拉麵小町

營業中

休息中

小町初十啟市，正正情人節，我哋就入遠啲去屏山會一會佢。一轉入坑尾村，未到佰萬公廁，就會見到"小町"嘞。估唔到喺 圍村會有一間咁特別嘅日式小店鋪頭得十零個座位， 好彩我哋 六點拎到達。七點鬆啲就滿座要排隊啦鋪頭裝潢夠別緻， 而且仲有好多未見過嘅啤酒賣。仲可以叫老闆畀啲意見添喎.揸車嘅就唔好飲啤酒啦， 叫支波子汽水啦咁我就唔客氣叫老闆介紹一支容易入口嘅啤酒試下呢支好似叫做"果味陳皮啤"， 即飲同放耐啲飲有兩種味道， 先果後皮，易入口，酒精濃度5~6%。 日式冰凍豆腐:主力汁底夠清新， 豆腐唔係滑嘟嘟果啲，結結實實又唔係硬，可以試下喎呢款由老闆娘親手包嘅餃子，喺facebook page已經睇咗製作短片, 所以係必嗌嘅, 個餡好掂喎，肉粒有咬口，配醬油同酢一齊食。呢碟應該係叫"山椒單骨雞翼"，小小辣， 方便女仔食吖嘛呢條係必食推介: 池魚一夜干， 唔係好咸，攞嚟送酒就一流啦， 連好怕魚腥味嘅都食咗大半條呢個咖哩漢堡飯:個咖哩清清地，果汁唔杰， 食完唔會滯住。 而且個漢堡 唔係用攪爛晒啲免治肉，正呀。白味噌拉麵:係個叉燒略嫌肥咗少少，但係個湯底真係冇得彈，夠香濃，全隻流心蛋，堅流心。鍾情拉麵嘅

屏山的小店拉麵。假日我都喜歡到這裡。因為有免費泊車帶著小朋友好方便其實係我寶貝喜歡來這裡。他喜歡吃這樣的沙律及麵麵喎。我喜歡吃淮山及雞翼。各有所好，兩人拍拍拖，沒有太多人。重點是拉麵吧。全都吃過。不過不失。因為對我來說。香港地沒有拉麵能跟日本作比較。哈哈。食物ok環境舒適服務和善他們好似一家人。閒話家常工作又一天。看似好捨意。

咁岩同朋友去開元朗，朋友就推介呢間拉麵小店呢間拉麵店唔係連鎖店，但就有自己嘅風格拉麵湯底主要係以豚骨魚介為主另外仲有二款以鰹魚湯底嘅拉麵選擇仲有今期限定香蔥拉麵今次我就試左蕃茄拉麵$82湯底有淡淡嘅蕃茄味，因為我係番茄迷，所以個人認為番茄味可以濃多少少叉燒略為肥左少少，味道ok拉麵較粗身，有咬口溏心蛋唔夠流心，差不多係全熟，蛋外雖然有醬油嘅顏色，但食唔到有醬油味總括黎講，味道可以香蔥拉麵$82朋友就試左香蔥拉麵由於香蔥拉麵係限定嘅關係，連塊肉都係特別啲用慢煮方式去烹調，友人話好食過我嗰塊叉燒好多⋯麻辣拉麵$88最後黎到麻辣味，試左朋友啲湯係我地平時食開麻辣火鍋嗰陣味個人認為完全失去左拉麵嘅味道

被朋友帶來的小店在門外感覺都是很不錯的感覺，環境、氣氛也很不錯如果想和朋友聊天、慢慢吃飯也是不錯選擇食物方面擺盤：有基本水準，不算是很講究，不過不失醬油拉麵：拉麵的口感：合格程度拉麵的重點是湯底：偏咸、沒太多湯的味道，中下叉燒普通水準：合格程度煎餃子：我們那次是即叫即做吧，正常水準但醬油竟然是普通生抽，扣分太多凍豆腐：( 凍豆腐沒有要烹飪的成份 )，合格程度但擺盤使用的盛器令格調下降總括來說算是一家不過不失的店，但環境算是值回票價（但餐廳背景音樂有點令感覺跑掉）

經過這閒小店好幾次，多種原因無緣品嘗，今天終於有機會試試。食物味道不錯，與其他食評相符。今天不談食物質素，只想談店員對衛生的態度。1. 我們吃完午餐已是下午三点幾，當時我們亦是最後一枱客，三位女店員清潔完吧臺面後 (註: 這吧檯是客人進餐的吧檯)便坐在那裏，把一袋袋拉麵倒在檯面，即時變身成工作檯。2. 期間她們沒有带手套及囗罩，她們用雙手為每一個拉麵去拉麵做一些鬆馳及壓迫的動作，其間不斷傾談並大笑到身體傾覆向前。3. 我們剛好吃完，如果在落單前見到此場景，一定掉頭走。既然吃飽就埋單，其中一位搓麵店員收完錢後，沒有洗手就繼續去搓麵。這店擺設表面是清雅潔淨，但事實卻不是，連對處理食材基本衛生也沒有，再好吃我也不敢來了。

好高興放假輕輕鬆鬆到處走走來到屏山鄧氏村落一點不落後仲有好多老外遊客經過見到呢間叫小町日本拉麵店外觀已吸引裡頭有手工啤 特色小店點了兩碗拉麵彈牙慢煮豬肉鎖住水份 香口味道佳宜餃子juice ~香口皮脆再加點淮山沙拉🥗點wasabi 可口開胃呢店係可以再來吃過返尋味

天真嘅我以為今日落雨，去食華嫂會冇咩人，就算係假日，但原來大家都咁癲，為左食可以去到咁盡，幾廿個人企係大雨到等，我與友人決定放棄，揀plan b：出元朗食。點知行到附近見到間，好有深夜食堂feel嘅拉面店，裝修好靚好新，感覺開左冇耐，就唔想再行，入去試試。喱到茶水、水杯自取自倒。.👍🏻叉燒蛋丼（$58）叉燒加溏心蛋上嘅醬油色澤都比出面深好多，望落似滷水蛋，有啲擔心佢唔係溏心，但一食不得了，係堅溏心，且非常入味，深色唔代表鹹，叉燒肥瘦比例好，食落有啲似日式版梅菜扣肉，兩塊叉燒都略嫌唔夠送飯，多一塊就好啦🤤🤤🤤。.鹽拉麵（$72）內裡都係兩塊叉燒同蛋，拉麵煮得好，唔會過軟，彈牙，湯有好似鰹魚嘅味，豬骨嘅味非常淡。.小町漢堡包［豚］🍔（$36）好厚嘅豚肉漢堡，有創意，，有啲腸味咁，但我都係鐘意牛肉。.煎餃子🥟（$30）煎得剛剛好，金黃色，外脆，唔錯。.👍🏻柚子雪芭（$20）好濃柚子味，好有味，好正，岩咁熱嘅天氣食。食喱啲要碗同匙都係凍先爽🤤🤤，而佢真係咁，冇失望。

星期六，遺憾要番工，之前同事說要帶我“入村”食拉麵，見到陽光普照，工作之餘鬆鬆吧～拉麵店在屏山文物徑入口附近，鄧氏宗祠及華嫂冰室行過D。店舖門面有身在日本鄉郊的風格。入內看到服務員，細心的勸服已坐下的顧客騰空位置，安放我們一行六人圍著麵枱而坐。點了鰹魚湯柚子鹽拉麵。由放即叫即煮，等待時候頗長，差不多15分鐘。還以為沒有時間進食(工餘午餐的時間很寶貴的)，上菜時發現溫度剛好，麵底與叉燒也夠彈性，柚子鹽其實是柚子七味粉，配上鰹魚湯，不太鹹，但少許油膩，送麵也不錯。

去食華嫂經過左幾次都想試下今日終於有時間去以前做過拉麵店，始終都對拉麵有d要求做日式拉麵舖禮貌最重要但入門無人理，落單無人理，走果時除左俾錢都無人理講講食物先一落完order,等左5分鐘左右就黎左個飯先黎到個樣好惹味咁，食落完全唔得由於個蛋同汁都凍，令到個飯溫度降低哂個汁係無味同埋唔夠我要自己再加七味粉同豉油先食完個飯再等多十分鐘左右就黎個拉麵一望個色就心諗「我唔係叫蕃茄拉麵咩？」即刻飲飲個湯先唔夠熱，個湯完全唔夾勁淡既蕃茄味，加少少醬油味但完全唔夠味，唔好話濃味，係直頭好似溝好多水咁🤦🏻‍♂️我加左辣油，醋，鹽先食哂成個拉麵講返個麵，係用曲麵，但煮耐左，失去彈性去到最後有同店員講飯個問題，但佢個反應就咁哦左聲就算，ok，無下次👍🏿

今次同老公揸車來試食隱世小店，小店仲有專用泊車位tim !好窩心👏🏻醬油豬骨湯底叉燒拉麵：$72麵軟硬適中，有口感，豬骨湯底濃而不鹹，真係要大讚個叉燒，肥美入口即溶 ，老公都大讚👍🏻流心糖心蛋好味👍🏻煎餃子5隻：$30煎得好靚，而且皮薄餡多，好香口👍🏻赤味噌辣肉碎拉麵：$88小小辣味加肉碎比較開胃，個人覺得呢款拉麵無乜特色、呢個拉麵無叉燒，叉燒先係重點🙈🙈🙈

今次放假唔想去咁遠食飯所以去咗近近地慳美村食嘅，其實呢間餐廳我都係OpenRice上面搵返黎，冇乜點睇到入邊嘅食評，佢食日本野所以我就走咗過嚟食啦，我同朋友叫咗醬油拉麵嚟食，佢啲拉麵幾彈牙， 不過個湯底我就麻麻哋，佢餐牌上面嘅選擇都比較少，拉麵款式唔多小食都唔多，想特別講佢拉麵上面嘅豚肉就真係最好食，你可以額外再叫多塊黎食，＄12！另外餃子外脆內香，餃子都算值得叫嘅，假日來呢度食嘢都唔算多人，唔想同人迫嘅可以入嚟試吓食

每次幫襯小町都好開心，每次都食到用心嘅制作。凍豆腐好味餃子义燒拉麵，正（裏面嘅糖心蛋好好味）只嫌今次拉麵嘅溫度唔夠熱自家制蛋黃醬沙律咖哩飯，拉麵以外嘅選擇支持小店！用心，認真。

小町近華嫂冰室附近,不算起眼但都算特別,因為只有一處有日本拉麵可食~~入面座位不多,bar枱位以及兩張4人位台。拉麵的選擇是以湯底為主,也有飯可點。室內落單,喝水都是自助的,點菜紙上，已經列明全部食物。見到有鰹魚湯底的拉麵就馬上決定要試!叫左鰹魚柚子鹽肩肉叉燒拉麵,湯底清又香,仲有柚子的清新之感,食完唔會太重口味。鹽肩肉叉燒超級好味道!!爽口,有肥膏位但都好食,唔會太油膩,第一次食到咁好食的鹽肩肉,少少鹽已經把肉的鮮味表露無違!店子到晚上9點關門,如果來到屏山一遊可以一試!

今日一家大小三個人1點來到，要等位，不過好快有得入去。分別叫左 醬油拉麵， 鰹魚湯醬油拉麵， 同埋一個鰹魚柚子鹽肩肉叉燒拉麵，湯味鮮甜， 叉燒好冧，溏心蛋好好味，另外叫左一個煎餃子，都好好食，是次試食好 滿意。

之前尋味坑尾村既時候早有留意呢間拉麵小店，今日終於食到啦門面幾日式，室內自助式，除左落單及遞餐外，唔好祈求有咩service。拉麵$68起算合理。塩拉麵既豬骨湯底好濃且不算太油膩，叉燒夠曬肥美，入口即溶，想一食再食麵質軟硬適中，份量剛好，略嫌糖心蛋不太夠流心。叉燒飯上既叉燒同拉麵係一樣既款式，淋上燒汁送飯，味道最佳，惜份量不太多，男人話唔太夠飽。因此後加左煎餃子，皮薄餡靚，肉多少菜，熱辣辣咁煎得好香口。