新明記(肥牛)豬骨煲

營業中

休息中

今晚都係火鍋，朋友話今日天氣清涼乾爽最適宜滾滾下，朋友是住大圍的，所以今晚黎到大圍慶生，雖然又係打邊爐，但間間不同總有特式！先黎碟手切肥牛雖然不及雪降又或者什麼和牛，但牛味十足，咬落嫩滑柔軟回味無窮手打四寶丸全部都係鮮打，粒粒爽彈還不錯👍後面是鮮魚卜無魚腥味，屬我的致愛。有好多邊爐配料，可惜我們只得二位，所以想再點都食不下了！

見到呢篇標題，食嘢姐心乜嘢大心乜嘢細！其實我係講緊比吾比零分佢！洒家式裝修，冇問題打邊爐最啱feel👍🏼叫咗個沙嗲湯底，冇沙嗲味，唔緊要我當係你嘅特色！叫左個手打黑椒牛丸同埋手打胡椒牛丸，正路！最後上咗個本地肥牛，我完全𡁻吾到，好多渣，係宇宙最難食嘅肥牛，對唔住我都唔想咁凶狠，但真係渣。我冒住影響大家食慾都要影張食唔到嘅牛肉渣出唻，希望店主可以改善。我希望/或者/可能佢將最渣嗰啲俾咗我。其他人食個啲係好嘢

這區最好的牛肉-新明記在大圍沙田打邊爐要吃靚牛肉必選大圍新明記。牛肉唔算貴，大牛肉$198﹐霜降牛肉軟腍牛味濃；手切牛肉多汁鮮嫩，油花滿滿吃下脂香四溢，是我倆最愛的邊爐店之一，牛痴來到準沒錯，四個人兩碟大牛肉岩岩好。這兒的手打丸彈牙味香；餃子自己包足料好味，亦值得推介。FB專頁: smallsmallsmalllin

一入到去已經覺得幾迫同幾污糟... 再望下個餐牌, 發覺佢乜都收一餐... 混醬每位$10 (講緊只係每枱俾多左一碟生炒蒜茸同一碟紅辣), $8碟小食, 仲要收加一服務費 (但我唔問佢開茶, 佢係無諗過俾茶我地, 即預你要俾錢飲其他野), 老實講... 呢d地方真係唔知憑乜收加一... 蕃茄薯仔豬骨煲湯底 $98 - 得4舊豬骨, 但都淋既, 唔知點解有多2隻雞腳...  手切肥牛 (大) $198 - 係幾有肉味, 不過細片左d~ 鮮帶子 (右) - 得5片, ok鮮味~ 韮菜餃 (左) - d肉唔太新鮮~ 鮮牛滑 (左) - 味道有d似山竹牛肉, 不過就實d既~ 四寶丸 (牛丸、墨魚丸、鯪魚肉丸、豬肉丸) (右) - 好細粒, 味道就不過不失啦~ 魚肚 - 淡而無味~ 炸腐皮卷 - 即係響鈴, 但唔夠脆~ 粟米 $26 - 一條都無, 其實幾貴, 不過都甜~其實唔飽, 但勁想快d走, 因為明明係室內, 都俾人煲煙!!  最後就去左食糖水~

睇過OPEN RICE D食評, 見佢D霜降肥牛出名, 同D朋友試下.入到去, 一位4眼肥哥哥寸咀咁問, 幾位啊? 食D乜啊? 飲D乜啊? 已經有D唔高興~ 做到咁唔開心, 不如提早退休玩雀啦~叫左汽水一罐等埋D FRIEND, 到D FRIEND來到, 都冇比過茶或水我地. 打邊爐冇水飲都係第一次, 冇法啦, 叫1 JAR野飲(好似係什麼蔗水).叫左個霜降肥牛, 一D菜, 餃子, 肉丸, 栗米, 蟹柳個D野,試下個霜降肥牛, 味道一般, 只係唔係一D超冰鮮既肥牛, 只是軟D, 不過又唔係真係D人講到咁好食. 試肉丸, 好一般, 食左個黑椒肉丸, 得個辣字, 冇乜牛肉味.試魚滑, 味道OK, 原來出名食肥牛既地方, 係食魚滑先好味既~試餃子, 味道一般, 同出面D任食火鍋一樣, 但呢間唔係任食既~最精彩的是蟹柳, 諗住都冇乜野好食, 叫個蟹柳食下頂下肚, 買返來既野應唔會差得去邊掛. 但一咬落去只覺得是一堆麵粉. 清埋D菜, 栗米埋單, 盛惠每人$190. 呢個價錢, 應該可以去富臨食我好少少, 加多少少可以去稻香打邊爐了...算啦, 一班FRIEND食飯, 至在傾下偈. 不過比呢個價

每一至兩個月總會牛肉癮起來新明記，計下計下原來都好幾年(當然計埋之前未轉手時的友聯)。是日星期六晚約埋老友們一行六人，預先打來留位。今日在門外等位高峰期有接近40人左右，唔想等到發老脾，還是訂位為妙。來這兒只有一個目的就是吃霜降牛肉，要了大碟的$168，肉色殷紅令人垂涎三尺，雪花紋理平均，牛肉味濃，軟熟，吃下滿口生香，無得彈。墨魚滑比之前做得好，咬下墨魚粒滿盈彈牙，好吃。其他食材也可接受，但要彈的是大蟶子，一人一隻，吃落竟三個人有沙，幾十蚊隻食到有沙真係好令人沮喪，大煞風景﹗飲左廿幾支大啤，8:00pm食到1:00am，位位$200左右﹗算是不錯吧﹗

原本想食小肥牛o既~不過全間鋪8成吉位，知客都話俾人訂哂，所以就上openrice 搵第二間啦~就搵到o黎新明記啦﹗入去時未到7點，未算好多人，侍應阿姐知道我同朋友係第一次o黎食，好落力同我地介紹唔同o既湯底同火鍋料。最後我地2人點左豬骨湯底，黑柏葉，手切肥牛(中)，冬瓜，珊瑚蚌桂花蚌，唐好菜。湯底好好味呀﹗用料好足~ 手切肥牛好有口感，好有牛味；珊瑚蚌桂花蚌我覺得怪怪的，下次未必叫啦~黑柏葉都好好味。o係我地覺得勁好味之時，好奇怪點解星期六食飯時間間鋪都唔滿架呢﹖﹗卒之未到8點已經滿哂，walk in 都冇位啦~全程侍應服務都好周到，鋪面夠光猛，又有電視睇，雖然有小食、醬料錢要收，不過就免加一~好抵呀~要俾多d TIPS~!一定會再o黎~

大圍友聯一向都係我同食家既打邊爐主場，去年某月某日無聲無色執了，隔咗兩三個星期重開，改名叫新明記﹗店內似是重新裝修，不過其實格局依舊，重點係細看下入面待應老闆，全部都係友聯班底，個個都熟口熟面，較熟個待應阿哥仔仲埋黎同我地打招呼﹗再看看餐牌，賣的火鍋生料同以前又係大同小異，最愛吃的霜降牛依舊長存﹗箇中內情都不想深究，最緊要試試食物有冇大變。之前食開既三重彩套餐無咗，只有散叫，散叫就一於食得精一點﹗點了常吃的冬瓜雲腿湯底，再加多碟大霜降手切牛及四隻大蟶子。霜降肥牛，大碟，片片厚切起雙飛，油脂紋理豐腴。輕灼下軟滑，牛味出眾亦濃甜，好正﹗係人都知我最愛打邊爐，呢間既牛肉真係必在我吃過最好吃的排名頭三位﹗蟶子新鮮，落湯滾一滾，鮮甜味美，吃海鮮宜清淡湯底，會吃得更原汁原味﹗最後加多個西洋菜，咁就營養均衡喇﹗打邊爐重點是肥牛，兩個人一碟大牛食完已挺飽了，飲多幾支啤酒，埋單$300有找，很高興轉左名都仲可保持水準，這兒還會是我們在沙田打邊爐的主場呢﹗介紹埋呢度我地經常都會叫既食物，牛皮﹗$88一大碟，是手切牛的邊位，半肥半瘦，灼既時間要耐少少，那朕肥牛的油脂香，吃下久久不散，真係食完三月不知其他肉味

我很怕冷，天氣冷的時候整天都想吃暖呼呼的東西，所以晚上不知道吃什麼好的時候總會想到吃火鍋，不過要知道一個人吃總是感到落寞。以前我還會在家裡一個人在廚房用煤氣爐打邊爐，其實也只不過是一品煲，淥好幾樣東西夾在碗子裡然後到客廳邊看電視邊吃，但是也很滿足。還好現在有個跟我同樣超愛吃火鍋的人出現，任何時間想吃都可以吃火鍋了。之前去過佐敦的分店，價錢便宜、食物質素又不錯，不過店比這裡小，所以晚飯時間打算walk-in簡直想也不用想。大圍這家就橫跨幾個舖位，又有街邊的位置，流量比較高。另外更有穿著西裝的帶位員，認真厲害。我們點了最簡單的鴛鴦鍋，很普通，沒什麼特別，沙嗲味又不太夠，可能點其他特色鍋底會較好。花甲。現在的花甲真的比幾年前初初見到的要小，肉也沒那麼的肥美。這裡的花甲是現用水灼過才上桌的，所以全部都是開口的，我想是因為怕海產類的不熟會吃壞客人吧。味道還算鮮甜，份量也不小。韮菜餃。包這韮菜餃的應該是雲吞皮，所以餃皮很薄。餡料菜跟肉是七三比，韮菜味濃，很好吃木耳與海帶雙併。看起來有點頹，其實只不過是蔬菜，多給一點也沒關係吧。木耳爽口，海帶黏口不夠爽。手切肥牛。肥瘦均勻，入口即化，肉嫰多汁，牛味也

湯底好多樣選擇豬骨鍋（招牌湯底）在眾多的湯底中挑了這個, 有好幾大塊豬骨, 還有不少的玉米, 白蘿蔔跟蔥段待煮滾後先喝一口湯, 是真材實料的豬骨湯頭, 能嚐到豬骨的肉味豬骨肉軟腍, 蘸點醬油更好吃. 到之後玉米跟白蘿蔔煮了好一陣子, 充滿湯頭鮮味這鍋也下了不少黑胡椒, 為這鍋底添了一點點辣的胡椒香手切牛肉 (大)我們吃火鍋必點的牛肉, 叫一盤大的才$148. 一上桌看到牛肉油花紋路很漂亮!燙熟後牛肉肉質嫩滑, 吃起來肉味很濃. 油香更是豐富了整個口腔已這個價錢已經很少吃到這麼好的火鍋牛肉, 很快我們四人就吃完了這碟蝦滑拼墨魚滑兩拼的滑還是第一次點, 一次過可以嚐到兩種不同的滑類墨魚滑蠻彈牙的, 但稍嫌不夠鮮味, 墨魚本身的味道比較弱蝦滑反而很出色, 也是很彈牙, 中間還能吃到新鮮的蝦肉兩者混在一起吃也是很不錯, 墨魚味道如果能再突出一點就會更好吃嚕牛爽肉最初不知道什麼是牛爽肉, 原來是接近橫隔膜位置的軟骨, 油脂較多吃的時候不需要燙太久就可以吃. 質感是爽身的, 咬下去油香四溢店員還教我們把牛肉跟牛爽肉夾著一起吃, 牛肉的軟嫩跟爽肉的爽口食感夾在一起牛味更是濃郁, 還多了幾分油香, 到

這個網站名為開飯，固名思議，無論你是達官貴人，還是平民百姓，定時定侯地預備一餐，是一件重要的事。當然單憑一條方包已足可令人飽肚，只是對大部人仕來說，仍希望來點有些味道的食物。上週日是今季賽馬的剎科日，家母看來略有收獲，結果連晚市也選擇「罷煮」，以他們的思維模式，多數會於連鎖式的快餐店解決，其實也不是太抗拒，只是以相若的價錢，還有不少地方可供選擇。向他們略作提議，他們倒沒有異議，只要有冷氣和坐得舒服便成。記得大圍油站附近有一間新明記酒家，其午市的品茗點心還算接受，倒是還未試過晚市的水準。記得這酒樓以前名為友聯，在當區以主打火鍋而馳名，後來不知轉手還是轉了股權，變成了現今的舖號。因為曾蔭權伉儷來此品餐一頓的緣故，而成為宣傳賣點，看來特首的口味，成不了生招牌，名人效應也是於事無補。除晚飯之外，晚市亦有火鍋供應，可惜家母不是太好此味，至於小菜來說，不計游水海鮮，菜牌一版已經看完，三個人也吃不了太多，就來三個普通小菜好了。先來的是鮑汁豆腐扒什菌，看來是以紅燒豆腐為基礎的菜式。看簡單的菜式，這裡可弄得尚算不俗，所用的油豆腐來得嫩滑，用上鮮味的鮑汁作調味，味道既不失單寡，也不會過於濃味，配上些許菜心

食店轉了名，是好是壞無人知，由友聯轉了叫「新明記」都已經三四個月了，我同食家都幫趁過一兩次，味道依舊。睇一睇陣容，同我地兩個相熟既待應哥哥依然o係度，見到我同食家當然帶點笑容，先請我地飲支啤酒。笑問佢搞咩要轉名，佢話叫我地不用擔心，人事依舊，係名唔同。講係咁講 ，當然試試食物先，兩個人吃不了太多，要了霜降和牛、再加多個菇拼盤、炸魚皮及魚片頭，突然想食辣關係，要了麻辣湯底。來這兒打邊爐的一個原因是在沙田大圍區，最好的手切牛正正在此，牛肉依舊多汁軟熟，牛味極香濃，油花分明，味道沒變，仍然最愛是她﹗其他食物雖未算特別出眾也滿意，打卧爐最緊要是牛肉，好吃的已叫我留步了﹗入夏，打邊爐的日子少了，待天氣重新涼快，新明記會是我們的主場呢﹗

近年本港的食肆，不斷受到租金、員工薪酬和食材價錢上漲的影響，經營上也日益困難，很多無法支持下去的單位，不是結束營業，就是改為轉手合伙。以前家人也愛去大圍積存街一間名叫「友聯」的火鍋酒家作午茶品茗，隔了一段時間再去，同一個地址已經換了招牌，變成「新明記肥牛海鮮火鍋」，不過見到招呼的阿姐還是面善，應該是從上手的下來酒家「倖存者」。其實上手經營的酒家，也有一個「生招牌」，就是邀請到當年履新的曾特首伉儷，來此品嚐晉餐一頓，並拍下硬照作招徠。正值新官上任，大家也是滿有期待，雙方也有一個所謂的蜜月期。可惜多年下來.....其政積也是有目共睹，而更大的問題，沒有人說過曾特首是一個品味高手，或者特首夫人祖家居於澳門，對吃可能還有點要求。新店的食物的款式和價錢，也是和舊店差不多，除多了一些早市優惠之外，也免了茶芥加一，不要少看這些雜費，一闊三大，幾個人頭計起上來可是數十元的差距。先來的有皮蛋瘦肉粥，粥底不算綿滑，但米粒總算煲到溶爛；所下的皮蛋和瘦肉也很足料，灑點胡椒粉略多兩份惹味，吃了一小碗已飽了近二成。盅飯分別有鳳爪排骨飯和北菇雞飯，飯粒帶點嚼頭，熱度適中，只是份量來說少了一截，不算「常滿」。醃過後的