斗‘泰國美食 (已搬遷) 新店位置

試咗佢哋個燒牛柳，好大份。四個人食都夠，佢哋個汁好豐富，廚師形容，係加上好多唔同新鮮嘅材料整埋一碟，個汁先可以咁有鮮味。黃咖喱雞飯，好足料，好多蔬菜同雞肉，好惹味。仲有冬陰功湯，廚師話係用新鮮青檸整，唔怪得知同出邊嗰啲唔同味，非常開胃，又感受到泰國的味道。知道佢哋兩夫婦，好俾心機經營呢間泰國店，用嘅材料都係新鮮同埋上乘的，非常佩服。食完唔口渴，期待下一次試吓佢哋其他嘢食，例如燒鵝，燒雞⋯⋯但記住，最好要預訂啊

Thai chef was very nice .I asked about  the 13 ingredients in the green curry, and he told me in cantonese which I understood 2 only...He insisted 2 separate boxes for takeaway to keep the fragrant rice apart from green curry . fresh made.worth the wait !

lunch嗌左冬陰功湯粉，冬蔭功湯底好好飲，雖然顏色好紅，但係飲落唔算好辣。酸味反而比辣味濃烈得多，怕辣既朋友都唔洗擔心。湯粉索水力較強，浸係湯入面一陣就充分吸收咗湯底嘅精華。可惜餸比較少，得三隻大蝦同幾片菇。蝦肉彈牙，肉質唔會話好梅好鬆散。整體黎講味道幾好，但份量略嫌唔夠喉，男士未必食得飽。

灣仔一個小小的角落, 規模不大,座位只得一張bar枱另外再搭一啲摺疊的枱凳坐喺巷仔好有大排檔feel廚師都係泰國人很地道的泰國風味🌶個人非常鍾意食padthai🍜呢味菜係點煮都唔會失敗花生醬味重, 料子很足, 蝦都算新鮮🦐~鑊仔牛柳~呢個好有驚喜, 牛柳好軟好入味熱板上, 好夠熱有jarjar聲加埋啲蒜片但建議呢個最好堂食老闆人很好, 可能下午茶時段, 唔太多人比較得閒,佢會行出黎同我哋傾偈, 仲送咗杯龍眼冰

行過呢間店,見佢係新開,所以想試下。叫了一碟蝦油炒蝦飯,見到門口個餐牌寫住$85,我諗應該係堂食價錢,疫情之下,好多餐廳的外賣都會有折扣優惠,所以好奇之下,我就有禮地問老闆娘:「外賣的話會唔會平D? 」老闆娘答:「已經好平架啦,再平的話,我真係冇錢賺架啦!哈哈哈!」過了幾秒,她再重覆多一次,她雖然邊笑邊答,但聽得出她是笑住黎串我,好似我唔應該問佢呢條問題咁 本來我都廢事出聲,但見佢重覆完又再重覆呢句:「已經好平架啦,再平的話,我真係冇錢賺架啦!」我就同佢講:「我見你地既餐牌寫住$85,我估呢個價錢係堂食, 所以我先問你外賣的話係咪會平過呢個價錢」這時老闆娘說:「哦,原來你頭先睇咗堂食既價錢,其實我地都有外賣餐牌的,個外賣餐牌係另外一邊,外賣價錢是會平點的,$60」我說:「咦,係喎」原本我以為呢件事就咁告一段落,點知7分鐘後,當老闆娘幫我包緊外賣盒時,佢又再主動同我講:「我以為你頭先問我外賣價錢可否再平D,哈哈! 如果再平的話,我就真係冇錢賺架啦!」呢下我真係火都黎埋 我之前提咗佢兩次「走餐具」,佢最後都係唔記得、照俾餐具我,咁都算啦,但佢成個過程個腦只係諗住「再平D的話就冇錢賺」呢樣野

難得近排返工唔駛帶飯，一於發掘下公司附近既外賣店，就揾到呢間。只係食過幾次，最推介最回味係冬蔭公蝦湯粉($59).冬蔭公當然個湯最重要，佢個湯原來係比較酸，好重蕃茄同青檸香味，外賣時佢會跟一包乾辣椒碎，一包魚露，唔落辣椒就完全唔辣，而落左魚露，味道就變番平時既冬蔭公，冇咁酸同更加鮮甜，我就兩樣落晒既。湯既份量都夠既，啲米粉吸滿湯後仲飲到好多啖～米粉既份量就少左啲，好彩佢仲有好多配料，有食極都有既雞脾菇，仲有3大隻蝦，都爽口同鮮味既，好滿足。加$5有龍眼水/香芧水，兩款都好清甜，唔係落好多糖嗰種假既甜。有試過泰式雞肉炒河粉，佢話用泰國醬油同日本醬油撈埋一齊炒，係好香既，啲蛋絲都好好味，不過我鍾意好粗有咬口既河粉，佢呢款就比較碎，食得唔夠過癮。下次再試下其他款式啦。要特別提下佢既價錢，同款食物隔離左右既餐廳要接近$80，佢只係$60咋，但係一樣咁好食，真係好抵。

灣仔區平常只去會展時, 才會過來。最近有事, 要來灣仔次數多了很多，發現這區很多美食，有平有貴, 豐險由人。今天特意找了這間泰式小店, 希望在疫情下, 能給予小店一點點支持。坐下來店員問我喜歡吃什麼, 其實泰菜我都很愛, 特別愛食粉麵類。想食船河, 炒金邊粉或冬蔭公, 但只得自己一個, 只好選了碗船河, 來個快食。點餐後, 店員說有飲品, 估計因為是下午茶時間吧。點了龍眼水。不久, 船河到了。來到有點驚訝，比我預期中大碗很多，選了小辣。麵條本身不似平常的河粉, 是比較幼身的, 我不太介意, 反而覺得這款麵幾好食, 不會好似河粉咁太淋。先喝一口湯，感覺似豬紅的顏色，濃而不咸，好味!!! 配料很多很豐富!! 有兩粒肉丸, 一些牛肉, 炸豬皮，有些菜, 最正係有金不換, 將成碗麵的香味大大提升，好好味!以前去過九龍城食過出名的船麵, 感覺一般般。反而這店十分有驚喜, 份量和味道都很高CP值, 一定要再回來。 希望下次再來試其他食品!!

灣仔返工， 一吃愛上。 「斗」 泰國美食。 首次 點了船麵。 好濃厚的湯。本人 每次都揀大辣。 牛有兩種， 厚身果隻好重牛味。 另一隻就肥牛款。 除左牛仲有兩粒丸 同菜 配搭。仲有 豬皮送下湯， 浸一浸先食。 正到暈😍😍😍入口啖湯我就知無揀錯。簡直同泰國當地食嘅味道好接近。 😍😍😍再望一望 真係泰仔煮理。 是次同事們吃了 炒金邊粉（雞） 都好好味👍雞唔會鞋口。 甜甜的， 好好食。 真係一試難忘，以後一星期都要黎食一次先戒下去泰國心癮。 同場仲有其他正野！ 我仲試過香葉辣醉肉飯！ 餸同飯一比一。 真心多料！

四月三十日，天晴，中午氣溫約廿七八度。來這裏吃東西要有心理準備，小店走牌檔風格，座位皆在室外。店家還真貼心，提供風扇供食客使用，但當天不覺熱大家就不開了。午餐有十款八款，我點了冬蔭功蝦麵，同事選了青咖喱牛肉配飯。落單過後，阿姐(或許是老闆也說不定)問我哋飲啲咩，可選龍眼水或者香茅茶。本來諗緊飲可樂定咩，難得有飲品送，就要了龍眼水。龍眼水微涼，阿姐說是剛煲好的，味道清新自然。我覺得就算要加錢也不為過，免費就更難得了。同事點的青咖喱牛飯先來，說味道不錯，我沒試過，在這裏就不另加評語了。我耐心等候我的冬蔭功蝦麵，等了十多分鐘，以一般香港人的時間觀念來衡量，或許是待久了一點，但當阿姐將麵端來，我輕輕呷過一口湯，就覺得這十多二十分鐘實在不算什麼。你問我正唔正宗，我答唔到你。我只係話到俾你聽好唔好食。講個湯先，我會用三個字嚟形容 –「好順喉」。你會話，依家飲酒咩，順咩喉呀？點解酒會講順唔順喉呢？因為酒烈嘛，有的還烈得嗆喉。烈而不嗆，謂之順喉。冬蔭功以酸辣見稱，道理一樣。湯順喉，不禁多喝兩口，方將蝦往咀裏送。蝦大隻，食落新鮮爽口。好行啊可？係。但講到天花龍鳳就叫好食哩咩？幾隻字夠架喇，我講多你都唔會

朋友介紹這間泰國菜，廚師和侍應都是泰國人，能說廣東話👍🏻食物很正宗，最緊要食完都唔頸渴，感覺上好似無落味精，燒雞必試😋好入味，肉質嫩滑，醬都唔洗點。😋青咖喱都好正，好多汁，一個白飯都撈唔曬個汁，最後打包左個汁番屋企撈麵食🤣冬蔭公啲蝦好新鮮，有蝦味，係略嫌個湯甜左小小，其他整體都不錯，如果種類再多一些就更好😚廚師和侍應都好好，好有禮貌和親切感🥰🥰

甜酸咸辣激味道的合體和草本料理是泰國🇹🇭菜嘅最大特色帶到香港，炒或煮出來香噴噴使人垂涎。廚師斗開了這間用心為您們嚴格選取新鲜材料煮的正宗泰國菜。Tao 道‘泰國人叫他斗，是一間正宗泰式風味小店，餐廳設計藍天海，地方細小，大排檔格局，環境光猛，食材新鮮，而且要求不落味噌No MSG,主張以經濟合理嘅價錢讓食客享受到優質嘅泰國菜，大部份食物都可辣可唔辣，餐點味道是泰國曼谷本土味道，約唔到一大班朋友就來富有人情味的斗先生，煮飯炒菜比你食下啦！•青咖哩🥗是用古法秘方由Tao媽媽傳授，薑黃中萃取的新化合物可以直接活化大腦中與記憶，有提高記憶力的功效....•冬陰功湯🍲食材講究，有非常好的養生效果，曾有研究顯示..•黄咖哩🍛成份有止痛的作用、肩臂酸痛也有很好的療效..•泰式豬手飯， 含有豐富的膠原蛋白質，研究中發現...•香辣肉碎炒飯，好惹味!•香葉肉碎飯加🍳蛋，香葉肉碎可辣可不辣加埋流心煎蛋，回味無窮呀～•泰式炒金邊粉（🍤蝦)，Pad Thai係最受香港人歡迎嘅泰國菜之一，㊙️♨️酸甜香於一身，重口味又帶清新口感，開胃又爽口!•泰式秘製燒牛柳🥩，肉質嫩滑嘅牛柳，食落好juice，牛肉味濃，加埋秘製醬