敏華冰廳 (已結業)

早上又去文華食個早餐，老實說這裡食物質素真的不俗，炒蛋及煎蛋都得！尤其煎熟蛋的燶邊更是茶記少有！但今次不是說食物，而是對待應的服務態度有點～不滿！繁忙時段在卡座搭個對面枱是常識，見怪不怪。奇怪是那位女「主任」叫另一位已經就坐在卡座一旁的客人：「再攝入去坐⋯⋯可以㗎啦！」然後叫我：「坐啦！可以㗎啦！」難得已經就坐的哥哥仔就範，真係聽佢老點⋯⋯咁我～～當然走啦！傻的嗎？旺角太子咁多茶記！注意是當時尚有其他卡座，只是女主任要「安排」客人坐邊而已！唉！都是男經理醒目！阿女主任還是了解一下香港人去茶記的習慣吧！

九點幾係旺角行完街諗住是是但但搵啲野食見依間野門口幾靚所以跳左入去食見到個餐牌好有冰室Feel~餐牌上的野食比較簡單, 我簡左個雜扒飯,  個飯等左超過十五分鐘雜扒飯上如圖中一樣, 只有少量的鼓油同蔥油, 比較簡單, 雞扒做得幾滑 唔差.但係整體上黎講感覺一般, 因為無咩汁同埋個飯太爛. 女朋友簡左個免牛旦飯個旦煎得半熟, 好味但係個汁唔夠濃同埋個飯一樣都係比較爛整體上野食選擇唔夠多同埋食物一般同埋雜扒飯相對上等候的時候真係比較耐左少少女朋友個飯食完  雜扒飯先送到餐廳位置比較窄, 路中間仲有個職員玩電腦, 行過的時候都唔讓路同埋門口收銀個時個職員又係掛住禁電話, 要叫先識收銀旺角依家野食咁多選擇, 下次未必會再去

細時暑假曾經係花園街住過一排，最深印度除左“金華”之外，就一定係“文華”了，因為而家呢間係結業後重開的，有傳聞話佢係太興集團，不過呢個就沒有深究了。最重要係食品質素。今早食左 B7，即係“沙茶牛肉公仔麵，併炒蛋牛油厚多士” + 熱檸檬茶。要亦讚的是，炒滑蛋多士，好好食，炒得好滑好嫩，甚至比想像中好食添。但係個沙茶牛肉就被網上評價過份被神化左，只係好一般既沙爹牛肉來，完全無咩特別。至於服務方面，係無既。伸長晒條頸，伸長埋隻手都難以搵到人理睬，如果心急趕時間返工就唔好啦。

夜晚大約8pm,見入面冇乜人，入去坐低叫咗個茶餐食，杯奶茶同個意粉5分鐘送到，但係個蛋同多士遲遲未有，係咁耍你話整緊，結果隻蛋炒成30分鐘都未炒完,決定埋單走人，非繁忙時間都咁，一定唔會再有下次

今日黎到金魚街買缸魚返歸，睇睇下見肚餓就去搵間茶記醫肚。行過見到文華，掛住啲凍奶茶就決定入去個標誌又整得幾靚坐低無耐就決定食細個時媽子成日叫比我食既芺蓉蛋飯，懷下舊嘛口感係唔錯，可惜蛋熟過頭又落得太多鹽，成個飯變到好鬼咸寶寶就叫左個炸雞翼米粉睇相都知炸得太燶，但入面啲肉都仲係嫩滑既，仲有少少瘀血。算啦冰鮮雞係咁上下埋單每人四五十蚊，唉而家物價真係貴，以前一個芺蓉蛋飯都係廿蚊有找，而家既香港人就要焗住食租，真係慘。

夜晚同女朋友行過旺角，見到新開張。文華冰廳。入去試下。鋪其實唔大，但排隊既人好多。入到去睇完餐牌，然後叫柯打，店內氣氛很好👍，員工服務態度超好，原來開張左短短時間已經🈶好多熟客幫襯，特別果個經理（謝經理），見到好多客人入來都會同她打招呼！我地叫左幾樣野。濃湯豬潤牛肉麵。叉燒意粉，跟雙腸炒蛋牛油厚多。另外雞翼。特別叫左個。馬來咖乜多士。1。先講下個。濃湯豬潤面。個湯底落左薑片，而薑味又辟走左豬潤既腥味。簡單反而令個湯底清甜另外特別一提，個豬潤同牛肉夠淋又新鮮2。叉燒湯意粉，湯底夠濃，但唔係咸果隻，叉燒都夠淋（原來係採用太興，反而要介紹佢跟黎既/雙腸炒蛋牛油多，蛋炒得好靚，好滑，多士又厚，絕對低食。3。雞翼同馬來咖吔多士，炸雞翼十分好味😋😋，特別想講馬來咖吔多士，用兩件多士整，睇落同多士一樣，但可以話比大家知非常好食，麵包皮哄過，搽左個醬，再夾牛油，但個醬好好食同牛油好夾，12蚊唔貴，一定要試！

味道普通，服務唔掂，全廳滿座，有啲侍應忙到停唔到，有啲侍應企係度發夢咁我叫左個T7公仔麵餐，我落單之後10分鐘我隔嚟坐左個客，佢即刻落單，佢同我叫同一個餐，佢落單無1分鐘，佢個麵到左。下？咁快，明明我叫先架，我即刻問下侍應點解，侍應完全無理我就走左，咩態度嚟？即係又要我等。。。。咁又有一碗麵嚟到我呢邊，個侍應又話個餐係我隔嚟個客人， 下，又係佢嘅，佢食左我個餐架啦點解又係佢啊…個侍應完全唔知自己送錯餐。。。。。結果我等左30分鐘都未有得食，。。。唉。。。。。。絕無下次

有幾十年歷史嘅文華冰室舊店， 雖然唔可以話由細食到大， 但都總算係， 讀書年代夜晚danso 排完舞成日去食嘅冰室之一， 佢個時結業真係覺得好傷心， 我成日都去食佢嘅沙爹牛肉麵同埋 佢啲豉油煎蛋碟頭飯。而家知道佢畀翠華集團收購咗再重開， 今日終於去咗新文華冰室度試食， 7月1號回歸嘅星期六早上， 11點鐘只見餐廳門外有一條小人龍， 我一個人去大概等咗十分鐘到就有位。其實佢個餐單同舊嘅文華冰廳 冇太大分別， 都係嗰幾個麵餐同嗰啲碟頭飯為主， 最驚喜嘅係佢新開但係個價錢都keep住喺番舊文華冰廳嘅水平， 早餐都係30蚊左右我嚟嚟去去都係食開佢嘅沙茶牛肉麵餐， 故店重開，當然要試一試 返呢個經典嘅未到個水準。沙茶牛肉依然keep住以前個水準， 個醬汁調得好惹味， 牛肉薄薄一片但唔會太魯， 沙茶牛肉整體上嚟講都好juicy， 佢呢個沙茶牛肉無論食湯麵或者食碟頭飯都係送飯之選， 有呢個汁簡直係可以食多兩啖， 叫咗個湯粉嚟食，簡直好想將佢當堂咁成碗飲曬佢， 佢呢度個米粉比較幼身同軟滑， 而且唔會煮得太林， 以早餐唔使食咁飽嘅分量嚟講， 佢嘅份量剛剛好。厚多士亦係文華冰室嘅其中一個特色之一， 個煎蛋

有日男小編我係等緊女小編既期間實在太肚餓，咪講少，都係去啪返個沙嗲牛面先！！！以前我成日都去舊文華食常餐架，貪佢平靚正呀嘛，佢依家搬左又裝修過就真係無去過啦~~~哇，新左係高檔左，連價錢都高左唔小-.-算啦，入得黎就照食架啦！好彩，雖然價錢係貴左，但食物質素都高左，個炒蛋堅係滑肚餓食碗沙嗲牛面真係岩晒我呢啲麻甩仔！跟住再chur返杯凍0茶真係好爽呀~~~係無！得！輸！！！但...食完成個茶餐女小編都未到

我好少會劣評一間食店，本來以為新開張食物質素會比較好，估唔到杯茶走淡如水無茶味，鷄扒飯嘅油多到反晒光得個大字，食落直頭咸到涸喉，食一啖我已經吐返出來，鼓油汁撈飯更加咸上加咸，唯一係姐姐服務算係好，話全部換過俾我，但係杯奶茶質素咁差換都冇用囉，伏已中一定無下次…………😣食完一個差劣午餐，真係會令人全日心情低落，唯有再去買麵包充飢，然後開工……😔

今早去咗文華冰廳食早餐，火腿通粉用咗濃湯底，炒蛋好滑夠味，配超厚多士，咖啡都有點懷舊味度ok wow，枱面之餐具/調味品齊全，非常衛生，餐紙仲任用，價錢吾貴，近期少見員工服務'咁有溫度，非常有誠意！

這條街真的是美食街，之前試過紅茶、香港冰室，重拾對茶餐廳的信心，唔洗一定翠x，太x了。以前文華在隔離街，我們經常去，門口有新鮮麵包，裝修陳舊，侍應懶洋洋的，老闆更加好似唔想做咁，哈哈！有一股散漫的感覺，以前食物選擇少，而且唔算得上好，飲杯奶茶，食個飽，或食碟炒意粉，懶洋洋地閲報是另一種享受。知道文華在金魚街開返，好開心。店面煥然一新，但不是舊瓶新酒，因為餐牌、食物完全變了，比以前更好味，有人説現在是集團經營，質量有保證。服務方面，仍然有待改善，太多侍應之間交流。8點係早餐最旺時段，但侍應坐在客席一齊食，叫執枱，話等陣先，落單先。到上菜都仲未執枱，希望有所改善，因為我會回來再支持文華的！

今日諗住試下新野，見到個餐牌價錢合理！我叫左一個常餐（叉燒意粉+多士+双腸+炒蛋+熱飲）都係$40幾蚊，另一個叫左豬扒蛋飯！最驚喜係塊豬扒係厚切，仲要係双蛋，加埋熱飲都係$44 冇得輸！而且服務態度又好，值得推薦👍🏻會再光顧

下午吃飯，我朋友叫葱油豬扒煎蛋飯，佢想將煎蛋改熟蛋，個女樓面係到㩒部機落order，足足㩒左二分幾鐘，我朋友見佢咁道「算吧，乜蛋都好吧」，佢回應「係囉，一次生二次熟吧」。最後葱油豬扒煎蛋飯來了葱油豬扒「抄蛋飯。好明顯，廚房同樓面用的落單機產生了很多唔會，唉....我叫了個叉燒通粉腸仔抄蛋。d蛋完全無蛋味等左好耐個叉燒通粉煮左四個字才給我吃。開始吃的時候，個女樓面在身邊忽然大叫，「差唔吃完啦，吃完就好咩啦⋯⋯」，我請問佢同邊位講，佢反白眼道「我同空氣講」。之後，有二台卡位立即起身走。總結食物質素好差，服務態度惡劣，又要睇面色，又要聽說話，一定唔會再幫襯。

優質服務態度，茶餐廳來說屬少有，食物質素不錯，意想不到是餐廳洗手間十分亁淨，待應生樂於推介食物，我們一家四口叫了3份餐，其中兩份餐是豬潤牛肉麵，味道很不錯，美中不足的是牛肉份量偏少，整體很滿意！下次會試一試待應生推介的芙蓉蛋飯！