文輝墨魚丸大王

營業中

休息中

開始變回以前一樣好味了!也變得大碗了!介紹:炸魚皮紫菜墨魚丸河.....$26,正!!!!!其他都好味!P.S 好多"伙記"!!!!

29May2007 1854放工後拿拿返屋企換番去街戰衣，出到銅記俾預期早一點，想食番碗粉麵，又唔想左搵右搵，近近地stop@there。這裡幾乎俾人彈到一棟都冇，我就叫一碗淨墨魚丸，湯內有不少粒及冬菜粒。丸共有6粒，唔彈牙，有墨魚粒但好少墨魚味，湯底應有少少師傳。如果話俾你聽呢碗野係銅記只收20蚊，而冇話出品來源，一定有個笑臉，一聽到個店名，或者會收回，我就會知道自己坐係乜野位置，俾乜價錢去食的乜，所以笑臉都會有，下面各項分數都屬於中等。當然我深信價錢便宜既，質素可能會更好，貴既可能更差。

紫菜墨三寶河$26魚旦墨丸河$2X菜花$12可樂1罐 星期六下午到呢度, 見到條人龍長到呢, 諗住姑且一試, 點知食到火都。魚旦冇魚旦味, 墨丸冇墨丸味, 墨魚仔&墨魚(頭?)味道似發泡膠, 即係完全冇味, 啖湯淡到似滾水, 粉多又如何又如何? 呢個價錢銅鑼灣可能算低, 但覺得大部份去舖租。環境極度擠迫, 落單似審犯, 食物和服務方面都完全feel唔到誠意, 可以話是但一間$10粉麵都可以好過佢, 唔明點解咁多人好似朝聖咁! 所以做幾年cd-rom都忍唔住開, 不吐不快。

同老公行經此店, 之前未食過就去一試, 成間店都full, 好彩一踏入去就有2個位, 座位簡直好似食神話齌"有咁細張得咁細張, 有咁唔舒服得咁唔舒服" 務求令你食完即刻走, 叫了伙記5分鐘未無人理, 本想起身走, 就即刻有人得閒落單, 叫了出名的墨丸面, 又等了5分鐘, 再有伙記走埋黎, 問我地琴先叫mud, 無落單.....嘩, 真係火!! (因為佢地全部都係叫單, 不寫單的) 如果樓面一路叫, 廚房做唔切, 就miss左你果碗.都算啦, 碗面一來, 嘩~ 唔係掛, $23 得咁細碗? 得兩啖面及4粒墨丸? 仲要果幾粒墨丸粉到o丫, 仲粉過街市買果d, 都唔明點解咁馳名, 食野期間, 有不少投訴, 有人話落錯單, 有人無人理, 有人叫左野未黎, 有人想叫外賣等落單十分鐘都無人理, 講曬粗口走左, 總之呢間野就食到人一肚氣, 又貴, 又唔好食, 都唔知點解仲咁多人食&等位, 不如快d執啦

晚飯時候o向銅鑼灣, 得自己一個人, 又唔想食貴野, 決定食碗粉麵. 見禁大個招牌話系墨魚丸大王於是一試叫左紫菜四寶河, 貪佢乜都有D啦. 墨魚丸真係掂, 彈牙, 墨魚味夠. 紫菜爽口又夠多. 其他既豬肉丸, 魚蛋, 魚片, 魚皮餃則麻麻地, 早知叫墨丸河. 河粉滑, 好大碗, 不過湯底清淡無味. 我係咁落魚露, 紅醋, 辣椒油, 幾好味喎又! 食完勁飽辣椒油好辣....小心不要落太多勁多人, 坐得好逼, 食完要拿拿林走人

lunch 去試一次, 見禁大個生招牌賣墨魚丸, 所以叫左一碗墨魚丸河!- 墨魚有四大粒, 不錯, 但河就好大碗, 但唔係太好食- 可能係lunch, 職員態度平平結論$21 一碗不平不貴, 但試完一次就無想再visit!

我認識這裡, 是因為你的介紹. 還有很多很多的事情和物, 有好有壞, 也是因你而起, 因你而生, 無論時間多久, 這都不可抹走的, 現在惟有把它們好好的藏起來, 放在一個不顯眼的地方, 希望塵埃快些鋪滿在它們上面.今天, 一個人突然想起這裡, 便前往吃了一碗墨丸河.墨丸好像細粒了, 但依然彈牙, 有墨魚香. 河粉屬幼身但不是很滑.魚露自行加了但不太香.河粉, 墨丸和眼淚一拚也吞進肚裡去.

尋晚銅鑼灣搵野食, 行左好耐都唔知食咩好, 諗左一陣, 於是乎咪同女友黎呢度食晚飯, 反正女友又未黎過而師傅我又好耐都冇黎過, 試一試睇下有冇差左先!坐底師傅見到有四寶河咪問下個哥仔四寶有邊幾樣啦, 點知佢好唔願意咁答, d態度真係差到冇人有! 算數拿拿聲叫碗紫菜四寶河同埋一碗墨丸麵, 再後加一碟菜花!紫菜四寶河有墨丸, 豬肉丸, 魚蛋, 魚皮餃同埋炸魚片, 墨丸真係好爽口好香墨魚味, 真係出色, 豬肉丸亦好爽口, 魚蛋同炸魚片都好彈牙, 魚皮餃個皮厚d, 不過都幾有口感, 可以, 而河粉好滑加上好大碗, 配埋紫菜湯真係好好味; 菜花就等左好鬼耐, 要再催先至整, 菜花好參差下, 有d好嫩有d好老, 不過老比嫩多, 唔得!總括而言呢度質素有下滑趨勢, 而服務態度又差, 坦白講一句d野食又唔係真係出色得咁緊要, 師傅相信如果佢個鋪位唔係自己買左, 一定做唔住! $24一碗紫菜四寶河, $21一碗墨丸麵, $10一碟菜花都屬於偏貴! 師傅就未必會再黎, 費事食碗麵都要睇人臉色!

2007年9月3日。文輝墨魚丸大王。很久沒有吃文輝，最愛它的墨魚丸，它的粉永遠是那麼多，我不是一個很“細食”的人，但我多數吃不完它的粉，因為太大碗了。今天吃紫菜四寶河，仍然吃剩了一些河粉，墨魚丸仍然是最好，但豬肉丸麻麻，魚蛋魚片OK，魚餃一般啦。河粉仍是一向的滑。不過食完有D口渴，是否太多味精了？

i love this place.. the cuttlefish 'HO FAN' is nice and noone can deny this.the cuttlefish ball is yummy and at $20 a bowl, we cant really ask for anymore. they have seaweed cuttlefish noodles and other stuff at $23 a bowl too, and i notice the bowl is bigger with more noodles too, so guys can go for that!!! good choice!i love this place. the staff arent very polite but then the food makes up for it!

文輝的墨魚丸粉,其實水準是keep到的.墨丸依舊的爽口.加D辣椒油就更正.加碟菜,加杯凍飲,簡簡單單,唔錯.

前日同女朋友去開cwb.女朋友就介紹我黎依間野食...坐到入去.個伙記即刻問我地食乜,我諗有少少壓迫感啦: )我地諗左1陣先落單.後生d既伙記我覺得幾nice幾勤力招呼客人.反而年紀大少少既我覺得佢地有d hea 又唔願郁.個陣時係晚飯時間,都ok多人黎...我覺得個度就逼左少少啦: )23蚊1碗紫菜四寶米線,有得揀粉/麵etc.大碗夾抵食重有好多紫菜xd! 墨魚丸我覺得麻麻地.個湯底都幾清,好似我咁鍾意食清清地既朋友我諗都會覺得okay.相反,女朋友覺得清左d,所以加左少少辣椒油.哈哈辣到佢不停咁流眼水.我諗個度既辣椒油應該係勁辣. xd 唔食得太辣既人要小心d.個度d伙記講既話我完全唔識聽,不過我覺得幾有親切感.下次如果有機會既我諗都會去個度食既: )

這間文輝以為自己是全香港唯一一間粉麵....那班伙計態度勁差。叫他們下單不理你,再叫另外的就說不做你生意...這樣的服務態度，請各位不要去。

友人點了墨魚丸河﹐怎知來了紫菜墨魚丸河﹐友人告訴夥計﹐那夥計立刻黑面﹐問﹕唔岩食咩﹖咁大碗(好似益左我朋友咁﹐但其實係貴多3元﹐而且這麼大碗﹐她根本吃不下﹗)態度超級差﹗而且環境太擠﹐坐得很辛苦﹗

以前中學時食過，覺得好味，好久無食過，尋日專登去食墨丸河，點知，大失所望，丸彈牙，但無味，啲湯底仲差，要勁下魚露，先有味！最好味係啲紫菜！仲有，啲伙記，真大牌，叫極都唔理，點都要傾完計先來落柯打！真係好招呼！