敏華冰廳 (置富都會)

營業中

休息中

叫天不應，叫極都唔理，不斷唔該，唔該，舉手成十分鐘都可以扮睇唔到，扮聽唔到，搞到你好似跌咗落結界咁，用盡我所有既體諒，唯有大聲疾呼，佢哋先yee 原來有人坐喺度！

昨天29/7中午12:00左右到紅磡都會商場內敏華餐廳用餐；首先我哋一位朋友到來要求四位；門口接待已經態度差；喂！要4位到齊先容許入座；我同事話好快到；兼且一坐低就可以即刻點餐；侍應即話入啦😒😒⋯⋯之後內裏有個男侍應態度差、又呼呼喝喝⋯⋯之後欠一個A1餐當中腿蛋要催咗不下七八次先到非常不愉快；我亦聲稱以後不會光顧….完

街外熱辣辣，在紅磡辦完事已是下午，入去罝富都會敏華冰室食個下午茶抖下氣。佢哋嘅茶餐只有六款，簡簡單單叫個餐肉蛋三文治配凍鴛鴦，睇見有酥皮蛋撻賣，口痕又要了一個。凍鴛鴦先上，透明大耳杯盛載，份量都幾多，雖然叫凍飲，不過完全冇冰塊但又夠凍，咖啡味不多反而係奶茶味重，甜度正常，啜一啖透心涼。酥皮蛋撻，外層鬆內層滑，蛋味夠，現場烘焙真不錯，夠新鮮。餐肉蛋治，蛋炒得湑，餐肉厚切有口感，方包軟熟易食，整體唔錯。他他條條係度食下嘢，總比在外面熱到熔好。

放假想食個快靚正嘅早餐，就嚟到敏華，早上九點幾十點已經不停有好多人，啲員工根本做都做唔切，想拎杯水洗下餐具，叫咗三個員工，得個最後生嘅女仔係應咗你真係轉頭俾杯水你。我覺得係員工效率嘅問題，啲阿嬸應完你，轉頭企喺度冇嘢做都唔鬼記得要俾杯水你，咁你就唔好應人啦⋯⋯⋯ 食物係OK嘅，最正嘅就梗係凍冰冰甜到漏嘅凍奶茶，間中一次半次都可以，如果唔係真係糖分超標。個蛋都炒得幾好既。 如果人手多番少少，就更加好啦。

11點幾差不多12點既時候經過，見到都幾多人排隊拎位，甘我就決定試下啦。排左一陣就入得，安排左坐卡位，都幾舒服，我叫左個沙爹牛公仔麵早餐同夠薑豬潤公仔麵常餐，岩岩好係12點前落到單，早餐抵食啲，平10零蚊左右。沙爹牛肉麵幾香、牛肉幾淋，以連鎖餐廳既質素黎講，都算唔錯既。而個夠薑豬潤麵，薑味幾濃，但有少少咸，而且豬潤比較大塊同厚身，口感一般，另外叫左腸仔同炒蛋多士，炒蛋幾滑，可以一試！不夠丫姐好似漏左單，等左好耐麵未有野飲，可以留意返呢方面。

黯然銷魂就真係丟星爺假，水準差過大家樂，仲係招牌地差，食個豬扒都好過佢個叉燒，係分店食過佢個菠蘿包先黎試食堂食飯，可惜令人失望😞絕無下次，$66又太貴，奶茶又未算好好飲，只是尚可，而且無菠蘿包買，令人又再一次難過，希望佢可以好好改善下，香蔥油都無....

今朝要上training，８點鐘去到紅磡火車站諗住搵個地方快食個早餐～不過搵過附近選擇唔多，得３—４間連鎖店，最後揀左敏華～叫左個沙茶牛肉通粉扣底配雙腸多士，飲熱檸茶～茶餐廳黎講佢上菜唔算快牛肉通既牛肉整體而言尚算嫰滑，不過有幾舊仔筋位都係韌，牛肉份量可以，味道正常（沙茶味帶輕微既辣，但個人認為唔夠沙爹香同惹味）通粉軟硬適中～多士脆口唔會太燶，牛油係一盒盒唔係廚房已經幫手搽定，可以按照自己喜好加減👍腸仔口感ＯＫ但偏鹹～熱檸茶幾好飲，茶底唔會太澀👍有３片唔算薄既🍋＄３８既早餐以一間連鎖茶餐廳黎講算正常，但同其他茶餐廳比係偏貴，無得選擇之下只可接受～都係覺得敏華其他時段既豬潤同黯然銷魂出色好多~

因為之前都有食過，所以一入去坐低已經好快落咗單（6:00pm），過咗大概13分鐘仲未有任何嘢食或者飲品，而我前邊兩張枱都係咁嘅情況，所以就叫咗一位女侍應睇睇，佢話廚房個機有問題出唔到紙，所以咁遲，佢亦好有心走入水吧叫負責員工好快咁沖左啲嘢飲出嚟(6:15pm)......又等咗10分鐘🤬🤬🤬我發覺呢間餐廳嘅運作非常之混亂，樓面員工做野唔協調，收銀個阿姐又講嘢粗聲粗氣，完全唔覺有人跟進啲嘢食去咗邊（呢個時間餐廳人流非常少，我眼見樓面員工起碼有四個）因為我等得太耐啦，我直情企左起身望住佢哋做緊乜嘢（因為我舉左好多次手都冇人回應）🤬🤬🤬最後我自己走埋去出餐位，問我既食物仲要等幾耐（呢度由落單計，已經等左35分鐘），點知出餐位置有個男侍應同我講因為我啲扒要煎，所以會耐D，叫我再等多陣....真係🔥都黎....我又係個位坐多幾分鐘...我決定淨係俾杯檸茶既錢，起身走人⋯⋯到個收銀有問題，杯茶$20，我俾$50佢居然話無散紙找，我話俾八達通，最後有個粗聲粗氣個阿姐埋度黎又變成可以收現金(6:40pm)🤬🤬🤬⋯⋯不知所謂

➡️ 炸菜肉絲雞翼公仔麵 + 凍飲 ($42) ⭐️⭐️⭐️⭐️ 最抵係呢個，有碗麵加兩件雞翼，仲要好好心分開上 。➡️ 香脆三寶拼盤 (春卷、咖哩角及雞中翼) ($38) ⭐️⭐️💫 性價比一般！得嗰幾舊小食，雖然全部都算大件，但唔太值。 ➡️ 馬來三叔公咖吔多士 + 凍飲 ($33) ⭐️⭐️⭐️💫 味度就幾好嘅，不過就份量少左d。 ➡️ 敏華黯然銷魂飯 ($65) ⭐️⭐️⭐️ 煎蛋煎得唔太靚，感覺有d求期，叉燒就算大舊多肉，整體可以接受。 .............................. 敏華冰廳 地址📍: 紅磡都會道6-10號置富都會7樓704-706號舖 總評分: 5.75/10 .............................. 味道😋: ⭐️⭐️⭐️ 環境👀: ⭐️⭐️⭐️ 服務👨🏻‍🍳: ⭐️⭐️⭐️ 抵食💰: ⭐️⭐️💫

紅磡站對面國際都會廣場唯一一間正宗少少嘅茶記，「敏華冰廳」其實定價都唔平，選擇亦唔多，fix好哂，要跟menu點餐，唔係嗌咩碟頭飯都得，下午茶腦細萬歲就食下啦！夠薑豬潤牛肉湯米粉($60)拼炒滑蛋及歐式軟多士/有驚喜喎！外賣打包自動分湯👍未開蓋， 薑嘅香味已經撲出嚟，原來真係有好幾大舊薑塊，湯底好鮮甜，令人諗起深水埗知名豬潤牛麵舖，米粉非一般茶記貨色，而係有啲似新竹米粉，唔會咁快淋😋牛肉豬潤份量都好多！牛肉幾滑唔柴口，但都無粉味，豬潤有成5大片，預料之內過熟，硬身，不過可以理解餐廳唔敢淥得太生嘅。多士飛邊焗得靚，可惜炒蛋就太老熟透了，唔嫩滑。蛋撻($38/6個)/正常啦。無蛋汁，實心，色澤偏橙，估計用上大陸蛋，好處係蛋香味好濃好出☺酥皮就好勉強啦，完全無層次。

服務態度惡劣，叫極寫野都冇人應，落單後等15分鐘，追幾次都話整緊，再追再追先比個面你，果份炒蛋再等多15分鐘啦，食物味道係幾好，但服務質素超級差，同將軍澳新都城果間差得遠

今日 星期日 6月14日。首先我要講 最終係無幫襯的，點解呢 ！事原就等左5分鐘入去無咩伙記 人手唔夠，我理解，睇完餐牌諗住叫野食，個伙記話 所有野最炒等30分鐘以上，咁ok啦 本身唔趕時間都走，講明要等咁耐我都覺得佢有交代， 戲肉來啦 ，出番去同收銀姐姐講，如果下次要等30分鐘 ，可以入門口時講聲 ，嘩佢反應差到 (我點知呀 唔關我事架喎。。。係咁講講講)客人好心提一聲咁大反應，態度咁差！咁間鋪無生意出唔到糧比你又關唔關你事呀!crazy

沙嗲牛不錯，但湯比較少，惟有點過咸。價錢合理，凍啡尤其出色。不得不提提此店「主任」的態度，對客人基本禮貌欠奉，一來就是責怪客人講錯餐號，再來就自己聽錯，賴客人講錯，三來是聽錯冷、熱飲數，責怪客人講錯。統統都是客人的錯，皆因「主任」很忙，寫單何必釘上我？如此一間餐廳，食物質素再好，廚子再賣力，但「主任」待客態度如此，是次將會是最後一次光顧。紅磡店生意淡薄，要是敏華高層見字，請好好反思一下，除了商場人流的確偏少外，什麼是「拍烏蠅」的主因？

上月中有要事在身好難得可以吃早餐！跟車爸爸在紅磡火車站附近找來敏華冰廳快快吃過早餐便去做事！ 在各區也經常見到這間敏華冰廳的分店，原來短時間內已有20多間分店之多！ 供應的早餐是一般的選擇，如車爸爸的沙茶牛肉麵，配有歐式軟多士和炒滑蛋，跟有餐茶一杯＄36屬正常價錢，沙茶牛肉麵味濃但偏甜，可幸公仔麵煮得夠咬口不錯。 歐式軟多士烘得挺脆塗上牛油吃總不失美味，炒滑蛋亦有質素滑度做足唯蛋香不足！ 車爸爸必喝的熱奶茶質素就普普通通沒有驚喜。 我點上忌廉雞湯通粉同樣配歐式軟多士和炒滑蛋＄34，忌廉雞湯通粉沒有香氣亦不滑溜，只能說份量挺足夠飽肚。 而我的凍檸檬茶走甜另加＄3冲得不錯，沒反茶之餘有點點茶味我收貨！

星期六早上，訓晏左先至起身，過左十一點很多地方都無早餐食，但一早起身又無乜胃口，忽然想起敏華早餐直至到十二點💡 「拿拿聲」換衫落樓。去到敏華冰室仲有大把時間慢慢叫我嘅早餐🤣，最後叫兩份早餐：忌廉雞湯火腿通粉和沙嗲牛肉公仔麵沙嗲牛肉夠滑一啲都唔硬，加埋柸香滑奶茶真係正👍🏻另外，我比較喜歡忌廉雞湯火腿通粉嘅忌廉雞湯底，通粉食唔晒但係啲湯就飲晒！之再配合熱鮮奶，唔係間間茶餐廳會有熱鮮奶，所以都幾驚喜。再食埋個歐色多士，多士外脆內軟。還有煎雙熟蛋，食完一個滿足的早餐，假期亦已感到完滿😋