新澳咖啡餐室 (民泰街) (已結業)

夜晚做完運動都成10點幾，喺黃埔又冇乜餐廳開到咁夜，所以先食呢間茶餐廳。叫咗個所謂嘅宵夜餐，日式京蔥肥牛飯（迷你版）。但其實我覺得佢一啲都唔迷你，飯和餸都好多。雖然我見唔到佢日式何在，橫睇掂睇都係一個港式茶餐廳嘅碟頭飯。佢啲京蔥煮過咗火，林晒冇咁好食。肥牛嘅數量都OK嘅，也不是一味得肥膏。個汁都唔錯，不過汁多咗少少。

聽聞新澳茶餐廳是何氏家族其下，水準有返一定保證！主打叉燒煎蛋飯，配甜豉油，雞蛋🥚有蛋香，叉燒肥瘦適中！另外焗豬扒飯都是招牌菜，製作需時，即叫即製！伙記服務有效率，座位安排妥善！

基本上每次經過, 都見到有人排隊, 雖然條隊唔係好長, 但心諗: 應該都係普通茶餐廳嘅食物, 都係下次等冇人排隊先食。今日經過, 因為過咗午飯時段, 見排隊嘅人少啲, 就唔諗其他, 無論如何一定要試一試。呢度嘅雞蛋真係冇得頂!!!第一份 order 咗下午茶餐嘅<頂級午餐肉香腸煎雙蛋飯(豉油汁)>。午餐肉煎得香又脆, 香腸唔錯, 飯軟硬適中。豉油並非甜豉油, 配雞蛋撈飯一流! 最後講下隻煎雙蛋, 蛋黃味道濃沃, 蛋白厚實, 好有質感。我應為除咗用靚嘅雞蛋外, 師傅嘅手勢都好重要。份量中好足夠𠻹。第二份 order 咗午餐嘅 <xo醬滑蛋蔥花叉燒飯>。我認為依個係佢哋嘅招牌菜之一: 雞蛋、叉燒、飯及其他材料, 都配合得天衣無縫。 我估佢哋嘅雞蛋應該係使用至少兩款, 然後混合煎成, 好香蛋味, 而且嫩滑。想再講多一次: 佢哋啲飯煮得軟硬好適中, 好啱我胃口。無得彈!<凍檸茶> 老實講就「茶味」差少少, 淡口咗啲, 但有一種清新嘅感覺。<熱奶茶> 好飲、ok、合格以上。服務方面: 我會用「粗中帶幼」嚟形容。意思係: 語氣上、動作

Last time,my family and I went to Whampoa to visit their friends,they told us about this restaurant's food.Anyone know I really like to eat curry,because I think it is very delicious and yummy,so we came to this restaurant called 新澳，then I ordered a curry beef with rice in this restaurant.The writer quickly escorted my curry,when I ate the curry,it was very tasty,the beef was very soft and juicy,the curry was spicy,I was very happy because I could a nice restaurant.This restaurant's curry is b

好唔容易等到星期日有假放，終於可以同老公周圍去下，今日揸車嚟到紅磡民泰街，呢條街出名多嘢食，諗住泊好車是但入一間實無死啦，有見到呢間門口咁多人，等左10分鐘就入到新澳啦。叫得新澳我自然會將佢同澳洲牛奶公司比較，咁澳牛最出色係咩？當然係佢個常餐啦，所以我就order咗個常餐試吓啦。蒜蓉包都幾夠味，不過塊多士就林晒啦，炒蛋亦都有好香嘅牛油味，不過講滑度同埋蛋香同澳牛就爭好遠喇鮮牛肉意粉，我未食過有一間餐廳嘅鮮牛肉係白烚㗎，我想講佢係完全冇味用清水白烚，真係好差好難食凍咖啡叫咗少甜都好甜老公叫咗肉絲炒麵，咦反而啲炒野好出色喎！新鮮熱辣出來，啲面仲要好脆！肉絲炒麵真係幫佢救翻唔少分！不過我唔會嚟食第二次囉

十月比較手緊，行左黃埔成個圈都諗唔到食乜好，想食嘅唔捨得錢，太平嘅又唔想食。見到新澳要排下隊，諗下未試過，決定入去一戰。餐牌選擇好多，本來想嗌常餐，但係見到叉燒滑蛋飯就會忍唔住叫。拿，滑蛋飯po就相一定唔會錯，但係味道就難講了？回頭率：🌕🌕🌕🌑🌑環境：🌕🌕🌕🌗🌑服務：🌕🌕🌕🌑🌑份量：🌕🌕🌕🌕🌕味道：🌕🌕🌕🌑🌑價格：HKD 50-55/pal<XO醬蔥香叉燒滑蛋飯>上菜速度飛快，大大碟飯轉眼就到。叉燒係半肥瘦的，偏薄，甜甜地。滑蛋並唔滑但蛋香味尚算過得去。豉油俾我地自己加，豐儉由人，可惜唔夠甜。炒蛋份量都唔少，混合了炒香的洋蔥(原來蔥香係洋蔥？？)，表面的XO醬係點睛之作，進一步增加左口感同甜味。成碟飯味道並唔差，同坊間其他著名的叉燒滑蛋飯比較有其特色所在，只是個人口味更偏好更滑的炒蛋。如果中意有好多嘢可以咬，哩個蛋飯應該幾啱閣下你。<豬扒瑞士汁撈丁>賣相好差冇影。豬扒口感軟稔入味，好咬。瑞士汁濃厚，略嫌甜味過重。出前一丁煮得比較軟身，我自己就唔太中意，覺得少左彈牙感。<杏霜>

海南雞飯@紅磡新澳 自從港鐵開了黃埔、何文田站， 去紅磡就不再單一坐巴士 可以輕輕鬆鬆坐港鐵去黃埔 是日想吃海南雞飯， 所以叫海南雞餐，才$68 海南雞是例牌 可以選配香油飯或白飯 還奉送咖啡或茶 識食，梗食香油飯 識飲，梗飲檸檬茶 跟餐的是青紅蘿蔔湯 是沒有味精的老火湯 飯前這碗湯 增加食慾 香油飯不像泰國或新加坡那些帶椰香 而是實實在在的油飯 這種油飯特別香 本人十分愛吃這個香油飯 海南雞滑有瘦 令人十分有食力 好快就掃光光 飯後檸檬茶 有助消化 交通方便 帶回家吃，輕鬆 餐牌多選擇 下次要試埋炭燒豬頸肉撈丁及咖喱

嗌咗個炭燒豬頸肉撈丁個豬頸肉冇炭燒過撈丁好細份仲要杯茶走係澀到high high第一次食唔晒杯茶走咁就$47我去紅磡冰室食唔好？中晒伏啲staff冇咩招呼不過一條友食野都慣咗冇咩所謂但啲野食唔得餐牌其他野都貴冇下次

不妨一試既茶餐廳新澳咖啡餐室作為麻甩系女生，假日就梗係周圍試唔同既茶餐廳!新澳咖啡餐室坐落係黃埔民泰街，黃埔站A岀口，幾方便。裝修好有香港舊冰室感覺，旁邊擺放左香港街道同香港特有公共交通工具既擺設。新澳仲好窩心咁設有室外坐位，岩哂養左寵物既食客，可以同狗狗一齊享用下午茶。入到去，幾滿座，侍應好快就執好枱比我地。今次就揀左佢既招牌茶餐:招牌炒蛋配蒜茸牛油多士及牛肉公仔麵(J2)$45。滑牛有驚喜，幾嫩唔靭，又入味。多士蒜茸味幾岀，咬落香脆，唔錯。唯炒蛋配果塊火腿略嫌失色，麻麻地。但不得不提係杯凍奶茶，茶味夠，少甜岩岩好，好飲！！行過絕對會外賣杯凍奶茶返屋企慢慢嘆！家姐就叫左個優閒下午茶:生炸雞髀配薯條(H1),$38。睇得岀雞髀同薯條係新鮮炸，無翻炸，黃金顏色，咬落脆卜卜好熱氣呀！！但好好食，腌得入味唔咸。我地叫多左個西多士share食，omg又係新鮮炸起，切落去有花生醬，係花生醬呀！！好邪惡，但真材實料結論係，係黃埔又多個飯堂啦😂

紅磡嘅茶餐廳第一間諗到嘅可能係紅磡冰室 但係而家紅冰開到周圍都有分店 今日去開紅磡就決定要搵過另一間茶餐廳食 於是就入咗呢間餐廳試一試😮 晚餐有好多唔同選擇 有小菜 亦有碟頭飯 喺花多眼亂嘅情況底下 見到隔離檯嗌咗個XO醬叉燒滑蛋飯好吸引🤭 就跟佢叫咗個 同行友人就要咗個粟米斑塊飯 兩個飯都跟咗一碗中湯 個湯嘅材料好豐富 鍾意食湯渣嘅朋友一定覺得好正 不過我略嫌鹹咗少少😗 粟米斑塊飯嚟先 啲餸幾多 我試咗一嚿魚 層粉唔會太厚 啱啱好 啲粟米汁亦好好送飯😻跟住我個飯到啦 真係好香 一大塊滑蛋鋪住晒成個飯 上面有XO醬嘅蝦米 叉燒唔會太瘦又唔會太肥 個XO醬撈勻咗好香口好惹味 侍應仲有俾豉油我落 我落咗少少已經好夠味⭐️ 同行友人都好後悔冇跟我叫呢個飯😛😛 整體嚟講 XO醬叉燒滑蛋飯實在太好食 下次一定會再叫👍🏻

星期六慢活態度，想慢慢食個茶餐。於是，走了去黃埔的茶記食個飯但這裡選擇多的是，所以選擇了特色鋪頭食午飯。座位較迫，始終繁忙時間要搭臺。裝修企理，右方卡位更有香港大街小巷的模型，實在吸引小弟XO醬叉燒滑蛋飯 配 熱華田正呀喂！蛋，真心夠滑，全方位覆蓋整碟飯，加以甜豉油食用，風味更佳全碟飯都是半肥瘦叉燒，口感一流之餘，又有少許蜜味整碟飯的精華是什麼呢？就是面頭的xo醬，瑤柱、蝦乾仔，將之拌好，將叉蛋飯帶出另一風味，效果相當吸引

黎到紅磡，想快食個晚餐，咁啱行到呢間茶餐廳，門口一睇餐牌，勁多選擇，中式西式泰式乜式都有，我就鍾情於焗飯，就叫左份黑椒芝士雞扒焗飯，黑椒味濃，芝士夠多，雞扒夠嫩，好好味。

當晚約咗男朋友在紅磡睇黃子華棟篤笑，於是在我公司附近（黃埔）食完晚飯就出發行過去。新澳在黃埔A出口隔離～普通茶記咁，入面都幾大個餐牌入面超級多野揀，睇到花多眼亂😂最後我揀咗「特色冬蔭公湯粉自選套餐」，要豬扒加魚腐加墨魚丸，個組合係有啲古怪既😂成品！好辣😂辣到我出去拎咗兩三杯水同細碗仔去「過冷河」，溝淡番佢先食得落😂而且我仲叫咗熱檸蜜（加6蚊），一辣就無得用凍飲消一消辣，結果我飲晒我男朋友成杯凍檸茶😂😂😂係我廢～其他人食到呢個冬蔭公湯應該食到lam lam脷，因為夠辣！結論：普通茶記但多選擇！

話說星期六早上，食厭了樓下的茶餐廳，轉登坐車落紅磡，想一試新澳的常餐，因為話說同澳牛係有d關係的餐廳。門面寛落大方，用藍色的大門，有種休閒風格。套餐價錢比一般茶餐廳貴5蚊左右，可接受範圍，入面都唔會話坐得好迫，仲有d靓靚地吊扇。因為剛過了11：30，冇早餐食，叫左個最類近的常餐，45蚊，有牛肉意粉，火腿炒蛋多士，熱奶茶。牛肉好鞋，係硬到食唔落嗰種，意粉正常。炒蛋唔夠滑，火腿ok多士有焊底，厚度ok,有加蒜蓉，好味。奶茶屬於茶味重的哪種，個人覺得還好吧。

晚上10時左右，他們仍然有宵夜套餐，而且款式幾多，可以慢慢選擇。點了招牌雙蛋 蒜蓉牛油豬仔包 招牌沙嗲牛肉公仔麵 及自選套餐 番茄湯加午餐肉出前一丁＋$4 ，其中招牌雙蛋實在太多油，油浸雙蛋！可是更敗筆的就是在加了＄4出前一丁。萬萬都估唔到出前一丁都會變味，第一啖已經食到吸收左廚房日月精華的油億味。實在大失望。估計茶餐廳為了方便存放，將獨立包裝的出前一定公仔麵拆去包裝存放。所以先有這個效果。希望茶餐廳可作出改善。