文華饕記 (已結業)

未到約左朋友嘅晚餐時間， 但遇上落好大雨，最好就係入餐廳坐坐，食個tea，避下雨啦。呢間茶記下午茶又幾抵喎。$30~$40一份茶餐包飲品，食物選擇係大路嘅港式下午茶。想食飽啲，仲有常餐選擇。我又唔係太肚餓，少少地揀左經典下午茶-西多士。等左一陣，食物就上枱啦。多士外層炸得香脆，內裏軟熟。 裏面嘅花生醬餡料亦都唔少，仲有粗粒花生，唔錯。最特別係佢拎埋成枝糖漿上枱，俾我自由添加，完全就係西多士嘅精華所在，定力少啲都想落半支糖漿呀，哈哈哈。整體嚟講係抵食下午茶之選，可以安哥。