新羅寶韓國餐廳

營業中

休息中

次次係尖沙咀美麗華行街見到呢間新羅寶餐廳都想試今日終於嚟咗😚😚餐廳好多員工都係韓國人一嚟就上咗5小碟 味道都唔錯💗感覺好正宗🤣好似去咗韓國咁我哋嗌咗辣汁五花肉拌大蔥絲🍖上桌之後會擺係爐度加熱，豬肉炒得好入味，酸辣酸辣，再配上大量既蔥同蒜粒，好好食！大推🥳然後叫左個辣蕎麥冷麵🍝，啲麵唔會太軟食落有嚼勁，冰冰涼涼既感覺好清新，配埋辣醬提升返啲味道😚重有節瓜韮菜餅🙋🏻‍♀️好少見加入節瓜，就試一試佢想講好彩有試!!!煎到金黃香脆充滿香濃既韮菜同節瓜嘅口感，外脆內軟，好食！

新羅寶係我由細就食到大嘅傳統韓國餐廳，佢哋嘅服務員都係韓國人，味道正宗不取巧，環境寬敞，唔怪得咁多年來都依然座無虛席！食韓國菜唔少得嘅當然係佢哋五花八門嘅前菜，有兩種唔同嘅泡菜，豆芽，菠菜，魚餅，醃蘿蔔等等。值得一提嘅係餐廳中庭位置，會有免費嘅食物可以供客人領取，有時候係沙律，有時候就係自家醃製嘅不同蔬菜！✨炆宮廷牛排骨（可選擇辣味）👍🏻👍🏻👍🏻曾奪得2009年「食神爭霸戰」的金獎菜式！牛排骨肥瘦分明，炆得非常軟腍，加入白蘿蔔，紅蘿蔔，年糕，紅棗等多種材料，湯汁香甜濃郁，配上附送嘅白飯，非常好味！✨烤豬肉（可選擇辣味）有兩大片嘅豬肉，份量都足夠兩個人食，肉質腍滑，用充滿蒜味嘅醬料醃製，食得出韓式嘅香甜味道，配上香菇同埋洋蔥，係席前燒烤，香氣撲鼻！✨韓式水冷麵幼細嘅蕎麥麵條，配上清涼嘅湯底，酸酸甜甜，喺炎炎夏日消暑嘅好選擇，另外配料仲有蛋，青瓜，水梨同埋醃蘿蔔，好開胃！

想食傳統韓國料理？ 朋友上網搵到一間正宗的韓國料理，地點在尖沙咀的「新羅寶韓國餐廳」。 餐廳以木系為主，環境闊落，坐位寛敞、舒適。 食物選擇種類亦不少，包括：烤肉、熱煲鍋、湯、麵、飯…等等。下單後還會奉上幾款前菜，每款前菜均各有特色。😋是日選擇：1️⃣人參雞湯 🍽雞肉鮮嫩，份量很足。湯的味道鮮中帶甘，陣陣人蔘味，味道清怡。2️⃣海鮮刀削麵🍽海鮮新鮮，刀削麵煙韌、有彈性，湯汁鮮美。3️⃣節瓜韭菜餅🍽金黃色澤，煎得恰到好處，內餡軟嫩，節瓜及韭菜的清香味道，不會過於油膩。

Haemool jeongol $360 一道非常豐富的海鮮鍋，各種新鮮的海鮮在燉煮過程中釋放出濃郁的香氣，味道鮮美，每口都能夠品嚐到蝦、鮑魚等海鮮的鮮甜味道，帶子一大顆，十分飽滿厚肉,另外鮑魚也有好多個,八爪魚一整個店員會幫忙剪開 本身只有一整鍋海鮮所以另外點一個辛辣面(+$20)，可能跟湯鍋點沒有附上調味包，下鍋後味道會比較清淡一點 Lemon Soda $35 這杯帶有檸檬清新的感覺，口感爽快，微微的酸甜味道，是解膩的好選擇 

呢間開左超過十年嘅韓國餐廳，曾經連續拎左8年米芝蓮星級，想食到正宗韓國口味嘅一定要黎試吓啊！呢度除咗可以韓燒，都有好多韓國菜式可以揀，我今次就揀左點韓菜。韓式豆醬湯飯係好香濃嘅傳統韓國大醬湯，配料份量足，個豆醬仲要係餐廳自家獨創，不錯的！傳統雜錦石鍋飯賣相吸引 好靚嘅窩蛋再配上韓式辣醬撈起 帶有石頭鍋飯必須要有嘅飯焦食 好味！好正宗嘅味道！豆腐海鮮湯飯招牌菜式啊！豆腐真係好似豆腐花咁滑嫩！仲有好足料嘅蜆肉 好鮮嘅豆腐湯！海鮮煎餅呢個係必食！份量大 煎餅煎得焦黃香脆 凍左食都係脆口的口感很棒！內餡魷魚好多好香 鮮味十足嘅煎餅！

第一次食呢間老字號韓國菜，尖沙咀同銅鑼灣都有分店，今次去咗尖沙咀店，位於美麗華4樓，位置方便～ 食物價錢稍貴，但質素真係幾好，服務態度都幾唔錯！個煎餅一試難忘，係我喺香港食過最好食嘅煎餅，十分推薦！🔸海鮮蔥煎餅 $180好大個，原個鐵板上好熱辣辣！一個切開6件，每件成塊pizza咁大，超級正！呢個煎餅同平時食開嘅有少少唔同，面頭都係粉漿，唔會直接見到材料～ 估唔到咁樣整仲好食，個煎餅超級外脆內軟，香口又唔會太油膩，點少少煎餅汁一齊食更加惹味！海鮮同蔥份量都唔少，啖啖都食到！而且個煎餅keep住都係熱，半個鐘後食中間都仲會出煙，仲係咁香脆，非常好食😋店員話好多人叫呢個招牌菜，下次嚟食都必定會點呢個煎餅😆🔸韓式蒸蛋 $68香港比較少食到，見到有就想叫～ 去韓國食韓燒必定會叫蒸蛋，用石鍋蒸感覺特別好食😂 蒸蛋調味適中，熱辣辣幾好食～🔸薯仔豬排骨湯鍋(S) $130叫咗細份，比韓國食嘅貴好多，不過都好足料，勁多薯仔同豬骨！同埋都幾還原到喺韓國食到嘅味道，薯仔超級腍，吸晒湯汁味，豬骨嘅肉都唔少，有4大舊，太飽關係唔係好食到晒～🔸炆牛排骨湯麵 $88呢個麵相對清淡，湯頭好清但夠味，幾好飲～ 牛排骨

前排喺尖沙咀行街，去咗美麗華嗰度食晚飯，小編同朋友叫咗個二人bbq 餐share，當然仲有餐前泡菜啦，相當豐富，當中包括咗：牛排骨肉/烤五花肉/烤雞肉三種肉類，牛排骨肉：牛排骨肉肉質鮮嫩多汁，每一啖咬下去都能感受到肉的豐富口感和濃郁的牛肉風味烤五花肉：肉質變得酥軟多汁，外層烤至金黃酥脆。每一塊五花肉都融化在口中，韓式辣醬加咗上去之後，更加提升整道菜的風味烤雞肉：外層烤至金黃色，每一口咬下去，都能感受到肉的鮮美和口感的豐富南瓜粥：質感非常綿密，有淡淡的南瓜香，so yummy 😋 炒雜菜粉絲：韓式粉絲雜菜粉絲又好味又健康，好有韓國嘅風味豆醬雜錦煲：多種蔬菜粒同滑嫩豆腐，再配上韓式辣醬嘅獨特風味，呈現出濃郁的口感和豐富的層次。每一口湯讓人回味無窮。石鍋雜錦飯：韓式嘅石頭鍋飯再配上韓式嘅辣椒醬，用石頭鍋上，仲可以令到飯有飯焦香，再加埋韓式辣椒醬，同牛柳絲，好似返咗去韓國咁😛

一入美麗華商場就見到有可以直到食四方，方便到不得了。地方枱面非常寬敞，一睇餐牌心思思選擇困難症究竟揀燒烤定係精選菜式好呢，黎到咁多年老字號就試各式各樣喇。5小碟前菜當中，我都係一如以往最愛芽菜，我鐘意韓式調味好香。醬炒八爪魚(3 條辣椒仔)炒年糕(2條辣椒仔)2隻辣味各有不同，1隻會比較刺激啲又濃味啲，好滿足到我地掛念辣嘅口癮。紫菜包飯，冷麵都係飽肚系列，冷麵係好有驚喜， 賣關子碗麵有雪梨片呀，推介！ 食到最尾仲決定入會做埋會員，之後帶朋友嚟食都有折扣

跟好友共聚，相約在尖沙咀美麗華商場，4樓的新羅寶韓國料理，這是一間正宗的韓國餐廳，裝修都是傳統韓國風，環境闊落枱跟枱的間隔十足。食物選擇十分之豐富，當下單後店員便會送上前菜，包括有2款不同辣度的泡菜，西蘭花🥦、菠菜、芽菜同青瓜🥒，另外有個試食區可自行取泡菜味蘿蔔，款款都有水準。節瓜韮菜餅，韮菜本身都好香，加入節瓜麵粉一併煎，口感煙靭彈牙十分好！蒸雞蛋，蒸蛋脹卜卜，口感柔嫩軟綿綿，用上石鍋更令保持熱度，唔怕佢凍左，可慢慢享用。牛排骨湯麵，牛排骨堅得，好腍又入味，帶上少少肥肉好好食，麵條清爽滑口，湯清淡得黎都唔錯。石鍋雜錦拌飯，拌飯色彩繽紛配料豐富，有牛肉、雞蛋、紫菜、紅蘿蔔絲、菠菜同芽菜，加上辣醬更加惹味可口，食到最後仲有脆口飯焦添架。

再次造訪尖沙咀韓國料理🇰🇷新羅寶，點了一系列美味的韓式料理，包括生牛肉🐮、牛肋骨肉🐮、薄切牛肉🐮、牛舌🐮、蝦🦐和蔬菜🥗，還有多款精緻的韓式小食！韓式生牛肉🐮：最緊要新鮮，生牛肉鮮嫩，配以特製的醬料及水果，散發著濃郁的牛肉風味🌟🌟🌟牛肋骨肉🐮：肉質鮮嫩，口感豐富🌟薄切牛肉🐮：輕量醃製，牛肉入口即化，肉質鮮美🌟🌟牛舌🐮：口感柔軟🌟🌟各款肉類配合新鮮蔬菜（特別推介：紫蘇葉🐨）🥗及白飯🍚帶來了豐富的層次感👍🏻一如以往，遮遮的服務態度帶着原始人的粗獷‼️，本地員工服務值得嘉許👍🏻🌟食評指數：8/10💁🏻‍♀️人均消費～HKD300🗺️ 地址：尖沙咀美麗華商場4樓👀想睇更多餐廳分享，請like & follow @_jolly.foodie_ 🤍#tstfood #tstjollyfoodie #JKHK

星期六去咗食午市。見佢餐牌話自己係米之蓮推介，諗住唔會太差啦，點知出晒事…一行入去個地板黐立立已經心知不妙…我哋兩個人，一個叫咗個醬燒豚肉，另一個就叫牛肉湯飯。前菜已經好麻麻，菠菜豆芽都冇味，泡菜得個辣字，唯一係個魚皮好食啲。醬燒豚肉：個豚肉勁簿勁乾，好似食紙咁，仲要有陣雪藏味，啲泡菜醬咁濃味都蓋唔住，好唔新鮮，食咗一半已經食唔落…牛肉湯飯：牛肉湯勁淡，啲牛肉好似湯渣咁，乾爭爭，碎切切，入面有啲湯麵爛晒一pat pat咁…唔會再幫襯

朋友介紹我食係香港既正宗韓國菜好高質既一餐環境同服務都好滿意，適合一家大細或朋友聚會店員好有禮貌每次回應都好快，環境好舒服又有泡菜任食我地叫既每一樣食物都好高質好好食，份量都好足料，仲有幾款韓式前菜，款款都好食，最鐘意一款豆角同肉的小食，前菜有辣有唔辣炒雜菜粉絲推薦的一道菜，我自己好鐘意，韓式粉絲本身好食，口感唔幼身又煙靭彈牙，同平時食開既粉絲大有不同，口感十分好節瓜韭菜餅香香脆脆好有嚼勁，韭菜好香口，煎得有水準韓式煎餃子好脆，餡料都多，唔辣的可點醬汁食石鍋雜錦飯趁熱撈勻所有材料，有海鮮同牛肉，蛋味濃郁紫菜包飯飯中有肉，有醬汁點更好食，適合小朋友食，賣相好看係美麗華商場環境好又方便，黎到尖沙咀唔好錯過既一間正宗韓國菜

Yachae salad 雜菜沙律🥗 $88呢一款清新嘅雜菜沙律係素食者都啱食，醬汁方面用咗相當特別嘅粟米汁，裏面有清甜嘅羅馬生菜🥬、脹卜卜嘅蕃茄仔🍅、紫椰菜絲、橙🍊等，超級健康，而且夠晒大兜，份量好多Noon nengmyun 水冷麵🍜 $105大大碗嘅水冷麵性價比好高，冷麵嘅口感超級彈牙，湯底但有微微酸甜食落去開胃，配料就有醃得好入味嘅青瓜🥒、韓國蘿蔔🥕同埋fresh 嘅雪梨片，成碗麵食落去冰涼，真係好適合依家嘅天氣！Ginseng chicken soup 人蔘雞湯 🥣🐔$220矜貴又滋潤嘅人蔘雞湯絕對係食韓國菜必叫食物嚟，裏面用咗一整隻嘅雞🐓，十分足料，仲有手掌咁大條嘅人蔘、大量蔥花🌿、少少米熬製而成，味道清甜同natural，雞肉仲可以點岩鹽一齊食，食完相當飽肚餐廳係米芝蓮餐廳✨，好受歡迎又係正宗韓國菜，座位寬敞，絕對適合一家人或者朋友聚餐嚟食啊👍🏻

Mira Mall 4樓食四方樓層有好多間食肆，搵咗呢間新羅寶韓國餐廳，係食正宗韓國菜，餐廳環境闊落，好多大枱，適合一家大細同家庭聚餐！餐牌選擇好多，唔想諗食咩可以叫套餐，二至四人餐都有。點完餐隨即送上多款經典韓式前菜🔥BBQ烤肉套餐共三款烤肉：牛排骨肉、烤五花肉、烤雞肉，牛肉色澤好靚，五花肉夠厚切，燒完用生菜包住，再點埋韓式辣醬食南瓜粥口感軟綿綿又甜甜地！豆醬雜錦煲熱辣辣，有金菇、雜菜、豆腐等配料！炒雜菜粉絲正常發揮，好惹味！石鍋雜錦飯夠熱，配料有好多，加入韓式辣醬拌勻食，食到底部有飯焦添，整體嚟講二人餐都好豐富，兩個人食絕對夠飽

▫️雜錦海鮮鍋海鮮鍋有鮑魚，青口，帶子，原隻八爪魚，金菇，蔬菜等，泡菜湯底少辣，配白飯／麵食會更惹味🐙▫️辣汁五花腩拌大蔥絲五花腩片同大蔥絲炒過後好濃味香口，腩片炒到邊邊微焦，蒜香同蔥味濃，雖然睇落紅卜卜但係調味不算辣，好邪惡😈▫️泡菜煎餅煎餅大大份，上台時仲熱辣辣，煎餅有一定厚度，煎到外脆內軟，沾啲秘製醬油食更香口🤩▫️白灼豬肉辣菜包白灼豬肉配埋幾款新鮮菜蔬, 配菜有韓式辣醬, 醃蘿蔔同香蔥絲可以包裹食用。豬肉灼得好軟腍, 一啲都唔嚡口，豬皮仲要有膠質，連埋蔬菜同啲配料一齊食好有咬口🐷