文華饕記 (已結業)

蕃茄湯底有金寶湯feel，仲有啲蕃茄，薯仔，西芹，紅蘿蔔可以食吓，煮埋一齊好濃郁可以當湯飲，通粉份量好多，濃湯配通粉啱哂，牛腩粒好大件，而且一碗有成6-7件，真係好抵食，牛腩中層帶脂肪，食落有牛味脆豬豬對半切開，烘完微暖塗上厚厚牛油同煉奶，滑蛋牛油忌廉略嫌重手，蛋都仲好滑身，熱鴛鴦正常水平。餐廳正常茶記，乾淨企理，阿姐服務熱情，食物份量勁足料，非常抵吃

未到約左朋友嘅晚餐時間， 但遇上落好大雨，最好就係入餐廳坐坐，食個tea，避下雨啦。呢間茶記下午茶又幾抵喎。$30~$40一份茶餐包飲品，食物選擇係大路嘅港式下午茶。想食飽啲，仲有常餐選擇。我又唔係太肚餓，少少地揀左經典下午茶-西多士。等左一陣，食物就上枱啦。多士外層炸得香脆，內裏軟熟。 裏面嘅花生醬餡料亦都唔少，仲有粗粒花生，唔錯。最特別係佢拎埋成枝糖漿上枱，俾我自由添加，完全就係西多士嘅精華所在，定力少啲都想落半支糖漿呀，哈哈哈。整體嚟講係抵食下午茶之選，可以安哥。

同事介紹黎左文華記, 見到的相幾吸引而且價錢正常就叫左個芝士海鮮燴伊麵+凍華田, 原來宜家外賣自取有85折變相抵左！$51蚊就有交易喇👍🏾海鮮面既食材都幾多, 汁都好足夠但伊麵比較乾, 飲品方面係沖得唔錯好夠味, 份量黎講中規中矩！下次會想試下佢地既飯多的, 好似唔錯！

超平有水準茶餐廳 灣仔美食攻略禁晚市食下午茶抵食!地址：灣仔克街1-5號展鴻大廈地下D-E號舖#文華饕記 #港式茶餐廳 #香港美食 #灣仔美食 放假,食TEA,厚切西多士,鮮炸雞腿厚多士,中間鬆軟,中間厚身一層花生層無限任添糖漿加牛油,夠酥香,夠黃金色另有多款下午茶 $30起鴛鴦夠濃香,奶茶味濃滑,茶底夠濃雞脾即炸好脆口 配薯條或沙律, 薯角脆口香辣 最正都係雞脾西多士非常好食,全部即炸,新鮮好食

第一次見到呢間餐廳嘅時候，間鋪個名已經令我印象深刻：｢文華饕記｣，我仲特意上網search｢饕｣字係咩意思，原來係解傳說中的一種兇惡貪食的野獸，真係長知識了~食過好幾次之後，係時候要正正經經寫返份feedback俾佢了。我嚟呢度多數食常餐，佢嘅蕃茄牛腩粒非常高質，配一份蒜蓉多士同埋炒滑蛋，味道都唔錯，喺芸芸眾多茶記之中絕對可以佔一席位！呢份餐盛惠$53，雖然性價比唔高，喺灣仔嚟講，搵到呢個價格而水準唔低嘅lunch set已經算唔錯。今日我就食咗另一款常餐：炸豬扒通粉配蒜蓉多士&炒滑蛋，賣相嚟講十分吸引，份量正常，難得嘅係有兩條生菜配落湯通粉做點綴，唔會得肉咁寡~呢份常餐價格係$48，配熱飲一杯。講埋環境，呢間餐廳係我喺灣仔坐得相對舒服嘅茶記嚟，兩個人喺繁忙時間都可以霸一張四人卡座，唔使排排坐逼得咁辛苦。整體嚟講，文華饕記係值得去嘅高質茶記~

不知所謂! 今日中午放飯一個鐘去食, 叫咗個午餐雞扒意, 等咗20分鐘都唔嚟, 催咗佢, 佢10分鐘後走過嚟叫我叫過等樣嘢! 好都算, 改咗另一個午餐, 肉餅飯, 點知等咗20分鐘都嚟唔到! 最後坐咗係嗰度成個鐘結果乜都食唔到, 趕住返工只好離開. 其他枱啲人啲嘢食都嚟唔到! 前幾個月嚟過幾次都冇問題, 點解最近啲服務差成咁?! 個廚房得一個人做嘢?? 諗住係同聲同氣幫襯下, 咁既服務你叫啲手足點再撐你?! 唔好淨係識食人血饅頭先得架, 啲服務畀返啲水準好唔好?

一日一黃店-灣仔良心冰室文華饕記 每到放假 又要四圍搵下良心店支持一下 今次呢間冰室 有兩層 見到有唔少文宣 同大量動漫周邊模型 當中以鬼滅為主 睇得出店主真係好鍾意鬼滅 除此之外 寵物小精靈 同死亡筆記 模型都好靚🥰 成間展覽館咁 仲毒過信和同現時點😍呢間餐廳可以話係每個儲figure朋友仔既夢想撇除上面一點 呢間餐廳 比較似大排檔.呢日晚市嚟到 都算多人 但佢地方大 唔洗等位地下滿座 所以開左2樓 叫我上去 隨便坐 模型我多到震驚2樓小熱 我自己走去開左部風扇冷氣 好涼😂.開始講嘢食 晚餐跟飯 湯 熱飲佢哋先上咗個 ⭐️粟米蘿蔔豬骨湯👌🏻算大碗 住家feel 清清地 甜粟米味 唔錯⭐️脆皮雞軟骨拼蝦球$108 （凍檸茶加$3）👍🏻好大份既小炒 蝦球大概5-6粒 其他都係雞軟骨👍🏻炸粉唔算厚 鬆化 好脆 （可聽聲）😋落左辣椒 同 炸蒜 去炒一炒 都幾嘢味‼️份量好多 大概二人份量 一個人食太熱氣.⭐️魚香茄子煲$72 （凍奶茶加$3）上菜果時啫啫聲 同樣好大份👍🏻有大量茄子 肉碎適量 魚香茄子真係好送飯👌🏻調味方面適中 🤔感覺可以再重口味啲🤔但如果好重口味 又可能2啖食完一碗飯😂就真係睇個人

今日落左灣仔開飯 ,呢度食常餐 下午茶之外 仲有小菜小炒可以食午市選左呢個新鮮肉餅配飯套餐 包檸茶一杯用上精選梅菜洗乾淨再整碎拌勻新鮮肥豬肉去蒸既肉餅入口質感嫩滑 梅菜既香氣令整道菜式變得味道更豐富 有一陣獨有既清香菜味加少少豉油食已經非常美味 家常小菜屋企既味道平均消費$55評分8/10灣仔克街1-5號展鴻大廈地下D-E號舖

7點半喺灣仔，一個人食晚餐，原本喺門口望到個常餐餐牌，仲諗緊食乜，阿姐（職員）話有卡位，ok，心諗就常餐啦。坐低就見到晚餐餐牌。餐廳落左個磨沙套，所以先至咁矇矓。即刻俾千島沙拉骨個名吸引住，最鍾意就係千島醬。落單嘅時候哥仔（職員）勁有禮貌而且醒目，就咁講“例湯”兩粒字佢就即刻答我係冬瓜湯。落完單好快就有得食。職員仲好細心咁俾隻吉碟放骨，抵讚。千島沙拉骨好好味，而且骨肉比例剛剛好，唔會話真係淨係得D骨。 份量亦好足。千島醬酸酸甜甜咁，配飯簡直係無敵。$68無加一

4-9-2021(Sat)晏晝,同老公,男友人RK睇完戲分開後,我就同老公去跑馬地行轉,行完就嚟呢喥飲嘢,因為我個肚又頂住,但老公要食晚飯.我哋睇完menu後,要咗:1. $25.00嘅芝士流心西多士好期待呢個會係點,到嚟時係熱騰騰,切開睇,喔噢芝士唔流心啊,而味道係鹹鹹甜甜嘅,都幾特別嘅.味道: 4分2. $22.00嘅熱檸樂正常冇問題.3. $98.00嘅水煮鯇魚腩飯上到枱見睇見大大兜,老公食先,佢話只係BB辣,但魚夠甜同滑,佢一路食,睇見有好多辣椒,亦有芽菜仔同貓耳朵.鯇魚腩份量真係唔少.而我都食貓耳朵,亦爽口,的確,呢個唔辣,連我都食到.味道: 3分4. 加$3.00嘅凍檸水少甜亦都正常冇問題.抵食係2.5分上次食評係2020年9月24日刊登嘅呢篇: https://www.openrice.com/zh/hongkong/review/yeah-%E6%8A%B1%E7%B7%8A%E8%87%AA%E7%94%B1%E5%98%85%E6%97%A9%E9%A4%90-e3816558

包膠完龍門，順便講埋另一間灣仔區既良心冰室💛。食過幾次都唔錯，雖然通常都要排隊，但入面都幾大，所以都唔洗排好耐就有位。同埋佢上菜都快，坐得都舒服。🔅黃金雞扒司華力腸湯麵 配鮮奶炒滑蛋 & 蒜蓉多士 ($52)平時好鐘意食司華力腸同埋蒜蓉多士，所以見到即刻叫呢個😝。麵就正常無乜特別，麵質唔會太腍。雞扒同蛋都滑，唔錯。腸同多士都係切左一半，夠晒數，再食會爆quota 😂。多士都幾香蒜蓉味，夠脆！不過腸就比較鹹，要撈埋啲麵先中和番。

去買外賣做晚餐 店員有禮貌咁叫我坐定慢慢睇落單個陣我問店員可唔可以用自己既盒佢話OK無問題 太好! 落完單佢親自幫我拎入廚房重幫我諗掂要用幾多個盒 邊樣裝落邊到~張單有印「走餐具」 very good!廚房搞掂之後拎番出黎比我 叫我小心睇熱~我叫左兩個餐：金銀蛋時蔬$68中式牛柳$78跟白飯、餐湯牛柳有肉香 肉質軟腍嫩滑 個汁酸酸甜甜送飯一流!朋友都話有驚喜! 正!至於金銀蛋時蔬 佢有幾款時蔬揀我揀左白菜仔呢款家常小菜其實好難唔好味有水準 有一舊舊蒜粒 個湯好好味~😋店員態度好 d枱都幾闊落唔會坐到迫迫劫劫有次經過見到有報紙派 下次過黎堂食先!

💛黃店🔱今次要介紹嘅食物就係位於灣仔！📜” 文華饕記 (灣仔)📌 地址:灣仔克街1-5號展鴻大廈地下D-E號舖🕐營業時間:0700-2300📍分店地區: 灣仔 紅磡📝評價💬📢 灣仔食飯要快要黃要正💛茶記一定係必選👍🏻落咗單唔夠5分鐘就已經有得食🌟雖然時間好快但係都依然好有鑊氣👅不過略嫌有啲多油得滯😢男士去食可能未必夠😂但係女仔都夠食😋飲品都好大杯😋仲有學生優惠👍🏻🌟🏵環境指數:⭐️⭐️⭐️🏵味道指數:👅👅👅👅🏵抵食指數：💰💰💰🏵回購指數:❤️❤️❤️❤️

Interview完，冇食lunch咪食返個tea囉，正常茶餐聽，座位闊落，冷氣充足。侍應招呼好過普通茶餐廳 (定係我對茶餐廳要求太低?)。正常茶餐廳茶餐選擇啦，所以求其嗌個文華撈麵。嘩啲XO醬超級多，其實有少少咸，但係又真係好香，竟然喺屋企以外都食到咁多XO醬。餸都好多，牛排雞排腸蛋火腿，食到個肚飽哂。美中不足係個牛排有啲生，不過我太飽冇叫佢換。但呀姐見到主動話唔好意思，主動話同我換過塊，滿分。

下午偶然路經此處，對面的華星冰室就經常去，這間就從來沒有踏足過。看了看餐牌，價錢也不是貴，好！姑且一試。走進裡面，座位都算闊落，卡位之間有大大塊膠板相隔著，膠板上有貼著那只青蛙！噢~~原來是黃店，真是孤陋寡聞，有眼不識泰山⋯⋯算了吧，吃飯不講政治，純粹講食物水準：分量是充足的。薯角溫度不夠，只是微暖，估計是先炸好一堆，然後每個餐分開上，而且味道偏鹹，跟超甜的沙律形成強烈的對比。再來是雞脾，正如畫面所見，明顯過火，皮開肉裂，肉質十分乾，沒有雞味只有雪味，吃得出質素不是很好估計下次有再經此地，還是去對面吃好了！