捌神燒味冰室

營業中

休息中

今早（2021年7月25日）晨運完，行過天一商城吃早餐，心想「捌神」也是一個選擇，誰不知未食已一肚氣！門外排隊攞籌，竟然有個女侍應大聲叫話唔好阻住條路；等了10分鐘，被叫入座，點餐後要求要杯水，另一個侍應竟話水吧忙，沒有開水提供。直至吃過早餐，再要求一杯水，侍應才不甘心的拿來一杯滾水。真係不知所謂！看看其他帖文，竟然有數篇文章都係話服務態度差，果然不是單一事件。請記住，食肆生存是靠客人幫襯，我哋唔係要5星級服務，但都係唔好當客人係出氣對象，永遠錯的都是餐廳；人客可以有選擇，餐廳冇客就要關門啦！

當日店內非常繁忙，因人手嚴重不足，而導致店內運作非常混亂。店舖主管，不斷趕走等位及叫外賣的客人，話唔做你生意呀。又不停地「講粗口」鬧兩位女員工「你哋可唔可以快手啲呀，幫手執枱先啦」，「你哋兩個一齊企係果度做乜嘢呀？請埋啲咁嘅垃圾員工倒米，簡正可以講一句不知所謂，以後一定唔會再幫襯這間「捌神」。

分享下自己感受⋯沙嗲牛肉公仔麵 $37款式彈性，粉麵自由選配。另配多士或方包，原來仲有炒蛋，及火腿/腸仔等等的食物。沙嗲牛肉就一般般。雙併麵$37簡左雪菜蝦米雞粒併沙嗲牛肉，但實物冇蝦米，有兩三粒雞肉，雪菜都一般份量既。沙嗲牛肉都係一般般，冇話好出色，唔算淋。同上面沙嗲麵差唔多，但留意返係冇其他食物跟。三文治$19餐蛋治，不錯。飲品方面，3杯正常。總結黎講，其實價錢黎講都ok，但食完有肚痛，應該冇下次，亦不得不比劣評。

星期日Lunch Time 唔多人，冷氣充足！一坐低，未落單，職員已經奉送一碗熱中湯，足料，似無加味精。落單時常餐A沙嗲牛肉麵+炒蛋+多士，無沙嗲牛肉供應，喔！咁轉常餐B豬扒通粉+炒蛋+多士囉，無通粉，唔緊要，咁豬扒麵囉！最後，食物上檯，waiter話因為無曬面包，早餐時段用曬，俾多啲蛋補償返呀咁做咩落單果陣唔早講，早知如此，可能會揀其他嘢食招牌叉燒係幾好味嘅，但一滴汁都無，好乾！雞件細到呢，雙拼性價比低！

夜晚6點幾7點行入去諗住買個飯，入面一個客都無。。有2個侍應望一望我完全無反應。我企去收銀枱前話想買外賣。。佢地都無反應，我以為自己係咪鬼，佢地見唔到。。我明侍應可能無權收銀，但講句野都得掛。遠處既經理見到就過黎幫我落單。。ok..... 甘買完我就企門口等。。。佢整完之後就甘擺枱面，完全無嗌號碼之類。。甘我望左望右都唔見有人等外賣就行埋去望下張單號。。。確認係我之後我就自己拎走。。真係唔怪得無生意，晚晚收工番黎行過都見佢地晚市無人。。。。老闆請著呢d員工真係慘。。。

去天一商城吃早餐環境夠大價錢正常的茶餐廳就只有這間主打是燒味，早餐$34 有一個麵、餐蛋及多士，送熱飲，價錢都算平民份量及味道正常，叉燒的份量不算少最主要是環境不算狹窄，感覺很舒服不過略嫌人手不足

我有一次試食過1次，比我印象非常好，侍應有禮貌，環境亦唔錯。上次叫咗個燒鵝飯，飯煮得好靚，燒鵝肉好軟熟仲係肶位，叫佢多飯點知原來係一碗，豉油自己落幾新鮮，通常落埋先送來，而且價錢好抵，燒味飯轉肶都係加果25蚊，認真超值，今日專誠乘4個站去食，所以以後一定會過去食

那天趕著回家，經過看到新開的這家一直沒嘗試，就買一個飯回家吃～黑毛豬燒餓雙併飯～聽上去很不錯～進內餐廳內部環境裝修都可以～可能疫情期間下午不太多人，飯等了十分鐘左右便有～不過回家試過一遍後便沒有打算再吃以一個68蚊起加埋餐凍飲76塊的燒鵝雙併飯來說～只有街巿能買到的水準，當中標榜的黑毛豬叉燒～如果不跟你說～你只知道他是一塊味道沒有甚麼特別也不夠濃味的肥叉燒～燒鵝還有燒過頭的燶味～⋯感覺只有半價的水準～⋯⋯這種味道試一遍就夠⋯⋯遲點有時間沒想到吃甚麼時再給他一遍機會⋯⋯

本身又想去天一商場大快活食早餐，經過時見到有間新開餐廳捌神(有一段時間冇行呢個商場)，見到價錢同大快活差唔多，就試下新野叫左個招牌黑毛豬叉燒通粉早餐，一食覺得與別不同! 果然試新野冇錯! 3.6牛乳炒蛋嫩滑有蛋香味，塊牛油方包好鬆化，入口即融，做得好出色! 配合滑雪午餐肉食簡直一絕! 熱奶茶甘香醇厚，最後食埋個招牌黑毛豬叉燒，味道果然同一般普通叉燒唔同，好濃郁豬肉香味，而且半肥瘦的油甘香配合得剛剛好，個湯底食得出冇咩味精我坐近門口位置，望著陽光透過灑落在雲石的地板上，係一個五星級的早餐享受! 餐廳的裝修都很舒服，特別是有特色的吊燈罩，提高了整體格調食到一半也忍不住與朋友分享，叫他們要試下早餐是一日的開始，充滿了喜悅的滿足感! 埋單時忍不住向收銀姐姐說，你哋個黑毛豬早餐好好食呀😋很久沒寫食評了！呢間真係要讚下

燒味系廣東嘅名菜。當中我最鍾意嘅系叉燒😂😂。叫咗個叉燒湯瀨粉。呢間燒味話佢嘅叉燒系用黑毛豬肉整😆😆。食落又食系半肥瘦，脂肪比例超好，入口有油脂香又唔會太膩，啲脂肪幾近入口即溶嘅境界。蜜味夠，唔鞋，燒得恰到好處。瀨粉個湯相對淡啲，不過餸夠多所以無咩所謂。瀨粉好滑又幾襯湯底個味道。呢個叉燒湯瀨粉都算系我食過嘅同類野入面數一數二好食架啦。不過聽聞叫雙拼嘅話，啲叉燒會無咁靚，唔知系咪真架呢🤣🤣。

見新開咗間餐廳，就入去試下。侍應都好好，見到我地3個人一坐低就好自動比定3碗湯我地。我叫咗海南雞米線，係用文昌雞，正！唔肥，好食！比薑蓉勁大方，唔係平時d蔥炒，係真係全薑蓉。屋企人叫咗叉燒同燒鵝，兩樣都好味！屋企人叉燒好食過其他店，好香，肥瘦適中。酸梅醬唔似平時咁比一包醬你就算（有d叫佢比多包都黑面），呢間勁好，一大枝醬，自己倒。座位都坐得好舒服，環境乾淨。侍應都好有禮貌。價錢唔貴，下次會再幫襯。

這是一間最近新開的餐廳，但店主稱之為冰室。餐廳叫捌神，而其英之名字其實是日本。網上資料解釋為日本人的一個姓氏，未知有向意思呢？先看其餐牌，食物的選擇可分為早餐時段、飯市食物和下午茶。我今次光顧的時間是午市時段，餐牌的選擇其實不多，以燒味單併或雙併飯外，另外有叉燒、燒鵝、或這兩款雙拼的撈麵。另外就是提供三款所謂的特式扒飯餐和茶餐廳亦有提供的常餐（早上11:00開始）。是日侍應送來的跟飯例湯是青蘿蔔粟米湯，但是其味道有點古怪，就像加了梳打水。這味道我亦在一些茶餐廳遇上。不是原因為何。由於味道不太好，我並沒有喝下。今次點的是燒鵝五寶飯，內容有燒鵝、油雞、半隻鹹蛋、叉燒、紅腸，另有像是餐前小吃的榨菜伴雲耳。燒味的味道不錯，而叉燒標榜是選用西班牙黑毛豬肉，叉燒沒有什麼肥膏，就像是一般人所叫的瘦叉燒，完全不說也不知道是黑毛豬。有一樣比較麻煩的是盛飯的碟較細，吃剩的骨頭、蛋殻只好放在枱上。燒味飯不加調味料，所以枱上提供梅子醬、燒肉黃芥醬和燒味飯的自製豉油。但是不知為何梅子醬的樽塞了，要自己摟開樽蓋倒出梅子醬。另外，黃芥醬亦可能放在樽內過長，倒出的像是水而不是醬，所以你可能要先用力搖勻芥醬樽，才倒出正

此舖位之前壹粥麵執笠後空置了很久，3星期前在車上發現開了新店，決定要試試以燒味為名的冰室。第一次先試了外賣飯盒，單併$52，價格明顯偏貴。叉燒、燒肉、切雞，飯量最多，燒肉跟雞也沒有任何驚喜，肯定不會再試，但是叉燒的表現令我喜出望外，黑毛豬肉質軟熟，即使瘦叉也能輕易咬開，表面塗了大量蜜汁，味道偏甜，但已令我決定放棄太興叉燒了。後來再跟同事來堂食，發現有黯然銷魂飯，不用再沾到飯盒那些奇怪的酸菜味，價值又再大幅提升！同事也對叉燒讚不絕口，另外乳豬也值得推介，成為我們在天水圍吃燒味飯的不二之選。

見佢新開張，放工諗住買乳豬燒肉雙併飯返屋企食，72蚊一個飯盒都唔係問題，最緊要質量對辦，點知返到屋企打開到飯盒：一個字，細!飯盒細份量細切件更加細乳豬燒肉細舊到無味，淨食刀功，咁樣收72蚊絕對搵笨，絕對無下次!垃圾!