招牌手撕雞 (已搬遷) 新店位置

位於橫巷嘅平民小店，鋪仔門面細，行過路過好容易錯過！！ 今次幫襯麻辣手撕雞配巴東牛腩第2 次食麻辣手撕雞，上次叫小辣唔夠辣今次揀中辣好岩口味！ 下次可以再挑選大辣😆手撕機半隻配雲耳青瓜巴東牛腩，唔辣，個汁好味鋪頭係放工時間都不乏人流，相信灣仔街坊都好熟識！ 要讚一讚老闆，黑實嘅外表明顯唔係香港人但講流利廣東話，如果佢係整緊家鄉拿手小菜，都確係配合到香港人口味老闆究竟你係咩人？ 😆😆其實餐廳樓上有堂食座位架

去到鋪頭，老闆同老闆娘好好客！問我係米訂左openrice。又同我吹水，介紹有咩好野，叫我下次試下似豬手！份量十足！味道鹹度啱啱好！等左5分鐘都唔洗就有得攞！會再幫襯！

到達店鋪被要求即時repeat order唔會提前準備好唔會理你係唔係經平台預先order唔知點解會被粗口問候店主真係太有性格啦我面皮薄，唔想買野食好似欠左佢，下次真係唔會來.

係咪冇咩生意？我下午兩點叫外賣送貨，送到黎個盒面係有幾舊手撕雞，仲要撕到大大條，個盒底全部都係俾骨我，成半隻雞既骨喺留番哂度！仲要食落啲雞全部係雪味，有部份有冰都未解凍，咬落成口冰！食完夜晚返到屋企仲肚屙，我以後一定唔會再幫襯！

TLDR:1. Lied about food order completion2. Rude to customer who comes for pick up3. Waited for 30 min even when the food order showed as complete4. Physically tried to abuse a customer5. Prejudice against no-HK peopleTried ordering their food on phone app, went to pick up when the app showed it's completed. However not only the food was completed when I got there, the person also told me to piss off and and get in the line. Afterwards claiming they can't read the order and refuse to serve while

此店舖伙記非常無禮貌，用網上app點外賣自取的意義在於省下排隊時間，不用到店舖排隊等餐。網上下單後，按訂餐詳情要求15分鐘後往餐廳取外賣時，伙記居然無理兇惡地要求就算網上點外賣也要到達餐廳後重新排隊否則不製作，並把有油污單據扔給客人。平時一般絕不會亂給劣評，但此次實為人生最惡劣既外賣經驗，店員明顯不懂網上點外賣的意義何在，安排非常混亂，態度亦非常惡劣。另外店舖地下非常油及sin腳，有機會對客人或店員自身產生危險，不過店員似乎亦不care客人安全和體驗。

最近逢星期六都要係灣仔返工，聽聞灣仔都有唔少好嘢食，然後今個星期就比我搵到呢間手撕雞😛首先就咁叫一個手撕雞飯只係需要$30！你冇睇錯係$30！如果加埋小食都只不過係$40！宜家呢個年頭喺灣仔要搵到呢個價嘅嘢食已經好難🤯我就叫咗麻辣手撕雞飯加海蜇。份量都唔少，雞肉都算滑，而且海蜇都有好多！😍我平時冇特別鍾意食雲耳，不過佢個雲耳超好食！！有少少酸酸辣辣味好開胃！不過我覺得有少少辣，如果下次再食會試吓叫小辣🤭老闆非常親民！每個買飯嘅客人佢都會同人吹水🤣

重點推薦：手撕雞（微辣）超好食仲有雲耳青瓜絲撈埋一齊夾到不得了，撈埋海哲更正！已經食左幾年～我地成家人都好鐘意幫襯佢～老闆係愛妻號❣️簡唔中會提下老婆既食物喜好～撞正跑馬日子，麻煩大家稍等，等佢跑埋場馬先落單😂😂

週末同朋友喺銅鑼灣行完街，就開OpenRice睇吓有乜好食，發現灣仔嘅呢間招牌手撕雞，就由銅鑼灣行咗嚟灣仔。鋪頭比較簡陋，只有幾張摺檯摺櫈堂食，主打外賣，眼見大部份人都係買外賣返屋企食。〰️招牌手撕雞配飯$30手撕雞有得俾你揀原味/香辣/麻辣 仲可以客制大中小辣落單之後老闆會將雞同調味粉撈勻 即叫即撈唔食得辣嘅我叫咗原味手撕雞 原味麻油味比較重如果食得辣我諗應該叫辣會比較好雞嘅份量都幾多而且唔鞋 仲配有青瓜絲同雲耳 雲耳用酸醋醃過 酸酸辣辣好開胃 ！〰️招牌手撕雞冷麵$40 +海蜇$10加$10就轉配冷麵 再加$10就多配一款小食小食分別有 海蜇/豬耳/雞腳/雞腎掛住酒樓海蜇嘅我就配咗海蜇不過呢度嘅海蜇比酒樓食開嘅粗身 而且比較韌 食落唔係爽脆口感 呢個唔推薦但配冷麵就比配飯出色！佢哋嘅冷麵比較幼身 同青瓜絲差唔多粗幼配上花生香比較重嘅麻醬 惹味又唔膩夏天食呢個真係一流！$30手撕雞飯再送例湯真係好抵，可惜我食嗰時冇留意有例湯，老闆都冇比到，我都係時候睇返先知有但呢個價錢 仲要係灣仔區 真係不得了絕對有下次 要ENCORE冷麵!!

香港天氣準備到10月都依然好熱🌞可能因為咁近排真係好鐘意用外賣app叫野食😆，唔使落街排隊攞位，食飯嘅時候已經成頭汗💦手撕雞我公司嘅人普遍都鐘意，食過其他間之後大家都係獨愛呢間。❤️✨招牌手撕雞半隻 $60（堂食好似$53）有得俾你揀原味、香辣、麻辣 小辣、中辣、大辣🌶本人無辣不歡😛，試過香辣和麻辣，覺得香辣好味啲。今次我食中辣，我覺得都夠辣😋雞肉唔嚡口，好味👍🏻手撕雞有青瓜和雲耳作為配菜。🧡雲耳用酸醋醃過，味道酸酸辣辣好開胃✨海蜇 原味 $40（堂食好似$28) 外賣App 上冇得俾我揀其他味。☹️後尾睇OpenRice 發覺原來海蜇都有得揀香辣或者麻辣。原味味道好寡😐😐，差唔多冇味咁濟海蜇質感爽口彈牙，建議大家揀香辣或者麻辣可能會更好食。

最近新餐飲平台E肚仔推出迎新優惠新用戶有兩次消費$50減$25仲可以用ALIPAY比錢 不用每次使用信用卡這麼麻煩剛巧公司附近的名單有這間手撕雞決定一試我叫了招牌手撕雞(半隻)+小食(一款) — $68小食可從豬耳、雞腎、海蜇及豬肚四選一手撕雞的口味也可以選原味、香辣及麻辣因我不能吃辣，只好選原味原味大概就是有一種麻醬味的，比較偏淡味但比較喜歡清淡的，因手撕雞是凍食，吃起來比較配合要不喜愛重口味的，可以試試香辣或者麻辣另外，份量非常足料，看到店家把一份份的雞放到雪櫃如你要半隻或一隻，他會把雪櫃的一盒都倒進外賣裡不同碟頭飯的形式可能相片拍不到，真的有雞翼、雞腿等的部位而餐湯是額外送的應該是青紅蘿白湯可以看到湯是沒有油的亦喝不出有味精這店做的是住家的、天然的料理

以前喺灣仔返工 有朋友介紹食呢間 食完之後變咗我嘅飯堂 今日天氣好熱 附近都要50元以上才可交易 去港島區特登要去灣仔食飯呢個手撕雞 味道可以選擇小辣中辣大辣 手撕雞可以加菜 (海蜇同其他菜) 30元有交易 加一個菜才是40元 手撕雞好開胃 加咗青瓜同海蜇好清甜 辣味很開胃 佢個湯都好好飲(但係今日冇得供應) 如果唔食飯可以轉冷麵 好似食沙律咁都幾好食唯一可以扣分嘅就係地方比較迫 但係用$30來講都沒問題啦 老闆係馬拉人 見到佢每一次做手撕雞飯做到好簡單 好似魔鬼廚神一樣 好快就做咗個飯出嚟呢啲平民飯堂買少見少 多多支持

每次來到灣仔工作，這家的招牌手撕雞是必點的！一星期可以吃一到兩次哈哈，直到今天終於決定寫一下食評令大家都知道這家在灣仔街市一旁的隱世手撕雞店呢！招牌手撕雞飯$30好吃的東西不需要多花款，每次我都只吃這個，手撕雞配上麻辣汁，因為本人不太可以吃辣所以只點了bb辣哈哈，但已經很好吃，即使食量不大的朋友都會忍不住把它吃完！再加上青瓜可以幫忙緩一緩麻辣味，令你也可以吃到手撕雞的味道呢！如果在灣仔附近工作的朋友可以一嘗喔

although they just increased the price of the signature dish, hand torn chicken with rice to $30, it's still a great choice to eat in budget. I would recommend coming here but only if you takeaway, as the seats upstairs are not only unpleasant but also unsanitary... but you don't have to worry as I've eaten here several times without getting stomach aches.overall though, not bad cause the taste is the same as the ones that's much more expensive while in a killing price

係ubereats叫左個手撕雞配涼拌青瓜雲耳冷麵少麻辣，黎到既時候d醬多到嚇左嚇。本身都驚d醬會浸到d麵淋晒，點知又無喎麵好幼身，同d青瓜既粗幼差唔多，口感幾一致。雖然我叫左少辣，係幾惹味既，但越食越辣，辣到完全食唔到手撕雞味。手撕雞份量唔算少，但d雞都好韌下，好多舊到好似香口膠。又無味又韌，你話咁樣就係招牌手撕雞又有d弱左少少。唯一好食既係雲耳，係麻辣醬味咁突出既情況下都食到佢既調味。不過食得出果種係味精味見其他openrice食評話佢d雞幾嫩，但我自己就好失望。價錢唔貴但連自己既招牌都未做好，出面好多小店都好食好多。