新明華苑快餐店

營業中

休息中

香港少有蛇竇，巷仔又可以食煙，有種忙裏偷閑feel，巷仔快餐店嘅沙嗲牛肉麵值得推介。佢嘅福字麵同沙嗲牛肉，味道相當好食。牛肉唔會《那》到唔知食緊乜，加埋隻太陽蛋同生菜相當豐富，呢道沙嗲牛麵不防一試。小店值得支持，香港越嚟越少有要好好保育

去紅磡開會，前輩請食下午茶，會所只有呢間嘅外賣紙，正常嘅茶餐廳食物，大家寫好就落單！等咗45分鐘先到！（餐廳好近辦公室）一個大膠袋上晒，包裝都係正常茶餐廳包裝！點知派食物嘅時間就出事，叫嘅一係無一係唔齊，飲品同食品都唔啱！我叫西多士無，熱檸茶得一杯，最後唯有有乜食乜！餐蛋治：普通膠袋，有紙巾包裹，不過方包都比水氣焗淋咗，應該焗咗一段時間，麵包軟身，餐肉鹹香，蛋厚身煎得較老！一般熱檸水：檸檬酸味較澀！唔係我叫，唯一見到嘅店員係外賣店員，放低收錢就走！但出品同落單要求差太多！水準又極一般！唔合格！要物色過第二間外賣餐廳了

今日下午茶黎在呢間都幾隔舌既快餐廳，呢到地方細細，坐位不多，繁忙時間還要坐出街食的，呢到平時好多建築行業人士係到食，可能貪呢到可以坐街，方便他們食煙仔。我今日大約5:00左右去到，老闆話做埋我生意就收工，非常幸運我就啦啦林叫野食，廢事阻住人地收工，我好快咁就叫左個五香肉丁加餐肉面。等左大約5分鐘，面就來了，個面煮得剛剛好，唔太硬又唔會太林，配埋五香肉丁既味，簡直係正，呢間快餐廳既面，我敢講係同區數一數二好味，真係值得推介。

今日去紅磡新圍街食晏。。呢間快餐店縮在內街唔起眼，但炒嘢同午餐都有街坊捧場，不過就唔開夜晚同星期日。該店的即食麵，除公仔麵同一丁麵外，仲有福麵，辛辣麵同營多印尼撈麵揀。炒嘢我就特別欣賞佢哋嘅星洲米，炒得好惹味有鑊氣又好夠料。不過今日虛火又起，牙肉又痛，唔係好敢食星洲炒米，見到午餐有揚州炒飯，橫豎未試過響呢間食飯，連例湯加凍飲只係$39，街坊價錢，一於試試。個例湯係霸王花瘦肉，煲得好靚好濃，唔係一般肉骨頭味精水。個炒飯都好足料，蝦仁幾多，仲有菜粒葱粒火腿粒叉燒粒蛋花，飯當然唔係金鑲銀，但炒得乾身有咬口。咁嘅價錢，咁嘅水準，剩係飲碗靚例湯，都已經值得推薦。

來到土爪灣辦點事，我中午的一餐，當然也就地解決。我在落巴士時，無意中發現了一間小小的食店，於是，我在辦好事情之後，行回頭路，找這一家地方小小而又座無虛席的《新明華苑快餐店》食返個又快又簡單又平的午餐。入內，所有地方一眼睇晒，是名符其實的提供簡餐小店。但，有飯，有麵，廚部出品的精彩度甚高，說是快餐，對的，說是簡陋小店，也是對的，但說其簡單，就不是了。我想快，又想平，來一個煎蛋兔牛飯就最快最美味啦，而且，這正正就是快餐店的最傳統美食。肉醬，加有蕃茄同豉油，十分之香口，煎蛋也就成為增強口感的工具。帶甜，也帶咸香豉味，是撈飯的佳品。而且，容易食，不消一會就食晒成碟飯，十分之飽滿。奶茶則是一般般，我不是太 enjoy。小總結是好的，我帶有小滿足地回去車站搭巴士。

今日在土瓜灣發現了一間不起眼的港式快餐店叫「新明華苑快餐店」，於是便入去吃個快午飯~此店似是家庭式經營，地方並不大，只有十多個座位。是日點了快餐粟米雞球飯配凍奶茶。果然是快，不到兩份鐘，老闆已送來一碟熱辣辣的栗米雞球飯，栗米雞球味道調較得幾好，粟米汁的味道雖是單薄了點，但與味道較重的雞肉相配合下反而很夾。雞肉夠嫩滑，只是"骨骹位"比較多，整體算是不錯!至於奶茶，個人認為是好飲的，因其茶味夠濃，奶的份量恰到好處，口感細滑!!!唯一有點挑剔的就是這裡的廚房是半開放式的，所以店內油煙較大，很容易焗到一身油煙味.......這方面如能改善就最好嘞