新照記茶餐小食店

營業中

休息中

麥芽糖餅食緊時發現有分屍咗嘅曱甴（蟑螂）屍骸⋯⋯原隻大大隻曱甴！🪳當時見到麥芽糖入面有啲啡啡地嘅色仲以為煮燶咗，從來冇諗到呢呢樣嘢會發生，結果咬咗一世啖之後發現有浸濃烈腥臭味⋯⋯一望發現係曱甴嘅背翼同埋腿🤮問老細就大聲夾惡，攞住個麥芽糖罐問我邊度有曱甴大佬已經俾我哋食咗你個罐梗係冇啦，曱甴嘅屍骸已經同麥芽糖融為一體⋯⋯最後仲要發大脾氣鬧我，只係退返麥芽糖餅嘅錢俾我就冇咗件事。——‼️後尾發現呢間嘢唔係第一次有人食到曱甴‼️有人喺呢間舖頭飲涼茶飲到大大隻曱甴，仲要原汁原味，個老闆又係死口唔認🤮呢間舖頭係曱甴慣犯嚟，鍾意食曱甴嘅歡迎光臨。

每次去長洲玩，都一定要嚟呢一間小食店🌸新照記🌸買佢哋嘅傳統中式糕點，佢哋每一件為$11，我覺得都幾抵，因為都幾大件，我買咗其中嘅幾款，🌼芝麻糕，🌼紫米糕，🌼桂花杞子糕同埋🌼椰汁馬豆糕，佢哋嘅糕點除咗大件夾抵食外，都非常足料，就好似呢一款芝麻糕咁，超香濃嘅芝麻味，又滑又軟熟😋，其次比較鍾意嘅就係馬豆糕，呢一種糕點唔喺度度有，都係比較舊式嘅糕點，馬豆幾多，好有咬口，椰汁香滑👏🏻，濃郁，甜度適中，一定要試吓👍🏻👍🏻除咗有中式糕點之外，細細間嘅小食店，都可以有過十種小食😱，出名嘅長洲大魚蛋，牛什，豆腐花，各種雪糕，車仔麵等，佢哋嘅雞屎藤，更加係必食之選，下次又等我試下先😆😆

这家小吃店的品种相当的丰富啊这次我是去买了糕点打包带回去给孩子们吃的.🍃环境：环境很一般，主打一个接地气～门口有座位，可以露天“堂食”💁服务：老人家不太会讲国语但也会尽量的介绍、表达.🧁出品：♥️鸡树藤 💰10有一股植物的清香～一份六粒一口一个，软糯好吃😋♥️椰汁绿豆糕 💰11椰香味浓郁，绿豆也是清火的一份很大一块，适合分享.糕点都是💰11一份价格实惠，分量十足要打包盒装的话➕💰1这种原汁原味的手工出品值得保留😘

每次去完長洲除咗會買糯米糍做手信之外必定會嚟呢一間小食店 😊買糕點做手信返屋企延續長洲之旅嘅感覺🥰🥰 🌻 椰汁紫米糕 $9 滿滿的紫米幾乎佈滿整個糕 好足料🤩味道香甜 陣陣椰香 甜而不膩😋🤤🌼 芝麻糕 $9 一大舊烏黑的糕點 好軟林林 食落唔痴牙超香的黑芝麻味🤤🤩 又唔太甜🌼 椰汁馬豆糕 $9食落香甜 陣陣椰香 口感滑溜溜 ☺️大大粒的馬豆口感夠腍身 🌟食落一軟一硬 口感豐富 😆😆🍽🍴總結 🍽🍴店鋪的糕點幾乎都試過晒 有陣時仲會賣晒🥲 所以要買 真係要趁早 😬😬 店鋪其實仲有賣其他小食 但我自己都係鍾情於糕點🤣

衛生情況令人擔憂，立即掏出清毒酒精濕紙巾將枱櫈抹得乾乾淨淨。豉油雞髀，體型龐大啖啖肉，室溫完全沒暖意，腍到散開的白肉像極湯渣的口感，雞皮味咬都已經飛脫，豉油味只留在雞皮，白肉沒有味道，是但不停咬盡快吞掉所有肉，算了吧。蘿蔔牛雜，白烚蘿蔔硬掘掘無甜味。醬汁八角味突出，香味薄弱。牛膀結實、牛筋硬朗、牛腸韌而帶澀、牛肚濕潤軟綿綿。菜甫碗仔翅，有肉有木耳有粉絲有蛋花，稀稀的生老抽水，加入大量醋大量胡椒粉免強全部灌落肚仔。

她們店供應各種港式街頭小食，還有傳統中式糕點。另外想吃飽點可以選食車仔麵，配料或是單點都有牛雜，選擇都幾豐富。如果想一次吃幾個不同款，這間會是不錯的選擇，亦有座位，不過就只有兩張桌子豆腐花 ($13/熱) - 豆味幾濃郁也很滑溜！涼粉 & 碗仔翅 - 料很多。涼粉是用杯裝，吃的時候很方便！大魚蛋 ($10/串) - 一串會有兩粒大配一粒小，而且也可自選辣還是不辣。有對比之下，大魚蛋還真的很巨型呢！

這一天我想乘坐下午五時四十分的快船出香港，但可能因為暑假，明明四十分到了碼頭但已經關閘。下一班船是六時二十分，如何打發這四十分鐘呢？本來晚上約了朋友吃飯也要遲到了，但也不敢吃太飽，因此揀了這間小店落腳。環境方面，這小店位於行去東灣的小路上，因此極容易找到，也必定很多人經過，尤其是去沙灘游水的弄潮兒。但這小店沒有內座，全是大排檔式的枱櫈。我坐下立刻叫了一碗豆腐花，沒加糖水。豆腐花份量足夠，令人飽足。然後我有點想喝涷飲，問有沒有涷奶茶，竟然有，太好了。有點意料之外。奶茶可以少甜，質素不差。兩件食物埋單只是29塊，我坐下枱頭一望，赫然見到幾乎已在市區絕跡的「連儂牆」，現在回看，值得保育。「新照記」在長洲來說，食物質素蠻高的，下次經過，不用猶豫，坐下嘗試，保證不會失望。

次次黎長洲必食「雞屎藤」🤣唔好睇佢咁核突！黑蚊蚊咁～其實有清熱解毒嘅效用味道清香，口感煙韌。試過係其他店舖食過有花生餡，但個人比較無餡嘅！ 所以次次都搵返呢間😛

$25 咖喱魷魚傳統嘅小食店，$25一大碗，數過有>30塊。唔單止量多到誇張，咖哩嘅味道都好濃郁，汁亦唔會稀。而魷魚唔係平時嘅發水魷魚，仲要好厚實，好高質，好新鮮。另外佢個底，都有2塊白蘿蔔，甜得嚟入味。而店入面嘅職員都好有禮貌同人情味。

入長洲一定會經呢間舖（入沙灘必經之路），亦都一定會坐低食碗牛雜。牛雜好入味，加埋芥末醬，絕配底層蘿白夠淋夠甜呢間豆腐花同樣美味，自己落糖水黃糖，鍾意食幾多就加幾多

每次去長洲必食的甜品….. 新照記糕點, 每一種糕點都試過曬了, 重點係每次入嚟長洲都會一直再食。芝麻糕、紅豆糕、桂花糕、眉豆糕.....今日食乜都好? 眉豆糕及芝麻糕也好食的。芝麻糕 ($9)喺手上搖一下糕點, 軟綿綿, 彈下彈下的外表, 特別吸引, 入口香滑, 芝麻味濃厚, 鍾意食係因為佢哋唔會整到好鬼甜, 甜到食完確喉嗰種。

久別長洲多年，趁平日有假放便相約朋友到長洲漫遊。新照記係必去之地。讀書年代嚐過紫米糕，一試難忘，今日直奔新照記睇下有冇 (上次黎係賣唒😑😑) 。第一句大喊有冇紫米糕，阿姨答有，婆婆即刻勁手快拎俾我😍😍😍 仲好貼心將件糕一分二，方便我同朋友分黎食。$9一大件 (呢度影左四分三）粒粒香甜椰汁紫米，但又不會太甜，正！但今日天氣太熱，所以冇買多幾舊返市區😣😣(我都有食過呢度魚蛋，但不太特別；黎呢度要食糕點，食糕點，同食糕點）長洲多了不少咖啡店，但傳統手製糕店舊店仍繼續存在，要多多支持。

叫左個車仔面, d面好淋, 魷魚好似啱啱捉上水咁腥, 芝麻糕質地鞋身, 整體賣相唔吸引, 唔值呢個價. 雖然地理位置理想, 長洲應該唔難搵到好d嘅餐廳, 因此不推薦到此餐廳食野.

如題，睇完巡遊，終於可以去 B&B check-in。旅舍附近的轉角位置有一間門面極度地踎的小店，人頭湧湧 ⋯⋯ 原來係一間港式街頭小食檔，有齊車仔麵、碗仔翅、魚皮角、豆腐花、涼粉，甚至奶茶、咖啡。可能太平清醮會景巡遊正式完結，各間大小餐廳、小食檔終於可以名正言順賣葷，當然吸引一眾遊客蜂擁光顧。不過不知道什麼原因，小食檔正門位置的招牌位置竟然拆了下來？雖然有車仔麵，但檔口實在太細小，車仔餸款式選擇並不太多，而且所有需要炆煮的車仔餸全部混合在一個小鍋內。見到這個鍋，還以為是炆牛雜，但比起其他主力賣炆牛雜的檔口，這個不鏽鋼鍋又似乎太細個了。牛雞（$36）其實是車仔餸，包括了蘿蔔、豬大腸、牛筋、牛肚及牛膀。牛膀（牛胰臟）黑黯黯，外貌唔討好，一向唔鍾意食（其實係夠夠膽食，覺得唔好味、好難食）。蘿蔔腍身，但炇煮的滷水汁味道太濃，完全掩蓋了蘿蔔本身的清甜。豬大腸太腍，接近脢軟，缺少了應有的咀嚼口感。牛肚同樣過度軟腍，缺乏彈性及咀嚼口感。牛筋稍為好一點，由於本身需要長時間炆煮，即使過了火喉，也只會更腍滑，但礙於食材質素，膠質黏口度只是一般。整體來說，幾款車仔餸可能全部加入了食物添加劑，以求更加軟腍，

本來就很愛木桶豆腐花，經過時看見大大個木桶，忍不住吃了一碗雖然天氣冷，我還是點了冷的$13一碗，價錢算中規中矩老闆娘奉上時見我在搓手，因剛吹完海風真的有點冷，問我「天冷為何不吃熱的？」我說我比較喜歡冷豆腐花，她放下時再次問我，「真的不要轉熱的？搓手應該有點冷吧？」但我笑著說還是喜歡冷的，她就笑著放下，再叫我自己用桌上的黃糖和糖水。說實話，天冷我仍吃冷甜品不是頭一回，卻是第一次有店家注意到我身體可能有點冷，主動問我要不要改為熱的，感覺很細心豆腐花其實與一般豆品店的木桶豆腐花味道相若，有濃濃的豆香，而且還是裝得滿滿的店旁可能有麻雀的家，吃著吃著會不停有麻雀在身邊飛過，有些更大膽擦過我的臉和頭而過如不介意親近大自然，是十分溫馨的小店如害怕雀鳥，可能要考慮外賣🙈店內還售賣車仔麵、小食、糕點，因為已吃飽了所以沒試暫時在長洲只見過這家有木桶豆腐花，吃味道和風味都值得推薦