新唯一麵家 (已結業)

時運有幾低先可以入到一間咁惡劣嘅餐廳本住其他唯一都係穩陣正常的心態入咗嚟，點知係差到貼地。都係我錯：一錯在我講唔該餐牌，2個阿姐1個阿叔唔發現枱面冇menu，已即時爆我，阿叔仲衝過來拍枱，後來發現真係冇menu, 就悔氣啪一聲放响枱面二錯在我問清楚個餐可以改嘢嗎？阿叔再次衝過來拎起個餐牌拍落枱喝我“緊。係。唔。得。啦“三錯在我冇發現佢冇出單，我去收銀比錢，阿叔見我冇單又鬧，喝我問我邊個幫我寫單唔出單，我話“係你喎“，佢把原來想爆嘅核收一收，講咗句……“多謝“我都好多謝你新唯一！

想不到我人窮志短周日早餐竟然行到厚福街卻有一個幾好經驗原來仲有街坊上海鋪26$起有面有熱豆漿which was my favourite 今朝凍冰冰真合心水才二十八元豬排湯麵竟放雪菜完成了本人二十年來的想念當然豬肉是造好放過一會但本人是衣食之家人家收那麼克制你想點播食左人地隻車（居）乎而且一早就知人窮志短有錢吃好無什麼時候看餸煮飯有一男食客走來買晒他們手上的餡餅才7 個我很喜歡😘預製也不過造好七個而已⋯⋯上海唯一是一個會推薦的尖尖小上海面店

三十幾蚊就有咁豐富既下午茶餐，係尖沙咀實屬難得👍🏼最緊要係有水準如果唔飲咁甜豆漿既，建議叫熱豆漿，可以走糖或者自己加糖都得餃子煎得香口又脆，肉量就適中。小食唔揀餃子仲有其他選擇的😊麵類選擇都唔少咖！除左麵餐仲有菜飯餐，下午茶都差不多，全院滿座😏

岩岩有報紙去左厚福街聲稱食曬全條街所有餐廳，當然唯一都係其中一間喇~最後的評語係冇特色....同偏咸...其實就咁...呢間鋪頭係呢條街都已經好多年...如果真係冇返三兩三..又點可以係到生存咁耐丫...講返野食喇~佢其實係食港式上海麵的餐廳，由以前好殘舊到而家裝修完變返現代..價錢都冇乜點加過....當日叫左個東玻肉麵同豆沙餅。麵湯係類似雪菜肉絲麵的湯底，味道夠的。麵就普普通通，唔算好食，但標準的!東玻肉呢....如果有帶肥肉個舊係好好食....因為好入味而且夠肥但唔膩...不過如果係剩瘦個舊就......太瘦了...成碗成份量係夠的!!因為佢仲有連一份小食...叫左紅豆餅..真心好食..因為紅豆應該係佢地自己整...一粒一粒唔會勁甜...但中間又有沙...真係好好食...就算單點價錢都唔貴...值得一食!係尖沙咀..有個咁既價錢既餐廳其實已經唔錯....再加上野食真係見得人...所以可以再食!

以前成日食唯一，，覺得好食。今晚第二次食新唯一，，，坐低侍應話有晚餐，，晚餐紙有面，飯，粗炒，配一個小食。。。我點了豬仈粗炒配鹵水雞亦。58文。先來雞亦三隻，瘦瘦的，吳夠鹵水味。。豬仈粗炒等左好耐。。終於來了，色 水一般， 吳多吸引香 一般，吳夠正宗上海野。味 道愈食愈難食。。粗炒好硬，豬仈都係硬的。以前唯一真係好食的。。但今晚食新唯一，覺得已經變質了。。。一碟食物做不到色香味俱全的時候，就不能叫美食。。。我雖然不是專業食家。但食客的心態，就是覺得食完俾錢個一刻不開心。。美食可令人感到開心。。但我今晚感覺不到希望新唯一的工作人員如果看到食評。。好好改善店內的食物質素。。。。

放假出咗尖沙咀，約好友去食個午餐，只有20分鐘！所以快快去厚福街搵食，呢間朋友食開，去到門口雖然唔使排隊，入內都要夾枱，剛剛有客走！張枱放滿上手食客嘅食物，店員姨姨執枱，見佢執淨杯大半嘅豆漿，好友提醒佢枱面杯豆漿係上手嘅，店員姨姨好晦氣話會執，朋友都忍不住講一聲：都係提你一句啫！店員又會好努力打滿個場，咁呢樣好合理，但店員就唔會睇到張枱腳係非常佔地方，我哋坐靠牆梳化位，佢推張枱埋我哋嗰邊，其中一隻腳就頂住我朋友，朋友要自己移動張枱去遷就個腳！佢哋又急又趕！對客人會粗魯啲！自己攞枱面嘅落單紙剔好比店員，食物有驚喜係即做，因為我嘅炒年糕等了一段時間！而小食全部熱辣辣！呢樣令我明白點解服務粗糙啲都有人來食！午餐（$42）上海炒年糕：即叫即炒熱辣辣（真係辣嘴）黃芽白爽脆，年榚片煙韌，肉絲正常，醬汁好濃香，剛剛包裹年榚片！好味！鍋貼：鍋貼底香脆，餡料足！菜多肉少！唔乾好味！朋友食：蔥油餅上海粗炒食物真心唔錯！即叫即做！又幾足料！明白店員忙，不過可以快之外唔好咁粗魯就更好！來食飯又唔係來攪事！ 上海速食！

星期五既晚上，crazy shopping night 後乖乖地去食平嘢，今次友人戴左我去平價的上海店食嘢喺尖沙咀，無6,70元都5洗落樓。竟然俾朋友介紹下去左30幾元一碗既上海麵價錢大家都睇到了，有錢就叫小食同豆漿，手鬆點就可以叫多個小食喇，同行友人強烈推薦招牌餡餅由於本人係餃子怪，所以點左水餃雲吞麵，又再點鍋貼。說真的，個鍋貼唔多好食！可以不叫餡餅都唔錯，熱d會再好食d雲吞麵不錯，當然不能比較餃子專門店啦但尖沙咀用每人50元食到好飽又豐富的晚餐，算係唔錯了下一次，當大家手緊時，又諗唔到食咩嘅時候，可以去光顧一下小店哦值得一讚，店內冷氣充夠，喺炎熱既夏天，冷氣夠係好重要嫁！加分俾店家

以前在加連威老道返工時的必食午餐,事隔多年餐龐重新裝修。餐廳名還加了''新''字~ 當年最喜歡唯一的水餃 本想來碗淨水餃,但午餐好似比較化算!!好~就黎一客水餃麵+小食!!一碗水餃麵已有4粒大大水餃(其實淨食水餃已然很夠)!!即使餐廳名改變了,店舖裝修了。但味道依然~水餃肉汁鮮甜男友則來了一份豬扒粗炒,個人本來就不喜歡炒野。但豬扒很入味!!再配上我另一致愛煎紅豆餅作最後甜品!!紅豆餅即叫即煎,且皮薄煙韌極速比我地KO了!!食咗咁多野,再加豆漿都唔過90蚊!!! 有機會一定會再幫襯過~

厚褔街"唯一麵家"由舊店食到"新唯一麵家", 食物沒有太大差異, 但今日重不在於食品質素,. 而是服務一日比一日差差差近來發現此店一直有午餐優惠, $38指定麵加$5元可以多一杯豆漿. 原來我一直去都是比正價收費, 直到今日對面客人叫我同一樣食品, 才發現價錢有出入.  當我問落單的職員時, 佢話我張單寫錯. 但收銀仲問我係咪分開叫飲品, 我話沒有, 是一併下單. 我想借用此平台提醒各位, 要到此餐廳必須留意職員寫單, 我一直沒有特別去Check 單, 原來佢地成日咁樣出古惑!

尖沙咀雖然有很多餐廳，但要找家不太貴的絕對不易。這家除了可散叫一些湯麵粗炒或小食外，亦有提供兩三款套餐，各款食物大多是 $35-50。和朋友算盡了還是決定散叫食物，因為我們二人都不太想喝飲料，而散叫亦可多叫小食。兩款麵食都麻麻。擔擔麵雖然夠辣，但就較水和欠缺擔擔麵獨特的麻醬味。雲吞麵的麵和湯都比較清淡，幸好雲吞的菜肉餡也尚算有味。小食是做得較好的，兩樣都夠熱。餡餅皮的厚度適中，加入的菜肉餡均勻，有不少汁。葱油餅厚厚的有多塊，麵粉足所以很有飽肚感。

呢間小店裝修後比較企理，但唔算靚，睇得出無好用心機打理。呢度服務一啲都唔好，一個光頭侍應，落完單，隨手掉張單落枱，態度極差，真想掉番佢張單轉頭。試下食物先... 豆漿豆漿應該係之家製，熱辣辣，味道質素相當好，值得一讚。👍🏻無錫小排骨酸甜味啱啱好，但肉質肥膩，汁底好肥膩，整個都肥肥膩咁👎，至於個麵有雪菜鋪面，麵質軟熟，過得去。豬扒麵唔熱，似隔夜豬扒，肥膩得很，零分👎蔥油餅香蔥味道唔夠，非常肥膩👎，不過熱辣辣，份量多。窩貼啲餡嘅味道係好，但皮厚，極肥膩，葱油餅同窩貼都咁肥膩👎，全部因為佢哋唔係即叫即整，而係整咗之後由得佢擺喺度，等啲油被索番落啲皮果度，睇得出無心做好，得過且過，一成不變。👎總括一句，前人係有好配方做食物，現在嘅老細無心機做食物👎，服務唔改👎，態度唔改👎，只能靠平👎，可惜！

從前(在差不多二十年前) 厚福街就係在尖咀區內打工仔一族開午餐的重地之一, 那些年的厚福街有賣車仔麵的麵檔, 食越南野嘅小餐廳, 兩間粥鋪, 甜品店, 時移勢逆大部份食店都不再存在, 包括呢間: 唯一麵家, 當它消失時自己心裡都一沉感覺很可惜, 眼見它曾經在這條街道上發光發亮, 無論你喜歡它那用得有點過火嘅味粉, 不懂得待客之道嘅店員, 在鋪尾還有一排面壁位, 要你坐得很不自在, 大部份客人坐着那排位唔使20分鐘會食完起身走人, 刻意在門口位置做的即煎韮菜餃/ 北京餡餅弄得一入門口或者經過門口只要你是喜好韮菜這強烈氣味的菜香味的話, 好大機會會不知不覺地行了入店內, 始終這種平民食肆又怎可能抵擋租金以幾何級數的上升壓力呀, 幾年前曲終店散了, 之後個鋪位投閒置散了一段時間, 被一班青年人租了來做甜品店, 只可惜一幫小伙子只做半天生意(因為甜品店只在黃昏才開工) 當然要維皮不易, 突然之間中午都開檔但就賣上海麵食, 餐牌是新唯一, 到底這是”唯一”的後人還是一些以前唯一的客仔以此為名則不得而知, 過了不久15年中新唯一登場, 由甜品店過渡上海麵家, 就這樣老尖繼續有”唯一”只係多咗個”新

入座後午餐時間忙本人是暸解的， 但坐了10分鐘有多才幫客人落單， 整枱人不停等等等。到點好餐，食物卻不是熱的也算了，到最後店員胡亂開單， 將別的客人餐費開錯在同一張上不更改， 付款時收銀員說$94蚊， 我只點了個常餐$60.00, 問點解銀碼收我90多， 明明只叫了一個餐， 收銀人員態度勁差不回答反問我原因，說"你問我我就係想問返你"， 自己不跟自己店員溝通還要怪我， 反問起單價不是我寫的為什麼要問我， 她仍還不認錯，付了$100找回$40.00時還要不停講說話我聽， 大大力把錢拍在我手上， 真得很過份很氣憤， 吃個午餐$60還要受氣！ 永無下次!!!!!!

呢個係「燻魚」，同以前未裝修老店嘅時候味道完全唔同，只係一個舊魚放係D汁上面，腥！魚肉係白色嘅丶冇燻過丶亦冇用汁浸透丶帶點血水色嘅紅丶稍為炸過丶好腥！可能已經係第二代經營，究竟佢哋有冇自己食過自己店整嘅嘢？究竟對唔對得住創店嘅上一代？#唯一麵家

上海炒年糕喜歡它得多菜！炒得不錯，剛剛好，不會糊！味道都是正正常常，不過太咸~豬扒粗炒比想像中多豬扒！味道跟上海炒年糕一模一樣！菜心正正常常，挺新鮮的餡餅好吃！皮薄，多餡！煎得香脆！喜歡韮菜的，一定要試！豆沙窩餅皮超厚。。。不好吃。。。。