文記傳統車仔麵茶餐廳 (已結業)

由舊村食到新鋪,煎釀三寶是我的首選,呢度每款炸物都算大件,尤其是炸魚旦,大大粒,真係超好味,係舊村成日見人龍,就知幾受歡迎! 跟住車仔麵佢都做得好出色,佢d辣汁真係好惹味,d餸都好多款式,連少人煮的柚皮都有(雖然我冇興趣),每次必叫餃子,豬皮,豬腸,豆卜,其實佢樣樣都好食,不過真係不能盡錄,唯一唔好的就係價錢不斷上漲,真係幾貴下,少數怕長計!其實佢係舊村的生意應該旺d,但舊村遲d要折都冇辦法,希望搬入新鋪可以令它的衛生更加好啦!

知道牛頭角下村年底就會清拆, 所以同男友專程入黎搵食初頭諗住去何興記食牛腩牛筋, 開頭見個地址係一座﹐去到覺得又唔似﹐因為係另一邊來的.返黎check 多次, 原來地址係錯的...唔係一座, 係十一座至0岩! 但由於當時搵唔到既關係, 我地決定去食另外一間都係好出名既文記去到入邊既環境都幾麻麻, 不過唔緊要, 野食好味係最緊要嘛﹗之前 check 過, 煎釀三寶既炸魚蛋係好好味不過原來舊舖係無, 要過對面不遠既新舖去到新舖果度, 諗左一輪, 決定左要:豬紅($3), 蘿蔔($3), 辣魷魚($5), 伊麵($5) + 辣汁 (total $16)同埋 $10 /6粒 既炸魚蛋豬紅唔錯, 唔會太碎蘿蔔麻麻, 有 d 太碎, 同埋有少少渣魷魚就一般吧伊麵唔錯, 平時車仔麵都係油麵, 幼麵, 粗麵多最好味係個辣汁, 雖然真係幾辣下, 不過辣得刺激, 辣得過癮不過食食下發現碗麵附送左一條頭髮﹐但黎得呢度呢 d 都係在所難免.. 炸魚蛋上果時係好熱好熱, 又脹卜卜﹐男友差 d 辣親嘴 > <豉油自己另加, 甜醬開口問佢會拎俾你由於熱辣辣既關係, 感覺非常新鮮魚蛋質地又唔會太硬,

08.06.21 收工過到黎差不多五點，人唔多，冷氣唔夠，幸好埋邊轉角冷氣機出風位下有位，算是全場最涼既位置。枱面冇餐單要自己行出去點餸，問師傅咩价錢，佢話有6蚊﹑7蚊﹑8蚊，我點咗粗麵﹑蘿白﹑唐生菜﹑咖哩豆卜﹑豬脛肉 (加少辣) $23主點咗油麵﹑貢菜﹑雞翼尖﹑螺肉﹑咖哩魚蛋 (加辣) $24另嗌三寶十蚊八件及凍豆漿$7。蘿白幾清甜冇楂冇"GIP"味，豬脛肉好入味好滑，咖哩魚蛋&豆卜都好味﹔辣汁一定要落否則車仔麵失色﹔三寶既魚蛋﹑豆腐都炸得幾黑，油味重好燶咁，但魚蛋幾大粒又幾彈。豆漿好正，好香豆味又唔過甜。後話︰三寶我較喜歡觀塘寶星後面果間小食店既，因魚蛋彈牙而且其他所有三寶都唔燶唔太油仲只係一蚊一件咋。然而此種港式地道風味已漸漸絕跡，快來製造回憶吧。

今次已經是第三次幫襯.上次食過蘿蔔,柚皮,水餃,菜,咖哩魷魚,覺得魷魚和柚皮都好食,柚皮出面很少有,水餃就最唔好食,蘿蔔都係麻麻.吃晚飯前來吃,為免吃得太飽,所以只叫了三樣食物,時菜,魷魚和紅腸.食物端上桌前時,賣相很好,覺得很豐富,紅腸有四片,魷魚也多,只係$11.三樣都很好味,今時今日食車仔麵都可以咁抵,很難得,而且仲要好味,更加難得.

自從牛頭角下村要準備遷拆以來,不少店舖已另謀出路.文記是其中一間先在附近插旗的店舖,坐位無疑是多了,而且闊落不少,但少了舊舖門前有其他車仔檔一齊時的熱鬧氣氛.是日跟囝囝途經,亦忍不住光顧一次.麵底是選了幼身油麵,鹼味輕清,而不會過淋.配菜是至愛的柚皮,豬腸及囝囝心頭好鳳爪.可能是統一出品關係,柚皮是一貫水準,果皮的苦澀味因為汆水足而變得輕清.豬腸不單有嚼頭,而且膻味足,非常討好.鳳爪是囝囝至愛,雖然是交來貨色,但吸滿湯汁後,囝囝是吃過不停.老實說,新舖比舊舖討好多了,唯一不同處是舊舖較方便一點罷.

咁岩牛頭角度爆水管我要過來幫手﹗午間搵野食來到呢度﹗叫左個淨送羅番地盤食﹗打開食落味道其實不錯，蒜味好濃﹗魷魚彈牙蘿蔔亦夠稔﹗不過食食下發現有條鐵線狀既物體0係入面﹗唔係嘛夾上來研究原來應該係開煙0個條線.......即時唔開胃成碗倒左，無下次了﹗

依間車仔麵檔我經常幫襯，我真係覺得好值得推介。先講環境，由於少人經過所以比較寧靜，而且鋪仔細細都有電視可以比大家睇，出街食驚錯過劇集真係首選。其次係食物方面，款式多加上味道一流，仲可以免費加辣汁或腩汁(其他車仔麵檔要加1蚊)。然後係價錢，2至6蚊一款餸，我食開幼麵，2個麵底都係5蚊，由於我通常叫好多餸，所以我一般消費係26至29蚊，不過平時同我去食既朋友都係12至20蚊，一餐lunch 黎講真係好抵食。唯一可以挑剔既地方當然係衛生方面，桌椅抹得唔夠乾淨，不過對於一間細細既鋪頭仔黎講，真係唔要求得咁多。我推介既車仔麵餸:牛腩、牛肚、白菜、八爪魚、豆泡、豬皮。(視乎個人口味而定)

牛頭角下村時日無多,村內有些食店已經早著先鞭,在村外開分店,這間文記車仔麵,是其中之一.標榜傳統之味,何來傳統,相信大多年青人也不知道.但見這店連柚皮也在之列,應該也差不多.來個四味,油麵作底.湯底有別其他店,文記的湯底色澤較淺,味道亦較清.有些人可能會覺得,車仔麵的湯底不應如此.但清一點的湯底,總好過一些顏色有點曖昧的怪味湯.四味"送",有蘿蔔,柚皮,螺肉同魷魚.其蘿蔔爽甜,入口無渣,螺肉屬急凍貨,但沒有用到濃醬之下,味道自然欠缺.魷魚爽口且鮮,應該沒有"化學"作用.在車仔麵中吃柚皮,待它最後才吃,等柚皮在湯之中索耐一點,質感就剛好了.坊間車仔麵實在太多選擇,每一區之中總有一間代表,大角咀就一定是車品品,灣仔就車仔麵之家,如果在牛頭角的話,這間文記.應該算是其中之選.

d辣汁同牛腩汁好好味，又抵食。全部都係自由配搭，價錢由自己定，材料愈多愈貴，但係樣樣餸都只係幾蚊。食得過，去開果頭，可以去試試。