文輝墨魚丸大王

營業中

休息中

Lunch食完「招」來，樣樣試少少，未到四點開始打鼓。係銅鑼灣做埋少少手尾，順便係度食個tea，原因係：「大碌粉」，牛龜咁大隻字寫著，應該有料到，喜歡吃手打的麵點，沒有不試的道理。叫了墨魚頭粉，四件墨魚，三件是接近魚頭的位置，得一件是真墨魚頭，有被搵笨之嫌，不過算啦，好過隔離潮苑話有「沙瓜」，結果9成是牛肚，當人是白吃的。叫墨魚頭是搵自己笨，難消化，用來過口癮，湯是清湯，師傅點都有少少，但唔算嚴重，加埋個粗糙而帶麵味的河粉，算唔錯；奇怪在無下午茶餐，淨食收22，唔算平，又口痕的試了少少辣椒油，沙麻味十足，亦好鬼辣，但就唔香，試完，胃痛的雙眼反白，結果粉無食兩啖就走人，徙晒。

勁鐘意食!!! 幾乎每樣都試過~首推四寶河~~~~~其次是鴨撈~~~加咖喱汁仲正!!!

第一次幫襯文輝.呢度d伙計態度勁差, 無笑容不突止, 直頭可以用惡來形容, 服務態度真係無得頂, 即使佢既野幾好食都係假. 況且佢又唔夠人地好. 論墨魚丸, 北角德昌好食過佢, 講魚旦, 筲箕灣怡昌彈牙好味過佢. 唔係個friend推介, 都無諗過要食佢, 呢間野再無下次.

本身紫菜三寶河內有墨丸, 墨魚鬚和墨魚頭, 但媽和我都覺得墨魚頭麻麻, 反而喜歡墨魚鬚夠'趙'頭, 所以多數叫紫鬚墨河(紫菜墨魚鬚墨丸河粉) 墨丸算大粒, 起碼食到裡面混有墨魚粒, 味道亦OK. 比好多地方的成糰都係粉或一味溝多D肥豬肉入去那些, 真係好好多. 此外, 覺得這裡的紫菜較好吃, 就算浸在湯中久了都是爽爽的, 不會'林'晒溶晒. 還有河粉也很滑好吃, 不'鞋'口.這裡除了有油菜, 還有很多其他小食, 但就要睇好唔好彩, 叫唔叫到好吃的款式喇!(不過, 如果侍應大佬說話唔好過份大聲就更好了!)

一直好想試呢度既魚皮餃，係估唔到咁好味！厚厚既魚肉做皮超正！而墨魚丸依然係另一個好選擇...仲試咗紫菜八寶湯，超多料！要同朋友share先食得哂，不過亦值得一試！

行經銅鑼灣,係or睇過呢度既食評唔錯,下午茶既時候就入去試下你有幾好味先朋友同我都叫左呢度出名既紫菜墨魚丸唔駛幾耐就黎到嚕~不過....湯底唔係幾好啵,唔知係味精多得濟定係鹽落得多得濟..好咸啊隻碗仲有少少崩左架添@@d墨魚丸我覺得唔係好有墨魚味..不過有d墨魚絲係裡面..可能係我道行未夠食唔出墨魚味其實都唔駛再落魚露架啦,因為好咸啦已經so我都係加d辣油食埋d墨魚丸,d辣油幾好味,幾夠辣@@再order多罐可樂一路行一路飲but我相信唔會再黎食嚕

[] 次次一定食的!!仲有一樣好食的係[]!!都有try過other的,,例如:三鮮..豬扒..雞絲..滷水鵝..三鮮無咩special的地方...太清..other都係一般...豆漿都ok...辣椒油辣得好味!! 正,,鍾意食辣的可以去trytry*抵食大碗...因為抵食大碗...因此服務都係一般啦..環境就逼..因為都好多人食=]li間都係我常去食的店子!!!

文輝老字號得0黎，食物亦會不斷改進，創新，不過我個人比較喜歡獨特一味"紫菜墨魚丸河"，食左十幾年亦不會生厭。加上隨便可加的魚露，辣椒油，紅醋等，只能講句--和味。但係只可惜幾年前於旺角分店停止營業，沒有了更近地方。

Love the noodles. I started going since 15 years ago when I went to school at St Paul nearby, and still love it as much.

今日行cwb , 又到左食晚飯時間,行左好多地方都唔岩心水,最後黎左呢度食囉,我食紫菜雙丸河都幾大碗啦~因為病既關係,試唔真d 味道不過都ok 啦~

晚上八時來到, 依然多人, 但都好快有位。叫了紫菜四寶河, 頗大碗的, 有墨丸、魚蛋、魚片、魚餃和肉丸各一。河粉和四寶都沒什麼特別, 馳名的墨丸是不錯, 爽口彈牙得來不失鮮味, 但相比起橋底文偉的便相形見拙了。伙計看來都是潮州人, 說起話來很大聲, 因此店裡總是非常的嘈吵, 耳朵有點受不了。

突然想食墨丸河, 之前睇過食評咪走入去試下係咪真係咁正. 6時多....都有幾多食客. 叫左碗墨丸河($20)....試左粒墨丸都係覺得一般, 唔係真係咁彈牙啦.同出面麵店d墨丸咪差不多.

文輝墨魚丸的質素大不如前, 雖然它有差不多廿年的歷史, 但患了一般成名食肆的通病, 由好質素到保持, 再到保持不了!我個人而言對其四寶河則比較欣賞!

今日行經銅鑼灣，本來諗住去麵檔試喇沙，但因為太累...於是行咗兩步就走咗入去文輝...一入內，感覺很窄...與鋪面相比...實在窄得可憐，由其是當時鋪內只有幾個人，但已經背對背。所以食得很不舒服。我叫了紫菜三鮮粉...即係太子墨+墨魚頭+墨魚丸+河粉湯底是清湯...與香港仔比..當然差好多。但勝在用料夠，大大粒墨魚仔同丸。真係咁大個仔第一次食。23元，唔計野飲,..但我覺得好抵囉！

月前同個朋友落左銅鑼灣，兜兜轉轉左成個月的工作終於埋尾。三點幾，人在渣甸坊，有點餓餓地，就來吃碗粉。「文輝」這個品牌都算食左好多年，以前這裡的墨丸真的是最好的，不過近年競爭大了，這裡也變成一般貨色，說到尾，是不進則退的道理。雖然飯市已過，但人客都不少。而呢度檯擺得密，都坐得幾迫的。依舊是台前幕後都是潮州怒漢，我叫了紫菜墨丸米，而朋友則要了紫菜墨丸墨魚頭河，用番佢地的語言，是「紫墨頂米」及「紫雙墨河」，再加一碟菜花。兩碗粉都幾大碗，不計味道的話，食完一定夠飽。墨丸味道不錯，至少還得出是墨魚肉鮮打的。不過丸不夠實淨及重身，論口感遠不及鵝頸橋那邊的文偉，連樂園都比這裡勝半籌。當然比坊間一些粉丸為好，不過稱為「墨魚丸大王」，就有點過譽了。菜花條條翠綠及爽甜，收得十蚊，都叫交足貨；辣椒油幾辣，不算香。埋單57蚊，唔算便宜，不過都叫食得幾飽，一試無妨。