摩登士丹里 (已結業)

位於元朗的摩登士丹里，是一間走港式懷舊路線的台式珍珠奶茶店。店舖主售茶品和芋圓甜品，開店在青山公路，乘搭巴士時常常看到呢。是日搭巴士去元朗購物，到達元朗市中心後，在第二個站下車，走幾步路就來到啦，非常方便呢。餐廳以綠色為主調，份外搶眼，牆上用懷舊子體寫上飲品名字，感覺鮮明特別。雖但主力外賣，但店內設有長桌子，客人也可在店內進食。紅豆小芋圓牛乳 $32台灣小芋圓x澳洲3.6牛乳，有四種囗味可選，分別是 紅豆，烏龍，奶綠，黑糖等。坊間的珍奶，大多使用日本牛乳，這裡則主打澳洲牛乳，味道不太一樣啦。牛乳方面，奶味偏重，奶被打熱後更為香滑，紅豆份量奇多，質感偏硬，嚼嚼嚼個不停呢。我最喜愛芋圓 $43超足份量的芋圓甜品，獨吃一份令人很滿足阿。這份甜品，包括: 三色芋圓，仙草，紫薯蓉，珍珠，小丸子，紅豆沙，花奶。不論是材料，還是份量，都是非常豐富呢。芋圓和紫薯蓉分開裝，貼心服務哦。 主打的芋圓，味道頗濃，蕃薯圓的蕃薯味特出，很喜歡呢，若能煙靭一點更好。作為主調的紅豆沙，甜而不膩，煮至起沙，很美味呀。

有幾個朋友係好耐之前已經係咁同我講摩登士丹里啲芋圓好好食，叫我一定要試下，我一直都搵唔到機會試。今日終於經過，咁岩少人排緊隊，就諗住買返份黎試一試🤤🤤🤤佢有好多唔同種類嘅野飲，連芋圓都有勁多款唔同嘅配搭，搞到我心思思唔知簡咩好！🤩🤩🤩最後簡左🍀芋圓3號 ($29)佢有芋圓、紅豆、珍珠、豆花凍。芋圓係用另一個盒裝住，食之前先倒落去芋圓大大粒煙煙韌韌，可以食到芋頭同地瓜嘅味道，珍珠都好Q彈，好有咬口，正！👍紅豆同豆花凍好夾，係我鐘意嘅味道，有下次！😋

第一次食，芋圓超Q,豆腐花很滑，而且紅班超好食，不會化開，剛剛好！讚。買的時候不多人，很快就買到了，拿回家吃，也是非常好吃，沒有軟化或化開，因為是分開的外帶。👍

每次經過呢一間台式飲品 ，都總係有衝動入去買杯試下，但每次都好多人。今晚食完晚飯見到人唔係太多，終於決定入去試下呢間舖成間綠色為主，門口仲擺放咗一杯巨型既綠色飲品（半個人咁高）非常顯眼店係主打台式既小芋圓飲品及甜品，正合我心意，於是同太太一人點咗一樣試試飲品同甜品既選擇都好多！我點既係黑糖珍珠小芋圓牛乳，只看賣相都夠晒精緻，杯則就見到琥珀色既黑糖花紋，飲落每一口都有軟腍既珍珠同有層次既小芋圓，牛乳搭黑糖可以話係奶滑出色！每一口飲完都想追住飲，好似有少少著魔！太太就試了份量超多三色芋圓仙草喜愛仙草朋友一定要試下，大半碗都係仙草底，份量超多好滿足！仙草口感爽滑，味道濃郁，真係足料先會夠味道。食完成碗即時下了火，啱曬肝火盛嘅人。降火怕寒涼？唔怕！加左養生軟糯芋圓，又暖胃又飽肚。口感雖沒有珍珠Q彈，但係都好黏韌同啖啖芋香。甜品控值得試呀！

來到元朗摩登士丹里奶茶，地點位於大馬路，近元朗西鐵站，店面不太大，門外見到一個巨型士丹里奶茶杯，應該是用來打卡用的。平日晚上7點多的時候，見店內都有不少人。我們被poster有得揀仙草芋圓吸引了，所以選了一份凍三色芋圓+仙草底+任選3款配料$33，而配料選了珍珠+椰果+小丸子。三色芋圓分開獨立去裝，雖然有少少不環保，但可以方便讓客人拿回家時仍保持最佳口感。店內有一張長bar企枱供給客人在店內食，不過通常客人都是打包回家吃。小bar枱牆身位置有充電插頭可以供給客人充電，十分貼心﹗芋圓大大粒，夠煙韌頗有咬口，能夠食出芋圓香味，芋圓控男友說這裡的芋圓是香港數一數二，有驚喜。加埋其他配料一齊食，十分滿足。而在三種配料中，我自己最鐘意小丸子，因為好夠煙韌QQ。不過如果可以在芋圓內加入煉奶味道就會更佳﹗

每次坐車經過呢間店，都有衝動叫返杯珍珠奶茶飲下。 佢個位置好方便，大部分巴士一入到元朗市，第一個站落車就係佢。 今日終於帶埋阿囡黎揀下有咩食，事關阿囡成日話想飲珍珠奶茶，但人仔細細又點可以飲奶茶呢，所以呢度好，有牛乳珍珠比佢飲，健康得黎又滿足到佢，媽媽好放心。 餐牌，真係花多眼亂，仲有自由配撘，有排諗。 黑糖珍珠小芋圓牛乳 - 這個感覺好健康，黑糖甜甜的配上芋圓，軟糯彈牙(台灣叫Q彈) ，十分喜歡這口感，加上珍珠爽彈和牛奶的軟滑，三個口感一同入口，連小孩都愛喝。榴槤皇仙草王皇牌d24榴槤 - 榴槤很香，用上真正的榴槤，仙草很大碗，已經甜甜的，女兒都很愛吃。

而家台灣甜品係香港愈開愈多，但係就硬係唔太似台灣既味道。今日試左士丹里既芋圓，真係有d似台灣九份果到果間呀婆芋圓😍而且份量都唔少，仲有舊芋泥，唔會太甜，味道非常好😍

逛街的時侯經過士丹里的門口就被門前的大杯擺設吸引着了， 店舖內裏不算大，但是周圍的光線十分光猛，容易看見。看了一會餐牌， 其實他們選擇的種類都算多，除了珍珠奶茶外，還有兒童鴛鴦， 凍檸賓等特色飲品可以選擇。點了一杯小芋圓珍珠奶烏龍， 飲品的烏龍茶味和奶味相當平衡，比起時下的台式飲品奶味沒有那麼重，比較易入口。 芋圓和珍珠也非常有嚼勁 ， 比起外面很多芋圓都算好食，大小也剛剛好。士丹里其實也很有潛力，期待他們在港島開分店。

今日經過摩登士丹里，見有D口痕就想入去買D野咬下。依度餐牌都幾多選擇，對於有選擇困難症既我都幾頭痕ＸＤ最後我買左一個芋圓３號。呢度嘅芋圓非常煙韌，好有咬口，口味比較甜，不過無論係芋圓或者蕃薯圓都一樣咁出色，珍珠亦非常彈牙，29蚊黎講真係幾抵食！

想試呢間芋圓好耐！🥳今天行開又新街、特地去買了一杯黑糖珍珠芋圓鮮奶！足料又好味！很喜歡它的濃濃黑糖味； 加上鮮奶后跟芋圓的配搭很合適。絕對係會再回頭的店舖！下次要試芋圓甜品！

呢間台式飲品多種類到令我眼花撩亂，不論係芋圓、珍珠、仙草、紫薯、小丸子，都應有盡有，我就好似有選擇困難症咁，掙扎左好幾分鐘，既然係咁我何不揀一個大雜燴呢😂最後我揀咗一個叫我最喜愛芋圓，材料又真係幾豐富，有芋圓、珍珠、仙草、紫薯、小丸子、花奶，紅豆沙。芋圓紫薯特別用另一個盒載，待食用時先撈下糖水，花奶都係另外盛載，十分貼心。三色芋圓係蕃薯、紫薯、芋頭味，芋圓、珍珠跟小丸子都好煙韌，好入味，仙草滑溜溜的質感也不會過淡，加上紅豆蓉跟紅豆，整個配搭有咁豐富既材料絕不會有違和感，兩個字：美味！朋友想飲凍飲，佢揀咗一杯小芋圓珍珠奶烏龍，份量好多，小芋圓同珍珠差不多佔咗杯嘅三份一，小芋圓可以好似珍珠咁，用大飲管吸就食到啦，珍珠好煙韌，小芋圓再配上奶烏龍很美味，雖然我冇指定甜度，但飲落都沒有過甜，奶味好重茶味夠香，下次經過都必定會飲一杯。

一直都好中意飲士丹里嘅奶茶，幾肥都好，每次行過都忍唔住買。佢地啲奶茶茶味好濃，奶又好滑！不過最吸引我嘅都係佢地啲芋圓。因為每次行過都已經食到好飽，所以嗰胃都冇位俾芋圓😂。 今次終於係喺食飯前去買，試仙草芋圓+紅豆+小丸子+脆珍珠($33)。啲芋圓超級chewy呀，真係有芋頭味同埋番薯味; 小丸子又好香糯米味; 脆珍珠咬到卜卜聲，口感好得意。不過紅豆如果再棉少少就好啦！整體黎講，我覺得可以encore!!!!!!!!!!

女朋友上次向我大讚呢度嘅食過呢度嘅好好食好足料，所以我今次就再黎呢度買糖水比佢，而我就叫左個黑糖珍珠小芋圓牛乳自己飲。黑糖珍珠小芋圓牛乳一入口就有勁香濃嘅奶味，同平時飲果D 唔同，而黑糖珍珠甜甜地好煙靱，芋圓同蕃薯圓亦相當唔錯。由於芋圓同黑糖珍珠好足料嘅關係，我飲到一半而經飽飽地啦買比女朋友嘅就係有得簡竽圓系列，我就簡左仙草底再加豆花凍、紅豆同埋寒天比佢，佢食完之後話最好食就係個豆花，仲叫我下次要再返個豆花底比佢咁話

路過這家「摩登士丹里」時單看本門面以為是台式優閒飲品店，但看真些原來是芋圓甜品加飲品店，我老公是位芋圓控，他雙眼即時放大再繼而走到收銀處...餐牌上選擇眾多，有已定配搭，亦有自選配搭，總有一款岩你口味...點了一碗《芋圓二號 $29》內已有雙色芋圓、紅豆、仙草和小丸子，正是我們想要的。芋圓比預期多，口感煙韌，能給合格的分數，但如果可以做到軟身彈牙的話更能接近台灣的芋圓。再點一杯小芋圓飲品《黑糖珍珠小芋圓牛乳 $34》，大杯奶味重而且質感夠厚，內有芋圓和珍珠，多重咩感。

食完晚飯散下步，見個肚仲有位喎，食碗糖水先😬😬不過可能週末關係，周圍糖水舖都大排長龍😓於是決定買返屋企慢慢嘆！見呢間新開嘅 摩登士丹里。聽個名就知道係台灣野！原來主打係芋圓，仙草之類......其實呢度可以買完之後立食，不要我鍾意買返屋企慢慢睇電視食😬😬揀咗兩款主打。一個黑糖芋圓珍珠奶，很香奶味，有別於其他的珍珠奶茶，而且芋圓很有咬口，黑糖珍珠甜甜地啱啱好，而且好飽肚呢😋😋另一個仙草底加芋圓，仲有紅，出奇地夾🤭🤭天氣凍凍地飲杯熱先做感覺唔錯感覺很降火👍👍下次試埋其他系列