新三寶快餐店

營業中

休息中

新三寶快餐店係一間老字號， 細個嘅時候已經常常光顧， 幾十年後嘅今日，依然能夠食出懷舊嘅味道。 係非常之好味道，帶出一種時光倒流的感覺 。希望大家多多支持呢間咁好味嘅小店。

大窩口已是舊區, 在大廈街的食肆轉了一間又一間, 這一間「新三寶」算是老字號吧, 初來這區上班時, 同事已介紹這間「寶」, 真的, 對於我這個愛吃香口野的人來說更至愛不過。新三寶是外賣店, 或是有約2-3個bar檯位置, 可以進食, 牆身多是手寫的套餐, 還有那些很多年前的膠牌, 很是懷舊的。午餐時間, 見不少人買飯, 雜扒飯, 豬扒飯等等。很多亦是勞動階層的朋友, 一盒多肉的飯對於他們來說真的很重要。新三寶的職員是叔叔嬸嬸, 在炎夏的時候仍在熱鐵板及炸爐旁工作, 真的不易。至於食物方面, 多是用鐵板煎或炸的, 味道不錯的。筆者至愛吃的便是麥記餐, 有豬扒包/漢堡包, 薯條, 凍飲, 盛惠29蚊。至岩炎夏中不想吃飯吃麵的我吧。總結: 在這些日子, 在這些地方, 吃的除了是食物之外, 更重要的是吃那份人情味吧。

雞扒煎雙蛋飯。平時無乜幾何行過呢頭，咁啱就見到一間舊式港式快餐店😎我就膽粗粗入去試一試。😏結果都幾有驚喜，好有以前校園風味既扒飯😉份量亦都足夠😛味道亦唔錯

每次返工路過，都幾多人幫襯，可惜趕時間，於是決定夜晚人少少去試試～我點了熱狗包，全部即叫即做，熱騰騰的，沾上牛油的熱狗包皮微脆，再夾着煎得香口的腸仔，配以香醇濃厚的沙津醬， 貼近學校小食部的味道，十分滋味另點了芝士蛋包，熔了芝士加上沙津醬口感襯絕，蛋口感滑而香口，沒有over-cooked。最後點了腿蛋麵，吃得出腿蛋香味，但可能湯底水太多，味道偏淡。總結，價錢超便宜又飽肚，重點是味道(包類)也好，不用重返學校也重拾以前吃過的小食味道，

今早食呢間，三十多年歷史的小店。名不經傳，坐落大窩口的外賣店。叫了熱狗和漢堡包餐。女友說熱狗是小時候的味道，回味非常。漢堡包餐跟雙蛋，夾埋入包中間，包略煎過，又香又熱，漢堡排都OK，加上煎蛋及沙律醬，十分好吃。跟奶茶，亦夠滑及有茶味。

Vi 無意中發現呢間快餐店, 都幾多人去買外賣食, 所以就試下廚房對住馬路, 感覺唔太衛生咁店入面得3,4張台, 所以比較少人會堂食但就係工人既天堂, 因為呢個出飯夠快! 可以幾分鐘食完就閃人Vi 最後點左個排骨汁既什扒飯, 32蚊都幾抵個什扒飯其實就包括豬扒,牛扒,雞翼,香腸同煎蛋, 份量十足!!抵食!Vi 突然唔想食牛扒就換左做豬扒, 即叫即煎 熱乎乎好正個排骨汁甜甜地幾入味! 另外個雞全翼唔會整得太老, 都算ok什扒飯應該係呢度既鎮店之寶, Vi見好多人都係叫呢個~~