3
2
7
招牌菜
這裡的特色, 食物貴味道差. 腸粉一堆爛晒咁, 賣相差味道差. 蝦餃個蝦不彈牙味道一般. 雞絲粉卷, 難食.芝士大蝦, 味道一般, 芝士少大蝦細, 完全不吸引也不值得. 燒味拼盤, 份量少味道差價錢貴.火鴨絲炆米, 味道差很蘇, 而且很粗, 完全食唔落. 春卷, 皮冷肉冷而且不脆, 完全不合格.馬拉糕也一般, 服務一般. 這等貨色這個價錢, 真的很不值得.
繼續閱讀
真係好離譜因為天水圍區任食打邊爐嘅酒樓唔多,一向都覺得呢間好過銀座果間少少,又平少少,見一排冇打,今日天氣又咁凍,所以就近近地去左呢間!Waiter帶位時見到其他客人枱面d肥牛已經覺得中計,但行左入去又唔好意思走,再加上山長水遠行黎呢度食,已經好肚餓,惟有希望唔會所有牛都咁差!記得之前食嘅時候,所有食物都係要落單點嘅,依家就轉左少少,有d麵食,菜等等都放哂喺一個區域比客人自己拎,仲多左d熟食同點心放喺側邊比客人自己拎,有馬拉糕,千層奶黃糕等等,每一個容器下面都有舊野,類似爐咁,應該係要keep住d食物暖,但係原來根本就冇開著,d野全部都凍哂! 到混醬區,我地都好中意用生蒜,炸蒜,蔥等等撈埋豉油來點醬,我地去用餐嘅時間係晚市最旺嘅時間,係晚上8點半,雖然唔係全場爆枱,場入面亦都唔少人,但混醬區竟然乜都冇哂,連生蒜同蔥都冇,更加唔好講紅椒絲,結果我就叫部長加d出來比大家用,眼見部長唔係幾願意,我加多兩錢肉緊,佢又肯幫手,都算係咁啦! 仲有樣野多左嘅,就係有阿波羅雪糕食,係細細杯嘅朱古力雪糕。個凍櫃入面亂到七彩,有d雪糕杯直頭已經開左,但冇職員處理,任由佢同其他雪糕杯放埋一齊,d膠匙羹都係亂咁擺。由於太多野講唔哂,揀幾樣重點黎講...先講肥牛,完全係嚇死人,d員工見到都話好肥大家可以從圖中睇得好清楚,d油係多到呢...佔左成片牛嘅95%.. 男朋友都叫我唔好食,驚我每片咁食法膽固醇過高,但由於我真係好中意食牛,我就好有心機咁什熟左之後再lur番d油出來,但我只係什左4片,大家可以睇下圖中d油係堆到滿滿嘅,我已經唔想再食,唔係因為飽,係真係好攰同好煩,比118蚊一位,仲要加一,食到咁,為乜?跟住就要講下所謂嘅一口芝士同日本蟹柳喇! 果粒咁嘅野,我咬左好細啖就已經想嘔,即刻吐左出來,男朋友一試,佢勉強咬左一半,食左,但另外果半已經即刻掉左。個日本蟹柳更加厲害,一放入湯度已經爛哂,死無全屍,男朋友幾經辛苦夾到上來,一放入口又係即刻吐哂出來... 點食都唔似係日本貨,係中國食品都唔出奇! 好fair,D豬頸肉冇咁多油,但就一d味都冇,放入口,食緊豬自己都唔知!酒樓關11點半,10點鐘未夠,d職員已經開始收哂自助果邊d菜同其他食物,連d醬油都已經收哂。連菜都冇哂! 10點15分,關埋部分冷氣,太焗,開始透唔到氣,一堆客人埋單走。任食兩個半鐘,我地8點半入座,即坐到11點夠鐘,已經叫我地埋單,收哂枱面d野。其實酒樓d員工態度都算ok,其實汽水係任飲,但因為我唔太中意飲凍野,所以我照要茶水,d員工都有自動自覺幫我加滾水,但d食物質素就真係好差。大家如果想打邊爐,為自己健康著想,真係諗清諗楚先好去食。
繼續閱讀
其實個人對這間酒樓一向不存好感,因為覺得其食品無法保持一致的水準,給人一種『很求其』的感覺。即是說,來這裡飲茶要講彩數的,我今次吃這款點心很好吃,但下次就未必的了... 但沒辦法,媽媽不願帶著BB去太遠,這間酒樓勝在鄰近我家,地方夠大,茶客又不多,可自行選擇位置入座。幸好中央位置有一個小型大排檔供顧客自行選取食品,所以我每次也會點煎腸粉,貪佢『即叫即煎』,減低難吃的可能性。韭菜豬紅也是必點的,但豬紅入味與否?夠熱與否?每次也不同的。旁邊有一輛甜品車及炸物車,甜品方面我試過紅豆椰汁糕及香芋糯米糍,兩者也不太甜、不太重味,但售$11.8/3件覺得不太值。炸物車放滿了咸水角、炸雲吞、叉燒酥...這裡是一次過做很多放出來的,好彩的話碰巧剛剛炸好的,便好吃吧~一直對點心紙上的『豆茸焗燒餅』感興趣,有一次我問店員這個是否雷同老婆餅般的酥皮?她說不是,是用一層薄薄的、透明的東西包著豆茸去焗的。我以為是那種口感軟糯的中式燒餅,今次決定一試,送來後發現所謂的『燒餅』完全是我最初所想像的... 而且在等煎腸粉時見到已放在炸物車裡。其實我覺得這個燒餅幾好吃的,內裡包著的綠豆蓉鹹鹹甜甜、幾滑、無蛋黃,像是那些嫁女餅的『黃淩』,只是外皮已被氧化欠缺鬆脆,如果可以做到新鮮焗起就一流了~蒸包方面,我向來也不會點的,雖然這家蒸包的款式什多,無奈沒有一款是做得好吃。 馬拉糕及湘蓮馬拉盞是OK的,很鬆軟、不太甜。鮮蝦菜苗餃也是一般吧,內裡是莧菜/菠菜來的,但$14.8得3隻,太貴了!但總括也是,絕非必要,我也是不會選擇這間酒樓的。
繼續閱讀
今日去左飲早茶,唔係太多人,唔洗等位.一坐低見到地毯有口水痰,即刻胃口減半點左一個自選餐(揀左叉燒腸+蘿蔔糕),點心拼盤(有叉燒包+燒賣+蝦餃),春卷,鴨腳札叉燒腸燒賣同蝦餃都ok,冇乜特別,叉燒包係有1/3濕左水嘅,春卷凍嘅兼個皮已經淋左,想叫多個脆皮雲飩都唔敢食蘿蔔糕好似食緊煎粉漿咁,已冇要求有蝦米,但唔好連蘿蔔味都冇囉,鴨腳札裡面唔係鴨腳,竟然係兩隻鳳爪,真係好嘢!!唔係因為要去天盛間實惠買野,都唔會經開依度飲茶,點知仲一試難忘,都係銀座滿庭芳最好.依間嘢連天瑞間金星都不如唔會再去!!!!!!!
繼續閱讀
今日放假lunch去左飲茶...叫左幾樣點心 鳳爪: 冇乜問題普通野.: 火鴨絲炆米..lee個好有問題..d火鴨絲勁蘇唔知想點囉..份量係幾多但係太大陣蘇味la跟住就食唔到. 蝦餃超多肥肉........想嘔流沙包對佢最有奇望...點知..............以前食lee個包係好好食ga..而家係唔留同埋入面係一舊舊ga如果下次再飲茶都唔會去lee間..又貴左又差左..真係side錢.
繼續閱讀