新澳咖啡餐室 (民泰街) (已結業)

誤打誤撞入去食個dinner又唸唔到幾ok喔😍😍馬來蜜汁炭燒厚切豬扒喇沙摻摻 $66成個餐好大份😆上到嚟覺得好驚喜 👍🏻 喇沙入面有米粉同埋油麵溝埋一齊食口感唔錯😋😋 另外仲有啲豆卜同埋雞蛋🥚喇沙湯底都好濃郁好味🤤仲有一匙羹醬料 溝少少落個湯一齊食又係另一種味道 🤪🤪茶餐廳來講味道好OK🤙🏻 另外碟豬扒都超大件有成四大塊 多到食唔曬😝😝上菜時見到黑蚊蚊有啲驚 食落又唔錯 味道甜甜地鹹鹹地都算入味 而且肉質好鬆軟 即使係厚切都好容易切開 價錢偏貴但整體性價比都唔錯😋頭抽乾炒雞扒公仔麵 $64 呢個公仔麵又係大大份 煎雞扒嘅份量都好足夠 成碟份量一個男仔都食唔晒🤣🤣 雞扒煎得香 但係相對就冇咁入味 公仔麵偏乾身但係都夠味 整體都唔錯 不過價錢都比較高 份量搭救 但係都唔算特別抵食見到隔離枱食佢啲小菜都好似好正之後有機會再試下😋😋

新澳裝修完緊係要去幫襯下佢啦！叫左個 瑞士汁雞脾煎雙蛋飯 - 兩隻荷包蛋⋯同個生炸雞脾飯配意粉黑椒汁…。點解我覺得冇之前咁好食嘅⋯d雞又唔滑.！黑椒汁又淨係得個喎辣！生炸雞🍗仲有啲燶⋯有d失望添！ 好彩個瑞士汁算ok 啦！ 唔知係咪因為 lunch 時間，坐滿晒人！d位好迫丫！ 疫情嚴重…咁坐法🤦‍♀️🤦‍♀️應該暫時唔會再去住啦⋯⋯點解會變成咁架！之前味道都ok ga 好彩杯奶茶都仲 keep 到，算唔錯啦，話哂我都係為咗杯奶茶去嘅 ！ 完全唔記得影食物相🤦‍♀️🤦‍♀️😅😅

📍 新澳咖啡餐室 有冇人同小編一樣都鍾意食港式茶餐廳🤣？平時鍾意食Cafe之外 間唔中食下中式食物都唔錯😆上星期就帶咗一個好鍾意食茶餐廳嘅朋友仔嚟咗呢一間咖啡餐室試吓佢哋嘅招牌菜式👻-招牌叻沙摻摻 $68好耐冇食過叻沙味嘅嘢食😹 見到佢哋嘅餐點有必食推介😼就一於揀呢個嚟試試有麵同埋米粉喺湯底入邊 食落去口感彈牙😽除咗有面之外仲有帶子、蝦、蟹棒、魷魚圈同埋魚柳 配料多之餘 喇沙味道都好濃🤤 好味！另外個餐係配嘢飲嘅 朋友就叫咗香滑奶茶 飲落去奶茶味濃郁二人套餐 $158首先二人套餐可以係霸王雞同埋口水雞二選一😆朋友話口水雞滑啲 於是就試吓 食落去川味重😼 辣辣地 之後就可以喺下面煲類揀一款🙆🏻 我哋就揀咗紅燒枝竹豆腐魚柳煲🤭煲上枱嗰陣時仲熱辣辣～ 有唔少紅燒豆腐、枝竹同炸魚柳😍 食落去好入味之餘 仲有少脆😚另外再配兩碗白飯 兩個人一定食到飽😂😂跟餐仲會配兩杯嘢飲🧃我哋就加咗$3配凍阿華田同埋加咗$9配粒粒紅豆冰😙紅豆冰係小編至愛🥰 佢哋嘅紅豆份量都好多 而且唔會太甜🤩整體餐廳環境乾淨企理 員工服務態度都唔錯😜食物質素都幾正！ 下次有機會會enroll~大家有興趣可以去試下～店舖資訊👇🏻✏︎

今日又同朋友來下紅磡揾下好野食，之前朋友住過紅磡，佢同我講過紅磡幾夜都有揾到野食架，如果我係紅磡住應該都幾大鑊喎，因為我一定會成日去食宵夜⋯⋯我地今日就去左新澳咖啡☕️餐室食下小菜。海鮮🦞叻沙內有勁多海鮮，如魷魚🦑、帶子、蝦🦐等，同埋果湯底好濃，真係幾似我在馬拉食咁正宗⋯⋯川味口水雞呢個雞真係送飯一流，辣到啱啱好，而雞肉好滑👍🏻👍🏻。紅燒豆腐枝竹豆腐魚柳煲呢個餸好有鑊氣，而豆腐同埋啲枝竹好入味，而魚柳炸得外皮好香脆👍🏻。

今日同男朋友去開紅磡行街，行過見到呢間餐室就入咗去試下🤤我哋入到去之後好快就有位坐，經過一番商量之後決定要一個二人套餐🥰再加多碗叻沙🤤2人套餐 $158二人套餐有2個菜再配白飯+2杯嘢飲🧃我哋揀咗口水雞配川味麻婆豆腐😻咁樣一次過就有肉同有菜😙一開始上嚟嘅口水雞令到我十分驚訝，因為佢又遠遠漂來嘅辣椒味再加上喺d雞上面嘅辣椒🌶️雖然食落去唔係話好辣，而且啲辣椒醬都令到口水雞更加有豐富嘅口感。川味麻婆豆腐之後先到，佢個顏色睇落去唔似口水雞咁嚇人，食落去都覺得冇咁辣！另外佢仲有落到炸醬落去一齊煮呢個麻婆豆腐。配合埋白飯一齊食就覺得好正啦！馬來蜜汁炭燒厚切豬扒叻沙摻摻 $66蜜汁炭燒厚切豬扒煮到十分嫩滑，而家每一啖咬落去都充滿着蜜糖嘅甜味。加埋個叻沙摻摻真係配搭一流，而且仲有兩種口感🤤再配埋佢另外附加嘅辣椒醬，簡直帶你進入一個全新嘅世界。

服務態度差！！！兩個漢堡包, 漢堡大小相差一大半, 同夥記講,問我想點,跟住走開唔理！叫經理嚟都係一個水平....低！話手工漢堡有大有細,佢就真係冇大冇細！講咗半日,退咗個,食嗰個味道都係無厘味道！由下至上都係沒水平！總部培訓不足！可惜！

上錯嘢食，死口唔認，服務態度又差，明明係她落錯單，牛油花生醬多變煉奶花生醬多，見唔到牛油但一直強調她唔錯，話有牛油，牛油如此明顯一見就知無，但一直話有。一定不會再幫襯

9 0 後 的 味 蕾香港人最鍾意既餐廳：茶仔應該都可以上榜-我算係茶仔早餐既常客。今次係紅磡黃埔區試過呢間唔知係唔係鏈鎖式既茶仔-出乎意料之外幾好食-餐廳環境都算企理同寬敞。枱與枱之間唔算好逼-設有室外座位。岩哂要食枝煙chill chill佢既朋友😂。又岩紅磡一班狗主帶埋愛寵去嘆早餐-蕃茄通心粉跟漢堡扒同蛋睇到相入面一粒粒煮溶左既蕃茄就知個湯底掂啦。好欣賞呢啲用心整湯底既茶仔。漢堡扒同蛋就正常發揮-薯餅方包炒蛋薯餅脆卜卜。熱辣辣。 個方包並唔係一般既方面。 而係牛油酥個種。好香口。好軟熟-即磨咖啡都正。偏nutty。唔會酸 -人均早餐消費around $30-40 值得回頭

晚市時間係附近遊蕩想食中餐小炒叫餸食飯又唔想去一式一樣去酒樓食近近地，黎新澳試吓，晏晝食過佢炒飯，好有鑊氣今晚我地小倆口，叫個二人餐見佢好抵＄158兩餸，包飯加餐飲都幾多小炒，煲果類揀薑蔥霸王雞加菠蘿咕嚕黑豚肉薑蔥霸王雞，雞好滑，配佢面頭濃濃薑蔥同甜豉油底，食落香口濕潤，浸雞咁滑菠蘿咕嚕黑豚肉呢個真係食到我要食啖飯CLS，脆薄香口，咬落去有脆口「咔嗞咔嗞」聲，啖啖肉，肉汁夠忍唔住要咬一啖睇下，個炸粉係幾咁薄個黑豚肉幾咁厚身，如果個汁可以較酸少少，仲啱哂我杯茶食完一陣，**Vivian**又餓啦～佢叫多個招牌叻沙摻摻$68同我share 。。。勁大食，不過好彩有食到，試到佢的叻沙個參巴醬呀～～～係靈魂！！！香料果種辣，唔太刺激，點蝦同魷魚配椰奶味湯的摻摻，夾麵底係兩溝，米粉同幼油麵，索哂湯又有咬口下次會試佢參巴醬牛肉鬆炒飯

夜晚流流長， 真係咁岩見倒叫個外賣， 一個好簡單嘅焗豬扒飯同一個乾炒牛河， 已經令我個夜晚生色不小。 外賣通常嚟到屋企都凍哂， 但係個焗豬扒飯仲係燙手嘅， 乾炒牛河一打開出煙既， 仲要大量嘅牛肉喺個河粉入面。 焗豬扒飯塊豬扒仲要同個盒一樣大， 另外仲要多1塊細豬扒。 強大！ 忍唔住令我哋打電話返去讚佢。下次先影相，今次已經食咗，因為好食到唔記得影相。令我忍唔住， 咁耐冇寫食評要寫返。 下次一定要去堂食試吓。 影多幾張相再更新內容。

瘦編有朋友係紅磡工作，今日早收工就去咗搵佢食飯，揀咗依間「新澳咖啡餐室」，定位新式茶餐廳，可以食到茶餐廳嘅風味，裝修又好新好乾淨，可以食得安心。♥️-瘦編同朋友揀咗個二人套餐，有薑蔥霸王雞加蝦仁炒滑蛋，包兩碗白飯同兩杯餐飲。除咗依款主菜，其實仲有其他主菜可以揀，例如川味口水雞、粟米魚塊、京都肉排等等。雞肉好滑好嫩，好濃雞味，薑蔥醬汁好惹味。蝦仁好新鮮好大隻，滑蛋都好滑，送飯一流。另外再叫咗個招牌叻沙摻摻，湯汁好濃郁，材料豐富，海鮮好新鮮，食落爽口鮮甜，好開胃！晚市餐廳坐滿哂，好多街坊客，大家要早啲嚟攞位！👍🏿-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 新澳咖啡餐室 (民泰街) (紅磡)📍 紅磡民泰街53-73號地下F1號舖

近黃埔地鐵站出邊有一間咖啡餐室間餐室夠晒大 可以容納好多人出邊仲有人帶埋寵物嚟一齊享受食物同朋友未食飯梗係要叫返個二人餐裏面包括例牌薑蔥霸王雞同粟米魚塊再包埋兩碗白飯同埋飲品 價錢只係158都算平民化 隻雞好新鮮肉質嫩滑 食水好靚上面仲有好多芫荽蔥 完全覆蓋晒整隻雞粟米魚塊 粟米同魚塊係分開 自己可以加相應嘅粟米羹落去 魚熱辣辣 唔會煎得太焦 幾好食一齊撈埋白飯食 好有家嘅感覺！另外再加多個叻沙摻摻 有食過呢類型嘅星馬菜 應該都知道佢哋係油麵同米粉嘅合體兩種麵加埋一齊 有粗有幼 夾雜喇沙湯同一系列唔同嘅配料 包括有魷魚圈、蝦同半隻雞蛋 🥚口感豐富 味道又濃郁 啱晒我最後飲埋杯熱檸茶 夠晒嘆！

今日麻甩癮起 勁想食茶餐廳🧔🏻於是去咗試樓下間新澳餐室-我地嗌咗個二人套餐($158)揀咗薑蔥霸王雞同金銀蛋浸時蔬🍲雞面鋪上芽菜 增添口感👍🏻而金銀蛋浸時蔬嘅份量真係好慷慨🤣滿足哂我一日嘅纖維需求🤣入面有海量嘅蛋同菇 浸得非常入味😽-我地見嗌咗一菜一肉心諗 叫多道菜都唔係好過分姐😌於是嗌咗依度嘅招牌叻沙摻摻($68)佢嘅海鮮好足料有帶子 蝦 蟹棒 魷魚圈同一大塊魚柳🦐🦑湯底充滿椰香味想再辣啲可以加上佢地額外提供嘅參巴醬將湯底嘅層次再昇華🤪 好滿足啊😝

這就是記憶中的石板餐雞，豬，牛二選一先88 蚊+1抵食之選可惜意粉完全冇味又唔太有feel到油撈過所以唔太推薦反而柚子醋燒雞翼好唔錯清爽嫩滑與石板的油膩感完全相反很推薦試試

上星期同男朋友一齊去黃埔探佢婆婆，跟住經過呢間新澳咖啡餐室。外面有兩張枱，都見到有人帶埋狗仔同朋友一邊食一邊傾計。見到咁chill，我地都去試下😂當時差不多6點，我地就當晚餐食。叫左一個二人餐，揀左薑葱霸王雞同波蘿咕嚕黑豚肉。跟住店員推薦我們試下佢地個海鮮叻沙，我地就試埋。薑葱霸王雞生熟程度適中，一啲都唔會太老。最重要係有大量薑蔥，非常啱我口味😂海鮮叻沙都無失望，海鮮份量好充足，尤其係啲蝦，爽口彈牙，值得一讚。不過我覺得最好食都係波蘿咕嚕黑豚肉。黑豚肉多汁又有咬口，表面嘅炸粉亦適中，唔會太厚。甜酸汁味道亦調較得好，非常開胃。總括而言，呢度真係一間性價比好高嘅餐廳。如果經過，真係可以試下☺️