新廣南餐室

營業中

休息中

是日本來想到中國餐室懷舊一番的，可惜怪自己沒"做好功課"，記下正確地址，跟女友在街上左逛右蕩。後來走得雙腳發軟，看到這間也算是老店的餐室，就以此店作為晚飯之處好了。進店時客人只有數檯，店內裝修明顯改動過，不像其他"老店"仍保留著昔日的"格調"，不過店內也算是整淨光猛的。原來還想點這裡的招牌海南雞飯的，但在中途殺出了"程咬金"，就是 - 焗椰汁雞飯。自己對焗椰子雞飯極度偏愛，事緣早年住在沙田第一城時，曾經吃到一個使用原盅細沙煲，再用椰汁原煲焗熟的椰汁雞煲。雞肉極度嫩滑，雞肉椰汁完全合而為一，直到現在仍吃不到更好的同類作品。我女友因為有點抱恙，所以點了個即叫即整的咸魚肉餅配白飯。先來的例水是白菜豬骨湯，味道可以但有請師傅"坐陣"。再過了一會，我的椰汁焗雞飯便來了。看著焗得微焦的表層，再聞著焗過後更右香濃的椰汁味，感到自己的胃已在抗議要立即起筷開動。芋頭粉腍吸收了椰汁味道更加得以提升，經焗製後亦增加了一點點香味，不錯。而主角雞肉原來是用海南雞的雞肉來做材料的，即是一菜二味了。雞肉經焗製後依然頗嫩滑，帶著一點點咸味的雞肉浸到一點點甜的椰汁中，味道實在有點複雜但也美味。其實整個的精髓就在其汁之中

睇左open rice知呢間又多笑容 又經濟 ..單拖去到7點幾食飯時間都係小貓3,4隻..就覺得奇..但居於好奇點解多笑容就入去試下,,叫左咖哩牛南煲+白飯,湯,野飲 43$ 咖哩試一啖就覺與別不同,但接受唔到唔知似乜既味..但隔離台有d大人好似特登帶人去試咖哩話呢度香,,我唔覺..睇黎各有不同啦, 其他一般般埋單突然48$ 原來加一服務費吹脹..真係下面話齋,茶餐廳做法,氣氛環境點睇都係,但做餐廳加一,真係莫名奇妙)醫肚還算ok,試好野就免啦..

小妹一直都在旺角返工, 知道一家有幾十年的老店, 真是難得.之前一直都食海南雞飯, 雞夠滑又不油, 中間夾住一層透明的肉汁, 油飯亦不錯咖哩是第一次試, 不辣, 濃香, 值得一試

自從沒有我由細食到大既南亞餐廳，我真的很不開心，因為已經食不到南亞的那種curry，但上星期六竟然給我找到！廣南的curry很像南亞的，濃濃"傑""傑"的，很香，椰汁又唔多，實在太好味了！下次一定會再試其他食物！

星期日兩點幾行到附近,入去食下午茶,叫了福建炒麵$23,有蝦有肉,麵也炒得很好味,雖然連加一要$26,但也是不錯的選擇.

原來自己睇食評係咁粗心大意,明明係餐廳,唔知點解,總係以為佢係茶餐廳?!由於太太近來要響旺角上堂,多好多機會響附近搵食,終於到呢間。網上意見不一,不過無論如何,總要親自試先得。叫海南雞飯、焗石斑豬扒飯套餐(包湯同飲品,凍熱同價添!)餐湯要羅宋湯,我自己就覺得唔多掂,一味辣同咸,一d茄味都冇。不過太太就話OK,太鬆手啦!主菜上場，海南雞飯先到。d雞唔肥，同都算入味。d飯好正，唔油膩仲好香口。跟餐有個湯，係葛湯。好濃郁！整體講，妹仔大過主人婆啦！之後焗飯都到喇！雖然要等，但係等得有價值。豬扒有質感，而且做到外脆肉鬆軟。飯底茄味濃郁，可惜有少少油膩。不過，焗飯好難唔油，去下大家x、大快x，仲油...最後，石斑真係冇乜特別...餐飲要奶茶，以餐廳講，水準算唔錯。服務ok，起碼落單、上菜都幾快手。有機會應該會再。

有朋友知我鍾意食海南雞飯, 就要去旺角呢間老字號"新廣南" , 佢地話呢間海南雞飯水準不錯. 今日到旺角整野，就有時間空檔去試下呢間既馳名既海南雞飯. 一入到呢間舖，真係帶比我好有一種舊既感覺。一入到黎, 只對海南雞有興趣, $38 套餐, 有例湯, 加$3 有野飲. 首先送上黎既係青紅蘿蔔豬骨湯同凍咖啡。例湯都幾足料既，ok 幾好飲.而杯凍咖啡，我未試過係咁難飲. 呢間餐廳係唔係想整蠱我, 甜到癡肺. 我唔係味分高下既嘉賓要比D 表情出黎比大家估下, 我飲杯凍水都無咁嬲. 原來未住，好戲盡在後頭.先甜後苦，我已家深深體會到. 當海南雞飯一到, 我就眉頭深鎖, 雞就毫無賣相可言, 乜野叫一額汗? 我而家就感覺到. 同埋點解會無黑醬油? Waiter 就叫我用桌上的美極醬油.當堂真係好想叫老板出黎解釋下. 你呢間係賣海南雞飯架???? 食完個雞先知出事, 我係唔係味覺有問題? 點解隻雞會有沙薑醬味既? 雞份量又少. 只有個雞油飯就好食, 加上香茅,乾身唔油, 很香.我拿拿臨食完就埋單走人，我唔想坐得耐. 我驚坐耐D 就想打人. 真係虧佢仲識收加一.... 茶餐廳格局, 餐廳收費，真係虧佢

看完了建築材料，隨意走進了一間餐室，竟有驚喜。這兒上菜很慢，但食物質素不俗。芝士吞拿魚焗意粉的上菜時間約十五分鐘，汁料香濃撲鼻，意粉爽口，比一般餐廳做得好。而梅菜扣肉也不錯，扣肉蒸得剛好，肥瘦相宜，可惜梅菜扣肉竟要等上半個鐘。除卻要加一，這兒也是旺角區一個不俗的選擇。

30/3(五) 8:15pm下課後於旺角覓食.本人於此區覓食的態度是切勿三思,達者為先!跟男友結伴到其兒時飯堂之一的新廣南一試虛實.此餐廳位處毫不起眼沉寂的上海街,是彼街繁華的彌敦道形成強烈對比.於這黃金時間餐廳亦非高朋滿座,我倆輕而易舉奪得卡座;風韻猶存的格局:綠與白的格仔桌布,老套的仿皮卡座,昏黃的光線,半開放式的小廚房;所有舊式茶餐廳應有的icon均都齊備.依男友意願,點了乾煎咖哩雞飯$42,焗石斑豬扒飯餐$38跟餐湯及餐飲,蒜茸炒通菜加$5,茶走加$5.羅宋湯--羅宋湯茄汁味重致入口嗆喉,人工的甜味蓋去天然蕃茄酸,至於西芹,蕃茄,洋蔥,紅蘿蔔等配料亦算豐富.乾煎咖哩雞飯--乾煎咖哩雞挺香口,馬來咖哩椰汁香偏重,入口滑溜而辣度輕微,雞件如雞脾雞翼肉質滑而腍,鮮味則一般;此外,配以爽口的青紅椒,洋蔥片,以及用多士墊底吸其油份,但收效不大,油份依然過甚!焗石斑豬扒飯--意粉乾身有咬口,醬汁帶濃重茄汁味,乃舊式做法;豬扒質地軟腍得有點不自然,肉味尚濃;至於石斑份量不夠睇頭,並非超其魚鮮.蒜茸炒通菜--通菜勝在炒得乾身不油,唯份量較袖珍.茶走--略甜,茶香給埋沒,還好入口尚算香滑!凍檸茶

就係罷食海南雞飯。食既係馬來咖哩羊腩飯，$1 轉油飯：羊腩已經唔可以再用「稔」字o黎形容，而係用個「化」字o黎形容；羊腩唔多，骨好多，椰汁都好多；辣味只係一般，味道都只係一般。油飯一粒粒得來又散散地；雞油無「傳說中」的傳神，茅香亦無「傳說中」的濃郁。可是仍會再來：好奇甚麼是鐵板扒餐的「法式紅飯」，同想試焗椰汁芋頭雞飯、炸醬/酸辣牛腩米線同海南羊腩飯。

早聞上海街有間老字號"新廣南",海南雞飯水準不錯,中學年代更有同學說道此店的咖啡是神一般級數.)我唔飲咖啡,只對海南雞有興趣,$38一個set,有湯,加$2有飲品.例湯蓮藕豬錚湯,頗清甜.海南雞飯一到,為何沒有黑漆醬油?店員就叫我用桌上的美極鮮醬油.不禁失笑.雞油飯加上香茅,乾身唔油,很香.雞肉有雞味,皮光肉滑.難怪夠膽死醬油三缺一.不過海南雞飯,沒有黑漆的醬油,又有點兒那個,即係80年代樂隊風潮下的二人樂隊Raidas,沒有林夕的鬼斧神功之助,會否留下一些.到今日依然令人討論的"傳說","傾心","某月某日"?

佢地d小菜係好普通, 茶餐廳水準啦. 食呢d舊式馬來西餐(可唔可以咁叫呢^o^) 主打梗係"海南雞飯" 啦! 雞滑飯香唔駛多講,例湯先係最正! (不過有小小味精,最好走埋味精啦) 幾乎次次都係見到雞腳湯或赤小豆粉葛, 連我班台灣friend 都話下次黎香港都要食呢間.有無人試過佢既"海南大餐" 呢? 好似$68, 好大份,我同我師傅2個人一齊先食得完呀^o^

10點左右與朋友一行5人到此食飯，點了些小菜，一上台嚇到呆左，一碟小菜每一只可夾兩件，而且又凍又唔新鮮，同D伙計講佢地竟然話:「係咁GA喇，叫左你地唔好叫小菜GA啦!」咁都得??? 我黎食野好似仲係我唔岩??找老闆娘理論，竟然求其LAW D腰果幾粒出黎了事，簡直係離譜，當我地係乜?仲要收我地加一，以後都唔會再黎。

早餐叫個魚柳餐,魚柳炸得香脆,肉質較實,都算有魚味,唔錯.最特別係佢提供埋一塊檸檬,加幾滴檸檬汁o係魚柳度,引起食欲.喱樣野真係好小茶餐廳會做.薯條炸到好窿,而且明顯係"番炸",唔得.牛油方飽較厚而軟淑,牛油充足,又係好食.另外佢仲有越式湯米線早餐食,如扎肉等.為一間非一般茶餐廳.

20051105 8.30pm同男友去旺角買o野, 行到好支力搵o野食. 年前apple 帶我黎, 今日就輪到我帶男友o黎.要o左個二人餐, 有咩食? 見圖不贅。只嫌雞太少，唔究喉，同埋個湯好正~係花生雞腳豬骨，勁補骨膠軟！埋單只$90, 平靚正.