新東記火鍋店

營業中

休息中

樓上食店一般都係朋友介紹先黎 好小刻意去搵食先講menu 野食冇特別之餘同一般打邊爐店完全一式一樣 我諗大家認同的係價錢貴唔緊要 起碼食物要真係好食或整得用心囉！除左裝食物只碟好似好高擋之餘 其他一無所值！飲品選擇極少！除左唔出名既紅白酒外，就淨係得可樂、忌廉、某牌子烏龍&橙汁！仲有醬料收人$25位，但竟然唔包莞茜！要另外加錢，荒謬！出面火鍋放題 就算幾低擋都唔會咁小家lor!湯底更不知所謂！沙嗲湯憑幻想已經會expect香濃惹味 但竟然一啲味都冇 認真係一啲味都冇！同服務員講左幾次 好似以為我哋吹水 叫佢親自試吓又唔試！最終要換湯底！其他湯底一試就知唔係買返嚟 就係用湯粉加水！真係食到一肚火！買單10個人食咗四千幾蚊！發誓以後一定唔會再食呢一間！要行高檔冇所謂 但食物品質一定一定要檢討下！如果食物都冇心機做 樣樣食物都要買返嚟就唔好學人行高檔路線。

新東記搬左新店, 店內夠光猛, 抽風設備唔錯, 感覺通爽。湯底以牛肉同豬骨為主, 亦有適合素食人士嘅 鮮腐竹米漿窩。我地揀嘅花雕醉雞鍋就以豬骨為湯底, 加入花雕同幾款藥材, 好重酒味。花雕醉雞鍋 $220火鍋未滾, 店員先推出三層調味車。**醬料費每位$25**。有基本醬料、辣椒蔥蒜, 可惜無我最愛嘅芫茜, 想食就要另叫一份芫茜$14。配料方面, 點咗黑椒牛丸$55 、黑牛柏葉 $45、竹苼$88 、肥牛肉(例)$238 、鮮雜菌$52 、冬瓜$32、脆肉鯇魚$98其中手切肥牛肉質紮實有咬口, 肉味香濃。鯇魚片嫩白大片, 薄切魚肉淥一陣肉質變得有彈性就食得。埋單2位連加一、$50醬料費、兩支可樂, $1000左右, 屬中高價位。

新東記的新店位於尖沙咀加拿芬道，在K11旁邊，非常好找，而且交通便利。有別於一般的食肆大廈，新東記所在的大廈十分新淨，衛生情況令人非常滿意。新東記新店同樣光猛整潔，一進店門就有一整排酒整齊地歡迎著我們，很有氣派。旁邊還有數間VIP房，房間用上自動門，感覺高級。游水生猛海鮮，海中蝦超級大隻。在欣賞新裝修的時候，店員已送上醬料車，打邊爐要的醬料和佐料都有齊了，最特別的是有腐乳醬，挺香和惹味的。洋蔥牛肉清湯 $65湯底滲出陣陣洋蔥的香甜。爽口肉眼筋 $52賣相非常靚仔之餘，入口仲好爽甜添！片片厚薄均勻之餘仲要切雙飛，刀功一流。鬆軟豆腐卜 $33果真鬆軟，豆味濃郁，而且仲一啲都唔油膩，有驚喜！千層凍豆腐 $33同樣是豆味香濃。四寶丸 $65牛肉丸、豬肉丸、貢丸和魚蛋各二。其中貢丸最出色，咬開時香菇味和豬油香會湧出，十分滋味。爽口芋絲 $33爽口之餘，仲可以索晒湯底嘅精華。萵筍 $33也是很適合打邊爐的蔬菜。

與朋友在尖沙咀逛了一會，食了少少下午茶，到食晚飯時間，雖然不太肚餓，但始終都要食晚餐才回家。忽然想起早陣子附近有間鮮牛肉火鍋店要裝修而暫停營業，正值秋天，是時候食火鍋，剛巧我們就在附近，於是就上網搜尋，按新地址上到火鍋店。新店就在原來舊店的不遠處，所在的商業大廈也算不錯。上到樓上，火鍋店內地方不算小，整齊潔淨，環境舒適而沒有擠迫感。入門口當眼處就擺放了一個紅酒櫃。不知是否因為閒日關係，還是沒有在意新店已經重開，客人不算多。我們並不很肚餓，只是想食火鍋以應秋天的景，所以就選了蕃茄薯仔湯底($65)、招牌的鮮嫩肥牛肉就要例牌($238)、紐西蘭羊肩肉($58)、時令雜菜籃($55)及日本手打稻亭烏冬($47)，少少地作為火鍋季節的開始，另外醬料費每位$25。蕃茄薯仔湯底的蕃茄是大肉茄，而薯仔亦較為實身，所以不會那麼快就被煲溶，但味道略嫌淡一些。鮮嫩肥牛肉顏色鮮紅，雪花紋理清晰，不會太肥，只需要灼四秒左右就可以。肉質鮮嫩，腍滑無渣，牛味十足，鮮甜可口，果然有級數，我第一片就是甚麼都不蘸已經好好食。相比之下，急凍的紐西蘭羊肩肉就有點不及，其實羊肩肉本來也很有肉味，但因為有珠玉在前，就有些被搶了

好久以前吃過一次新東記一直印象難忘，後來見到它結業覺得非常可惜，這夜於K11一帶覓食才發現原來轉址重開了，不得不去支持一下。新店環境雅緻光鮮，地方新淨，企理整潔，寬敞的環境設有不少軟座大卡位和大圓桌，好適合一家大小或一班朋友來相聚，另外更設有多間廂房，私密度一流。店員的服務甚佳，殷勤禮待，食物上枱速度很快，幾乎即叫即到，不消一會便放滿一整桌。洋蔥牛肉清湯好特別，是出面較少有的湯底，內有好大顆已煮熟的軟腍洋蔥，份量十足，味道香濃，與牛肉味很搭，湯質夠清，不會好混濁。欣賞湯鍋上夾著小筲箕，涮牛肉、魚和烏冬等就方便得多了！手切肥牛肉極度出色，師傅將掛起的牛肉即場切片，非常新鮮，色澤紅潤，油花均勻密佈，肉質超嫩又不失嚼勁，即使涮久了仍能保持肉嫩，更重要是牛味好濃厚，不用沾醬已經美味十足，確是真材實料，我們眾人都讚嘆不絕。鮮蝦雲吞好有水準，餃皮又滑又薄，餡料又多，每一粒都好飽滿，蝦肉夠多，非常彈牙，是不折不扣的皮薄餡靚，相當有驚喜。很喜歡這裡的順德魚腐，大大顆，不會好油，內裡餡料夠飽滿，不會空洞洞的，口感好煙韌。鯇魚腩長長的一大塊十分厚肉，賣相新鮮得像刺身片，肉質鮮嫩滑滑的，魚味十足。日本手打稻

秋風起，涼涼地。又到左打邊爐既季節喇！😃今日去左k11對面個個大厦既一間餐廳打邊爐。呢度既火鍋質素都幾好。尤其 佢地既鮮牛肉，真係好新鮮。餐廳係15樓高質，上到去環境幾好，乾淨。似中菜廳咁。坐得舒服又闊落。叫左個洋葱牛肉火鍋湯底🐂湯底牛既味道濃郁，再加洋葱更加香。湯底夠味，所以食物都不需要再沾醬油都夠味。鮮嫩肥牛肉（例）肥牛既雪花紋好靚，分佈得很平均，很新鮮。只要淥幾秒就要食。味道真係好重牛味，肥嫩肉，有入口融化既感覺！一要叫黎食呀🐂👍👍雲吞 也是推薦的👍大大粒的雲吞，裡面釀入了很多蝦肉，好足料。食落非常彈牙而且很有蝦既鮮味！😋窩荀 🥗一早放落去慢慢滾，等佢吸收哂湯底既味。好多汁，真係好味，好清新。鯇魚腩🐟餐廳有提供這個隔湯殻，很好用好方便。將魚腩放落去滾，唔怕整散啲魚肉。😊鯇魚腩好厚肉，魚肉好滑好鮮。四寶丸魚旦 ，牛丸，豬肉丸，貢丸都很爽口彈牙。尤其魚旦 ，食落好有魚既鮮香味，不用沾豉油都夠哂味道。😁

今日約左朋友去尖沙咀行街行到咁上下就去打邊爐店內裝潢舒適，坐得好舒服湯底有好多款選擇，秋風起涼涼地我地簡左 味菜胡椒豬肚湯$65，豬肚好足料，初初可能啱啱放胡椒關係 所以胡椒味唔突出，之後越食越感受到胡椒味👍🏻醬料車有沙爹醬、腐乳醬、芝麻醬、喼汁、麻油、蔥等等，應有盡有點左四寶丸$65（每樣兩粒），香滑魚皮餃$55，蘿蔔$32好淋鬆化響鈴卷$48 炸得好脆口重點當然唔少得 肥牛肉（例）$238 牛味香濃，仲有唐生菜$42 好飽好滿足自家製竹庶水$38/喳，一人可以分到3杯，唔會過甜

跟同事妹妹👧🏻剛好在尖沙咀下班👜，正在煩惱要吃甚麼時🤔，看到了這家店的標示💡，記得之前這家店🔥，一直都是人妻🐷與朋友的火鍋基地😎，前陣子經過它的舊址📍，已看不到它的踪影😱，當時還有一陣莫名的失落感😭，原來它搬到了這邊🤩。反正我們還沒找到晚餐的著落🤷🏽‍♀️，二話不說就上去了😊。新店的裝潢跟舊店差不多🤔，環境寬敞😲，另有設有包廂🧐，以增加私隱度👍🏽。點餐紙上的選擇依舊的多🤩，單是湯底已有超過10款😳。點了的食物還沒到😌，就先來混混醬吧😁。醬料以手推車奉上🛒，整齊乾淨又方便👍🏽。新加坡叻沙湯底🍲：兩個女生都是愛辣之人🌶，加上大家的胃口不大😅，就選了一個開胃湯底😉。湯底有著濃郁的椰奶香氣🥥，味道不算是太辣👌🏽，啖啖都帶有椰奶的甜味😋，湯底早已加入豆芽及油豆腐😌。紐西蘭羊肩肉🐑：羊味香濃🤤，肉質緊實肥美😍，毫不油膩😲，也沒有一般羊肉的腥羶味😳，輕輕一熝就可以吃了🔥。四寶丸🍥：丸類當然不能少啦😁，它分別有潮州魚蛋🐠、貢丸🍄、牛丸🐮及豬肉丸🐽各2，粒粒爽口彈牙😋，很不錯呀👍🏽。千層凍豆腐🍢：口感細緻綿密😍，吸收了湯後😌，入口更是滋味😋。黑木耳🖤：營養價值高👍🏽，是養生的同事妹妹👧🏻最愛，口感爽脆🤩，

新店在附近重開，環境比舊舖更舒適。鮮嫩肥牛一目了然。生猛海鮮在游泳。剔剔剔，on diet要慎選！10pm後宵夜有7折，勁抵食！醬料($25/位)除了基本的葱、蒜、芝麻醬，還有酸菜、唐芹，刀工好，切得很細，今人想加碗白麵拌住食。味菜胡椒豬肚湯 ($65)先喝湯，胡椒味很重很香，豬肚份量也有不少。安格斯肥牛粒($189)質地十分軟嫩，而且粒狀更有嚼勁，食得出係高質素水準。四寶丸 ($65)有豬肉丸、牛肉丸、魚蛋、貢丸，丸類也相當高質，魚蛋爽滑，貢丸菇味十足，牛丸真材實料，牛味濃郁，爽口彈牙，激讚！日本手打讚岐烏冬 ($45/2個)又滑又有咬口。

打邊爐其實就算係夏天都已經唔係一件難事，今日咁啱我好想打邊爐，於是就搵咗朋友一齊去尖沙咀嘅新東記試下。聽聞佢近排重新裝修過，一上到去見到個裝修都好時尚，光線充足，行型格路線。椒鹽九肚魚  $68非常惹味，椒鹽九肚魚嘅外皮炸到脆卜卜，灑上好多蒜蓉 ，非常重蒜味。九肚魚肉質鮮嫩，配啤酒一流。海底椰濃豬骨湯 $82咁啱又一位朋友個喉嚨唔係好舒服，所以我哋就揀咗一個清清哋嘅湯底。呢一個海底椰豬骨湯飲落去非常清甜，而且配料都有好多，有豬骨，紅蘿蔔，青蘿蔔等等。肥牛肉  $238我哋叫咗一個例， 佢嘅牛肉望落去好新鮮，雪花紋好靚，食落去牛味都幾濃。日本黑豚肉  $88呢一個日本黑豚肉都好好食，肉質爽口，豬肉味都幾濃。爽口肉眼筋  $52爽肉眼筋亦都係我平時打邊爐會叫嘅一個肉，呢度嘅肉眼筋肉質比較厚身，食落去有少少似豬頸肉，豬肉味都幾出。水魷魚  $52大路貨式，唔錯。鯇魚片  $50通常都會叫鯇魚片，呢度嘅鯇魚片好新鮮，肉質好嫩滑爽口，輕輕灼 十零廿秒已經好好食。自家製墨魚膠  $78呢一度嘅墨魚膠非常新鮮，食落去都幾濃墨魚味，而且佢撈粉嘅比例唔多，食得出墨魚嘅比例份量好多。醬爆芝心丸  $55好

今晚肥妹仔收工之後好想打邊爐，於是就約齊咗一班朋友去尖沙咀嘅新東記道打邊爐!聽聞佢近排重新裝修過嚟，所以一上到去肥妹仔見到個環境非常光猛，裝修都好時尚，令人食慾大增。椒鹽九肚魚  $68椒鹽九肚魚係肥妹仔去大排檔必叫嘅菜式，估唔到呢度都有得叫!佢嘅椒鹽九肚魚炸到非常香脆，椒鹽味好濃，九肚魚肉質好嫩滑。海底椰濃豬骨湯$82肥妹仔我哋決定要呢一個海底椰豬骨湯，一上枱見到個豬骨湯入面有好多配料，有豬骨，紅蘿蔔，青蘿蔔，仲有好多海底椰肉。飲咗一啖個味道非常清甜。肥牛肉  $238佢嘅牛肉非常新鮮，雪花紋理超級靚，食落去都幾濃牛肉味，而且切得薄薄，一片輕輕一勺已經可以食得。日本黑豚肉 $88黑豚肉亦都唔差，佢嘅肉質都幾嫩滑爽口，豬肉味都幾出。爽口肉眼筋  $52話明係肉眼筋，食落去一定爽口彈牙。水魷魚  $52肥妹仔打邊爐必叫嘅菜式，水魷魚吸咗個湯底，爽口彈牙，好食。鯇魚片  $50鯇魚片肉質爽口，新鮮，食落去幾濃鯇魚味。自家製墨魚膠  $78神先打出嚟嘅墨魚膠，食落去好鮮味。爆漿芝心丸  $55呢一個芝心丸一定要趁熱食，咬落去啲芝士流曬出嚟，超級邪惡。炸魚蛋角  $52大路貨色，不錯。鮮蝦雲吞

今晚屋企冇飯食, 同細佬又好想打邊爐, 所以就黎到一直都好想食既新東記~一黎就撈下D 醬料，然後叫左個冬瓜湯底, 冬瓜又幾多,而且個湯都幾鮮甜！之後我地叫左牛栢葉、豬皮、三寶丸、菜、手切肥牛肉~~牛栢葉同豬皮都好爽，同細佬食完一片又一片～而個手切肥牛肉真係冇得輸， 脂肪比例均勻， 淥左十幾秒就食得，食落又滑又腍，完全停唔到！三寶丸彈牙又鮮，值得一試。而菜籃，入面有白菜、西洋菜、娃娃菜，多款到丫，健康又新鮮！整體黎講都唔錯既，不過如果平D 就好~

朋友近排轉左新工番尖沙咀，咁耐無見就去左新東記打邊爐，可以慢慢坐傾下計都是一個不錯的選擇😊😊入到去環境光亮舒服，地方又夠寬闊，仲有房間俾人book，可以有私人的活動。坐下來點左野食先😆味菜胡椒豬肚湯湯底都很入味，胡椒很重。蘿蔔打邊爐點少得蘿蔔，首先落左先可以吸收了湯底的味道👍🏻四寶丸有牛丸、魚蛋、豬肉丸等等，丸類都很大粒響鈴很鬆脆可口鮮嬾肥牛肉，打邊粒中的主菜之一，很鮮美又入林，味道不錯👍🏻魚皮餃平時都很少食，呢個魚皮餃，皮都很薄新，味美很好！

一路都唔知新東記搬左, 今晚朋友話食我先知~~去到裝修我好靚, 感覺舒服! 一坐低先混醬, $25 包醬包茶芥!之後就叫左個冬瓜海味湯底，入面好多冬瓜、菇、瑤柱等，湯底非常清甜～由於2個人打邊爐，叫左幾碟餸~有牛爽鍵、三寶丸、牛骨髓、蔬菜籃.牛爽鍵係叫左個中SIZE，食落牛味重，又鮮嫩～三寶丸係手打既，有蝦丸、墨魚丸、綾魚，全部都唔係雪藏，新鮮手打，食落好彈牙～而牛骨髓就好爽滑，最後個蔬菜籃好健康，入面好多唔同種類既菜。OVERALL 環境OK, 食物質素高, 下次會再黎!

最愛吃火鍋的我，今天選擇了新東記。想悠閒的吃，不用趕時間。所以今晚不吃限時的火鍋，選擇了一家坐得舒服，環境一流的火鍋店。湯底選擇了傳統的沙嗲并冬瓜湯。等待湯底時，侍應推來一架裝滿調味料的車。有我最喜歡的生蒜、熟蒜、莞茜，指天椒，葱，沙嗲醬，花生醬，麻油，醋，醬油。每個大碗都放滿了調味料，絶不欺場。侍應一放下個煲，已漂來陣陣沙嗲香味。我們點了響玲并凍豆腐，白菜餃并韮菜餃，三色滑，脆鯇腩。三色滑中的鯪魚滑及墨魚滑最出色，記得不要滾太久，剛熟最好吃。餃子也很好吃，我最怕多肉少菜的餃子，這家火鍋店是菜多肉少的，非常美味。響玲及凍豆腐是沙嗲湯底的絶配，吸收了沙嗲的精華，每口都能吃到沙嗲的香濃。不得不提，這火鍋店服務一流，每隔一陣子，侍應便主動推調味車來給我們加調味料，加湯又加得密，非常值得稱讚。這火鍋店大部份款式都可双并的，非常適合像我這樣什麼都想吃的人。而且調味車上的沙嗲可加在沙嗲湯內，不怕加湯把沙嗲味調淡。這店還有很多椒鹽小吃，佐酒一流。可惜只有我跟朋友2人，實在吃不下。下次一定要點一，兩款小吃嚐嚐。