新東王 (已結業)

第一次食呢間店。我叫咗牛肉麵加咗做餐係配個墨汁腸做小食配珍珠奶茶。我覺得佢依一間可以翻兜既。首先就咁睇，都覺得係有誠意👍🏻，一黎佢麵入面個兩條菜應該係切走左菜頭，所以睇落幾靚仔既，而我本身唔鍾意食小棠菜，佢用嗰啲小棠菜係迷你嘅我覺得易入口啲，二係佢啲酸菜係放喺枱任拎，香港多數都係放啲埋落碗麵到就算。🌑墨汁腸我覺得幾好食，食落去係有墨魚魷魚咁嘅香味，但我唔明點解佢要加啲脆辣雞翼嘅泰式酸甜醬係側面，個醬有啲畫蛇添足，完全唔需要點個醬。🍜牛肉麵個湯都幾好，牛肉唔同出面啲店咁用牛展，食落都有啲牛味，同都煮林。白蘿蔔同紅蘿蔔唔算好林，但唔硬，有啲咬口，麵都係算有啲咬口，唔會一糊野咁。🥤最後就係珍珠奶茶，對我來講個餐入面杯嘢飲係敗北。我原本係落單紙度填左微甜，我唔知係睇唔到定已經少左甜，杯奶茶對我黎講太甜，冇咩茶同奶香，飲落成知味有啲稀，如果再去食，我冇勇氣再叫珍奶，應該會揀其他試。但我竟然聽到老闆推薦其他客人飲珍奶🙈恕未能理解

馬鞍山已不再是美食沙漠，六月份一條街就有三間新店開張大吉。全都是小店，好希望佢地撐住，唔好只得連鎖店。係新港城地下，去耀安邨的行人路就會見到。好少見的咖喱雞腿飯。我喜歡的咖喱味，不太濃。可以再食最特别是咖喱是湯，可以加入飯食或者直接當湯飲，有手套可以大大啖食雞腿$48包小食都幾ok招牌牛肉麵，有半隻蛋和菜炸番薯條，好味。甜甜地。煎餃子芒果優格，酸酸地無乜芒果味千'其餘兩間新餐廳是餃子和喇沙。最多人是呢家台式餐廳。味道不錯，價錢大衆化，值得支持

We got a ticket and were told the only group of four waiting in the line. After maybe 15 min, a table left and it’s another family being arranged to get in. Their ticket is really before us. We don’t mind to line up and wait. But the staff/owner was absolutely misleading and impolite in explaining what happened. They just don’t care. We realised that’s a very tiny shop (only two tables for four), which requires long queueing when crowded. They shouldn’t give customers unrealistic expectation, ju

今次食呢個台式蘋果湯咖哩牛肉麵睇賣相半隻流心蛋，🥚咖哩湯🤤麵質都掛湯，麵香有葱香，第一啖🥺🥺如果，你重來無睇個名，你只會覺得係，日式咖哩牛肉麵。湯底遍甜，少少那喉一句講晒OK la ... 不過完全食唔到蘋果，和無蘋果香無特別。埋單成為 58無加一。PS , 1) 食咗兩次，我都係一個人，坐Bar 台。2) 我唔想再聽到班侍應 heeheehaha 3) 上菜算快。4) 舖仔細細，眼見五個人係我前面。5) 太普通，短期內唔會再幫襯，寫食評留番俾其他食店。

今日同朋友過黎馬鞍山上堂，順便食埋飯先走，原本諗住隨便揀一間食，點知成條巷只有一間排晒隊，肯定唔會伏.２個人都等了差不多２５分鐘，終於有位，等位期間，店員好熱情招待，又有免費凍冬瓜茶，又有免費台灣餅乾，好細心。店內位置不多，被安排坐ＢＡＲ檯，等左咁耐梗係要食好Ｄ，所以叫了紅燒牛三寶，另餃子套餐＄１５再額外加＄１５要黑糖鮮奶，如不想加錢，其實都送珍珠奶茶的，這間小店價錢相當親民，尤其是好多款小食套餐，由＄１５—＄２８都跟埋一杯台式飲品，相當抵食。牛三寶麵好快就黎，大大碗，望落賣相吸引，麵條好滑，同其他店唔同，好正，牛肉，牛根，牛肚夠淋，好入味，最喜歡牛肉是用牛肋肉，完全唔硬，好好食，另外另一亮點係半隻流心蛋，相比其他台灣牛肉麵跟的全熟蛋，這個流心蛋真係羸晒。黑糖鮮奶賣相非常吸引，虎紋效果出色，唔太甜，珍珠軟硬適中，以＄１５價錢黎講真係超晒班。好多人都話馬鞍山係美食沙漠，但這間店應該可以為馬鞍山打破沙漠這個名。

我第2次來食，今次食咖哩牛肋肉飯，味道不錯，整體上飯比麵好吃，但價錢就貴少少，我就加了套餐，小食叫了鹽酥雞，味道不錯但炸燶了點，可以更好，飲品可以接受，叫了冬瓜茶，不過不失。而我朋友叫了牛肉麵，我朋友覺得蘿白不夠入味，湯底偏淡，麵有種怪味，芝麻雞翼很好吃 ，可以推薦，飲品叫了芒果優格，味道很假，冰多了點。但我每一次坐高枱都見到同事在指指點點，又不斷討論，影響我心情，而且教人態度可不可以好一點，加上我不想聽到妳說話。

經過見倒門口既牛肉麵照片就被吸引住，即刻同朋友入去試下，午膳時間都坐得好滿，我叫既牛肉麵麵質唔錯，牛肉牛筋都好入味同好淋，仲附送大量蔬菜，唯一美中不足係覺得湯底唔夠濃郁，要加桌上菜圃一齊食先夠味。午餐可以揀加鹽酥雞同台式飲品都係加18蚊。

見網上有好多評論，一於試下，今日食真啲。叫得自己做台灣野，一定要食佢個牛肉麵，一試定生死。賣相吸引，即刻試食。評分如下:粗麵，麵算林，有少少彈牙，掛到湯三寶分別係: 牛根，免強算林。。。牛肚，已經有少少咬唔開，牛肉，有肉根，聶晒牙啦。湯底無乜肉香，同埋”確”喉.重括黎講，就一般，不過不失。但唔稱得上”紅燒”食到一半，我以為食緊港式牛三寶。PS: 1) $68 食碗麵，有啲貴，又唔係食得適服。(我坐Bar 台, 對住廚房)2) 全部新人，幾個都唔上手，睇住佢”畢”啲餸落我碗麵度，又用膠剪剪餸，好唔尊業3) 個廚，自己都唔知自己夾漏野，幾個廚圍住我碗麵傾計肯定食唔少人地口水4) 大廚同時教人炸野，又話咁樣唔靚，唔合格。可唔可以私底下講。。。食野係感觀享受，但我隻耳，就聽埋咁多呢啲野🤦🏻‍♂️