新新酒家

營業中

休息中

從朋友處聽聞這間位於銅鑼灣謝斐道440號的「新新酒家」早市有$9.8超值小食，原本打算去吃早茶，但起床晚了，到新新酒家時已經3時，但卻 發！現！了！ 一個極高性價比的「1+1」優惠！第一個優惠：星期一至六「下午茶免茶芥！」第二個優惠：星期一至五「下午茶大,中,小點$19.8！」下午茶時段人山人海，基本上無空位，幸好剛好有人離座不用等候太久。這裡是用很傳統的「點心紙」點餐，亦有「大排檔」餐點可以選擇。我下單了「醬皇金錢肚」、「鮮竹牛肉球」、「荷香珍珠雞」，等了十多分鐘點心已經上齊。另外值得一贊的是，午市及下午茶有有一個「特價炒粉麵飯」優惠，我叫了一個「蘿蔔牛腩飯」，蘿蔔炆得很冧，牛腩亦都好入味。午市便飯，在香港中心地帶來說，這個價錢絕對稱得上為超值、良心，食物味道很好，環境尚可，整體來說是不錯的。題外話，看到晚市優惠同樣很多，特別火鍋放題價錢非常吸引$169再八折，用餐時間2.5小時，真係好吸引！等過幾日就試一試佢。

去到銅鑼灣嘅時候，朋友拖我去咗一間好得意嘅飯店。嗰度裝修得有啲復古，但係感覺一啲都唔過時。我地叫咗三款推介菜，每樣都各有千秋，真係惹味到不得了！頭盤嘅「新新燒鵝皇」真係掂晒，皮脆滋滋，脆緊爽口嘅感覺加上肉質滑溜，令我停唔到口🍗。而個酸梅醬嘅味道，就係個perfect match，咸香中帶點酸甜，啖啖肉都令人回味無窮。之後嗰碟「避風塘炒蝦」嘞，簡直正到爆炸！蝦炒得啱啱好，跟D餸嘅香味包裹住攞命蝦膏，每一啖都鮮香彈牙，啖啖精彩，邊食邊讚嘆嘅好嘢😋！最後來個「瑤柱蛋白海皇炒飯」，佢個香口感覺真係正。瑤柱嘅味微咸，但咬落去卻爽口入味，配合上呢扣濕潤嘅蛋白，仲得意過一舊舊布丁，每一粒飯粒都飽滿彈性，真係炒飯中嘅一道亮麗風景。簡單嚟講，係呢間嗰幾樣菜式都實惠，份量足夠，我覺得食得好滿足，順帶一提，仲覺得好飽，食得開心啲，生活就多啲色彩嘞👍!

打電話叫阿姐send啲套餐嚟俾我睇吓，佢竟然話你自己過嚟攞，跟住及線。今時今日嘅服務態度真係冇得頂。第一次遇到啲咁嘅酒樓。請着呢啲員工真係倒米。好心呢啲經濟環境做好啲啦！真係不知所謂。

8位女同學相約聚會，選了這位於銅鑼灣的的舊式酒樓「新新酒家」晚膳酒樓為我們安排了房間，8個女人組成的大墟，完全可暢所欲言😆先來個下酒小吃，但這小吃非常大碟😅金磚豆腐拼金沙魚皮～豆腐外脆内軟，不錯👍🏻加脆脆鹹蛋魚皮，嘩！下酒一流，又不會太膩，味道剛好燒鵝半隻～燒鵝是新新招牌之一，當然沒有我們讓人失望上湯龍蝦，嘩好大隻😍淡淡肉好滿足冰鎮咕嚕肉～有創意，甜甜的無骨咕嚕肉，竟然也可做到皮脆肉嫩，在冰內不斷掏出的咕嚕肉，份量多到吃不完😮不知名堂的瓜菜類～用略似節瓜/合掌瓜，切段，去少許心肉，再放上肉末和香葱來蒸，味道不錯，份量不少的，但也ok了，証明對胃口👍🏻南非鮑魚和蒜香粉絲蒸元貝～味道正常發揮😌但重點是鮑魚、元貝夠大隻兼彈牙，侍應貼心地一早準備了刀叉讓客人享受😎雞燉翅～好足料，盛起來就是一片片魚翅😍新新乳鴿皇～乳鴿是新新是不能錯過的，皮燒得薄脆，肉嫩鎖汁🤤⋯⋯薑汁紅棗糕～薑汁味好出😋好吃到讓女同學們要加單😆連一向不愛中式糕點的我，都忍不住吃掉兩件噢！飲飽食醉，好滿足的一頓聚餐🥰

呢間店既食物唔算特別，係啲家常小菜，味道都很家常。碗碟都係不同花款的，因為新新會收集一些執咗既酒樓的碗碟，以達到不浪費的目標。🦆乳鴿乳鴿味道都唔錯，肉都多，只係不夠脆皮。🐟水煮魚呢味水煮魚非常辣，入面有薯粉，索哂啲辣汁，整來說辣度十分高。🥬豆腐雜菜魚湯整體味道十分之家常，像自己在家中煲的湯一樣。🦞龍蝦伊麵龍蝦比較細隻，伊麵味道不過不失。🧄蒜蓉粉絲蒸扇貝扇貝都很大隻，肉都很多，粉絲有豉油汁既味道。♨️綠豆沙晚市會送糖水，綠豆沙粒粒綠豆都起哂沙，密度都好高，又唔太甜，算係咁多道菜入面最好食的。新新酒家很大的，可以容納到好多人。#新新酒家 #乳鴿 #水煮魚 #豆腐雜菜魚湯 #龍蝦伊麵 #蒜蓉粉絲蒸扇貝 #綠豆沙

📍新新酒家銅鑼灣謝斐道440號1樓之前朋友極力推薦銅鑼灣新新酒家，一直想去試試，於是是日中午約了幾位同事，一齊試下新新的午市美食。酒樓座位分爲卡座、長桌、圓桌，甚至仲有隱私度較高的獨立房間，環境乾净企理。點心方面，我們點了6款，驚艷了我們的味覺，款款都好味，睇得出新新酒家係認真地製作點心的。新新蝦餃皇、蟹籽燒賣皇絕對係真材實料，每籠4個，個個裏面包含多條超彈牙的蝦肉。醬皇金銭肚醬汁果然濃鬱，但唔會太鹹，金銭肚入口軟綿綿，好易咬開，底部還有吸收左醬汁的清甜蘿蔔。蜜汁叉燒腸真係我食過最足料的，薄薄的腸粉皮，包裹滿滿的叉燒肉碎，淋上甜醬油，嘴巴滿足了！脆麻花炸得好酥脆，麻花上面鋪了一些桂花，很漂亮亦添加了桂花香味，喜歡甜食一定要試，而且出面很多酒樓沒有售賣這款甜食，值得一試。金牌流沙包，皮好松軟，一口咬下去，蛋黃流沙瞬間充滿口腔，奶香奶香的，令人想再食一個。午市美味小菜方面，我們點了4款，其中燒味拼盤選擇了叉燒拼燒鵝，員工會貼心問客人喜好叉燒的肥廋程度，叉燒厚切，保持到肉質嫩滑；燒鵝份量也不少，皮燒得夠脆，一上檯，已經聞到鵝香味，鵝件肥瘦剛好，好juicy。白灼鵝腸柏葉爽口又彈牙，第一次食鵝

$159位+1服務費打邊爐來來去去都係食嗰啲嘢不過佢最好食就係像拔蚌啦員工態度真係一讚 大部分都係上咗年紀嘅伯伯 但係活動能力一啲都唔差 仲好好人令我感覺好舒服下次會再來

放假係銅鑼灣行街，行經鵝頸橋附近見到有間寫往任食火鍋$159既酒樓，雖然只限晚市但已經成功地勾引起我既食慾。上一層去到樓面，裝修係80/90年代FEEL，少少舊但仍算企理。坐底睇住晚市餐牌落了幾個小菜「瑤柱蛋白海皇炒飯」、「新新燒鵝皇」和「避風塘炒蝦」。先上「新新燒鵝皇」，上檯有溫度，肉質軟硬同肥度剛剛好，咬落皮脆肉嫩有油汁流出黎，點埋酸梅醬直情一絕。推薦！「避風塘炒蝦」，殼雖然唔食但感覺到炸得好脆，蝦膏同其他調味料洽到好處地滲入蝦肉。值得一贊的是酒樓選用既蝦靚，好彈牙好結實。最後係「瑤柱蛋白海皇炒飯」，瑤柱少少乾身有咬口，炒飯口感適中唔會太油。不過我最鐘意佢個蛋白，比其他餐廳既多，而且不會過熟夠軟身，好似食緊布丁咁。啊，補返地址先：銅鑼灣謝斐道440號1樓，港鐵銅鑼灣站 C 出口, 步行約3分鐘(By 

今次黎到位於銅鑼灣謝斐道440號駱克大廈地下至一樓「新新海鮮酒家」食個快飯，可能平日人流唔算多，放飯時間有限叫燒味飯就剛剛好。上飯時間極快同好好彩，竟然有雞腿食，雞肉唔錯「有雞味」口感亦幾好。叉燒唔硬老中青都食得。

呢個年頭。雖然係過時過節。唔使訂位。之前食過晚飯質素到ok，今次係團年因為冇爆滿都唔使食套餐。嗌咗個片皮鴨系即場片。兩食係炆鴨肉。石班兩味都有水準。冰鎮咕嚕肉真係擺啲咕嚕肉喺冰嗰度，食到個脆嘅感覺。七八個人埋單每人唔使300。真係算係噉。

之前睇到任食邊爐埋單每位$139, 決定試下 已加價如下 $149 + 10% (星期一至四) $169 + 10% (星期五六日, 公眾假期) $129 + 10% (星期一至四) 九點後 $149 + 10% (星期五六日, 公眾假期) 九點後可另加$60/位 食埋雞煲另外光顧當天雪榚櫃以白布覆蓋, 唔知係唔係已沒有提供雪榚

以前一直有幫襯開之後改左名而再之後疫情有段時間停業最近終於開返啦即刻去試試先以前約埋成班朋友去食個晚市邊爐任食記得上菜有啲慢宜家唔知點呢不過今次係飲茶某啲點心都ok wo而且價錢唔貴得閒同屋企人飲下茶都好個春卷又幾ok wo大大碟皮夠脆入面超多餡呀蛋散亦都唔錯入口夠薄夠脆又唔粉唔會太甜太確喉沙薑雞腳都推薦但蘿蔔絲酥就有啲酸酸地即場叫職員同我地換左佢好彩過程都幾順利快快手手幫我地退左款咁下次依然有機會再幫襯嘅

點餐時叫了很多不同種類的食物,唔知點解送來時平價食物的份量倍增了,反而貴價的食物每樣只有一份,而且未夠鐘時,有3-4個伙記係咁追你埋單,而且收晒枱上嘅所有嘢,但眼見其他枱(似古惑仔)坐得耐過我地,佢地又唔敢趕人走! 呢間冇下次呀!

喺灣仔來講有咁平嘅打邊爐已經係好難得啦仲要地方夠大唔會太迫上菜嘅時間速度都好快可能稍為會有一兩個職員態度唔係太好但係經理等等都會好樂意去幫手同埋大部份落咗嘅order都會齊全加上任飲任食係灣仔來講應該真係得新新值得（利申：任食任飲打邊爐超過10次

好多人都覺得，在銅鑼灣飲茶，唔方會平得去邊。如果大家真係有呢一個感覺，就錯晒啦。因為，就算在高級商場內的酒樓，一到下午茶時段，好多都是經濟實惠的。當然，也有一些不在商場內的酒家，長期打著經濟實惠牌，照顧一下打工仔同附近住的老人家。上次，住香港仔的親戚推介了這一間《新新海鮮酒家》。食過好食之後，有一次，同家人同長輩一齊出來銅鑼灣，就決定來這兒，飲下午茶。 茶樓夠大，很快就安排好座位了。而這一天的所有食物，都由長輩們發版，我們做細既工作，就是食。先來的，是一碗燒鴨瀨。當日，在沒有特別要求之下，給了我們一隻鴨骴。肉厚厚，皮香脆，輕盈地配合了湯瀨粉，非常之好。再者，鴨汁同湯汁混合了，令整碗瀨粉都充滿了鴨的味道。外父來過多次，說這兒的腸粉好好食。所以他叫到幾乎一人一碟腸粉。齋腸，可以用很是香滑來形容。粉底亦非常之好，不卷餡料也不會黐埋一舊。加了甜豉油之後，入口更是香滑。外父說，最好食的是叉燒腸，所以一叫叫了兩碟。其中的一碟是專供兩個小朋友享用的。 叉燒腸，是連叉燒汁一起包著的。有蔥香，更有叉燒的麥芽汁香味。牛肉腸，味道就比不上叉燒腸了。唯一好的，就是入口的那一個感覺，因為牛肉同腸炒都夠晒滑。完全