新澳咖啡餐室 (民泰街) (已結業)

新澳個扒餐真係好抵食，而且好好食！一嚟親紅磡就會食新澳！平時都好鍾意食新澳嘅小菜，因為每次都係即叫即整，熱辣辣，而且好有鑊氣！再加上大大碟，三個人叫兩個餸都夠飽！

第二次黎呢到食了，朋友介紹左個餐，係肉醬焗薯角，吾算貴有野飲，我簡左凍檸茶😙$36蚊，食完好飽😙食左兩次都咁好味，個店員仲同我講要小心個碗好熱，因為係岩岩焗出黎～( ^ω^ )

早上9時諗住來上下朋友介紹的炒蛋三文治，9:20食完三文治，差杯凍飲未飲完，個帶位黑衫阿姐問咗我幾次飲完未要收我隻杯，我話未飲完，勁煩擾，阿姐就黑面。之後仲叫我拎住杯飲品調位去另一個位，話出面好多人等位，我即刻係佢面前放底杯野，我明白有人等位，同佢講邊有人咁做生意咁趕人走，連杯野都未飲晒即刻去俾錢，阿姐講嘢態度勁差，又唔係快餐店唔洗咁嘅，態度好啲唔得嘅😡😡😡blacklist 唔會再來食嘢，想食個輕鬆早餐都唔得

Typical Cha Chan Teng grub with a more interesting menu. The menu had way too many dishes and we just wanted to try them all. No English menu here unfortunately, come here with a local or just show photos when you order. Note: The service is very bad here so expect that and you cannot be seated until everyone has arrived. The food here is good so people usually turn a blind eye on the very bad service. -XO Charsiu Omelet Rice $55 Recommended: One of the popular dishes.Xo sauce just goes with any

話說我同花先生諗唔到食咩，都會來新澳！因為選擇多又好味，食過咁多次質素都保持到，唔會突然好難食。食物：今日我同花先生都食揀左茶餐C。豬仔包同多士都係有兩塊（花先生係我舉機影相前已急不及待食左塊多士⋯），係超陒口，加埋蒜蓉香，正！炒蛋香滑，同澳牛絕對有得揮喎！茶餐原本係配公仔麵，但茶記既靈活當然係我想轉通粉都得啦！蕃茄湯底好濃郁，食到真蕃茄！茶記質素黎講算好正！豬扒大大塊，有煎過既香。熱檸水有4塊檸檬，太闊佬啦！服務：見啲食評話依度既店員態度好差，我又唔覺喎！我要豬仔包，佢落錯多士，黎到叫佢換都無黑面無發晦氣，仲笑住話無問題幫我換過！環境：懷舊裝修，旁邊有條街道模型同車仔，有啲心思既茶記！門口有兩張枱，方便要呼吸新鮮空氣既食客。雖然澳牛地位無可取代，但新澳好多選擇，又唔駛好似去澳牛咁光速，炒蛋質素又差不多，難怪花先生咁鐘意來

呢排天氣真係好熱今日出左成日街，行到成身汗，好想飲杯野翻到黎黃埔，出站行去紅磡嗰邊見到新澳茶餐廳就即刻行左入去我同屋企人坐低即刻諗住嗌左兩杯凍檸茶解渴但係見到仲有下午茶嗌就嗌左煎蛋肉醬意粉同干炒牛河食🙈煎蛋肉醬意粉~個蛋煎得好靚一切開啲蛋汁漏曬出黎😍個肉醬好夠味，食食下會揾到八角，好有懷舊風味，而且意粉本身有味，唔會淡干炒牛河碟牛河一黎到 冒曬煙就知夠曬鑊氣食落去亦是，而且好入味，又唔會太鹹下次再黎都想試下佢其他炒粉麵(因為見到隔離枱碟炒飯都幾靚🙈🙈)到嗰兩杯凍檸茶~我自己嗰杯嗌左少甜，但係都覺得甜左少少，不感想像全甜會幾甜🙈🙈不過用黎解渴還可以嘅總括而言，味道唔錯，又有懷舊風味，價錢亦唔算貴，得閒會再黎食

一路都無開account寫食評，今次寫因為真係堅嬲！平時見到d侍應對人態度差，我都繼續有來食。試過見過人地小朋友食得慢未食完就收左d食物，媽咪話d人，個女侍應仲話番佢放隻碟係一邊唔係食完係咩！又試過人地剛坐低，餐牌都未拎起，就係咁問人食咩！又試過d侍應放餐勁大力，杯奶茶瀉左三分一。呢d我都覺得無乜嘢。不過可能今日eq低左，今日去買外賣，出單後發現無寫烘底，想即刻改，點知距話「下？無得改wor太多單」。喔，因為太多人，所以不能滿足你要求，所以我地要係咁催人點餐。明白的，所以為左唔加重你地工作量，我決定唔會再幫襯了。新澳做得好成功，簡直同澳牛一樣成功，服務態度方面.... （反而而家覺得澳牛d哥哥相比下態度好好...）完！

毗鄰黃埔地鐵站的民泰街, 有一間擁有懷舊色彩的茶餐廳, 食品款式甚多, 路經的朋友不防一試, 既可歇歇腳, 又可一嘗地道小食！芙蓉蛋飯, 上碟已聞到陣陣香味, 加以豉油, 幹掉一整碟飯絕非難事!菠蘿梳打, 夏日透心涼之選肉絲炒麵, 肉絲可口, 麵底香脆餐廳內的裝飾、擺設，處處流露出這茶記想玩懐舊港式茶餐廳 feel 的意圖唷！

就像小學時代一樣，本人工作的公司也是奉行長短週。要上班的星期六其實不大辛苦，而且時間過得頗快。最期待就是放工後的午餐。紅磡區有很多餐廳林立，消費多寡就視乎個人能力，睇餸食飯。我係香港人，當然捧港式茶記場。全日茶餐內容豐富，湯底可轉港女最愛～蕃茄湯，豬扒大大塊……不是諷刺我吧……還是不要對號入座好了。同事選了全日茶餐，睇見份量足，滑蛋目測夠水準。蕃茄湯底香濃，整體合格。我則選了XO醬滑蛋叉燒飯。飯一登場，等等！！XO醬，有！叉燒，有！飯，有！滑蛋？？？極其量只可稱之為煎蛋餅。我唔係外貌協會主席，食咗先講！！以茶記碟頭飯份量來說，算細碟。蛋雖不是滑蛋，但與叉燒，XO醬配合起來，味道不錯。叉燒用瘦叉，難得食落不鞋口。午餐埋單$55,小貴。小資女的我還可接受。至於服務態度，我感覺是刻意模仿“澳牛”，很急趕地落單，粗獷語氣，未必人人接受得到。當然見慣大場面的我，完全知佢地做乜事。

黃埔又有新茶記！呢間新澳感覺係追住紅磡茶餐廳去打，點解咁講？因為佢最出名嘅竟然係常餐！以佢嘅招牌炒蛋的確好出色！對比起紅磡茶餐廳都係差緊啲啲！但係佢個麵包竟然用豬仔包仲要配蒜蓉汁，呢下贏咗！呢個常餐仲有個番茄通粉，雖然蕃茄味唔濃，但係個肉幾好食！依家最估唔到，個叉燒炒意粉係咁出色！豉油王嘢味！炒落又唔會太乾！裝潢方面，佢哋比紅磡茶餐廳出色！因為有主題！係模型，係巴士，總之好有情懷！啲夥計都幾Nice ,感覺上好似去咗好多次！

因為實在太早食飯,十點幾左右就開始肚餓.一路都有留意呢間餐廳嘅裝修,見到已經開始咗宵夜時段,梗係即刻衝入去食啦.依度最特別嘅地方就係卡位後面嘅香港街景模型,大部分都係唐樓景,非常精細,連紅綠燈都識轉燈,如果帶小朋友來一定好開心.叫咗個頭抽乾炒豬扒意粉,話咁快就到.有一陣炒燶嘢嘅味道,但係其實冇燶到,可能係上一手炒落嘅嘢剩低啲鑊撈味.意粉用蔥,洋蔥同豬扒炒埋一堆,油同埋鹽都非常多.豬扒本身唔算醃得好濃味,仲食到豬肉味,而已質素唔差.但一聞到鑊撈嘅味道,真係有啲無胃口,但係始終啲意粉同豬扒冇燶到,叫人換又唔係咁好.另外檸檬茶叫咗少冰,但係冰就冇少到,變咗少糖,唔夠甜.食飽埋單先見收銀處寫明只收現金.當然好多茶餐廳,尤其係舊式嗰種,都係唔收八達通既.但係依間裝修靚靚哋,擺到明係想吸引年輕人嘅,連咁常用既八達通都唔收就有D唔方便喇.

同個女去完聖堂之後去食早餐，食物質素尚可，其中一位沒戴眼鏡男侍應態度極度惡劣，落單時要一杯水沒有比我，食到中間，太太帶另外一個女話一分鐘後到﹐見到有張4人枱沒有人，跟他說仲有人到﹐可否換枱，然後兇神惡殺跟我說不可以，以後不會再去，比錢買氣受。

去開紅磡，一個人搵野食，想搵個地方坐得舒服，野食又ok，諗返起之前食過呢間幾好食，所以再嚟食。因為太多選擇，又鐵板餐，又常餐，又小菜，又焗飯......最後選擇咗焗豬扒意粉，跟西湯，仲有半個脆脆豬仔包。即叫即焗其實冇得輸架，意粉又唔會焗到淋哂，豬扒就夠哂軟淋。因為之前留意到而家好少地方有唂咕飲，見呢度有就叫咗杯試下，其實係朱古力味，又唔會好甜，原來懷舊野都幾好飲如果去開紅磡，又想食得簡單啲，經濟啲，呢間餐室係唔錯嘅選擇。

之前幫襯過，覺得唔錯，但今次真係好唔得！今日同朋友一家幫襯，個小朋友對其裝飾（街道擺設）好有興趣，可惜不是坐卡位。之後在落單後不到20秒見有卡位，要求調位，著橙衣職員表示可以，仲諗住幫我地改單同執位，之後就有個便服人走埋話唔得（當時仲有4張吉枱，有客入一定有位，只影響左要改單），咁算，諗住去抱返個小朋友返黎時又有個職員問有咩幫到我地，我講都未講，個便服男就走黎大大聲講”唔好以為佢高級過我“。。。😑😑😑成餐飯比呢個自認好高級嘅便服男搞到㷫晒😤😤我見之前已經有人提過便服男態度差，唔知係咪同一人，但作為管理層見到嘅麻煩提提唔洗著制服嘅唔係代表可以大大聲鬧人，如果佢係高級過著制服嘅職員，我覺得佢地識做生意過啲所謂高層囉～啲態度咁趕客，啲嘢食好味到攞獎都無用，我地去食嘢，唔係去受氣咯。。。新澳腦細，唔該好好教導下果個唔使著制服既最高領導人。

屋企附近開嘅茶餐廳，非常有澳牛的影子。睇過報導原來：新澳咖啡餐室同澳洲牛奶公司嘅老闆原來係有親人關係的！至於各箇中故事，不在此細說了～　不如親身去一試究竟！數到澳洲牛奶公司的招牌，不同多說，就是炒蛋。所以要比較的話，當然也選了炒蛋多士。價錢方面，同澳牛差唔多，都係$30有找。多士烘底，烘的時間稍不夠長，麵包可以再脆啲。但係牛油仍是滿滿的香～炒蛋同澳牛嘅有95%相似，一樣好滑，仲有少少流心。配方係唔係一樣就只有老闆先知啦～總括嚟講，如果唔方便去佐敦，或者唔夠時間排隊入澳牛的話，新澳亦會是我craving for炒蛋多士的好選擇！