新唯一麵家 (已結業)

晚上時份與家人看完電影後，便到不遠處的厚福街晚餐，短短的街道食肆甜品店林立，最後去食家人喜歡的上海菜。想不到尖沙咀地段租金高昂，價錢也可以這樣平民～食物選擇亦多元化！豬扒菜飯 - 豬扒炸得不油膩，肉質鬆化不太乾身～菜飯份量大大碗，食落飯粒軟硬適中，菜切得較大瓣～有肉有菜心理上感覺都會健康一點！招牌餡餅 - 餅皮厚厚包裹著韮菜及肉，肉汁多，韮菜爽口，口感豐富，熱食下更顯美味～上海炒年糕 - 炒得尚算有鑊氣～年糕薄薄軟稔，煙韌度就不過不失～有蔬菜及菇類伴隨邪惡感都不會太重！淨牛腩 - 牛腩份量適中，味道軟稔索汁不痴牙。配以白飯食味道會更好！另外點了兩杯冰凍豆漿，店員會細心地問是要無糖的清豆漿定還是加了糖的凍豆漿～不過忘了拍照～

坐低先來一杯凍豆漿，冰凍夠甜，味道好飲。檸茶 $18 同行朋友係檸茶專家：茶味香濃，很有茶餐廳的味道！五香牛肉菜飯$50菜飯，有好一段時間無食，很懷念白飯中的白菜絲，很清甜。五香牛肉好夠味，偏濃了一點。鍋貼$18外表煎得香脆，很吸睛的說，咬落去唔算好多汁，但是餡兒填滿了餃子皮的空隙，密質質的，有菜有豬肉。淨牛腩 $32，牛腩整得好林，咬下去很軟熟，相信時間好夠，牛味重，味道剛好不會過鹹。淨燻魚 $32 鍾意食魚的朋友要試試喔，魚肉鮮嫩多汁，幾抵食！食左咁多肉，當然是來一碟郊外油菜($16) 試試看，又不錯，好鮮。

今日去咗尖沙咀 行到厚福街 居然發現咗平價上海野 我地2個人叫到成枱都係野食 都係200蚊 認真抵食我地大概七點度到 可能都較早 再加上係星期一 所以店內冇乜人 店面較細 多人可能要搭枱 無錫小排骨 處理得好好 個汁甜酸適中 肉質又諗 十分滿分✨鍋貼 個皮偏厚同有小小油膩既感覺 入面包既係韮菜 但唔算太香 以上海野黎講 唔太岀色酸辣湯 個湯做得幾好飲 都幾大碗 食湯麵都可以轉酸辣湯 不過啲餸就冇乜野食上海粗炒 炒得好香 好有鑊氣 不過稍油 佢好似冇乜餸咁 但啲餸其實喺哂底 有椰菜 冬菇絲 同肉絲 好正不過成餐最驚喜既係鹵水雞翼 其實本身係口痕想食 估唔到鹵水汁整得好夠味 雞翼仲好有彈性✨不過啲店員全部都係啲姐姐級 無乜禮貌又大大聲咁 就唔算太好服務啦😀 唔介意都可以試下嘅

行完街同媽咪撐枱腳，揀咗呢間抵食又好味嘅上海菜～首先叫咗碗豆漿好滑好甜～豬扒粗炒，炒得好香，豬扒好入味，仲要好多塊～招牌餡餅入面超級多料，滿滿嘅肉同韭菜，好好味～淨牛腩好味，份量仲好多～炸雲吞新鮮熱辣即炸，好香脆，料多肉，好好味～酸辣湯好大碗喎，酸辣得啱啱好，好開胃～總括：食物種類多，價錢非常抵食，仲要份量好多，好好味～

剛去完旅行，在旅途中不小心把新買的相機跌壞了，回港後要拿去尖沙咀維修，剛好經過厚福街見到這間上海店見有位置就坐下來試試。 凍豆漿，口感滑順不會太稀淡，甜度也剛好。 招牌餡餅，金黃外皮外脆内軟，內餡爆滿有濃濃韭菜香，口感十足好美味，必試之選。 不想吃飯麵，所以點了一碗淨水餃，每隻水餃都好大隻，雖然不至於爆汁，但是裡面的肉餡相當鮮甜，嚼勁中會帶肉香，可惜外皮偏厚硬，扣分。 朋友點了無錫小排骨麵，麵質煙韌彈牙，好大碗就算大男人吃也夠飽。 酸辣湯，材料非常多也相當大碗，不太辣，酸味明顯好開胃。

去到尖沙咀食野周圍都要排長龍一直行一直睇有咩係想食見到呢間上海餐館又唔洗排隊野食又唔貴所以就膽粗粗入去試一試估唔到都幾有驚喜MENU入面選擇唔多不過價錢係尖咀黎講就算係親民因為肚餓既關係我地嗌左幾多野食炸豬扒菜飯$48好感恩因為飯係同豬扒分開上！！非常之加分，因為唔怕冇位食飯，而且份量超大！！兩個人share都得，個菜飯，菜同飯既比例係1:2咁濟，唔會食食下變左食白飯，個炸豬扒唔係落勁多炸粉炸，口感一流炸雞中翼4隻$40價錢係講係算有點貴，但係想食都冇計！估唔到又幾好食，佢係話炸，但似煎多啲，個皮好香口，雖然雞翼size唔算好大，但係肉質好嫩滑，可以一試！！淨牛腩$32呢個最鐘意！！牛腩已經煲到勁淋，食落真係一啲都冇痴牙，最正係個汁，送飯一流！

得閒經過尖沙嘴 唔想食黎食去都係d 貴野 發現左間台式麵館面的湯底為魚湯 味道很濃面身係偏硬底五香牛肉 有台灣麵館既風味 五香味都重排骨有小小過咸...整體黎講都係唔錯 都唔貴 一碗麵 50$到

放工臨時比人放飛機!!唯有食自己尖沙咀餐廳就多,不過人又多,自己一個食又odd行到呢間叫新唯一麵家睇落去似係小店經營咁,menu又幾抵咁所以就入左去食lu自己一個食都要食好d嗌左有東坡肉菜飯($50)，郊外油菜($16)，煎窩貼($18)東坡肉菜飯菜飯黎講質素算係唔差,d菜唔會老到食唔到,份量比想像中大好大,一個男人食哂成碗都已經夠飽,不過一開始唔知咁大碗所以又嗌左窩貼食,東坡肉肥得黎唔會覺得流,仲要舊舊都咁大舊,超抵食郊外油菜份量算係okay,一開頭見到咁多菜幹都打左個凸,因為我鐘意食葉,原來佢收埋哂d葉係低哈哈!!食落覺得濠油太少,我叫呀姐比多d我,佢都好樂意既,抵讚!!煎窩貼呢個最後先到,食到都飽左9成咁濟,好彩呢個唔會煎到好鬼油,如果唔係都食唔落,佢d料好足,而且皮唔會太厚!!仲有d汁滴出黎tim,不過因為太飽,食唔哂咁多

方便省錢的尖沙嘴上海快餐店系尖沙嘴的平民食店招牌饀餅$16～上海菜味濃重口味系特點皮好煙韌有咬口韮菜好香配合半肥瘦豬肉更香口爆油大大件好抵食酸辣湯豬扒湯麵$42～酸辣湯足料酸度剛剛好上海麵一般水準沒有驚喜，但豬扒好脆好淋滑另上更滋味凍豆漿$12～本店自家出品，豆味濃，沒有豆渣抵食之選，在尖沙咀的開飯平價熱店

下午茶時間，看到價錢吸引抵食就去試試。酸辣湯。我喜歡酸辣湯味道酸酸帶點香辣口感。這裡的酸辣湯黏黏的內有豆腐、木耳、肉絲，酸辣平衡適中，可惜湯品不夠熱，入口冷冷的，大失分數。招牌餡餅。薄薄餅皮煎得不夠香脆，不油膩已經算是不錯。豬肉和韮菜味道濃郁香口，餡料滿滿肉汁豐富，算是出色。⋯服務要多多留意，店員談吐大聲，沒有笑容。店內客人不多但座位卻被安排坐到門口。

今晚一人來到尖沙咀，假日間間食肆都要等位，隨便找上一間餐館吃飽就好了。價錢的確吸引。咸豆漿。豆漿內有油炸鬼、酸菜、蝦米。杰身的豆腐內有滿滿的餸菜，咸香豐富味道非常特別，豆腐不會有甜味，的確新鮮。淨雲吞。6隻大大雲吞味道非常驚喜，皮薄餡料多，豬肉餡滿滿，雲吞皮薄不會厚粉，餡料湯汁豐富，肉鮮出色。上海粗炒。烏冬炒得乾身不油膩，醬油香濃不會太咸，略微豬肉太少口感單調，烏冬彈牙不會淋，醬料再重味道更好。⋯味道普通，但服務不太好，店內嬸嬸毫無笑容，聲音太大好像呼呼呼喝喝的感覺。

同朋友行完街，肚餓就去左尖沙咀食街揾食^_^睇到意間上海菜，價錢同食品都幾吸引^_^一行三人就入左去睇完餐牌，價錢都好經濟^_^我地就決定叫小菜為主^_^分享一齊食招牌餡餅 必食 皮薄餡多味道一流無錫小排骨 抵食必食 有十多件 入味香濃東坡肉 必食 肥瘦適中 軟棉可口酸辣雲吞湯$40 必食 稀杰適中 酸辣開胃咸豆漿加蛋$16 第一次食味道特別菜飯 必食^_^此店會加入蝦米炒菜，非常香口，坊間少有整體^_^味道質素好好價錢抵食，值得再去

友人一問今晚食咩, 我就提意入厚福街啦, 日韓西咩都有, 食完仲有甜品店.但未行到最入, 係近街頭就有間新店是上海菜, 友人二話不說就入去, 原本價錢吸引, 又夠飽肚, 岩哂大食既我地. 餐牌好簡單, 得二頁, 另外一張炒野食的. 全部都是細細碟價錢平, 基本上叫個小食加麵已經超飽.但我地又點會叫甘少啦, 最後當然食唔哂個粉年糕啦.清豆漿加蛋(左)$16 , 凍豆漿(右)$12. 前者是沒調味的豆漿, 重豆味又順喉, 加左蛋特別香. 後者是甜豆漿, 甜度適中.一次過叫了6款食物, 小食偏多, 因為我地想食多幾款. 雖然望落細細碟, 但原來好飽肚, 可能肉類同粉麵類份量多.招牌餡餅 $16必食的小食, 煎得超香口, 個皮好脆身, 餡料多到爆又多肉汁, 好多韭菜好香.煎窩貼 (4粒) $18, 餃子皮一向偏厚身所以好易飽, 但幸好也煎得香口夠脆, 肉餡不算太多, 但有肉味同多汁.無錫小排骨 $28, 呢個小食都是必食之一. 估唔到肉排煮得唔韌, 仲好易離骨. 味道帶甜的醋, 食完好開胃, 一件接一件食唔停口, 真心好味推介.炸豬排 $28, 炸得不算香口, 反而肉質鬆化易咬.效外油菜 (菜

早幾天放工去左尖沙咀睇示範單位，睇完都成9點幾，諗唔到食咩！於是 search 下附近有咩食，點知搵到厚福街既新唯一麵家，就同朋友試下食呢間上海菜。由於成 9 點幾，太肚餓既關係，即刻點左個酸辣湯先。碗湯都幾足料，有豆腐、菇、肉絲、冬筍絲，酸酸甜甜都幾開胃，而且大大碗，我同朋友每人可以裝到 2 細碗，都只係$32，平到笑！　　另外點左個雞翼菜飯，咁岩 d 雞翼係岩岩煎，好香好脆；而菜飯 d 菜我縑唔夠多，如果多少少會滿足d ~哈哈，所以另外點左個菜芯，健康之選，因為係用滾水碌熟，唔係油炒，加 d 蠔油汁上去吊下味都已經好好食！朋友就叫左個上海湯年糕，估唔到咁好食，年糕勁煙韌，好有口感，而且湯十分濃郁、惹味，而又唔會覺得鹹 ~最後飲埋 d 檸樂加薑，好滿足，甜甜地帶辣，驅寒咁，令我回憶起以前呀媽成日煲比我飲！

位於尖沙咀的新唯一麵家，是一間以平價的上海餐廳在尖沙咀這些較貴地租的地方，不用$80元，你便可吃得好飽哦。 尖沙咀厚福街5-6號多富閣6號地舖咸豆漿$14首次飲咸豆漿，味道頗特別哦口感滑溜的豆漿，沒有甜味，帶有淡淡的咸味當中有油炸 鬼和榨菜粒，口咸豐富，份量不少。招牌餡餅$16最岀名的餡餅是我來這裡的目的，包著滿滿的韮菜和肉碎肉汁滿佈，但個人希望更重調味一點點餡餅外皮微煎，若肉味重一點會更好了炸雲吞$18一客三粒的雲吞，大大粒雲吞皮厚，炸至香脆，咬下脆卜卜但油溫和油用得過久，令外皮炸至啡色而非黃金色。雲吞餡多，用料十足哦煎鍋貼$18厚厚的鍋貼皮是我對懷舊傳統上海店的印象好像香港大部份懷舊鍋貼店的鍋貼皮也不薄的咬一口肉汁滿溢的鍋貼，味道不錯外皮煙靭帶點勒性。無錫小排骨$28小排骨份量不少，酸酸甜甜的醬汁令排骨更惹味可惜有些小排骨肉有點太勒，而帶軟骨的排骨較好吃。淨燻魚$32上網看過燻魚是經醬油浸泡後炸成，魚皮十分香脆可口我全部吃光光。肉質扎實，魚排部份較淋身，有不少魚骨要小心哦