新澳咖啡餐室 (民泰街) (已結業)

四個餐，四個餐都好難食，毫無水準！首先，餐牌上所謂既”特色冬蔭公粉麵”, 湯底咸到不得了，得個酸字，一啲辣味都無。啲餸好普通，牛丸雪藏，無味。第二個餐，下午茶炒蛋多士，啲蛋又老又無蛋味，真係好勁。蛋無蛋味🤮第三個餐，咖哩牛腩飯，啲咖喱咸到盲都開眼，無咖喱味，得個咸字。最穩陣常餐之選，鮮牛肉米粉，配多士炒蛋。牛又係無牛味，多士油淋淋，炒蛋又係一個字差。又油又老。以後都唔會再幫襯，當我地問個侍應點解個冬蔭公湯底唔辣既？佢話，我地既冬蔭公係咁，完。

裏面的服務人員態度(大媽)真心差咩叫“我”安排你坐邊就坐邊，光顧兩次每次都搞亂晒啲訂單，唔記得唔清楚就問！唔好岀黎咩都搞錯曬對面位大家都係兩個人就一定要同一行並排坐咩道理？想坐得舒服啲都唔得，仲要趕客走仲有大家都係打工仔冇必要見到人哋係外籍人士就歧視佢服務態度同員工質素認真唔𠶧！！

今晚發現新澳有宵夜餐牌，贊!古列雞排，豬排，三文治，通粉，公仔麵，西多，全日供應嘅早餐，車仔麵都好食。尤其係飲凍飲，又大杯，又唔會加太多冰。而車仔麵，又大碗，又好味😋

今次嚟咗呢一間茶餐廳，又唔係特別想食常餐啲粉麵，所以就諗住叫個飯餐嚟食。我就點左呢個肉操雞扒飯。個人覺得佢嘅份量都好足夠，但係就稍嫌有啲普通，特別係啲肉燥呢就完全唔係台式嘅感覺。雞扒嘅味道都覺得爭啲啲。反而我朋友食常餐，我就覺得佢啲蛋同粉面都冇落唔錯，下次再嚟就會想食常餐多啲。

平心而論，呢間茶室嘅 *食物* 真係算得上CP值好高，叫兩樣嘢食都好高水準，特別係下午茶，絕對係對得上呢個廿幾三十蚊嘅價錢，超抵食！😋下午茶供應時間係14:00-18:00，今次我地叫咗一份H4(金磚迷你西多士配生炸雞中翼)同一份H12(奶醬多士)，多士同西多士口感非常好，雞中翼更係炸得相當脆口，好正！🤩但係好遺憾地，呢間嘢嘅凍杏霜係超難飲，沖粉都算，粉少無味，仲有啲一舊舊嘅粉攪唔勻；至於熱咖啡就還好啦，正正常常，落多啲奶應該會好啲。聽住呢頭嘅朋友講話佢嘅凍奶茶唔錯，下次有機會再試！

平時我真係佢常客架早餐午餐晚餐咩都食過呢度嘅雞蛋炒得真心好可惜一個人嘅服務態度差破壞晒所有野可能而家太早 朝早七點待應心情差但落錯單唔認鬧返我轉頭放錯野食唔走開去要食客自己同隔兩個位嘅客自己換返係咩概念？我真心覺得呢度個蛋叉燒好好味架下次黎真係唔好甘啦

Went there during my lunch break, I was craving for some food and fast chinese food. I was recommended to come here with some good chinese food. I was pleasantly surprised, the soy sauce was sweet and Savory with a little kick. And the egg on top was silky smooth 10/10 would eat Again

雖然叫冰室…其實即係茶記…價錢係平嘅…人均唔使50元，今次試試炸雞髀&西多士金磚西多士（粗粒花生醬）$30被炸成金黃色嘅多士麵包，至少無炸得過火，變成金磚上枱，唔知係抵食定唔抵食，砌唔返一舊正常麵包形狀嘅西多士.....炸係炸得好嘅…有牛油…而糖漿就用小碟裝起，等你自己蘸…斯文淑女們都可以細細啖嘴嚼經典炸雞髀（配薯條或田園沙律 $38 ／ 配公仔麵 $40）成大塊雞髀炸成金黃色係最經典，我比較鍾意食生炸雞髀多過酥炸雞髀.....我唔太鍾意太多炸粉，今次外皮算酥脆嘅，都算軟嫩，但算唔上係好…只係無炸得焦黑同用生菜墊底減低油膩感飲品較遜色，不值推介

週末晚上想隨便吃點，又很晚了，去了這家茶記，薯條仲有波浪薯條，好好味，酥脆軟軟，飲料點的巨峰波子，朋友很喜歡，西多士也不錯,還算有水平，不過薯條的番茄醬我覺得有少少陳皮味

黃雨下的星期六之前去過九龍灣分店食過唔錯，所以今次就決定黎紅磡總店試下餐廳除左有室內座位，亦有三張室外既餐枱餐廳都坐到幾多人下，而且都夠闊落既，menu照舊好多野食呀今次我就嗌左「XO醬蔥花炒蛋叉燒飯」同「沙嗲牛肉麵套餐」「XO醬蔥花炒蛋叉燒飯」既XO醬真係好惹味呀，少少辣好入味，炒蛋好厚身，不過蛋味唔濃同唔夠嫩滑，叉燒係大大塊，飯底好夠大，整體普通啦「沙嗲牛肉麵套餐」沙嗲牛肉都好夠味，沙嗲汁都唔錯，但係唔夠熱既，麵就無咩特別，係大光麵黎既，豬仔包同出面既唔同佢係蒜蓉味，失望既係個炒蛋同火腿都係凍既，雖然望落夠creamy，但唔夠熱始終係唔合格飲品叫左「奶茶」，凍同熱各一杯，個人都係喜愛熱奶茶，因為味道更加出，但係堂食竟然用紙杯，感覺好麻麻

今天突然掛8號，放早諗住快食個茶餐。呢間食物水準一向唔差，但畢竟係茶記，當然對服務要有啱既期望。但今日實在太過份了！因打風，等外賣既人多，但場內仍有吉位吉枱，搵位時一位員工大嬸指示我坐一個個落位，我見個位仍未執，同亞姐講，佢語帶不耐煩叫我坐低，我猶豫了幾秒，都照她意思坐下並提她執枱…怎料呢位亞姐鬧我：仲响度揀位！坐低喇！～心諗，食野啫，唔駛俾錢仲要受氣被人鬧吧！？～稍有自尊既人都只有 “納袋走”…待客實在好有改善空間。

紅磡區宵夜就最出名多，呢間絕對係其中一間食得過嘅宵夜🤪🤪🤪🤪雖然佢係一間茶餐廳，但係佢都開到好晏，9:30之後仲有宵夜時段👅👅今日同朋友打完波，就喺附近睇吓有咩食🤫見呢間未食過，就入去試吓！宵夜時段都有唔少選擇，而我就叫咗個肉醬焗意粉🍝意粉嚟咗之後，意外地有驚喜👍🏻👍🏻👍🏻份量頗大，而且成個面都鋪滿芝士，食嘅時候仲可以拉到絲！ ！而且肉醬都唔手軟，成個面都係🤣🤣🤣🤣食晒啲意粉，最尾仲可以一羹羹咁不啲肉醬🤪

是一行過黃埔有啲肚餓就求求期期入咗間茶餐廳食下午茶就彈左呢一間新澳啦餐廳嘅裝修都幾光猛嘅坐得都幾舒服而且都叫乾淨茶餐廳來講算唔錯嗰日我就叫咗一個脆豬配蕃茄同埋炒蛋脆豬真係好脆1咬就粉身碎骨😂😂而且佢搽上左牛油非常之香口而炒蛋我哋認為佢炒得唔夠香滑係唯一一個敗處不過$30包嘢飲我覺得都幾OK

讀poly/響附近生活開都一定食過新澳。呢間無論鋪面裝修定員工打扮態度都同一般茶記好相似。唯一唔同既係入面既食物多數比較西式，我食左咁多次，覺得主打一定係佢個意粉配扒，汁方面食薯皇就茄汁，意粉就好多選擇。洋蔥，黑椒，茄汁應有盡有。但相對地價錢都比較貴，食完大概70蚊先走到。如果響港島生活開會覺得ok,但新界生活開會覺得貴左d。除左食物方面，員工態度都好重要，呢間特色係員工態度唔會特別好，有時都會有d壓力

好近黃埔地鐵站人流都十分旺晚茶餐廳基本上黎親都會930 後因為有宵夜套餐我叫左一個馬拉盏炒飯賣相一定唔多討好但係鑊氣真係好足夠而粒粒均勻仲好足料好好食朋友叫左邊個午餐肉煎蛋飯呢個係地道香港人口味最重要係要識落少少豉油個賣相即刻180 度變左好靚豉油混埋蛋汁撈埋一齊之後會令呢碟飯提升到另一個層次記住，一定要係茶餐廳先有呢重風味仲要加上嘈吵既環境 一絕價錢十分相宜連埋一杯野飲都只不過大約每位50 蚊香港黎講一定係好抵而且唔算好迫但服務唔好太多要求推薦！