牙幼身，湯底唐辛子味道十足，不太辣但香濃，麵感和湯底感覺與一蘭拉麵相似，但叉燒比較肥厚和彈牙，唯一椰菜感覺有點不夾，但夠健康，另外可惜冇替玉（加麵底）！員工熱情有禮，見我很多野幫我拎張櫈放好，整體不論環境，食物也高質，價錢高cp值冇加一服務，中肯評論是好食的黃店！

去完遊戲機中心肚餓，之前經過都爆滿，這次剛好有位就立即進去坐。選擇上都算多，麵的選擇就有五種之多，這方面覺得貼心的。自己這次就選擇 硬 ，口感也很滿意，不過還有點興趣試 超硬 。不同的天王就是湯的不同，自己覺得它主要是以豬骨湯為主再加各類的湯。而上枱的賣相比較豐富，而份量比較大的~叉燒都很大件~~~肥瘦剛好。黑椒：沒想到這還有車打芝粒，上枱時沒溶的！你可以選擇溶到什麼程度才食，朋友就弄到可以拉絲xddd原本以為會非常的辣，但食下去又不辣，就是有很濃的黑椒味~~~白天：自己最愛這個，因為它的豬骨湯很濃，自己最後喝光所有湯呢~~~黑天：黑蒜油味淡左少少，再濃d會更野味~~~它的溏心蛋做得到半熟，流質，自己覺得咸一點會更好。

晚時六點半來到不用排隊，入座及時遞上涷水，離座時也會提醒小心台階。選擇性高，可自行根據口味濃淡選擇香油\湯底。溏心蛋較咸，但拉麵較平平無奇，不過不失，沒留太深刻印象，不過整體而言值得一試。

好多年前試過佢既限定蝦味噌限定天王，已經覺得好好食。之後每次嚟都會食黑天王。最近呢半年出左限定嘅胡椒天王，真心覺得係世界級。豚骨湯濃厚，加埋好重嘅胡椒味，同車打芝士碎，咁港女嘅配搭，竟然係出奇地香。一聞同埋飲第一啖已經覺得不得了，好想飲晒成個湯。湯底好厚好杰，令到成個麵即使係細麵都好掛湯。麵底係直身細麵，個人鐘意食偏硬口感，師傳煮得剛剛好啱我合味。半熟溏心蛋出色，無得輸。叉燒夠肥，未夠入口既溶，但合格有突。配菜用咗椰菜，中和左拉麵既油膩感覺。成間舖格局都係乾淨企理，師傅店員有禮貌，枱面有齊日本拉麵店必備嘅冰檸水，拉麵胡椒同芝麻冇假期去日本都可以黎坐下，當自己去左日本。區內有間咁正嘅拉麵，其實真係唔想話比人知呀！我敢講我食過晒香港嘅米芝蓮推介/ 有名氣嘅拉麵，都冇呢間咁出色。多謝老闆撤出中國市場，專心為香港人煮好呢碗拉麵。

一間Bob叔都懲罰既米豬蓮拉麵店少有平靚正拉麵！-🍜白天王 ($72)豬骨湯底，內有叉燒三片、溏心蛋、椰菜、雲耳、紫菜🌑黑天王 ($82)黑蒜油豬骨湯底，配料同上1️⃣個豬骨湯底真係冇得彈！食拉麵最驚就係豬骨湯太肥膩，但呢個濃郁得黎唔太膩。而且好鮮甜，唔知有咩特別秘方！2️⃣黑蒜油好多，但味道唔係好出，不過湯底搭夠！3️⃣溏心蛋少有地超流心！真係岩岩熟！仲要醃得好入味！4️⃣叉燒都出色，半肥瘦，軟熟滑嫩，唔會韌同老。-而家得返一間分店咋！一定要好好懲罰！不過今日去到8點半都賣哂

同朋友一齊帶埋小朋友去食拉麵， 一行六人， 三大三細， 食到一肚氣！我哋入到餐廳時見到六人枱有兩個人就嚟食完， 又冇人等緊位， 咪同個姐姐仔侍應話我哋有小朋友，坐住喺度嗌咗碗麵先之後再轉檯， 點知個姐姐仔黑口黑面好似聽唔到咁， 我咪再同佢講多一次囉， 點知佢大聲夾惡咁話佢聽到， 我話你唔應我我點知你聽到。之後我哋碗拉麵好遲先嚟， 遲過我哋入嚟嘅客人都已經食緊， 我嗰碗麵仲要得好少。 如果唔係帶住小朋友，我一定鬧爆佢之後走， 唔食， 但係小朋友好肚餓，我哋唔想轉嚟轉去。 姐姐仔塊面由始至終黑過碗黑天王， 撇開食物質素唔講， 今時今日咁嘅服務態度係咪想提早執笠！ 真係好過份！

🍜黃埔限定天王藍色卵雞叉燒拉麵 🍜請支持即刻俾心👍🏻🍜黃埔有間裝修充滿日本風味的拉麵店，麵的選擇不多，分別有白天王，赤天王，黑天王，還有兩款期間限定拉麵🍜藍卵天王 $92 (不用加一）最吸引眼球的是一隻藍色的拉麵蛋，很浪漫的粉藍色，蛋黃是流心的，但蛋白沒有味道的，比較失色。麵條用上細麵，掛湯能力大，可以選擇軟硬程度及油膩度比較貼心，秘製雞叉燒感覺有點似經過慢煮的雞，軟熟嫩滑🍜胡椒天王 $92(不用加一）湯底加入了黑胡椒的香氣更加多個層次，配合麵上的芝士，整體更濃厚香氣十足，叉燒做得比較薄身，肥瘦剛剛好不會覺得油膩，而且好軟滑🍜雖然今次去到都需要等一陣，因為只有一位樓面姐姐在被懲罰，仲有少少燥底，但各位食客都很有性地等待，沒有露出半點不悅，感覺很良好

唔係同朋友去紅磡睇演唱會， 都好少過嚟邊食飯， 原來何文田出口一出 附近已經好多嘢食 啱啱食飯時間拉麵天王已經大排長龍好彩我哋都唔係排咗好耐就入到去見到佢有個限定拉麵藍卵拉面好想食， 可惜啱啱售罄就揀咗啱晒鍾意食濃味嘅我的黑天王！一嚟到已經係撲鼻而來嘅豚骨香同黑蒜香，讓人食指大動！ 湯底濃香不膩，非常容易入口，鹹度啱曬香港人口味！叉燒切片比平時食嘅切得稍厚，且肥瘦均勻！餃子煎得微焦， 而且熱辣辣肉質豐富， 一盒有五隻， 同朋友share食都仲得😛另外朋友就選擇咗限定胡椒天王！想點一見到佢面頭啲芝士碎已經胃口大開啦！湯底嘅胡椒味調校得啱啱好，唔會蓋過豬骨湯嘅香味！最後係芝士年糕，一口一啖芝士味香濃，外面個脆皮炸到好脆口，但係裏面就熱辣辣仲拉到出絲！真係一個好出色嘅小食呀！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！同友人去紅磡做d野，事前去左黃埔覓食，上openrice睇下，就俾呢間拉麵大王嘅藍卵拉麵吸引，所以去試一試。一到步店員送上凍水，店面裝修好似睇日本漫畫嘅拉麵店，好有味道，好似真係去左日本咁。比起藍卵，我更喜歡胡椒拉麵。胡椒係香料，一定要經過加熱才能完全散發其香氣和味道，用黎做拉麵湯底最適合不過。除左香濃胡椒味，師傅更鋪上一層芝士，既中和到胡椒嘅辛辣嗆喉感，亦能加添一陣芝士穌香。叉燒有3大片，正常。面底揀左偏硬，食落爽口d，係我鐘意嘅texture。餃子係用烤焗方法製成，好處係減少好多油份，外層焗到香脆，亦保持到肉汁，食嘅時候要小心辣親個咀！豚角煮$25份量都ok，做得非常之稔同埋入味，偏肥，但個份油膩同焦香好難令人抗拒，有D似居酒屋食到嘅味道！

平時好日都未必會過黎黃埔，今日係附近試完車，就同屋企人試下特色小店，揀左呢區頗有名氣既拉麵天王，裏面裝修既有工業風又不失日本格調，有唔少年輕人幫襯。呢度有4款口味既拉麵選擇，白天王/赤天王/黑天王/限定天王（見到近期做緊胡椒天王同元氣彈天王），我揀左白天王，屋企人就食赤天王。我一如以往揀左比較硬身既麵條，白天王湯底係以新鮮豬骨淆製十幾個鐘而成，仲食到豬肉既鮮甜味，相比其他濃郁豬骨湯拉麵更有驚喜、多左一份新鮮感。不過個人更喜歡屋企人點既赤天王，湯底唔會過於辛辣，同時食到豬骨鮮甜味，特別適合不太好辣又想試辣拉麵既朋友。

好耐之前喺元朗食過一次覺得非常之正，但係再去佢已經執咗。點知原來佢喺紅磡再開番，所以我即刻走去試一試，睇吓有冇走到樣。佢同舊舖一樣都係得四款拉麵可以揀——就係四大天王。我就揀咗一個赤天王試吓。飲咗一啖湯已經知道佢哋嘅水準仍然keep到。因為我揀咗少辣，所以唔會話辣到完全飲唔到湯嘅味道。佢除咗辣味，仲有陣陣豬骨湯香味，層次豐富。麵質軟硬適中，而且掛湯能力亦都非常之好。另外一樣野我好鍾意嘅就係佢個豚角煮，做得非常之稔同埋入味，好好食。整體來講質素同我當年食嘅一模一樣，各方面都處理得唔錯，值得推介。lunch時間都幾多人食，要食嘅話唔建議lunch時間去。

星期日去左紅磡呢間拉麵店食，入到發現一人需要叫一碗麵。我地叫左一碗黑天王，一碗白天王。湯底可以揀濃不濃，麵既軟硬度。而我就叫左濃湯同埋麵既軟硬度係普通。食既時候，真係唔錯，湯底似沾麵湯咁濃，所以我比較鍾意，黑天王比白天王更特出佢個湯底，應該係豬骨湯黎，同埋佢唔會得過死食咸。麵質都好食，依拉麵黎講，佢係唔錯。值得大家一試！提一提，我地12點入去都唔洗排隊，但食到一半就快爆場