敏華冰廳 (新都會廣場)

營業中

休息中

聽講呢間成日要排隊，而且都見有social media介紹，今次黎到呢度食宵夜！但真心好差呀👎🏻 唔會推介比人！😫9點幾黎到，無需排隊，我地原本諗住叫兩份招牌的黯然銷魂飯，但已經賣哂，最後就叫左常餐，老實講覺得五十幾蚊偏貴，所以有點期望！炒蛋雙腸＋牛油厚多士炒蛋都算滑，腸仔還好，多士一般沙茶牛肉公仔麵個汁同牛勁咸呀痴線...一食個公仔麵，嘩勁硬！友人果份係比我早到，但佢果份係淋身少少，不過d牛又係勁咸，好誇張...個特餐仲衰過普通茶餐廳，無奈！

葵芳新都會最近新開左一間冰室都一段時間啦，但日日都排隊排到好長龍。見今日都成九點幾先食飯諗住冇乜人排隊，點知門口都有成八九個人等緊。見依間冰室甘hit，咁就唯有等吓啦。但點知入到黎，想叫乜都話冇晒，退而求其次就是但揀左一個常餐。叉燒湯米粉，配煎蛋腸仔多士。好普通嘅湯米粉，啲叉燒又少又薄，又話呢度啲叉燒好出名好好食，但食完覺得同燒味舖嗰啲冇分別。米粉又少食完一啲都唔覺得飽。果兩條腸仔，咸到不得了。食個好普通嘅米粉腸仔蛋都要成$57 ，真係十分之唔值，真係試過就好下次唔會再嚟。而且雖然知道佢好生意，但都唔係咁樣做生意架。啲職員好似講你快啲趕你走咁樣。

來到了久違的新都會廣場，正值午餐時份要四處找餐廳，偶而發現這裡有一間敏華餐廳，便跟父母來排隊由於是周末，用上十多分鐘的時間等候，終於入座我們點了他們超人氣的敏華黯然銷魂飯、超級雜扒飯及蔥油豬扒煎雙蛋飯，外觀上確實沒圖片的好看，但份量之大令人驚喜尤其是超級雜扒飯，豬扒超大件又多汁雞扒嫩滑，午餐肉既厚切亦煎的很香，只是腸仔屬一般而黯然銷魂飯即是叉燒煎蛋飯，份量同樣不小，叉燒非常多汁配以流心煎蛋，真的很美味，唯一注意是要預先提示小飯，以免浪費

之前見過哩個飯既海報，覺得個名好搞鬼，咁啱經過就試下。當時見到餐廳坐滿，仲要係出面排左條隊，覺得更加要試下。黯然銷魂飯！（$63）揭開係半熟流心蛋，叉燒係大大舊半肥瘦叉燒~叉燒係厚切既，四舊大舊，然後邊邊燒到有少少燶，調味幾好，真係好好味啊~（家燕姐上身）但蛋黃同醬油撈埋一齊，menu上寫佢係有秘製香蔥油，口飯真係幾香。我覺得黯然銷魂飯唔單止係用個噱頭，事實上都好味，而且CP值好高，值得一試。紅豆冰（+$6）凍奶茶(+$3)紅豆冰俾一般既無咁甜，咁啱就啱我口味。凍奶茶都唔錯既，同太興既冰鎮奶茶有得揮。不過就唔適合坐低傾計，因為好似一直有人等緊，店員收蝶都收得好快，所以食完都係快快脆埋單出去行下街算。

想係葵芳搵間好食既茶餐廳，原來唔易。普通既茶餐廳食得多，想好食啲，上次食老鳳冰室，都已經搵唔番深水埗既美味。今日行過新都會見到呢間之前新開排晒長龍既敏華冰室竟然無乜人，心諗梗係熱潮過後見真章啦。反正想食茶記，就試試佢。餐牌選擇唔算多，黯然銷魂飯sell得咁行，即係必嗌啦。另外嗌多個脆皮雞翼米粉，應該無伏吧。望落去，應該無乜特別。食落去....😍😍😍我本身諗住只係食一啖，結果食左半碗🤪個蛋黃呀🤤友人只好食住我個頹米粉頂住肚先。一食，喂，呢個好食喎，係細個嗰隻東莞米粉👍🏻個湯底係金寶湯，難得又夾喎。雞翼腌得好好食。呢餐突然唔頹🤣

敏華冰廳沙嗲牛肉麵一向是我十分重視的食物，無論是早餐、午餐定係下午茶，我都樂意食沙嗲牛肉，大部分的制作，都會加鬆肉粉，雖然說是不健康，但茶記要控制成本而做出效果，就是這樣，尤其在量產的方向下追求品質的確實痴心妄想可惜敏華是用沙茶醬，雖然未至於好食，但是也可以一吃，在不用排隊的情況下，可是敏華一般都是要排隊的公仔麵方面，他們在淥麵時間的控制上是很好的，由廚房出來等到侍應有空，然後再到我枱面，麵條還是彈牙的炒滑蛋，是可以的，不過我喜歡熟多一點點，就一點點就好了，不太喜歡有太多生蛋汁奶茶，加黑白淡奶，依個組會，應該無得輸作為早餐，完全收貨

新都會廣場 星期日睇戲前諗住快食入場 1230左右到左要響門口排大約半個中 無得拎飛要企響門口等 但因為星期日所以邊度食都多人唯有等一陣 ~我叫左常餐食 五香肉丁通粉幾惹味 通粉唔會過淋 份量亦足夠 我叫既通粉一早就到左但之後就等左足足半個鐘先至有野來 估計可能漏左比單廚房 中間連續催左伙記2次先至有野食 所以最後都遲到左入場睇戲😶😶 跟餐的炒蛋多士雙腸 炒蛋夠滑 多士都熱同脆 跟餐熱飲鴛鴦 好濃好味 個餐要50幾蚊比市面一般同類冰室貴左d 不過響新都會廣場來講 都算經濟之選架喇

新都會經常人來人往這晚想食''佬飯''還好等了10分鐘便有位上次已試了招牌义旦飯很是黯然今次2人點了葱油豬扒煎雙蛋飯豬扒夠厚有肉感不會像那些過度使用鬆肉粉的可惜煎蛋有點過熟不會流心....傷心超大雞扒飯顧名思義是超大的而且超嫩滑超入味絕對會encore

首先店內燈光殘眼 仲要橙色 熱死人黯然銷魂飯 肥叉 雙煎蛋 同樓下23$一碗叉燒飯冇分別 頂多多左2隻蛋 呢度竟然賣52蚊 不如去搶錢 座位唔舒服 好污糟 好辣踏 超級唔推介 想唔舒服下都可以黎試下食完之後喉嚨痛 飯庭 餐具好煩 d碟有自轉功能 一邊食一邊轉頭暈暈 啲野飲得個名 乜忌廉溝鮮奶 飲完肚痾25$一杯 真係垃圾中嘅垃圾 乜（手帕有皮老薑煲檸樂）22蚊 真係唔知係乜黎可樂冇氣 仲要係熱飲 一細杯 入面2條薑 4塊檸檬 儸出黎 得返半杯可樂 真心嘥氣排隊排咁耐 點知食完肚痛 嘥！氣！

每次經過葵芳新都會，都見到呢間餐廳門口成日排咗好多人。今日下午茶時候見佢冇人排隊，點都要入去試。睇下佢地牆上裝飾，原來係一間老牌茶餐廳文華冰室發展出來的。下午茶餐選擇都幾多，有三文治，西多，雞中翼。我叫左個五香肉丁，炒蛋牛油多士，餐飲熱奶茶。都係$37。新式冰室俾人感覺乾淨舒適，餐紙巾，餐具一供俱全。食物嚟嘅時候炒蛋好好熱，另外多士跟獨立包裝嘅牛油，感覺乾淨。五香肉丁公仔麵都好有水準，最後嘆埋杯濃滑嘅奶茶，感覺滿足。$40都唔洗嘅下午茶，我覺得都算超值。

自從吃過柴灣有名的叉燒之後，我就更喜歡吃叉燒。我會特意去找以叉燒出名的餐廳，例如早前寫的新X香和滷X。這一次，我沒有特意去找，只是剛好經過，又看到餐牌中的「黯然銷魂飯」，所以便去一試究竟。這一家的定價較高，外面的太陽蛋叉燒飯，只需$5X。賣相很吸引人，流心的太陽蛋加上我最愛的燶邊叉燒，令人流哂口水流心太陽蛋加上敏華的特制豉油，混合在一起，超級好送飯！主角：叉燒「半肥瘦」：我沒有要求半肥瘦，但是想不到竟然是半肥瘦。「燶邊」：我個人是很喜歡燶邊叉燒，因為香脆的外邊加上炭香味，很惹味！「厚切」：厚而不老，肉質軟硬適中，肥瘦均勻。「蜜汁」：本身叉燒的蜜汁，不會太甜，一點點甜味加上豉油，平衡了兩者之間的味道！「豉油」：調味頭抽，我又吃不出調了什麼味道，不會說加了一點點鹽，就叫調味吧？但不用調味，加點油去翻炒一下，就很好吃。這家是有去炒一下的，所以也合格。「蔥油」：這個絕對有令整碟飯加分，蔥油本身就很惹味，本身叉燒的炭香味與蜜汁味再加上豉油的鹹味，最後加上蔥油味，絕對令你胃口大開！很出色的「黯然銷魂飯」，整碟飯每樣都很好吃！雖然定價較高，但物超所值。誠推！

黯然銷魂飯 $50 / 套餐熱飲 $60“叉燒呀！好叉燒呀！”食呢個飯完全係［食神］呢個情意結😂係呢間冰廳食黯然銷魂飯已經唔係第一次，佢一直都keep得著個水準叉燒唔算多，但件件都好大嚿，仲要每嚿都有燶邊半肥瘦，都咪話唔正🤤仲有隻”火雲掌”煎出嚟隻嘅兩燶邊荷包蛋，𠝹開個蛋黃，等啲蛋汁流出嚟，再撈落啲飯到，真係好正🤤

閒日放假，一家三口到葵芳閒遊。剛遇寫字樓放飯的中午時段，被打了蛇餅的人龍嚇怕，唯有帶阿仔到天台公園放放電，到1.45 pm 人龍終於減短大概十多人，排了20分鐘就有位了我們被安排坐卡位，闊落新淨。餐廳感覺快很新！餐廳近廚房出餐處有一螢光幕實時顯示自家製面包何時出爐，每當出爐也會開咪宣佈。一聽到有我最愛的菠蘿包出爐，忍不住點了一個菠蘿油-- 超。幸。福。三字能形容吃下這個新鮮出爐波羅油的感覺波羅包皮異常脆卜卜，咸牛油慢慢溶化在溫暖的包內。外脆內軟，包身很厚實，不似集團式面包只有空氣絕對要讚！ 湯米粉裡有大大舊薑，令湯底好夠薑味，中和豬膶腥味。 叉燒很大塊而且沒有過多的紅色素，有點點燒焦了，不太健康。但好濃叉燒味♥️流心蛋是美好的配搭，跟老抽完美結合了。跟餐可轉樽仔奶，好懷舊。 十分失望！因為想不到它竟然是冷的。好差。沒想過閒日也要排隊，當然有原因，因為試了幾樣食物，質素是不錯的！下次會再來！

今日沒有帶飯，於是就跟同事去吃午飯。有一間茶餐廳在公司商場開了一段時間，一直都沒有去過。因為每次經過都大排長龍，今天時間尚早，所以同事便提議去這間茶餐廳吃午飯。等了十至十五分鍾便可入座，職員安排我們坐卡座。餐牌選擇好像有很多，但其實來來去去都是港式的食品。例如雞蛋，腸仔，火腿通粉，五香肉丁及牛肉米粉公仔麵類似的食物。另外，原來想吃飯也要等到正正十二點才可點。無辦法，唯有點個早餐吧，十二點前都可點早餐。我點了一個沙茶牛肉米粉跟炒蛋牛油厚多士，配凍奶茶。先來的是炒蛋牛油厚多士，厚多士烤得不夠香不夠脆，牛油是按自己的份量搽上，炒蛋是很香，好食的。沙茶牛肉米粉湯是濃，很重沙茶醬味道，牛肉及米粉份量都偏少，可能是早餐吧。味道還可以，像平日去開的普通茶餐廳。凍奶茶應該是一早做好，然後放雪櫃，所以杯裡沒有冰，份量就自然比其他餐廳多一點，但我覺得一點也不好喝。茶很苦澀，不是香濃到苦澀的味道，而是茶膽不好，是沖到最後一轉的味道，好難飲。賣相是不錯，看到很滑，但味道有點強差人意。由於份量不多的關係，於是我提議點兩個菠蘿油。菠蘿包都大個，牛油很厚，皮很脆，入口很香。我覺得是好吃的，但價錢就貴了一點點。這間餐

呢間開左一排今天第一次幫襯見唔太多人排隊排左10分鐘可安排入坐剛剛2點有下午茶叫左炸菜肉絲雞亦米一個五香肉丁米配炒旦多士（呢個抵食）兩個都係$37 凍飲加$3 奶茶/咖啡都冇冰我們再叫多個雞尾包同菠蘿包味道幾好Overall 食物ok 環境同service ok wor D姐姐幾有禮貌多謝先多謝後