新東記火鍋店

營業中

休息中

只有本地肥牛 (中肥) 值得推介，蔬菜份量亦可以。其餘的食材水準全部低於正常水準，沙嗲湯底亦不合格。不合格食材：牛肉粒 （不明白為什麼廚師會建議煮20分鐘，煮了出來已變擦子膠）、九肚魚（有鱗, 不新鮮)、雲吞和韭菜餃 (沒有味道).. 竹蔗茅根水也不像是自己煲，比較像在外面買回來的。吃了一半大部分人已經停手，不知道應該再應該吃什麼。連最後的蕃薯糖水也非常差勁，不熱又不冷。我們對這間老字號真的非常失望，一定不會再訪。

入秋最中意十下十下🍲出乎意外地好食，大部份新鮮食材，個人認為唔需要嗌炸嘢，留返quota食多啲新鮮肉/海鮮🤣湯底叫咗胡椒豬肚湯，重胡椒味，豬肚軟嫩無腥味🍲5人嗌咗兩大碟牛，分別係牛頸脊同鮮嫩肥牛肉(小肥)，油脂分布平均，肉質鮮嫩🥩另外牛白肉(牛胸爽)入口即溶，一啲都唔韌✨海鮮方面有桂花蚌同加拿大肥蠔，桂花蚌口感爽甜，蚌鮮嫩肥美，下次多啲人會試多啲海鮮🤣最後墨魚膠都有驚喜，口感爽口彈牙🦑📍新東記火鍋店 #尖沙咀火鍋店 尖沙咀加拿芬道25-31號國際商業信貸銀行大廈15樓💰牛頸脊(大) $549 鮮嫩牛肉(小肥) $549 牛白肉 $220 胡椒豬肚湯 $130 加拿大肥蠔$200 桂花蚌 $138 自製墨魚膠 $88 黑牛柏葉 $47 鵝腸 $62

好耐冇嚟呢度打邊爐今次係搬咗舖頭第一次去食環境闊落咗好多！估唔到咁多年都係咁正呢到最正嘅，梗係佢哋嘅牛肉啦打電話嚟book位嘅時候，已經叫師傅留定對面嗰位 第一次來新東記打邊爐嘅朋友對牛肉讚不絕口🤣佢哋仲有一個隱藏美食🩷就係醉雞翼😏真係必點既打邊爐配料唔係到到都有㗎！

凍冰冰開始想打邊爐老公就揀咗呢一間之前我哋成日都食任食但係坦白講有時候其實食量唔係咁多反而想食得精緻啲今日餐真係令到我超出意料之外嘅好食服務亦都十分之賓至如歸！附近兩台客都係講日文大家都食得津津有味。食物分量方面簡直要比滿分😊大碟嘅首設肥牛，份量足夠三個人食而且肉嘅質素十分之高嗌咗牛頸脊另外鳳城水餃，桂花蚌、鮮腐竹、黃油雞等等嘅食材都完全冇令人失望， 而且份量十分之足夠。 例如鳳城水餃有9雙貢丸都有成差唔多八至九粒。 酒水方面，價錢亦都好合理，竟然有$199一支嘅紅酒，都算飲得入口嘅。 總而言之，每一樣嘢都十分之高水準，當晚亦都算係坐滿晒咁滯。不過可惜9:30左右就已經走得7788，已經做唔到第二輪。 好嘢食店係需要支持嘅！埋單，大約$450一個人。而呢個質素嚟講，真係超值。 相比之下，上個月去咗尖沙咀嘅醉葫蘆，就真係令人都幾失望。

新東記對我來講算係火鍋界的hidden gem不算太多人去 但價錢合理 識點就一定點手切本地牛 基本上每一次去也必會打比餐廳留定啲靚牛肉 每次可吃四大碟 我覺得自己同家人也是驚人的食肉獸🐂另外雞件也是必點之選 配上醉雞鍋底 食出雞味的同時也不忘陣陣香味的花鵰酒 香味濃郁鮮肉韭菜水餃好好吃 皮薄涵靚 一食令人難以忘記 韭菜又香又新鮮 包得好好 不會一夾就散鴨血也非常值得推薦 香甜嫰滑 配上麻辣火鍋底 真的是一碟接一碟 餐飯拎黎招待朋友真的是令人開心和滿足☺️最後一樣值得推薦的 就是象拔蚌刺身 超級新鮮和嫩滑 擔擔肉也食到好爽好鮮甜 但價錢方面真係超貴🥲 好肉赤但又好食 真矛盾

打邊爐的鴛鴦湯底真的很好喝！除了傳統的湯底之外，還有芫荽皮蛋和沙嗲的味道，讓湯底更加有層次感。芫荽皮蛋帶來淡淡的芫荽香氣，沙嗲則是讓湯底更加香辣，非常開胃。而送上的肥牛真的是一道極品美味！油脂分布均勻，肉質鮮嫩多汁，吃起來非常爽口。醉雞翼也是一道好吃的小菜，入味十足，帶有微醺的酒香，讓人回味無窮。走地雞則是口感鮮嫩多汁，搭配上清甜的蔬菜和香氣四溢的湯底，讓人吃了之後感到非常滿足。墨魚滑也很特別，口感豐富，入口即化，讓人吃了之後驚豔不已。總之，打邊爐的鴛鴦湯底、肥牛、醉雞翼、走地雞和墨魚滑都是非常好吃的。湯底味道豐富，食材新鮮，而且服務也很周到。如果你喜歡打邊爐，這裡絕對是一個值得一試的好地方！

同朋友慶祝生日第一次去食新東記火鍋原來係一間成40年老店之前已經聽過朋友介紹話佢呢度啲牛肉係世一我都唔係好信但今日嚟咗試佢佢唔係行gimmick緊野，佢係傳統港式火鍋，冇咩打卡野比你打卡佢既所有牛肉都係騸牯牛除非你自己剔要安格斯/日本和牛我地叫左手切牛頸脊，牛白肉，金錢𦟌 牛頸脊😍入口淋，好有牛味，師傅刀工好勁，起雙飛切法（走咗去同師傅傾咗，師傅已經係度切咗20年牛啦）牛白肉😍烚幾下，佢縮起就食得，勁爽口，好有口感金錢𦟌 😍原來一隻牛得兩條金錢𦟌，呢個要留定✍🏻✍🏻入口爽，唔似得出面d金錢𦟌咁靭呢度比起傳統港式火鍋個d舖頭坐得舒服好多又有房間又闊落又係老店牛肉又正一定再返黎😋😋😋😋😋

激動在食物激動在食物質素低到不能夠！響令：差😡（約$55）非新鮮炸，係現成一盒盒果啲質素！呢間都叫高檔（價錢）啲食店，不能接受！湯底，差😡（128+$30）單一個沙爹湯要$128 ，雙拼個蕃茄薯仔湯，加$30 ！湯底一啲沙爹香味也沒有，淡！蕃茄薯仔湯也是冇味！真係好過份！收成百幾蚊呢啲湯！其他特色湯也不吸引！所以才叫普通，本想安全，點知也差！芝士丸，滾極也是硬，兼芝士亦不好吃小食：錦鹵雲吞，果個餡細到冇影，朋友食完也問，究竟有冇餡。椒鹽豆腐：一啲椒鹽味也沒有。唉😓冇氣逐個寫，整體食物質素差，又細碟又貴過外邊10-15%本來朋友生日，打無數邊爐，想食好啲，價錢也無所謂，但唔好食！大家睇清楚才好去食！可取之處，環境叫舒適，可能少人，打完個人冇邊爐味，但衞生👉🏻個碗未用時，有塊洋蔥囉！🧐全晚連杯水供應也沒有⋯⋯係好在切蛋糕不收費！5大人食了$2333🙄 ，都唔知食咗啲乜！冇下次！我唔明點解其他食評話高質！

其實己光顧了這家火鍋店十多年。最近疫情想找有 D 區的餐廳。這家能安排12 個人的房間。雖然房間不是很大，但勝在冷氣充足。房間的最低消費是$3000。我們11 人點了很多東西，一定要讃的是牛肉，點了4大碟牛邊、脊。真的很好，有肉味，入口溶化的感覺。當然不是吃和牛那種感覺、但水準也很棒。另外、鱔片、雲吞、醉雞翼也是必食。沙嗲湯底也是一絕。服務很不錯，很快也很貼心。價錢我覺得合理，11 個人大約$5000 左右。

聽聞呢度嘅牛肉好新鮮好得，我自己好鐘意食牛，所以一於同朋友黎試試。值得一提佢地最大得6人枱，如果再多d人就可以考慮訂房，包房min charge $3000，張枱夠擺3個爐，應該可以坐到12個人有多，如果要叫野食，可以直接撳鐘叫店員黎，非常方便。湯底：四川麻辣湯：屬小辣程度，唔會辣到蓋過食物嘅味道，用黎煮肥牛非常惹味，湯底入面本身已經有大腸，自己另外加份鴨血，就有埋台灣嘅風味。冬蔭公湯：好香好濃，不過食到尾段開始嫌太咸，但都值得一試。海底椰豬骨湯：太淡，完全無味鮮嫩肥牛肉（中肥），我自己本身鐘意食油香，所以非常滿意，咬落好似夾住片牛胸爽咁，啖啖油香。同行朋友嫌（中肥）過於肥，另叫一碟（小肥），佢地較喜歡呢碟，脂肪比例都好靚，食落同（中肥）完全唔一樣，多咗份咬口同埋濃郁嘅肉味。牛肉雖然好食，但其他配料同一般火鍋店相近，質量一般，無咩特色，每人食咗$4xx，就住呢個價錢同質素黎講，性價比算低。

市中心樓上鋪火鍋店，難得一見，有心傳統火鍋，醉雞翼超級好味！湯底用心，食完返到唔會有味精。港式火鍋，湯底唔差。蕃薯糖水好好味！海鮮夠新鮮，肥牛從香港取貨，的確有牛味。

同朋友係尖沙咀附近行街 見到呢間火鍋先前都上網睇過好多好評就試吓 。呢度嘅火鍋湯底都算幾多選擇 而且有好多好新奇特別嘅湯底 冬陰公湯 喇沙湯 醉雞湯 都好想試 最後揀咗喇沙湯底。個喇沙湯底又真係幾好味好濃喇沙味！牛肉粒呢度嘅牛肉超級出名 有個位係師傅將啲牛肉掛晒出嚟 平時食得肥牛多今次就試牛肉粒 又真係好香牛味！牛肉粒色水好靚 好新鮮嫩口 記住唔好滾太耐先食啊 見到肉色開始變啱啱熟拎上黎食係最好味。黑豚肉黑豚肉嘅味道超鮮甜 肉片切得厚厚的 口感非常好 👍豬肉味超龍食得出好新鮮！肉同脂肪嘅比例分布得很好，少少脂肪令到塊肉更香，完全唔會鞋口！生菜我同朋友都超級鍾意食菜，所以對於打邊爐嘅菜嘅質素好重視。山菜好新鮮好爽口😍睇得出你間店好有心機 完全唔會有爛菜嘅出現 又洗過揀過啲菜。

因為有假期的關系，所以就約了朋友去尖沙咀看電影看完電影後就差不多到晚飯時段，我們在想吃什麼的時候，就看到這家火鍋店，我們就二話不說就上去了！我們點了雙拼鍋底，泰式冬陰公湯和洋蔥牛肉清湯！冬陰公不是太辣，而且很惹味，而且湯底入面還有蝦，值得一試！洋蔥牛肉湯底的洋蔥會先炒香，所以湯底會變得非常入味！雜菌拼盤最喜歡吃火鍋時，點不同的雜菌因為可以吸收到湯底的味道炸魚皮炸魚皮很香口鬆脆，不算太油牛肉粒這一家火鍋店很出名吃牛的，所以在這裡的牛全部也有保證夠哂牛味又新鮮黑豚肉豬味濃，肉質又有咬口！娃娃菜吃火鍋我最後就一定要點一個菜，因為之前吃得那麼油，在最後吃一點菜，就可以減少一點油份我吸收總結來說，這家的牛真的很好吃，很值得牛肉迷去嚐一嚐！

天氣轉涼，又係時候打邊爐喇！朋友飯聚搵嚟呢間有幾十年歷史嘅火鍋店，真係不得了呀！聽聞呢度嘅主打牛肉，非常出色好味呢！推介肥牛粒！粒粒成丁角，整具口感呀！而且肥中帶瘦，入口肉嫩牛味濃郁。中意食牛嘅朋友必定會愛上！另外墨魚滑都係必點之作呀！係呢度嘅先家製之作！非常爽口彈牙，墨魚滑真係有墨魚味呀！！！除咗配料夠高質，呢度嘅湯底都差不多有成20款！同朋友都中意食辣，所以完全唔洗考慮就叫咗四川麻辣鍋喇！湯底有好多辣椒，齋睇都刺激口水分泌了！辣勁真係非常夠，但又唔會太chur喉，推介同樣中意食辣嘅朋友挑戰下喔！

開始秋風起想同朋友打邊爐就黎咗見大約200左右都幾抵食咁就行咗入去。手切牛肉：牛肉既色澤都幾紅，洽下洽下就食得，因為新鮮所以食落唔會柴，同埋牛肉味都幾濃，朋友係牛魔王忍唔住要encore，因為係鮮切牛肉😂炸魚皮：就咁食已經好脆，但個人中意浸一陣半軟半硬咁好正，因為索咗湯底娃娃藥：一籃咁上份量十足牛頸脊：呢個平日比較少見，食落都爽爽地，係新既味蕾體驗黑豚肉：肥瘦均半，同埋都好快熟，油脂香十足，相當出色