新森林焗之專門店 (威靈頓街)

營業中

休息中

食快既午餐，等位算係快。。。大約10分鐘……就有位，可能我好期待。。叫左個焗豬飯同雞扒飯。。等左5分鐘都無就有得食。個焗豬，有點失望。。。好乾同唔夠汁。。可以再好點。。。不過，豬扒夠林。。個雞扒好平凡，常算可以……服務，講真中環午餐唔好諗有咩服務，唔趕你走已經叫好。

中環要吃平靜正愈來愈多選擇！新開了一段時間的新森林餐廳，下午茶餐只售$30+，加湯加餐包也只加$8，就有一客焗飯，一杯飲品，一個是日餐湯及餐湯。忌廉湯不是一般罐頭湯呀，非常美味，奶味重。焗飯有點太乾身，漢堡也太乾身，味道普通，芝士焗得很香。算是合格的一頓！叉完電又要努力啦！

係中環返完教會，同朋友去食個晚飯，就去左新森林食。之前都食過佢Ｄ焗飯，就縑佢Ｄ焗飯比較乾同份量少，所以今次就簡左個炒飯試下，起碼佢新觧炒坷，份量都多ＤＤ，少去了焗飯個容器的限制。雖然是外賣（有８折），但都入滿個外賣盒，份量幾多同食物質素都幾好。埋單＄４３，仲包飲品，好過堂食！

星期一，我和同事去食中午，算起來這是我第一百篇食評，作為有意義和特別的食評，當然要介紹有特色的餐廳食肆，這次介紹的餐廳主打芝士焗飯，中上環食肆很多，要試哂甘多間不可能，難得來到這間，所以就試下芝士焗飯，這兒的芝士焗飯款式好多，有牛肝菌黑松露汁，蕃茄汁，黑椒汁，咖哩汁等等，令人目不暇給。我點的是皇牌芝士蕃茄焗豬扒飯，點了之後有點後悔，因為這個平日都食到，不夠特別，應該點牛肝菌黑松露汁芝士焗鴨脾飯，但既然點了就無法。皇牌芝士蕃茄焗豬扒飯，芝士味不太濃但份量很多，豬扒好鬆軟，豬扒要鬆軟其實不難，可用鹽（鹽麴），胡椒粉，生粉，麻油，生抽來醃製，而因為醃製的時間頗長，所以許多餐廳都是預先醃製，這樣豬扒就會變得鬆軟可口。飯是炒底的，蕃茄則酸甜味不夠，因為酸甜不足，所以不夠開胃，令整體有點油膩，而且這個焗飯味道不夠突出，感覺比平日快餐還有點遜色，口感普通。餐飲方面，我點的是凍檸茶少甜，感覺唔會太甜，夠凍但略為細杯了點。總括而言，這兒的蕃茄芝士焗豬雖然味道一般，但芝士焗飯和其他芝士食品款式好多，價錢在該區而言合理，絕對是芝士控的一大選擇。

香港有兩大焗飯店，舊式中式是永合記，用焗麪包爐焗煲仔飯。新式西式龍頭是此店。走平價路線，大件底食，多年闊別，已有10店。早前此店舉辦長者3折價行動，並聯絡義務送飯給長者，令我留下很好印象。加上我想試新款式，舊地重遊。下午茶餐方面，我吃了焗咖哩牛腩飯。份量偏少。牛腩是坑腩，不肥不瘦，有肉味。調味偏辣，咸。據聞最受歡迎三甲之二是此焗飯。下次晚餐試第一位的蟹皇蟹膏海鮮飯。外賣是泡菜雞皇飯。韓式風格掌握得未熟練，調味汁做得無韓風。不宜標誌為皇牌。白汁魚柳飯是最傳統款式。亦最難得到好評。平平無奇的。鮮茄咸牛脷飯，據聞居最受歡迎三甲之三是此焗飯。牛脷厚而腍，惜無認真調味，太淡。港澳碼頭的蘭芳園則做得很好。北角店正裝修，四月中旬前勿去。除了早餐，下午茶餐之外，此店能做到專一，不兼營茶餐廳，很專注。 其實多放芝士，定位為焗芝專門店，款多勢衆，拉闊價格差距，勢能吸引青年人。外賣有8折。亦可用開飯寶典外賣服務。

香港地鋪租金貴絕全球，要揾餐平靚正的西餐食宴殊不容易，更要在金融中心中環地帶，真是有D難度，不過呢間肯定是我首選，價錢比D大乜乜集團差不多，但是無論是莱式同質素都高出幾班，就算在最繁忙的午市時段，試過幫襯幾次都能保持其快靚正的高質出品，真是非常優越。全日早餐餐包熱暖軟屬，漢堡豬排又滑又多汁，雞排也煎得香趣，口感都是滑溜兼有肉汁，加上珍寶腸，太陽蛋同粟米，配個餐飲熱奶茶，又豐富又滿足，奶茶仲非常香濃添。皇牌蕃茄芝士焗豬排飯呢個皇牌早幾年已經攞過奬，見到都留口水，撥開D芝士，見到飯有炒蛋低，D飯睇落似好乾身，食落又啱啱好喎，不乾不濕不油，豬排雖然並非厚切，但都份量十，好冧，口感不錯，茄醬適中，真是皇牌之選。

想食焗飯就會諗到呢間焗飯專門店焗芝士咖哩豬扒飯 $48豬扒份量好多，肉質較腍，有少少似嗱過既味道。咖哩汁有啲咸，如果唔係咁咸既話會好食啲。另外仲有隻蛋～食完成個飯都幾夠飽。

天寒地凍唔知食乜好，又想起這間即叫即焗的焗飯專門店。今次試了芝士漢堡扒肉醬意粉！上檯時一如以往熱辣辣，意粉應該係事先整好即叫即焗。芝士同蕃茄肉醬好多，啖啖肉醬包圍整碟意粉，最岩汁怪。奈何豬肉比較鞋口，間中食到有筋，$48跟熱飲，熱飲上檯時已預設紙杯方便帶走。

近日天氣轉涼，想食個飽暖的午餐再回去努力!這間焗飯位於一條斜路旁，排隊亦要企在斜路及樓梯上，慶幸不需輪候太久，約15分鐘便安排入座。午餐menu選擇算多，普遍要$50包熱飲，凍飲加$3，亦可加錢加餐湯及麵包。亦有素食焗飯！是日點了咖喱焗牛腩飯$52。焗飯是雞蛋炒飯底，黃咖喱汁香濃不會太辣，牛腩約有四至五件肉質尚算鬆化亦不會有渣，吃了一半才發現還有半隻烚蛋！吃完焗飯成個人頓時暖笠笠！由於太餓的緣故竟然忘記拍照呢！

18 周年 $8 振市大優惠第二個星期輪到中環分店，由 2016-07-25 星期一至 2016-07-31 星期日一連 7 日，我食咗 6 日，分別係星期一、二、四至日。我最早嗰日七點四個幾字到，最遲嗰日八點一個字到。最前試過排第一，最差試過排廿幾。只有一日要八點一個幾字先入得去，其他咁多日都係夠鐘，甚至未夠鐘就入得。等飯時間最耐唔使三個字，最快唔使一個字，多數係一個字左右。個飯除咗第一日係用佢哋海報所示嘅砵上之外，其他咁多日都係用錫紙製嘅砵上，食完掉咗就得，唔使洗。人就應該係星期四最多，星期五次之，星期六應該比星期一至五都少，而星期日就應該係最少人嘅一日。講返個飯——牛魔王芝士焗飯（M025），其實係一半咖喱牛坑腩，一半黑椒牛仔骨，下面有芝士，最下面係飯。熱騰騰，芝士唔係太多，同埋熔咗，如果矇住眼食就唔覺有芝士，咖喱牛坑腩唔辣，好味，黑椒牛仔骨有時嫌佢肥肉多咗啲，除此之外就都唔錯。焗飯製作應該無難度嘅，有焗爐就得，主要應該係啲材料得唔得啫。個飯平時賣 $52，好似仲要加一，而我食咗 6 日，就只係 $48。佢地晏晝都有個芝士焗咖喱牛坑腩飯（L205）（少咗黑椒牛仔骨），$49。晚黑

有人會說$8一個焗飯真是不能有甚麼要求, 但應該都可以寫食評吧. 份量可以接受, 牛腩幾正, 牛仔骨標準茶記式難食, 最敗筆之處就係嗰怪味咖哩汁. 不會再食($8 或 正價).

琴日午餐落雨，近近地去左新森林，咁岩又唔洗等位去到叫左焗咖哩牛腩飯，估唔到又幾出色。個咖哩汁唔會好辣，咖哩味好出，幾好味至於啲牛腩有少少筯，好多肉，食落好淋幾惹味，焗完熱辣辣，上面仲有芝士，真係唔錯！重點係性價比高！

又到食晏既時候，同同事仔去左食新森林，其實真係幾鐘意食，因為價錢算便宜，又抵食。所以有時得閒就會過來食，而通常食午餐，因為下午茶係兩點半先有。。所以中環返工又唔想成日捱貴野可以試下。今日我就食左個西冷伴帆立,講真就個帆立係好細細粒咁, 食左都唔係好覺, haha不過呢個牛就算係咁啦, 質地幾好..呢個價錢黎講其實我覺得係唔錯ge,不過食過幾次d汁都偏咸, 如果真係唔想太咸,記得d汁唔好一次過撈落d飯度..>3<

見上次同姐姐黎過一次，都唔錯呀，一洗幾年前對佢ｇｅ壞印象～上次姐姐話芝士汁魚枊好味，好啦，就試下係咪真係咁正今次叫左２個都係豬扖配龍利柳，我配意粉，姐姐配飯，姐姐上次話燒汁麻麻地，想改埋做芝士汁，待應：ｏｋ咁幫你走燒汁，我：下，咁會唔會有番ｄ芝士汁，待應：得架啦，走燒汁佢就會有芝士汁，咁好啦，信佢．點知黎到，真係淨得塊魚上面有芝士汁，塊豬扒要干啃如果你講明冇得轉，只可走ｇｅ話，我地會叫正常就得 同上次一樣，上菜伙好快ｇｅ，２分中左右齊哂，先試下個芝士汁魚柳，個人覺得麻麻地姐，有ｄ似調得咸ｄ　ｇｅ白汁姐，芝士味唔算重，魚柳應該預先腌過，加埋個汁，我覺得咸個豬扒都一樣，偏咸，同埋食得出到佢用野嗱過塊豬扒，ｄ肉硬，食落一絲絲咁，姐姐唔中意個燒汁，我反而幾中意喎，佢個燒汁係偏甜ｇｅ，有ｄ芝麻起入面，幾香口呀個意粉唔會好ｌｕｍ，冇煮過龍，唔差，伴碟仲有幾舊薯角同ｄ配菜ｔｉｍ個人認為都幾抵食，係ｄ野咸ｄ，如果食飯果一個中想坐得舒舒服服，呢度係唔錯ｇｅ選擇

其實在新森林吃過很多次午餐，這裡的質素真心不錯，價格在中環來說算是便宜，而食物味道亦尚可。當然偶然也有中伏的時候，尤其它的雞排同豬排，好有雪藏味。所以我經常吃104帶子西冷牛排配薯菜，近排加了少少價。肉質算嫩滑，而醬汁好入味，薯菜有時燶左少少，有點咸，粟米少得濟而且是冷的。今次加了5元飲涼粉紅豆冰，涼粉紅豆太少，奶味比較稀，下次都係飲奶茶算，這裡的奶茶不錯。因為太常來，店員都認得，總體來說，還是可以接受的。