新新酒家

營業中

休息中

星期六早上，見放假無野做同埋個仔出銅鑼灣飲早茶，之前幾間滿晒唯有轉再嚟呢間啦，坐落叫服務員已經黑面，都算啦，叫佐幾個點心，先嚟一碟腸粉，覺得非常之勒，似重煎咁，跟住個燒賣，非常實，再嚟個粉果，唔知蒸佐好耐定重新再蒸，爆開晒囉⋯到飲茶無水個陣，阿仔叫服務員加水，因為要加落個鐵壺樹，點知服務員叫我仔自己行去換水枱樹自己換，請問要個服務員做乜？我強調一句，個服務員唔係忙緊而係跟另一個服務員聊天呢！期間，聽到隔枱茶客催服務員某炒點還未到來，怎料服務員回應一句：你唔等得可以埋單先一句到尾：唔會有下次

銅鑼灣好多舖頭都陸續執粒，而家想食飯飲茶 其實選擇都少左。呢間坐位夠闊落，坐得都算舒服。同埋佢好認真，要每名客人都量左體温先可以上去嫁。通常黎食lunch多，咁例牌叫個菜，佢嘅菜算大碟，有D酒樓嘅菜 真係一眼望晒咁多條 呢間算份量多。呢個點心併盤都係9成叫嘅點心，因為好難得，點心併盤係無牛肉 因為我地都唔食牛，呢個併盤嘅嘢又啱食，所以都係不二之選 唔駛再慢慢唸食邊一款點心嘛。質素係好嘅，我發現唔同酒樓嘅燒賣都唔同味，有部份酒樓點心唔啱我口味，呢到feel good叉燒包都夠juicy。最後仲有舊甜品薑汁糕，真夠薑味，值得推介。酒樓執得一間又一間 如果可以，都要支持下，等大家可共渡呢個時間。

近排又見凍凍哋，圍爐就最適合不過！呢個位置嘅酒樓，曾經改過幾次名。之前叫新星，而家叫「新新」。枱與枱之間比一般酒樓濶落，係坐得幾舒服嘅！有餐前沙律、小食供應炸牛丸、咖哩角、蜜糖蛋散、肉片椰菜都好好味😋火鍋料都係一般大路嘢⋯呢幾款「海鮮」不過不失啦，肉質ok雪櫃料D肉類差評👎豬肉片咬唔爛，羊肉片幾片已經成㷛湯都係羊羶味，連最愛羊嗰個都頂唔順🤮。四寶丸、魚片、白魚蛋、鮮牛肉都唔錯👍蔬菜🥬區好評👍選擇多，蔬菜新鮮翠綠，炸魚皮輕薄脆口，encore 之選！自助飲品吧、甜品區都幾多選擇。👍必食：陳皮紅豆沙～少甜，起沙夠綿糯🤤👍唔知咩品牌嘅雪糕，只有蜜瓜、香芋2種味，味道、色澤略假！平日$139 / 2小時 全包，免加一。百物騰貴，要求唔高嘅，ok啦！

今日見凍凍地同屋企人打算去打邊爐，但係平時去開既都full booking曬，唯有去試下其他。見呢間都平平地，1人都唔洗$150，野食款式又多就去試下。😋😋入到去同平時火鍋酒家差不多。不過野食就唔太高質素，肉類睇落唔靚亦唔新鮮，海鮮類不多。高質素既要額外加錢order。最後甜品有個雪糕，唔係平時食開既品牌，相對少見，不過味道同質感都幾特別。最後，以價錢黎比都還算可以，都可以一試！😂😂👍🏻

作為一個住港島既人，多去銅鑼灣，而又好好好鍾意打邊爐，唔多人都想打既，你就會知到底有幾難搵到一間咁樣既火鍋店價錢貴又唔係成日去到食，價錢唔係問題都食唔到好多款野今次勞蘇食真係要大力推介 —— 新新酒家佢位置係銅鑼灣，旺與靜之間，令佢長期有位，方便，地方正常酒樓咁，夠大，任飲任食火鍋除湯底外，全自助形式，有個飲品區，好多選擇，啤酒都三四隻，不錯有肉櫃，內有肥牛、滑牛、雞件、手打丸、水魷魚、丸、豬羊等等好多種，肥牛望落幾多肥好似唔錯但食落好似香口膠咁反而推介滑牛，又滑又腍，相當好味手打丸同水魚魷魚都係必食之選，特別係水魷魚，又大塊又鮮仲有一個櫃係放丸、豆腐、蘿蔔、腸餃等等，大部分食材不過不失，係ok既值得提既係佢嘅芝士腸係好芝士既唔係淨係脆皮個啲而魚皮餃同韮菜餃都唔係急凍既，皮夠薄同滑，味道都幾好另有一個蔬菜區，非常多款菜同菇，任揀任夾，好睇個人喜好喇依個就，食食下好膩既，仲有熟食同甜品同雪糕，大家可以留意下最後一個區就係海鮮區，有魚、硯、蝦同青口，主力食蝦，本身都無咩期望，見係熟蝦，即係加熱就ok食得，食既時候發現離奇地鮮而無乜雪味仲要任食真心正再推介埋湯底，任食湯底實在有啲hea，但食

10幾個人嚟食慶功宴，開咗兩個邊爐，有一個竟然壞咗，但又唔幫我地換，一直話等陣等陣，等左兩個鐘都未等到，真係唔知想點，我哋成程都食緊一個爐。同埋，叫佢哋加水，又一直話等陣等陣，最咪次次都係自己加。嘢食質素一般，啲肉好似唔係幾乾淨。但勝在有油淋淋嘅豬耳食

認識這店，因為佢在一間執左的建身店貼了宣傳。做火鍋自助餐的。當日來光顧的日子在星期六，所以沒有任何優惠。所以放棄食火鍋。我地上到去發覺連特價小菜都沒有。但又唔想食太貴的龍虾、龍躉⋯最後決定飲夜茶。夜茶的點心都很多選擇。👆🏻以上是當日點選的點心。我地點左很多點心呀。因為當晚餐食，所以點的份量相對比較多。燒賣就唔係太建議點選。因為都比較厚肉。只覺得食左一推肥豬肉，又唔係太平。最好味就是排骨和牛肉夠熱和夠多。其實這間餐廳只是星期一至五才算抵食。假期根本差天共地，不過今餐如果當晚餐計都唔係太貴。因為附近無點心尊門店，所以都值得一試。那些待應招呼麻麻。因為佢想我地點小菜。但我地堅持，待應姐姐最後都接受了。唔打擾我地。

琴晚同屋企人嚟咗呢間酒樓食晚飯，地方幾闊落，分開咗兩個area，一邊係小菜，一邊係打邊爐。我哋決定咗食小菜，坐係卡位，仲有電視睇添😛。見天氣咁熱，就嗌咗個冬瓜盅食，佢係用一邊冬瓜頭兜著啲湯同料嘅，唔係好似有啲酒樓咁剩係得冬瓜中間嗰截，冬瓜同啲湯料分開。啲湯好好飲，料就有豬肉粒、帶子、夜香花、蝦、蟹柳、菇等等，冬瓜好大個，啲冬瓜肉食極都仲有😂。而且仲好平，絕對要食😋👍🏻。不過我哋掛住食，所以就無圖啦🤦🏻‍♀️🤦🏻‍♀️。跟著嗌咗個沙薑豬手，豬手唔會太稔，仲有少少咬口，好香沙薑味，唔係好鹹。值得一提個豬手係切開細細塊，食嗰陣吮骨都方便咗😆。見圖😋。仲嗌咗個燒乳豬，啲皮好鬆化👍🏻，食嗰陣聽到「索索」聲😍，又好香。而且油唔多，食多兩件都唔膩😚。見圖~仲嗌咗條斑，蒸得啱啱好，魚油豐富肥美，好食👍🏻。總括而言，係灣仔搵到呢個價錢同呢種質素，唔試真係走寶!

曾幾何時，新新酒家是和同事們的午餐聚腳點，自從轉職後還是第一次到來。這裡不同時段有不同特價優惠，十二時多到達而同事未到，把握優惠在十二時三十分前，先點一個魚香茄子炆伊麵 $28 (12:30前)和藥膳雞腳$29.9。藥膳雞腳差不多是每次必點的小吃，雖然其貌不揚，但聞著有藥材的香味，雞腳烹煮的時間適中，口感軟中帶爽兼有嚼勁，味道咸淡有度，不錯吃。魚香茄子炆伊麵送來時，同事們剛好到達，大家忙著點餐，一邊忙著哈啦傾談近況，隨後的食物都沒拍照了，更遑論食味...總體而言，這酒家食物質素不錯，價錢相宜又容易找到位子，是午餐的好去處。

今日係星期五，梗係要約朋友放工後聚吓、吹吓水啦😆選咗銅鑼灣集合因方便大家👍🏻朋友話有一間酒樓唔錯，我哋就跟住佢行啦🤤上到去環境寬敞，屬於傳統中式酒樓、有分小菜晚飯及打邊爐。6:30到，唔使等位, 可以直入👏🏻👏🏻🔸椒鹽豆腐$58香口酥脆、送酒一流🔸菠蘿咕嚕肉$78我的最愛❤️仲有生炒骨選擇，但鍾意啖啖肉多d，其實好少酒樓同類鎹會做兩款🤣甜酸味恰到好處，肉好juicy 😋🔸荷塘小炒皇$88用上蓮藕、西芹、雲耳、蝦仁、鮮尤及腰果的小炒有新意，不錯🔸蒸海班仔$138一般size，肉質嫩滑🤤🔸哈爾濱啤酒3枝$54碟頭份量又足，味道又唔錯，飲下啤酒傾吓計可以消磨一個晚上，真係無介紹錯。 食食吓突然好多人來到，原來呢到打邊爐仲抵, 下次有機會再試打邊爐。平均消費約一百多元左右，以位處銅鑼灣來講，價錢真係算係經濟實惠 , 真係值得推介畀朋友.😘

平時通常同朋友聚餐，尋晚第二次招呼海外朋友去新新食晚飯，在銅鑼灣環境好既地方好多，但係論好味又抵食嘅廣東菜酒樓我諗都冇咩太多地方可以選擇。最近呢兩次啲朋友食完都讚不絕口，尋晚叫咗龍蝦伊面、乳鴿、乳豬、燒鵝、啫啫芥蘭煲、粉絲元貝，最後隊埋一籠流沙包……大家都好滿足，搞得我都好開心。地鐵行過去好近，在一蘭拉麵旁邊，夜晚shopping完去好方便....最後，掛住食都忘記咗影相，不過都要上嚟讚下新新佢鼓勵一下！

朋友介紹今日放假就來試試，地理位置價錢算抵食，點心有驚喜，蝦餃大隻，燒買同薑汁糕好食，好岩附近寫字樓大班人食個lunch，大中小點13.8抵食👍🏼👍🏼👍🏼

同家人行完街，又到晚飯時間咁多人梗係打邊爐啦，但如果係銅鑼灣區可以搵間平靚正既打邊爐好似有D難，但好彩有OpenRice 一搵就搵到呢間新新洒家$12x任食一個人呢個錢仲要野食ok，有下次

是日天陰陰涼涼地，幾個朋友又想搵個地方傾下計談下心，諗起呢間酒家,幾個人都勁肚餓，一坐低睇一睇$109全包！？大家都驚訝左幾秒，堅誇張，連野飲都包埋？好平，野食黎到都大大份，又估佢唔到，真係幾抵食！絕對係窮人恩物！大家都食到頂住走！！

今日想食火鍋，就同朋友去左新新酒家，因為好平每位$129全包價，我地四個人，有人想食雞煲，就叫左半隻加$58，味道不錯，加左湯都吾會好淡，火鍋配料幾多選擇，蝦同蜆都係任食，又有小食，熟食，糖水，雪糕，汽水啤酒任飲，我地今晚真食到好飽，好飽