新東記火鍋店

營業中

休息中

新東記裝修完，比以前更光猛，而且感覺更企理入到去已經見到大大個魚缸裝住唔同既海鮮仲有牛肉檔，見到肉既顏色紅卜卜，就知有幾新鮮酸梅湯消暑解渴，啱曬打邊爐飲。 酸梅湯味道甜酸適宜調味料架， 除咗有生熟蒜外，仲有辣椒，西芹碎，沙茶醬，花生醬，麻油等等，花多眼亂沙嗲湯底花生味香濃，入面有芽菜，芽菜爽口脆身，配埋沙嗲湯底好食。珊瑚蚌: 新鮮爽口， 而且仲好大舊響鈴: 新鮮炸起，腐竹味重脆鯇魚腩: 冇碎骨，魚肉鮮甜，最緊要夠脆魚卜，即係魚膠，女人食好補，最緊要高蛋白低脂肪，膽固醇含量唔高，養顏必食牛頸脊係牛隻活動最多既部位，脂肪較少淥一陣就食得，肉質嫩滑，牛味濃

一間新開但勁唔抵食既打邊邊🤢我地見個金錢腱係推介就要咗一份（$258 圖2）但發現上枱後份量都幾少🌚 味道還好但唔抵食🙅🏻‍♀️ 重點係佢有自助醬料bar 每人盛惠$25 想講呢個價一碗仔豉油應該係痴_咗線🤦🏻‍♀️ 仲要係拎完d豉油先發現咁貴🤢-其他野食仲要咗蝦滑，娃娃菜，鴨粉腸同芝士腸蝦🦐滑個人覺得唔錯d蝦算幾彈牙既但鴨粉腸就有小小偏苦😖 -然後我地只係嗌咗五樣野就600幾蚊埋單 真係大食小小都破產🤢 環境既特色係有個酒櫃係中間 野食唔算特別好食 仲要貴到咁 真係寧願食d貴小小既任食邊爐好過🤢🤢-

今晚約咗friend去打邊爐， 尖沙咀放工。 佢話想食啲好嘢，幾時都贊成。 佢揀咗去尖沙咀新東陽， 都幾近尖東地鐵站N2出口。果區咁多嘢食點解要去依間呢。 個friend話嗰度嘅手切牛肉好得，依間從舊店搬來從新開業， 其他材料質素唔錯期待。餐廳光猛企理， 格局中上， 見到有游水魚缸 證明有新鮮生猛海鮮， 一分錢一分貨啦。就係一張點火鍋配料嘅order 紙， 一目了然。 其他仲有 drink list, 各式小食。先選鍋底， 有精選亦有大路款式。 好想試四川麻辣， 但又想吃胡椒豬肚。 但如果揀呢兩款又 唔係咁夾。 都係揀一個平民鍋底"蕃茄薯仔"加"胡椒豬肚 "穩陣。胡椒豬肚果然冇揀錯， 勁重胡椒味， 但唔係嗱喉嗰種， 少少衝擊之後飲落更舒服。 鹹菜配上又爽又煙韌嘅豬肚， 非常美味。手切肥牛$238係例牌嘅size， 但份量都唔會話好的式。 塊塊大小厚薄差不多， 手工唔錯。 淥一會便食得， 又滑又腍， 比想像中 更高質素， 牛味出眾。 真係唔覺唔覺就食曬。白菜豬肉餃， 都係自家製，餡料飽滿， 放湯一流，澱粉質都唔需要食呀!四宝丸也非常推介。 粒粒都彈牙足料。 手打牛丸尤其出色， 好滑好彈

山竹過後， 四周充滿怨氣。能夠安然渡过，當然都要感恩。 今晚去咗新東記食火鍋， 都係即興，因為屋企冇飯開。新東記就位於尖沙咀N2出口， 步行數分鐘便到。 餐廳面積雖不算好大 ，但亦企理乾淨。湯底我們選了蕃茄薯仔湯併胡椒豬肚湯。 一邊清淡住家feel另一邊係 滋味胡椒湯底。 價錢都好公道只係將較貴嘅湯底價錢加$30蕃茄薯仔湯底勁多料， 胡椒豬肚都比想像中多了， 胡椒味好重， 勁嗆喉，好正。 豬肚爽爽地帶煙韌， 咬得開嘅非常有胡椒味。手推車放滿各種醬料。手切肥牛肉(例牌 $238)睇得出係手切， 脂肪比例均勻， 只需淥十幾秒， 外表睇落好粗鞋， 估唔到食落又滑又腍， 食到唔停口。 皇帝菜打完風都有幾 翠綠嘅皇帝菜， 放在番茄湯底中好清甜。四寶丸包括牛丸，豬肉丸，貢丸，蝦丸。 牛丸非常彈牙爽滑， 食得出無溝粉。 貢丸超爽味， 大大粒冬菇餡料。魚肉釀豆卜呢款比較少見， 因為都要人手釀製豆卜， 功夫唔少。 鯪魚肉薄薄的填滿豆卜， 非常美味。自家製嘅酸梅湯($10 杯)酸梅味濃， 好開胃雪得夠凍。 兩個人飲一瓶太多了， 再加支裝可樂，夠爽又夠氣!羊肉片好嫩滑， 帶少少羶味就係我嘅至愛。 加上腐乳醬

兩個女仔想傾下計 又想打邊爐 又唔食得多野 見到食評話呢個係高質邊爐就試試上到去 見到個混醬車就知high class個menu 紅白酒都有得飲 我地揀左個胡椒豬肚湯 d 豬肚好正 又香又肥最重要係叫呢個肥牛 佢有好多選擇 又有鞍格斯 又有牛肩脊我地叫普通肥牛 都可以揀要幾肥 我地揀既係少肥 但已經好正 ! 入口即溶 好冧 好味到唔捨得食跟住我地仲叫左 魚肉豆卜，黑牛栢葉，響鈴，生菜，餃子每樣大概50蚊左右 樣樣都好新鮮，栢葉好爽 豆卜吸左d 湯都好好味 如果可以試埋d 海鮮就好

尖沙咀開咗街新嘅火鍋店，可能因為新開非常乾淨！而且見仲有數間廂房，好啱一大班人食嘢又有私人空間。牛肉清湯 $70本身有諗過叫沙嗲湯底，但因為覺得要「點」豉油，所以唔想個湯底已經充滿太濃烈嘅味，揀咗牛肉清湯。非常鮮甜，就算落任何食物都唔會無咗食物嘅原味👍🏻鮮嫩肥牛肉 $238聞說呢到嘅牛肉都係手切，用「起雙飛」嘅獨門方法，老實講佢咩法我唔太識😅但似積真係好鮮嫩係真嘅🤤黃金龍蝦球 $55呢個係我全晚最鍾意食嘅！一咬啲蟹籽就爆出嚟，滿瀉咁！真係好好味，希望每個打邊爐嘅地方都可以見到呢隻丸😛灌湯蟹籽丸 $55正常蟹籽丸！味道唔太出，可能本身都不算濃味食物有關🤣但同樣蟹籽都好多，只係味道偏向較淡！白牛柏葉 $45好爽口，好彈牙！睇得出佢完全未經漂白，好味又放心😊唐生菜 $42菜沒有異常特別。但份量就相當多，啱哂鍾意食菜嘅人啊！而且menu上菜款都幾齊。蟶子王 $250(4隻)其實唔算好特別，但口感都幾爽口，同埋放落去好快就熟！唔好等咁耐。

年多前曾經與朋友在舊店食過一次， 一行十人，因上次是包房為朋友慶祝生日，故設有最低消費，屬高質數的食物。 之前我請了友人食飯，這餐他回敬我，這餐火鍋是他選擇的，不過我今天食了下午茶，不大肚餓，因他健康問題，正常會6-7點便用膳，且不宜食太多肉與太飽，不過他不聽話，要飲啤酒!食店由舊店搬到同區新址，從地鐵站走過來，可從河奈道這邊大廈正門搭電梯上，新店光猛，坐位舒適，同時給客人看到師傅即時手切牛肉，侍應哥哥姐姐服務細心，經常為我們加湯，添茶。新加坡叻沙湯底$65.-湯底比食開叻沙粉麵的清淡，但食物煮久也能滲出叻沙味道， 喜歡食叻沙的我，可以接受。牛頸脊例 $238.-朋友喜歡食牛，他食開牛頸脊，說不會肥，但他不能多食，靚的牛肉烚至粉紅色便應進食，我之前戒了食牛肉，這幾個月才慢慢開始食返，所以興趣仍不大，牛頸脊雪花分佈均混，厚度適中，放入湯中烚30秒即可進食，我當然要食全熟啦，牛肉鮮有牛味，他食得很高興。四寶丸$65.-牛丸，貢丸，豬肉丸，魚丸，四款口味，魚丸彈牙不帶魚腥味，好食，其他丸都比外邊的彈牙，有丸味。鯪魚釀豆卜$48.-很久沒這樣子食了，豆卜新鮮沒油溢味，魚肉新鮮，豆卜需煮到夠淋才

新東記搬了同區新地方了，新店光鮮，榮光依舊。一如以往和家人一起打邊爐大快朵頤。最近總覺得口淡淡，所以今晚點了重口味一點的味菜胡椒豬肚湯。這個湯底真的濃郁到不得了，先是咸香，越滾越入味，大家要有味覺被刺激的準備。用料很足很夠，每一舀都吃到爽滑豬肚，香濃入味，喜歡咸菜這些家鄉風味的朋友會很喜歡。我每次打邊爐都必點珊瑚蚌，這裡的珊補蚌更是出色添分數，因為真的新鮮至極，每一片都有海水味。各人都邊吃邊讚美。其次就是響鈴吧，打邊爐怎能沒有響鈴呢？這裡的響鈴大大件，一浸一吃，一邊脆口，一邊沾滿濃湯，好不好吃！我比教喜歡健康邊爐，所以也點了菜心和竹庶水，清一清腸胃。大滿意！

我究竟有幾中意打邊爐😂今次黎到新東記 一嘗佢出名嘅牛牛先黎個牛肉清湯 ($70)清清地 食任何野都可以突出鮮味然後叫左新鮮肥牛 頸脊 ($238)牛頸脊是牛隻活動最多的部位脂肪較少 好有咬口架😆自製三式丸 ($98) 粒粒都好大份當中墨魚滑同蝦滑都比較爽口 好味👍🏻日本黑豚肉 ($88) 肉質鮮嫩柔軟😛________________________裝修環境：✨✨✨✨✨服務態度：✨✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

Graving for hotpot for awhile, so searched on Openrice and found this restaurant with decent ratings and comments.The restaurant is located near K11, and it’s quite close to MTR station which is convenient. We went on a Thursday evening, and arrived at the restaurant around 19:30. It was almost full house already, luckily we made reservation few days ahead. We had total of four people. We ordered signature beef which was irresistible... must try!!! Overall, I’ll rate the restaurant 5/5, as

同朋友突然好想打邊爐，又唔想同人迫，但又唔好太貴，於是選擇了位於尖沙咀K11對面嘅新東記。第一次去到餐廳，裝修都幾好，坐位唔迫，餐廳抽風同冷氣都OK，唔好覺得好焗，亦無一大陣打邊爐味。而且我地發現餐廳隔音超好，因為VIP 房的自動門打開左先發現原來當日有一大班客人在房裡面飲得好高興，但當自動門關上時，就完全聽唔到佢地高呼的聲音，不會打擾,到其他客人。大部份嘅醬汁配料，餐廳都有提供。由想打邊爐，但又怕太熱氣，所以叫左個芫茜皮蛋湯底(平均下心理)，湯底芫茜和皮蛋份量適中，味道都唔錯，唔會好淡味。邊爐配料叫左鮮嫩肥牛肉(中)、鯪魚釀豆卜、皇帝棻、自家制唧唧魚麵、四竇丸等等。鮮嫩肥牛肉(中)最值得一讚，牛肉好新鮮好味，每一片唔會太薄，肉質亦不韌，非常美味。3個人份量可以叫中size，如果超級喜歡牛，可以試下大size。鯪魚釀豆卜，鯪魚唔腥，加上豆卜吸收了湯底味道，都幾好吃。另外，皇帝棻、自家制唧唧魚麵、四竇丸，材料都新鮮。

第一次跟朋友黎到新東記尖沙咀新鋪食火鍋，一入門口就見到有一大個紅酒收藏櫃，樓面燈火通明，裝修得相當雅緻，而且冷氣系統夠通風，唔會有一陣食物味四散，係好適合三五知己共聚嘅好地方！鮮嫩肥牛肉（小肥）：碟牛肉一上檯，睇色澤就知佢新鮮！靚牛肉等湯一滾起，拎筷子夾起拖8-10秒就食得，滾太耐會浪費咗碟牛。今次碟牛雖然揀咗小肥，但依然肥瘦均勻，所以入口十分軟滑，而且牛味十足，唔係一般任食火鍋嘅牛肉可比。走地三黃雞：碟雞就咁望落去，睇唔出有咩特別，但當我一食落口，就發覺原來打邊爐，食雞件都可以咁好味！佢每件雞都充滿花雕酒香，雞皮咬落爽口彈牙，雞肉亦十分滑溜，相信店方係準備過一番功夫先俾客人食，相當有驚喜！豉油王鵝腸：依一碟豉油王鵝腸，分量十足，而且鵝腸入面仍然保留着少量嘅肥油，食落口感覺非常滿足，鵝腸咬落爽脆，鵝油齒頰留香，配上豉油王烹調方法，完全係相得益彰！自製墨魚膠：依一碟墨魚膠充滿光澤，而且食落口好鮮甜彈牙，咬起上嚟感覺好紮實，唔會散修修，相信店方真係用新鮮墨魚落足料去製作！食到最後仲會有甜品送，係綠茶啫喱，清甜得來又唔會太甜，陣陣綠茶香味喺口中散發，果然係一流嘅飯後甜品呀

今日同朋友嚟到尖沙咀行街，行到攰啦滿載而歸就梗係要搵嘢食啦，鍾意食火鍋嘅我朋友都知我心水㗎啦，佢就帶咗我嚟新裝修嘅新東記，其實以前都嚟過㗎啦，但係估唔到宜家裝修左之後坐得更加舒服，環境更加簡潔。一出電梯就見到一個紅酒櫃，更顯格調，而且人多仲可以包房，呢度仲有幾間房㗎。配料都十分之齊備，而且乾淨衛生。海底椰豬骨湯底，滋潤得來又唔會好燥熱。呢一碟鮮嫩肥牛絕對係招牌菜啊，話得係招牌菜就梗係有佢獨特之處啦。係師傅即場切㗎，牛味十分之重，而且入口口感紮實，肥瘦適中，一上枱就見到佢鮮嫩嘅顏色，已經知佢好新鮮啦。而且我只係叫例牌，份量都已經十分之多，但係太好味啦，好後悔自己唔叫碟大嘅一件件白色嘅牛胸爽，放落個湯底度滾兩滾就食得，入口爽口彈牙，唔會覺得充滿油膩嘅感覺，簡直一流呀。手打魚肉面，爽滑彈牙，充滿陣陣魚鮮味，又好玩又好食。鮮蝦雲吞，講得上鮮蝦嘅就梗係有大大隻蝦係入邊啦，啲蝦唔會見到有蝦腸，而且係店舖自己包嘅，大大隻蝦，食落口好有滿足感竹遮茅根，唔會好甜，而且夠晒冰凍，打邊爐點可以冇左你啊。

同老公食飯，諗唔到食乜，總會不自覺行去打邊爐的食店。今次佢就帶我去尖沙咀的新東記，新店門面都幾靚。而且入內的裝修都算唔錯，座位夠晒闊落。老公話想食豬骨湯底，原來豬骨湯底都分左好幾款。我就揸主意揀咗日式九州豬骨湯。味道都幾濃郁，亦有小小麻油香，有啲似出前一丁的味道。一場來到，當然要試吓高質的招牌手切肥牛。牛肉鮮紅色，係高級貨色，入口的口感令人感動，而且味道亦好出色。老公同時亦點左羊肉，份量比我地想像中多。呢個雞翼亦好特別，經過長時間醃制，酒香味十足。我就負責點選蔬菜，始終兩個人成日出去食飯，總希望有多一啲蔬菜落肚。整體而言，牛肉確係高質，令人回味。其他食物算係不過不失，價錢每位四百多。

同屋企人行開尖沙咀想去打邊爐，行過見到K11附近有間野叫做新東記，上到去又有位坐得又舒服，成間野乾乾淨淨非常新淨。揀咗個冬瓜湯底，感覺好似冇咁熱氣。肥牛，非常靚，佈滿雪花，入口即溶，必食推介！自家製墨魚滑，墨魚味濃郁，有夠彈口。鳳城水餃，餡料非常充足，蝦~全部都係蝦!!仲要非常細心，我冇見到有蝦腸👍🏻肥鵝腸，呢個鵝腸同出面食嘅唔同，超級爽口，肥瘦適中，好正！黑牛柏葉，爽脆有口感，真係5秒就夠，千祈唔好得耐。日本南瓜，同中國南瓜相比真係好唔同，香甜好多。呢間野嘅食材非常新鮮，而且真係用心揀過。價錢雖然唔算平，但真係物有所值！