新星海鮮酒家 (已結業)

入屯門探姑姐，主人家已安排在附近食晚飯。室內地方不太，枱與枱之間較迫，但室外有露天對海景，在這秋分時間就十份舒服。咕嚕肉-顏色鮮艷吸引，印象方面已主觀地加分，第一口是脆口非常，可是再食真點，明顯是翻炸，肉質較乾，大部份都是肉片。蟹粉干燒粉絲-頗有蟹粉鮮味，粉絲吸收了蟹粉汁，送飯一流。帶子雞球西蘭花-是一般酒宴的例牌菜式，西蘭花爽口，帶子是稔稔的，雞肉沒有味。大芥菜煲、雜菜煲-兩個煲都有蝦乾、瑤柱作配料，特別鮮味，而所揀的蔬菜亦好嫩口。酥炸魚腩茄子煲-酥炸魚的炸漿不會過厚，所以咬落鬆化，啖啖魚肉，茄子亦炆得入味。紅燒豆腐-有點似回鍋肉的煮法，味道帶點辣，而豆腐不滑還有點實。星期六晚非常旺場，八點幾已送畢糖水，只有像浸過糖水，甜得有點假的西瓜。

今日下午家中進行換新鐵閘工程，整到晚上六點多才完成。住家飯主義者，阿媽，變相無暇買餸同煮飯，就唯有’乖乖’出外吃飯去~(哈)我以為去大快活/ 太興，難得爸爸說去新星食HKD168四餸餐。本來阿媽唔願意，因為我都支持去，佢又唯有”乖乖”就範。貴杞雞半隻：雞的關節位比較鹹，其他部位就冇事。雞肉好滑，而且很入味。野菌涼瓜炒肉片：套用阿爸話：很有鑊氣的一道菜。涼瓜不苦且爽；肉片很彈牙，我懷疑肉片是豬頸肉片，因為肉的紋理好似；野菌分別有，冬菇﹑秀珍菇﹑雞脾菇。拔絲咕嚕肉：咕嚕汁是食開的味道；全部都是肉片，啖啖肉比吃排骨更好(阿媽鐘意排骨多d)；每件也能做到'拔絲'效果呢﹗哈蒸xx魚：魚很細條，爸媽說此魚是貴魚，以套餐來說就接受；魚肉很滑。我喜歡食酒樓蒸的魚，連豉油蔥絲吃真的很正~連白飯四碗﹑糖水四碗(今日是麥米粥，甜了點)，埋單每人都係7x，抵食到阿媽都拍哂手呢~

我覺得食物真係唔算差，環境又闊，坐得舒服，最重要既係任食任飲啤酒，埋單真係每人$86真係無野好投訴…出面好多時食打邊爐，除了1哥火窩係明碼實價之外，有d酒樓會亂收錢，話58蚊埋單會變左168蚊，呢一間一晚飲佢6罐啤酒，只食牛肉都食到飽，都係幾十蚊，當然，如果佢唔係任食，我對食物既要求水平亦會高好多…應該都唔會再幫襯。haha

本人今日(十月二十日) 到屯門新星海鮮酒家飲早茶, 起初落單亦如常, 但當加單的時候, 等了半個幾鐘, 中途亦問左幾個waiters, 都話黎緊, 結果等了再等, 只好埋單同埋cancel加單, 那位經理\'余國文\'即時唔知攪咩唔第一時間去counter埋單, 結果埋單要正價, 本人即時理論, 他語帶恐嚇, \'唔理~總之宜家係要正價啦!!!\' 話我過左十一點埋單, 問題唔係錢, 係waiters係咁話等一陣! 緊黎! 同埋我十一點埋單, 你拖咁耐唔去counter埋單, 咁仲唔係屈錢!? 仲大聲夾惡話\'唔理~總之宜家係要正價啦!!!\'~ 經理可以用咁態度同語氣咩!? 同老屈有何分別!?唔通我飲茶有落單叫野食, 但你無黎野食黎, 我埋單要雙計!?呢間野屈錢~ 執到錢都唔會再去! 各位唔好上當!!!

請大家不要上當!!!本人今日(十月二十日) 到屯門新星海鮮酒家飲早茶, 起初落單亦如常, 但當加單的時候, 等了半個幾鐘, 中途亦問左幾個waiters, 都話黎緊, 結果等了再等, 只好埋單同埋cancel加單, 那位經理'余國文'即時唔知攪咩唔第一時間去counter埋單, 結果埋單要正價, 本人即時理論, 他語帶恐嚇, '唔理~總之宜家係要正價啦!!!' 話我過左十一點埋單, 問題唔係錢, 係waiters咁話等一陣攞緊黎, 同埋我十一點埋單, 你拖咁耐唔去counter埋單, 咁仲唔係屈錢!? 仲大聲夾惡話'唔理~總之宜家係要正價啦!!!'~ 經理可以用咁態度同語氣咩!? 同老屈有何分別!?唔通飲茶落單, 你無黎野食黎, 我埋單要雙計!?呢間野屈錢~各位唔好上當!!!

住屯門碼頭的都知得幾間酒樓, 冇乜選擇, 新星都算是較新較整潔的, 家常小菜下午茶一向都食得過。但9/10 (Sun)去下午茶(3:00), 從一入去訧激到走個一刻! 入去冇人帶位, 要自己搵枱, 搵到枱見到有個人坐向度, 原來上一枱仲未走!, 到人地走左, 又等左5分鐘都冇人理, 舉左幾次手先有人執枱開茶! 碗筷好唔乾淨, 自己洗到有粒飯向個碗到同有條小菜向筷子到。到點心黎時仲....第一碟黎左燒腩仔, 第一時間成家人都忍唔住“嘩”左出黎。大縮水左成半, 得返半碟+幾條豆角。跟住的~蔗蝦(算是最好, 夠熱)蝦餃(蝦變得很咸, 疑是以咸味蓋過蝦唔新鮮)义燒腸(縮水)糯米包(冇味)辣椒魚頭(很多很多很多辣椒, 同樣疑是以辣味蓋過魚頭唔新鮮)雞扎(普通)蒜蓉蒸吊桶(冇味, 好像蒸得唔夠時間, 冇汁)生菜雲吞(淡, 有疑似雞粉在碟邊)一個字~ 唉, 下午茶又少了一個選擇。

佢將全張單逐一入多次......仲要好似教訓大家咁同我地講係落左多野食...跟住咪同佢講, 試問兩個人又點會叫半打叉燒飽,六條腸粉.... 呢??? 當下無言以對........(由開張至今都有落錯單的事, 而且態度.... )呢個服務態度, 唔應該收呢個價錢law....出去叫碟頭都唔會咁無禮貌la~

平時間唔中都會去新星食下晚飯,之前都係3-4個人食特價4人套餐+糖水/小食,然後打包拎走做第2日lunch,份量剛剛好點知今日問佢拎個盒時, 待應甲話:特價餐唔拎得走喎~~(態度劣x10),我登時條氣唔順,咁0既態度都有...我再睇晒成張order紙,都冇一句寫明"此餐不可以打包"於是走去問另一個待應姐姐,佢態度好好多,不過佢都話呢個餐只限堂食...咁我話:我專登叫多個湯諗住打包拎d餸走架喎~~咁佢都肯比個盒我(另收一蚊外賣盒)但係...我再睇清楚張order, 都仍舊沒有一句"只限堂食"咁又走出去門口睇餐牌, 再問知客姐姐,佢都好有禮貌咁話唔可以拎走, 但冇寫明...條氣, 係有點唔順, 不過, 從正面睇, 既然食肆都肯"通融",有部份員工都好樂意咁解答, 咁仲想點?同埋, 好好好彩, 只係叫多個湯,冇再叫流沙飽同甜品,若真係無得打包, 咁就好浪費食物!!!下次叫特價餐就千祈絕對唔好再叫其他食物0勒~~免得過食淨時"萬般帶不走", 浪費食物, 到時就罪孽深重(不過, 應該無下次囉~~今餐媽媽食到有點扯火, 話以後唔再去食喎~~)

平時間唔中都會去新星食下晚飯,之前都係3-4個人食特價4人套餐+糖水/小食,然後打包拎走做第2日lunch,份量剛剛好點知今日問佢拎個盒時, 待應甲話:特價餐唔拎得走喎~~(態度劣x10),我登時條氣唔順,咁0既態度都有...我再睇晒成張order紙,都冇一句寫明"此餐不可以打包"於是走去問另一個待應姐姐,佢態度好好多,不過佢都話呢個餐只限堂食...咁我話:我專登叫多個湯諗住打包拎d餸走架喎~~咁佢都肯比個盒我(另收一蚊外賣盒)但係...我再睇清楚張order, 都仍舊沒有一句"只限堂食"咁又走出去門口睇餐牌, 再問知客姐姐,佢都好有禮貌咁話唔可以拎走, 但冇寫明...條氣, 係有點唔順, 不過, 從正面睇, 既然食肆都肯"通融",有部份員工都好樂意咁解答, 咁仲想點?同埋, 好好好彩, 只係叫多個湯,冇再叫流沙飽同甜品,若真係無得打包, 咁就好浪費食物!!!下次叫特價餐就千祈絕對唔好再叫其他食物0勒~~免得過食淨時"萬般帶不走", 浪費食物, 到時就罪孽深重(不過, 應該無下次囉~~今餐媽媽食到有點扯火, 話以後唔再去食喎~~)

試過2次晚飯, 都好鬼飽, 激到飽, 平日去食, 等餸都要1粒鐘, 咕嚕肉粉多過肉, 炒菜變了油浸菜, 服務極差,唔駛$我都唔會再去, 都未見過有D咁O既酒家,同一集團, 二宜樓好好多!

我都係住係屯門碼頭，幾間酒樓輪住食，但係新星就食左兩次就冇去了，食佢所謂流沙包，Ｄ餡同水冇乜分別，去到虹橋食流沙包，雖然唔係咩特別推介，但係好食過新星既所謂招牌貨好多囉，Ｄ餡流得黎唔會水【了了】，又有蛋黃香味，但價錢就平佢好多，再叫多個１蚊燒賣，抵食！！岩岩裝修完光猛好多，又有卡位，咁既價錢，咁既環境，仲有咩要求。

又係下雨天, 去邊度都唔方便, 唯有就近搵野食......最收尾去新星, 叫過HKD168.00 餐--> 任選四, 餐內包白飯四碗及甜品....1. 加$90 轉了上湯龍蝦伊面(有鮮味,約一斤,味道唔錯)2. 加$50 轉薑蔥花蟹二隻(D蟹雖然細仔,但係都OK!)3. 勝瓜雲耳百合(好清甜,媽咪好鍾意食....) 4. 清蒸海石蚌(好鮮,好甜, 好正!!!)5. 沙爹龍鳳串HKD58.00 (另加, 味道唔錯,不過唔係燒出來, 應該係用煎炸的, 我個仔好鍾意食.....)合共HKD400.00

本人於2007年5月16號晚在以餐廰跟家人晚飯,沒有吃飽不特止,還有一肚火! 我們六人點了兩道前菜和一個套餐,吃到一半覺得不夠飽便點了有名的'流沙飽'.九時半左右加單, 到十時還未到, 便請侍應代為查探. 可是侍應到廚房後未有同我跟進!我卻肚餓非常在叫着流沙飽,那侍應聽到後在大叫"蒸緊啦"(請算是什麽樣的服務態度????) 十時十五分我再找她替我跟進,她到廚房門口對着我們那座人指指點點,回來也沒有任何表示. 到十時三十分那六隻飽終於蒸到了,但內容卻一點也不流沙!!!! 等了一個小時才到竟然還蒸不好那個招牌飽, 非常說不過去吧!到最後誰也沒吃進一口便得退貨!還有那個經理,態度跟他那堆侍應一樣, 差得不能再差!叫買單後卻只說"那個飽給你取消了" 我可是叫買單咧!!!! 虹橋酒樓雖說是廉價貨,但態度絶對比這"扮高檔"的新星好最少十倍. 我跟家人永遠也不再光顧這個集團的酒家. 食家們也最好不要被那新派裝潢給騙了!

一家人逛街逛累了，不想煮飯，便去新星叫了個四人套餐\。四人餐\好豐富，有湯，有菜，有魚，有燒味，有排骨；味道不算好特別，但都ＯＫ啦，四個人都食到好飽。花膠濃湯更是用足料，不錯。最開心是套餐\有包這兒出名的‘招牌流沙飽’，每次來新星我都會吃；熱騰騰，軟綿綿；一咬下去，內裡的蛋黃便會立刻流出來，好正，一定要試。

弟婦平日都有去新星吃飯，說碟頭ok，於是全家來做節，結果碟頭只得平日的三分之，印象最深刻是六七粒百花球在碟中蕩下蕩下，簡直氣煞人，碟碟細到無譜，奀到無倫