新澳咖啡餐室 (民泰街) (已結業)

星期天是家庭日，一家人去嘆番個下午茶。在食肆林立的德民街有間頗大的茶餐廳，人多都較易找座位。 下午茶選擇都不少。 傳統西多士（花生醬），中間夾有花生醬，多士很厚，炸得鬆脆。奶醬豬仔包，醬很多，豬仔包外脆內軟，好邪惡呀！奶醬多士，都好鬆脆，但偏好豬仔包好吃啲。 仲有迷你頭抽乾炒豬扒意粉，想飽肚些之選。上枱時碟上沒有滴油，真係炒得幾乾身，味道可以，迷你版夠一位女士吃當一餐。熱香餅、招牌炒蛋、漢堡扒和薯餅，成全份豐富早餐咁多，男士先吃得晒。但懂飲奶茶的人話麻麻地，茶味唔夠且唔多滑。

5.1 勞動節約埋幾個frd運動完一齊去tea, 今日去咗黃埔新澳茶餐廳,哩個茶餐廳長期客滿, 無論早餐午餐下午茶宵夜, 本人鍾情去佢度tea, 因為咩? 佢既生炸大大隻雞脾, 加兩粒鹽, 真係邪惡得黎也是我做多多運動都要去食佢既目標,今日幾條友好似生積咁~ 一人一隻炸雞脾都唔夠, 仲要叫多兩份西多士share,點知~~~~ 叫錯咗~ 叫咗另一款西多士, 一個配紅豆茸, 一個配朱古力, 其實我都係仲意傳統配大量鮮牛油 + 煉奶個種食法~不過紅豆茸個多士係幾好吃~

今日完成了大半天的任務，搵地方落腳吹下水休息下，返到黃埔，朋友要吃茶記，當然這間是不二之選。最近呢排這食店的餐牌轉了，多咗好多嘢食，下午茶都有好多選擇，經濟實惠。招牌炒滑蛋配豬柳漢堡，仲有厚切牛油多士， 牛油香好好味!厚切餐蛋治，唔記得咗叫烘底都好好食。當然，一定有阿囡鍾意嘅蕃茄濃湯通心粉，配午餐肉，不得了不得了，塊午餐肉厚到從未見過，兩塊加埋等於半罐嘅厚度， 蕃茄濃湯好好飲， 一滴不漏飲曬凍奶茶少甜vs凍檸茶少甜一個餐連凍飲廿幾元，確實抵!

入完主題樂園，兩家人搵飯食，返到黃埔，首選新澳茶餐廳，坐低睇menu，有好多選擇，花多眼亂，選擇困難症全部出曬嚟。菜遠牛河汁甜味美，今次與乾炒牛河對決。乾炒牛河絕對係邪惡，所以勁好味。這裏的番茄濃湯系列都係一絕，最啱小朋友，大人都覺得醒胃，正呀! 蕃茄濃湯蟹柳魚蛋墨丸烏冬，送豆卜，阿囝好肚餓鯨吞連湯都飲乾。魚香茄子斑腩飯，少少辣，汁香味濃。蝦醬鮮魷炒西蘭花，蝦醬辣辣地非常香，鮮魷熟嘅程度啱啱好， 廚師炒得好有技術。假日套餐唔算貴，大家來到值得一試。

新澳而家要等齊人先比入，以前都唔洗。。但裡面大把位。。。激死。。佢滿坐我都明。。。但唔係囉。。。我由佢一開店就食！從來都無試過咁！😡 而家唔休做啦！我地以後就唔再去啦！又話寫到明。。一定要等齊人！但我去左咁耐。。。真係試過好多次未齊人就入得！

態度差到爆！叫人落單又唔理，十個伙計有多，個都扮忙，應左你就叫你等等等等！食緊野用漂白水洗地！完全唔理會客人，仲慘過係醫院食飯！問攞杯水仲慘過問佢攞錢！問五六次都唔攞比你，食哂野杯水都仲未黎！自己行去拎仲會話你，叫你坐底唔好自己攞！態度差差差差差差差差差差差差差！想受氣就黎啦！食物無特別！又唔係特別平，周邊大把茶餐廳，跟本唔駛比錢黎受氣！多人幫襯就變哂！之前開張都仲好好！不知所謂！都唔期望會有酒店服務，但唔係差到咁囉！

聽聞新澳係澳牛人另起爐灶既舖，同事好中意去食，所以一齊黎食下。食左兩、三次，仍然唔覺得有咩特別好食。第一次食常餐，叉燒湯意，配滑蛋加烘多士。叉燒咸到喊，過度掩飾隻豬係一條死左好耐既屍體😱 意粉變左假烏冬D friend.. 質感係點你想唔想像得到？ 多士烘到少少乾，滑蛋都唔錯但多油。印象真係麻麻。不過同事依然力推xo醬叉燒蛋飯同芙蓉蛋飯，所以又一齊食多次。全部十個人都叫呢味。今次叉燒無咁咸，蛋好大塊，為左滑所以算多油。成碟蛋包飯，加幾塊叉燒，一pat 低質蝦米XO醬，洋蔥有一條咁大把，再比我免費無限斟豉油，加多杯熱檸水，盛惠$55。好抵咩？唔覺喎...

因為住附近所以已經食過多次，但一直冇寫食評，最近寫開就寫埋，紅磡區茶餐廳黎講呢間一定係Top 3，誇張啲講隨時九龍區都有機會，睇住佢開睇住佢越黎越旺，未講食物先講服務，雖然星期六日好爆場，但員工一啲都冇黑面態度差。到講食物，基本上十次有八次我都係食沙嗲牛肉麵+炒蛋多士，沙嗲牛肉夠味，炒蛋又夠滑，如果未食過就一定要試，晚市我通常會食炒公仔麵，炒得夠乾食又唔會太多油，加上晚市冇咁多人可以坐得舒舒服咁食，冇記錯9點半後仲有宵夜時段，仲可以食返件西多😋😋

Boyfriend and I were exploring  Hung Hom and decided to end it with dinner there. Originally we wanted to eat at another place but there was no room so we decided to eat at the closest cha chan teng as it was getting late.New O Restaurant had quite  a lot of people and with more people coming in while we ate. It was a typical cha chan teng except for the miniature Hong Kong street display on one side. They also have a couple of tables outside for outdoor seating.Menu is in Chinese only. There is

間唔時會同老婆去食下宵夜,一黎平D二黎小人D2公婆食下野都好享受,呢間我地成日都去因為好少有公仔面係用濃雞湯真係好味到無得頂,超濃雞味,真係差D當湯全部飲晒多士都厚,多醬,炒蛋就一般識食一定要叫公仔面,好味到满分!!

室內環境裝修好有香港特色，放咗一啲香港特色嘅擺設品，門出面另外有兩張枱，可以帶狗狗一齊茶餐廳，亦方便吸煙人士。天氣咁凍食完午餐，晏晝好快肚餓， 五點幾六點去到紅磡附近買下過年嘅嘢， 平時多數喺度食晚飯，佢嘅焗豬扒飯，非常出色! 今日好肚餓，嗌咗個全日茶餐試下。火腿炒蛋配豬仔包(蒜蓉)個包好脆， 蒜蓉夠香!個炒蛋師傅有料到，好滑好香，唔肥火腿凍咗少少，放落个面度都ok。沙爹牛肉面~沙爹牛肉個汁好滋味，個湯底好濃， 應該用咗雞湯，食到最後忍唔住飲曬， 冇味精真材實料。加個地道奶茶~奶茶夠奶，茶夠香，品質中上。

點解啲人可以咁折墜！話說今日去咗新澳茶餐廳食飯，傍邊一個女人叫咗-XO醬葱花叉炒蛋飯(走葱)，送嚟時忘記走葱！女人問：咁點算？點知個伙記就大大聲咁話：好簡單啫，掉咗去就得啦⋯⋯之後禮手就把全碟完整的飯倒晒落垃圾桶！我見到都心痛。其實嗰個係繁忙時間，哩個飯亦好多人叫。點解可以做出咁折墜嘅行為？

平時啲招呼都可以，雖然客人都唔會十分被尊重，但係都唔會被視為討厭。話曬都係一間屬於茶餐廰嘅餐館，又會點樣好得去邊呢呢啲招呼。但係今日畀佢當係仇人，欠咗佢好多錢噉，我真係唔知做錯左啲乜。今日落單時我好似欠咗個夥計好多錢噉，好似俾佢盤問，態度十分差，同佢講嗰陣時佢又唔聽，之後又好惡咁問我食乜，指畀佢睇，佢又唔睇。問我煎蛋定炒蛋，答遲半秒好似想殺人咁。價錢又唔係平，其實都算貴，我都真係唔會再去喇。以前有一位哥哥，好有禮貌好得人鍾意。但係去咗另一間分店幫手，之後，就真係唔同曬喇。

減肥係女人終生事業...但..我諗我好難忍到口...呢個炸雞脾真係好好好好食呀...可以話係皮脆肉滑..而且唔會過咸...脆豬同蛋都好出色..蛋食到糖心麵就正常野...不過不失

職員服務態度超差，食到一肚氣。三個人比2坐位，因朋友未到，入坐時話齊人會調位，結果齊人仍是分開坐。我同職員解釋，仲叫我們以後可以不再來，態度非常無禮，真係生意唔憂做，好野🖓🖓🖓😠😠😠