拳王泰國餐廳 (已結業)

餐廳集泰拳同食物兩大元素，周圍掛有泰拳裝飾，設計以沙包擂台為主好有格調，12點lunch時間已經坐滿哂人。🦀芒果蟹肉炒飯 $68炒飯炒得粒粒分明，配料豐富，有蛋絲、蟹肉、雜豆、蔥花、芒果，芒果好香甜、清新。唯一不足係偏油左少少。明明係lunch set但個飯有3-4碗飯，份量十足。🐔海南雞半隻 $138用蒸籠承載著，見到賣相已流哂口水。上枱時，職員會淋上熱辣辣既雞湯，保持濕潤感。雞肉好肥美，食落好滑嫩，仲要大大件啖啖肉。另外附上3款醬料，但個人認為原汁原味先係最好食。係香港黎講真係少有食到甘滑既海南雞。🐓泰式椰汁雞湯 $128 （2-4人份)一上枱見到好大兜，飲落好香椰汁味，香滑濃厚而不膩。配料亦唔少，有雞柳、車厘茄、秀珍菇、雲耳、南薑、香茅等等，大概有5大碗，但我地兩個人都好快清哂。

食左蒜蓉包，印尼炒河，雞肉濕炒河蒜蓉包即叫即整(非繁忙時間) 有濃烈蒜香，極力推薦印尼炒河係正常有鍋氣既炒河，不錯，但屬不過不失，並非與眾不同雞肉炒河粉寫住係拳王推薦，其實最伏，所謂濕炒其實似炒完再倒落d賣相唔討好既湯入面，仲有奇怪既菠蘿酸味

上菜速度 奇慢無比，飲料都快喝完了，催了好幾次。1、香辣蟹夜明珠：外面的荔枝很新鮮，但是裡面的蟹肉 非常腥，整體味道 又甜又鹹又辣，五味雜陳，不知說什麼好。2、冬蔭功：湯很稀，只有菌菇 和一點海鮮，沒有別的了。3、燒烤牛脷串：肉質老得要死，根本無法下咽，嚼幾下就吐了。整盤浪費。4、燒烤雞翼串：咬下去 裡面的肉 是生的！5、咖喱炒蟹：價格不菲，蟹肉質素一般，有D霉，蟹蓋裡面 竟然一點蟹黃都沒有！6、金柚大蝦沙律：柚子挺新鮮，唯一的一隻蝦 肉質一般。7、XO醬鐵板牛仔粒：一個大鐵板，才5、6粒 牛仔粒，其他全是 青椒，吃都吃不飽，太摳門了！8、菠蘿炒飯：味道平平，上面海鮮的數量 還可以，但海鮮唔新鮮、好霉。9、椰青：飲品我們選了椰子汁，味道清爽，還有淡淡奶香味。總之，這家餐廳的泰國菜 味道一般，海鮮普遍好霉，雖然 菠萝炒饭和椰青 不錯，但也挽救不了整体的差评。上面這些 總共消費約HK$1300，一D都唔抵，又貴又難吃，都不知道 270個好評 是怎麼來的。結賬時，還不能刷EPS。冇下次。自求多福吧。

行完山來到銅鑼灣，時間尚早，但已經肚子餓，經過這間泰國餐廳，也不選擇就入去了。餐廳主題是拳王，設計和佈置得好有心思。張枱原來是擂台來的！好得意！食得太飽可不可以打沙包呢？我和朋友二人因為太餓，叫了三樣食物。吃這個蟹肉夜明珠真是味蕾的享受！你會覺得走了一趟味覺旅程。因為甜酸辣都嘗到。名字真的改得好，和賣相很相襯。我覺得臨近中秋吃這個也份外有詩意。夜明珠有五粒，底下有粉絲。最後一粒我們掙著要，差點連朋友都沒得做了。其實是荔枝肉包著蟹肉。荔枝很清甜。所以第一口吃到甜味的。青色的應該是泰國的特色醬料，辣的但感覺清爽，提升了這個夜明珠的味道層次。所以甜中帶辣。吃到裏面蟹肉，應該調了味，有酸咪咪的感覺，但又沒有蓋過蟹肉的鮮味。至於底下的粉絲，也有淡淡的酸味，但口感清新。每一個部份都好味到不得了。現在寫著形容也讓我回味無窮！馬拉盞炒通菜。份量很多。有蝦米蒜蓉辣椒在內。不油膩。雖然標明是辣的，但其實沒有真的很辣。吃不得辣的絕對吃到。通菜新鮮又爽口，每一口菜都好有蝦醬咸香味，好惹味。即使吃到最後剩下的蝦米蒜蓉粒也不可錯過。菜單的命名也很得意的。全部都和比賽相關。練習菜、熱身菜、總決菜、附加菜、表演菜。看

在鍋鑼灣去食晚餐，入左間去食泰國菜叫"拳王泰國餐廳"，原來餐廳有樓上叫 "原燒道場" 是食日本菜架, 可一個地方食兩個地方的菜。西冷串燒 肉汁同香味剛好令人留口水，就是因為這樣食慾都增加一倍，哈哈。豬牛雞串燒 當中的雞肉、豬肉和牛肉串擁有不同口感，一面食一面要在品嚐不同味道。食泰國菜一定會叫泰式炒通菜通菜好有田園感覺，炒出的菜很綠色不會過熟，好正。泰式牛肉炒河 睇出牛肉肉質鮮美，好快食完D 炒河，下次一定要再叫。

食物質素好，好有泰國風味，價錢亦都相宜，但位香港人男侍應服務一般差。唯一唔好嘅就係我叫咗杯生啤，飲到後期發現有裂痕，同個男侍應講唔理我，再同個香港人女侍應講，佢淨係叫我飲埋杯酒，我話怕有玻璃碎，之後就咁收咗隻杯就算。我在openrice訂位，話明有七七折，位大哥男侍應，借啲意話我冇下載，佢幾乎都唔畀折扣我，但個女侍應可能因為之前有個啤酒杯爛咗，佢覺得唔好意思然之後，都照畀返個折扣，大哥我唔你嚟搞事㗎。喜歡食你們的東西，都要諗諗是否再幫襯。

朋友推介一間泰國餐廳叫 "拳王泰國餐廳" 幾好食在鍋鑼灣，原來餐廳一個地方能夠食兩個地方的菜，因樓上是原燒道場有日本菜食。豬牛雞串燒，是很有串燒特色，豬肉、牛肉、雞肉串各有特色好有口感。黑椒巴辣雞翼，辣辣地的雞肉好野味，要飲椰汁冰，再食多D。西冷串燒, 肉很鮮嫩，好喜歡佢的肉多汁。原個波蘿海鮮炒飯，海鮮食極都想食，加上波蘿的香味跟炒飯。泰式炒通菜，是有泰式炒法，一睇就知是泰式菜。泰式牛肉炒河，我朋友經常在其他店食牛肉炒河，都讚呢間餐廳的炒河好有水準。飲荔枝沙冰就很解渴又甜蜜。

好耐無食泰國菜啦🙈今次都幾期待飲冬蔭功湯，我地都叫左幾樣野食，不過見到價錢其實都幾貴，分別有飛天通菜、冬蔭功湯、炒鮮魷、雜菜炒河粉、串燒、炒蜆，小食有蝦片同叫左2L 藍妹其實，個蝦片（小食）要成$10唔覺得抵食，跟住上串燒，我覺得都可以接受ge🙈反而個冬蔭功湯比想像中差，可能有期待啦，覺得偏酸，辣度唔夠，飛天通菜都可以ge，不過偏油啦🙈炒河見到個樣就唔太想食，因為個汁仲多個咩咁，河粉炒到一舊舊🙈炒蜆就好多都係得個殼🤦🏻‍♀️跟住個炒魷魚完全唔似食緊魷魚，係食緊炸粉多，今次真心有點兒失望得啤酒係有點睇頭...但依個代唔到泰國菜，幸好我地提早一日訂位，有77折優惠...

當同朋友係銅鑼灣街道上爭論緊要食泰國野定日本野既時候，我地竟然搵到一間日泰都有得食既餐廳！好彩有拳王泰國餐館我地先唔洗吵落去，哈哈～餐廳第一層係拳王泰國餐館，佈這置方面都幾特別，好多關於打拳既裝飾，但樓下冇位所以店員安排左我地上樓上既原燒道場坐。環境都乾淨企理，坐得舒服。我地主要叫泰國菜，但都叫左一道日式明太子冷烏冬。前菜我地叫左酸辣鳯爪$108, 好味道，鳯爪好爽，個汁都調得幾好，但如果以$108既價錢，份量可以大份D。其實朋友就話岩岩好，但我比較大食，哈哈，最中意大份又好食既野。生菜包$108, 有得牛豬雞，我揀左豬肉。師傅將肉碎炒得好香，加左泰國香料好正。不過有d辣，唔食得辣可以同店員講聲。我自己就好食得辣，覺得好正。而且我地唔夠生菜，店員都免費加俾我地～唯一要挑剔，就係生菜唔算超級新鮮，但都鮮甜爽口既。紅咖哩$108, 揀左雞肉，份量都大。雞肉煮得幾入味，肉質又幾嫩。食咖哩點都要叫返個飯，夾埋飯食好有滿足感，唔會好辣，好香咖哩味。最後試下佢地原燒道場既食物，叫左個明太子冷烏冬$118 。夏天食真係透心涼～除左明太子，仲有玉子同埋木魚碎做配料，口感都幾豐富，不過我個人覺沙律醬可以

拳王泰國餐廳真係裝修到成個擂台咁啲座位好似打拳嗰啲沙包，好盞鬼 👊🏻樓上係食日本嘢、日式串燒最得意就係坐樓下一樣可以 order 日式嘢所以我都叫咗幾串串燒試下！日式燒墨魚咀賣相幾靚，有嚼口～燒冬菇火喉剛好，個菇 keep 到有汁唔 dry秋葵嘅切面好似星星咁燒得幾好，唔會太過潺泰式游水生蝦刺身擺得好靚！生蝦都幾大隻，好有膠質 😙豐富嘅海南雞套餐～雞肉好滑，好好食 🤤蟹肉芒果炒飯炒得粒粒分明每粒飯都有蛋絲～冷熱飲品都唔駛加錢另外有好多款特飲都係加 $10，好抵我嗰杯係西瓜沙冰，冰凍止渴呀！

今天，與友人相約到拳王泰國餐廳食晚飯。店內裝修以泰拳為題材，電視亦播放有關拳擊的比賽節目，相當特別。今天是星期一，幸好我們六點早到，到了晚上七點左右，已差不多坐無虛席。我們一坐下，店員馬上送上蝦片和餐牌。蝦片大大塊，作為餐前零食還可以。 原來拳王樓上是原燒道場，除了泰菜，亦可以點樓上餐廳的串燒，選擇挺多，所以我們亦忍不住點了客墨魚咀試試。墨魚咀燒得剛好，新鮮無腥味。柚子蝦沙律，大蝦爽口鮮嫩，柚子清甜多汁，配上酸酸甜甜的沙律汁，十分醒胃，作為前菜恰如其分，但加左辣汁，唔食得辣要留意，我同友人覺得新鮮好味。肉碎生菜包，泰國菜中，我最喜歡點是肉碎生菜包，生菜包住肉碎，可以減少肉既油膩感。拳王的肉碎，豬肉感覺較肥美多汁，但不會好油膩，加入香蔥辣椒一齊炒，以薄荷葉伴碟，一上菜，薄荷葉既清新香氣馬上湧來。馬拉盞炒通菜，加入馬拉盞醬料，乾香蒜，蝦米和辣椒，辣得很過癮，很香口，送飯一流。青咖喱雞，餐牌旁邊有個辣的標誌，起初還擔心會太辣，但意外地不是很辣。雞肉嫩滑，份量亦十分足夠，三個人每人最少有兩到三塊雞肉，青咖喱帶少少甜，可惜我們叫了炒粉，不然，可以叫碗白飯撈咖喱汁，想起都覺得好味。蛋包泰式炒金邊粉

個日難得早放就約埋幾個朋友去食飯，想食泰國菜咁open rice下就見到間係銅鑼灣，見近近地又ok評價就book檯試下。
地點都幾方便，係地鐵行十分鐘就到，入去就見到幾多人。原來間鋪頭有兩層，地下係泰國菜而一樓就係食日本串燒，叫原燒道場。
環境都幾好，無咩油煙，d檯檯凳凳都唔係擺得好密，最驚就係銅鑼灣d鋪頭細又要貼住坐，咁食飯都唔舒服。我地搵左店裡面既一角就坐地左。即刻叫野飲，西瓜沙冰係夏天飲就係正，一飲透心涼又唔會太甜，大大杯又幾足料。朋友就飲芒果沙冰。
咁我地去食泰國菜，一落單就叫左個鳳爪沙律，份量唔係好大但味道都不錯，酸辣適中，鳳爪又夠爽，越食越想食～不過因為唔多，食得唔係好夠喉，唯有等下碟餸啦。我地叫左馬拉棧炒通菜$108，店員話會辣，但因為我唔食得辣，佢仲特別叫廚司唔會唔辣，服務都唔錯～好貼心～而且好夠火喉同味道，整體唔錯～咖哩我地中意紅咖哩雞 $108，因為青咖哩通常會偏甜，我地中意咖哩味重既。咖哩幾抵食，份量大，好多咖哩汁，叫左2個白飯撈黎食，諗返都流口水。雞肉同薯仔都算入味，抵食～因為間餐廳可以叫埋日本野食，有好多款串燒，我地叫左佢地幾多人介紹既燒墨魚咀$25，好彈牙，

今早在Sogo shopping 完，就與友人一起到附近嘅《拳王泰國餐廳》食lunch。行到去見到門外佈置很有心思💕，入到餐廳後見到頭上電視正在播放打拳比賽，頗有氣氛啊！有位斯文靚女嘅waitress 給我們兩份餐牌。嘩！原來除了可以食到泰國嘢，還可以食到新日本菜（原燒🔥）！餐廳內佈置很有心思啊！❤️餐前免費小食共有以下三款，很喎心！吉列海鮮總燴定食：炸蝦很有鮮味，皮非常脆，好味道！原燒鰻魚定食：我第一次食到成一呎長嘅鰻魚，鰻魚燒到很嘢味，超好食，下次會在食！日式炸雲吞：啲雲吞皮炸到金黃色的，食落很薄丶很脆👍日式燒墨魚圓：新鮮和嘢味啊！咬落也很彈牙😋日式燒物： 必食之選，很鮮味嘅菜啊！鮮椰青：夏日消暑解渴首選，是上等嘅椰青👍

原本諗住食泰國菜，點知去到有串燒同埋少少日本菜嘅餐牌。原來餐廳嘅上一層係一間串燒店，可以一次過叫埋嘅☝🏼 生日訂座有一條魚送👏🏼👏🏼👏🏼 值值128蚊加。冬陰公味道唔錯，但係配料比較小，得兩三隻蝦。燒羊架好受歡迎，被秒清，肉質好林，調味剛剛好。燒豬頸肉嘅重點係個汁，小小辛辣，好惹味。串燒店的燒三味雞翼好出色，每隻味都各有特色，值得一試。生菜包不過不失，生菜唔夠用呀，要叫多個飯🙊炒通菜略微太油。

本身只係覺得有點貴, 食物質素昔普通, 沒有打算評價 (因為不值一評) 但由於餐廳實在太過份所以感到必須寫出來另其他人提防我同兩個朋友7點入座後即刻點菜3個人用餐, 用上主菜買一送一的promotion coupon, 點了4道菜頭3 度菜都係半小時內送到, 還算合理, 但最後一道菜, 亦正正係免費送果道菜, 黃金軟殼蟹, 就成1個鐘都未得前後問左佢地兩次,都話「整緊啦整緊啦」, 到最後足足等到8:30PM 先上菜, 即係整整一個半鐘還好同朋友唔算趕時間, 既然黎到都慢慢食埋佢。點知過左10分鐘, 8:40PM, 碟野都未食完, 個經理走埋黎問我地碟野收得未, 話7點入座要8:30 交枱!!!!1. 7點入座8點半交枱一開始完全無提過2. 出面完全無人等枱3. 你碟野8:30 先上到感覺簡直係好似存心留難個食客咁最後, 所有食物質素都非常一般, 呢個價錢銅鑼灣有太多好既選擇, 千其唔好因為D 咩優惠而去幫襯, 浪費金錢同時間